<   2007年 07月 ( 9 )   > この月の画像一覧

今日放假!點解今日要放假呀?又放假?!我真係越尼越唔鐘意放假嫁嘞!

放假,唔係留係屋企就係外出消費,而家出面咁熱,仲點可以係條街上面行呀?係咪要我熱死左你先開心呀?但係留係屋企…我又唔想喎!

點算好呀?去邊好呢?
[PR]
by scoobfaye | 2007-07-31 12:05

7月29日, 好想走出街呀!

星期日,放假日!呵呵呵!

真係唔係好鐘意放假…唔知係因為我唔鐘意返屋企定係我鐘意返工呢?我諗答案都好明顯啦!我根本就唔鐘意返屋企嫁啦!以前都唔覺自己係咁既!係近排就越尼越覺!真係….

話咁快又過左一個月嘞!時間真係過得好快呀!我仲有一個月就實習完嘞!好似….都唔係學過D咩咁…我都唔知,其實有掛…..真係唔知!都唔知份REPORT點死出尼比佢呀!又話MISS阿SIR會尼睇我地…佢地 講 大 話 !

撞返舊朋友,好似好開心咁…但原來都唔係咁開心!佢成日串我既!徹底地危害我既自尊心!正一係死人頭呀!

而家諗返真係好搞笑!我唔覺意將個walky talky跌左落水….個一刻呢,真係好白痴!我同cherry好似兩隻睇緊魚既貓咁望住個池底….哈哈哈!!我差d就跳落去執嫁嘞!真係超搞笑!d細路即刻幫我地執返上尼,幾經辛苦當然救唔返啦!勁驚!同占士講.佢又乜事都冇咁喎!哈哈!!原來衣d事成日都發生個喎!呵呵呵!!我都冇咁驚!cherry真係好勁!跟住佢一定學到野!我唔知點講,總之就好啦!
[PR]
by scoobfaye | 2007-07-29 14:43

7月25日, 聽日放假呀!

有時候,做慣左既野,就會覺得佢係一個習慣,對於一個唔鐘意改變既我尼講,習慣就即係定律.
當定律改好或者改壞,原有既野就會取代…再要我習慣多一次,會吃力,如果係咁….不如唔好再增加改變好嗎?會好辛苦嫁!可能改左之後既野可能會比而家好,但係我寧願唔好再有改變!
就好似一棵住係温室既仙人掌咁,突然要佢返返去沙漠住…佢有好大機會都會死!掉返轉都係咁,既然係咁….咁不如由得佢一直住係温室又或者沙漠咪幾好!


越尼越唔鐘意康文署嘞!衣幾日我係票房裡面坐陣,D人又假!又衰!又惡!開始發現自己都幾似一個藝術家!哈哈哈!!
如果佢地講既野係真係既話…咁….多謝嘞!
[PR]
by scoobfaye | 2007-07-26 00:24
今日既活動有D奇怪….個活動都唔係D乜野騎尼野,但係同我一齊去既朋友就有D奇怪,因為我同佢唔係好好好FD個D,但係又識左好耐…即係,我都唔知點講!

今日都只不過係去書展,本身諗住自己一丁人去因為個個都去左嘞!自己去…都冇乜問題既~點知就係之前個晚同個近排撞到既朋友—立姐(TAMAMA二阿哥)講起,跟住佢就話同我去嘞!都好!有個伴都唔錯!一路上講下野咁咪唔洗聽咁多歌囉!呵呵!

本身諗住早D去,咁我咪可以買平飛囉!但係立姐話佢要返工,咁我就等埋佢啦!點知就買左25蚊飛…首先去左家姐屋企先,因為要幫家姐拎部腦去GRAND HYATT,所以先諗住去埋書展之嗎!點知我就因為部電視遲左到…唉!好彩都唔係遲左好多姐!呵呵呵!!算好嫁嘞!

立姐真係好呀!同我行左一段冤枉路,仲要幫我拎住部咁重既野周圍走….唔該晒~擺低左部腦就入場嘞!點解你可以咁快就買左飛既?真係好勁喎!仲要買埋我個張!咁就等我請返你食飯啦!

係書展我地都唔係睇左幾多野,我地係好有目標咁行既~一路上都係度傾計,佢一見到賣地圖既就即刻捉埋我入去…雖然我唔識睇地圖,但係佢另外賣既相集都幾得意~d相影得好靚呀!但係我又唔會想買左佢,唔係好識欣賞…真係唔咁同佢行一圈都唔知原來佢個人都幾大自然!不如你做漁農啦!香港既自然生態保育就靠你嘞!哈哈哈!

我就一心都只係為左harry potter而來既!點知揾極都揾唔到!真係唔開心呀!立姐又係咁話好肚餓,同埋我都行到好攰!所以我都係買唔到harry potter第6集….真唔開心呀!我一定要買到你!第7集都出埋嘞!第6集都冇…咁就冇前途嘞!為左我既前途着想…我一定要努力!!!!!!

立姐講左好多野,雖然我都唔係好諗得明…但係,我會努力嫁!當我諗到之後就話比你知啦!真係好呀!何飛就係需要你衣d咁既朋友嘞!

立姐係一個好白痴既人尼嫁!以前上tamama屋企都唔會發現衣樣野,只係覺得佢好大隻(…)好正經,都唔係好敢同佢講野!但係今日咁樣相處左幾個小時,我比佢話左我好多次低智商,我衣d叫童真,你係冇嫁嘞!老野!呵呵呵!

