<   2008年 02月 ( 4 )   > この月の画像一覧

無限最開心的人技能—massage
就快畢業嘞!真係開心呀!第一階段已經完成,而家仲係第二階段邁向!好好好好!進度良好!

最開心的萬能俠!哈哈哈!!!有冇人知道衣隻癲雞講緊乜?

如果你唔覺得有幾好笑有幾好玩,咁你就真係幾悶?或者你覺得你玩個D好笑D,但我仲未覺得,咁算啦!由佢啦!

近排D野真係吹得好熱!老豆,點解你要覺得我同個D人放埋同一個LEVEL呢?其實我好乖嫁!唔煙唔酒唔宵夜,係有時玩大左,唔係咁鐘意返屋企啫…

情人節都玩得幾開心!我都係講左一句”好朱潤”啫!你兩條友就咁開心…如果個個都好似你地咁簡單就好嘞!

老豆,邊個高大衰呀?係條街行埋一齊就叫做拍拖?咁行埋一齊過馬路個d又叫咩呀?大佬,我路過咋喎!唔關我事嫁!咁你同娟姨叫咩呀?咁我同格離屋個叔叔一齊搭LIFT咪一齊出街?!唔好意思!我地有代溝!

長此落去,都會對小朋友個發展有負面影響!但係訓得太好又會成日on鳩鳩個喎!咁點搞呢?我都不知道!但毎日開眼個種冇訓過個種感覺真係幾艱難!算啦!遲d先搞!其實個個人都有精神病嫁!

何飛,唔好比人知道哂你個底牌!
[PR]
by scoobfaye | 2008-02-17 15:32

20080214, happy valentine

好!先尼一則廣告客戶既說話先~

係月黑風高殺蟲夜,黑旋風為民除害,唔洗用劍既!
用愛膚堅啦!愛膚堅皮膚噴射劑對香港腳確有功效!

好!賣得好!實在太好嘞!咁大家記住用愛膚堅殺蟲,用黑旋風噴香港腳嘞!誠意推介!


今日係情人節,真係勁忙嘞!但係我又覺得今日好鳩流咁過個喎!都幾開心!GIGI係咁問我係咪唔開心,哎吔!你咁會搞到我唔敢笑個喎!我笑親都話我係唔開心!咁我咪成日都唔開心?!咪咁啦!我笑其實係一件好事尼個喎!呵呵呵!!
今日都係忙返學,忙玩同埋忙綠潮個BOOTH啦!真係...都幾搞笑!都話左KEEP住唔夠訓就啱嫁嘞!咁就會可以將何飛內在既潛能爆發埋出尼嫁嘞!GOOD!
真係唔好意思…遲到…玩到創左嘞!哎吔…玩左先啦!

但係個反應都幾好...個個係尾聲都好想走咁...咁又都有好多人尼,咁D禮物都好快送哂!VERY GOOD!呵呵呵!

完左嘞,個感覺就好似上年既OPEN DAY咁...真係,幾好!去左君日食野,食完野去左傾下計咁…OK喎!我好鐘意咁呀!好好好好好好好好…

訓左陣,再玩過!晨早起床…………………….

又有好多野嘞!真係大很把野做呀!GOOD!GOOD!GOOD!
[PR]
by scoobfaye | 2008-02-15 03:26

20080209, 遺返

今日返左尼嘞!真係好!第一次係大陸返尼個陣個開心會開心到咁開心呀!足足做左4日乖女,乖孫,乖野…..

真係高興…哈哈哈…我係咪真係係D咁既人呢?其實…我都仲係一張白紙尼既~

玩完嘞…開始要回到忙碌既時段嘞!努力加油呀何飛….你要靠自己嘞!舖頭衣幾日放假,冷清…咁我聽日會做D乜呢?唉!麻煩…

D人啦,我又廢事破壞人地好事…咁始終要發生既,都要發生,我都唔可以做D乜...咁唔通見到朋友好,我又走去...唉,都唔係衣個問題既~只係我唔鐘意咁啫…算啦!我都真係唔好做咁多野嘞!算啦算啦!由他去~

其實CJ7都唔係爛成咁啫...點解家姐要講到人地咁啫?人地真係咁鳩咩?咁就算係入戲院睇,當睇下史提分周都好呀!咪就係好似I am ledgend 咁之嗎!家姐,你有成見!超!唔理你!
[PR]
by scoobfaye | 2008-02-10 01:07

20080205, 弊家火,玩大左

唉!好很攰呀!

好耐又冇同你傾計嘞!真係好耐…你近來都好嗎?

我近排都真係大檬樂嘞!算啦….要再作出配合…點搞呢?我都唔知!由得我啦!咁人一世物一世,乜都要試下先死得抵家嗎!年輕人,玩就要盡興!

有D野….唔諗又唔得,但係諗左又會諗多左….有時有D野,諗左好過冇諗…做足D好~呵呵呵…講咩呀你?

第二個SEM都開始左嘞!難度就好似由中一升到中五一樣!越尼越難呀!我一定會努力搞掂佢嫁!雖然我都唔會考得有幾好…但係我真係一定會努力嫁!努力玩,努力讀書,同埋努力笑!哈哈哈哈!!!!當然唔小得既就係努力訓啦!

又一年過去嘞!我年紀都越尼越大,都仍然收到有人話我幼稚,咁即係好定唔好?我覺得係天大既好事!因為我都仲未變假…

今個sem真係好難做嘞!綠潮同埋社團真係多左好多野做,但係讀書個度當然一定唔可以放低一毫子!今年個final year project真係好高難度呀!miss都講到明會隆重其事,而個主題都真係幾難做咁…因為都真係對外既野,有時有d野..衰左都係自已知!但係今次如果衰左咁就真係勁樣衰!唔止係衰自己,仲係衰埋學校!唔可以!一定唔可以比佢衰嫁!今次都係一個practice既好機會!唔可以衰比仲對我有信心既人嫁!我要努力!!!!你會支持我個可?

呵!唔理咁多啦….做落就掂嫁嘞!諗咁多都冇用!係咪先!

新年嘞!恭喜發財~新一年,新人類,哈哈哈哈!!!!(講乜呀你?)
[PR]
by scoobfaye | 2008-02-06 03:54