unlogical


by scoobfaye

<   2007年 10月 ( 4 )   > この月の画像一覧

今日明明都只係返一堂…我都係遲到…我都唔想咁嫁!因為我又賴床…

跟住又要上一上家姐屋企…個度又食左我一部分間,結果就遲左接近半個鐘…真係對唔住!!以後都唔會嫁嘞!

今日返到學校…THE晒皮咁…我都唔知點解!總之就乜都唔上心,又冇晒氣咁…就好似死左咁!

又一次開會…我又係死左一樣!次次開親會我都發緊夢咁…失憶症越尼越惡化嘞!晚晚又好早就好眼訓, 訓完覺就好似冇訓過咁…真係,我都唔知發生咩事!

勁食野囉!餓又食,唔餓又係食!食都唔係一個問題呀!食到肥晒就係一大個問題丫嗎!上年都唔係咁嫁!唔餓又唔食,餓都可以唔食…咩料呀?

今日同媽咪食飯…只怪我口快快,話請佢食飯…今個月就真係over over over pay嘞!

媽咪…其實家姐鍚我,我係知既!你唔好講到我好似個D邊青咁,成日做埋D唔經大腦既野,要人擔心好唔好?
[PR]
by scoobfaye | 2007-10-25 00:55
今日又係返學,我仲未清埋好人個條COPY數呀!最怕欠人錢嫁嘞!又要揾佢唔到個喎!都唔知佢係咪同肥強私奔嫁!真係衰格!就算係都要錢先生活得到家嗎!

返到學校….又係癲瘋既一日嘞!真係痴綫既一日!LILY真係食屎嫁!我都唔知點好嘞!佢一路側身我經巳好鬼憎佢嘞!係個一刻我先知道咩叫樣子既問題!跟住佢隻手放係我張枱上面個一刻,我簡直係憎佢憎到要殺左佢嘞!好彩我既EQ係好高!我自己都挑戰緊我既耐性,睇下我幾時先切左佢隻手出尼!我真係好唔鐘意佢咁做呀!我覺得我既私人空間比人非法咁佔據左囉!真係PK仔呀!仲要又再想同我地一組做功課?!想錯你個心嘞!

再唔係同GIGI佢講起…都唔知原來佢地對衣位同學都有同感!哈哈哈!!但係就係得IRIS先講得出D咁直接既野!勁呀!我咁唔經大腦既人都講唔出呀!佢真係好煩呀!有咩辦法先可以搞掂衣位同學仔嫁!真係好憎佢呀!

今日上左一個WORKSHOP,ERMAN真係唔小野!越尼越鐘意佢呀!毎次一上佢既WORKSHOP都會收到好多野咁…我發現我好似打極都唔開咁既?沈就真係勁嘞!我真係領教到咩叫眼淺嘞!

其實我真係分得好清外面同裡面既面具嫁!我都講緊我自己個外面同裡面嫁….我唔知點解要咁畫…
[PR]
by scoobfaye | 2007-10-24 01:51
開左學都一段時間嘞!而家好似乜都跟唔係好得上咁…

我都唔知點算好嘞!而家上完ACC.個感覺就好似以前上完AMATH咁…真係好無奈又無助嘞!D人仲成日都以為我好勁個下仲勁!哎呀!咪玩我啦!我都係得個樣嫁咋!真係咁呃得人嫁咩?我個樣一睇就知道係玩野嫁啦!雖然我係玩!但係我都係做野既人尼嫁!

乜我個樣真係咁唔企實咩?點解一次又一次咁感受到同見到人地對我既唔放心呢?可能我係真係成日都冇乜正經咁…但係我做起野上尼,雖則唔係好精美!但係都可以見得下人嫁!有時要求唔好咁高,我既作品都係好好的…
當我感受到你地唔放心交比我做既時候…我真係覺得好唔舒服!

近排興起一陣影印熱潮,而我!唔知係因為人太好丫…定係我蠢呢?但係好彩我又遇到好人喎!三和哥哥真係勁好!首先咁冒險既野佢又肯做喎!咁眼訓都做得切交貨喎!仲要幫我送埋貨喎!佢本身都話中間兩日都唔得閒,但係都可以係唔得閒第二日交廿幾個貨喎!仲要都遇左我會再尼影,仲要SCAN晒係電腦先等我再尼咁…跟住唔覺意又白痴仔影多左一本,驚我呃佢SELL左出去但係又未,就叫我收左個個人錢先再比返錢佢!佢真係勁勁勁勁好人呀!你咁好人…我會鐘意左你嫁!唔好咁好人啦!同埋唔好同我鬥好人呀!我先至係最好嫁!

真係好呀!何飛又遇上好人嘞!真係好…身邊個個都咁好…
[PR]
by scoobfaye | 2007-10-18 02:06
真係好開心呀!真係….何飛實在係太兒戲嘞!都只不過係一個電話之嗎….

今日係我份placement report既死綫日,琴晚一心諗住通一晚頂,做好佢!點知!前晚做左3倍女朗,呵呵!勁唔夠訓,結果乜都做唔到就去左還訓覺債,真係….(係咪講到我唔知做左D咩咁呢…..冇乜既~都係陪食野, 陪笑,同埋陪訓覺嫁姐….哈哈哈!)

有見及此….我就諗住係今日既個個悠長既BREAK搞掂份野!其實真係幾….mission impossible嫁!雖然都係一件冇乜可能既事,但係唔可以就咁就判佢死刑家嗎!所以都係默默耕耘呀….一路做都做到就尼死嘞!勁爆呀個腦…

點知最令我開心既就來到嘞!我個電話突然間響喎!又係一個我都唔知係咩既NO.喎!諗都唔諗就聽左嘞,因為個電話響到好心煩,一聽---

我:喂?
佢:係咪何小姐呀?
我:係
佢:我係nicky呀!
我:nicky?
Nic:係呀,我係nicky呀阿nic呀!
我:nicky?!邊位呀?
Nic:阿nic呀!剪頭髮個個呢….salon di beauty個個呀.
我:哦~(*3*即刻醒晒!*3*)咦?
Nic:冇呀,我唔做嘞!
我:下?!點解既?咁我咪以後都唔洗剪頭髮?!
Nic:係嫁嘞…(笑--)
(下刪一段好搞笑又好開心既對話)

好慘呀!佢話佢唔再係個度做嘞!(下?!咁我咪冇得剪頭髮….)我都唔知點算好嘞!佢話佢應該會係causeway bay做喎!叫我打比佢呀-好呀!我一定會!

真係好開心呀!估唔到佢走都仲打比我話我知…雖然我次次都只係揾佢凈剪頭髮….咁咪証明左佢都鐘意同我剪頭髮囉!呵呵!!真係開心到爆炸!!咁我就拎左佢電話嘞!真係勁開心呀!

佢咁樣…令我諗起以前.如果我個陣都有佢電話…又或者佢有我電話….咁而家我又會係點呢?

但係真係好開心呀!開心到我都做唔到功課嘞!個人high晒!wing wing地lu~哈哈!真係超開心呀!阿nic打比我呀!勁勁勁開心呀!!!
[PR]
by scoobfaye | 2007-10-06 00:33