一齊搭船去尖咀,要搭車返kt先食野再走,真係好呀!你做埋d野就好似我同madam ho出街咁,但係你係唔會取代到我個madam ho嫁!因為佢太好嘞!我真係好鐘意我個madam ho嫁!其實有一野我真係好開心!多謝你!

不過講真,真係多謝你同我行左咁耐,仲要大家其實都幾3唔識7,但係又講左咁多野喎!多謝你聽我講咁多野呀!又真係好開心又再見返你呀!
[PR]
by scoobfaye | 2007-07-23 20:54

7月21日, 做左一日好人

今日都要落館做野,但係早早就約左橙橙橙去睇HARRY POTTER,佢又好似以前咁遲左起身,所以我都好任性咁睇遲一場,返工個度…又遲到嘞!(何飛,點解你會變成咁嫁?你變左嘞!)其實我都唔知解會咁,我係真係知道自己發生緊咩事嫁!我知道我會遲到,但我真係想睇呀!難得D飛又咁易買到好位…咁就一定要去啦!我都知道衰嫁嘞!都係以前中學既白痴朋友先做得出D咁既野!(其實都可能唔係,何飛跟本就係一個咁既人尼既!)

衣D咁既戲都係同D有興趣既人睇會好D!今次睇完之後好滿足同埋感覺分享會,咁樣場戲會完整d….睇完都真係好好開心呀!但係結尾個度真係好唔想佢死!真係好慘呀!衣個情節睇左3次,3次都睇到好悲….

今次聚一聚,先發現原來我地係識左咁耐嫁!真係唔講唔知,大家既感慨好似好有共鳴咁…朋友真係見小買小嘞!朋友~不要離我太遠….

睇完戲就即刻衝去何文田體育館,好彩都係個個師姐!如果唔係我都唔知點算好嘞!一定會比人媽叉死!又係一輪好悶死飛既工序…我真係勁眼訓!

話咁快就完結左我個幾個鐘既工作嘞!真係好呀!跟住我就即飛去銅鑼bay揾家姐食飯~佢今個星期同d同學仔都寫左紙唔出尼過夜,即日來回-

原來家姐同佢同學仔一齊…有d驚添!原來我唔講野個陣個樣都真係好乖嫁!哈哈哈!!佢朋友成日話我好靜!哈哈哈!!其實我唔係咁嫁!我記得阿沈有一次好由衷咁同我講過:你可唔可以收下聲呀!哈哈哈!!可想而知我真係好嘈!

同家姐同家姐朋友食完野,同佢地行完街,買完野,佢地又走嘞!真係開心呀!今日着左一身自己好鐘意既3出尼!家姐話好好睇呀!搞到我都好開心添!!呵呵呵…

佢地走左我都走返屋企嘞!其實仲未想返屋企,但係唔返屋企又唔知去邊…條街又咁多人…算啦!天天都要回家!

返到屋企…..算啦!唔想講!冇同人吵大獲,但係有D人痴左綫囉!
[PR]
by scoobfaye | 2007-07-22 10:52

7月18日, 好眼訓好眼訓!

我其實係有好多野講嫁!雖然實習都真係好悶…但係有小小野都想講一講,同埋就係我既生活啦!但係因為我毎一晚都好眼訓呀!就算打落尼都打唔到….所以今晚我就係想趁我仲未比周公征服之前打好佢!

上個星期6同阿LAAM賣旗,真係好呀!我覺得收獲都唔錯掛…就憑我之前賣旗經驗既記憶所得,今次既收獲都真係算係咁嫁嘞!中環人果然係中環人呀!係一個錢區!D人都有錢D嫁!真係好!又可以見到阿LAAM一次嘞!有時同朋友聚散之後,毎一次都會諗下次會係幾時,毎次離別前都話:下次CALL你!,下次再見!但係,下次係幾時?真係唔知!以前係學校日日都見就話姐,亦都唔會諗到衣樣野;而家人越大就會越驚嫁嘞!好驚會冇晒D朋友…真係要耐唔使都見一次呀!越冇見得耐就會習慣左唔見個總感覺,然後就會連約出尼既衝動都冇嘞!

而家實習係咪見多左野呢?都唔係既~係識多左人囉,硬係覺得同佢地講唔埋咁既!同埋佢地好靜呀!而家我笑都笑唔大聲嘞!D人都好似好假咁….雖然我都知佢地唔係既~但係就係有咁既感覺…同佢地共事左都一段日子,有時驚自己都變到好似佢地咁…正所謂近珠者赤丫嗎!識多左人朋友都多左,但係同佢地講野就唔係真係真係朋友個種感覺咁既~就算係而家IVE既朋友都係咁講!識尼識去,始終都係以前中學時代D朋友真心D,好feel D…何飛真係真心既好掛住你你你你你你你你仲有你呀!來給何飛一個大大大大擁抱好嗎?唔會阻你好多時間,莫非你認為衣D時間用尼花係我身上係唔值得?如果係既話….咁我地就緣盡嘞!(感情係雙向嫁!單方面既付出唔會有好結果…)而且人越大,就會越尼越忙嫁嘞!朋友同朋友之間又會因為怕對方忙又或者驚阻住佢而唔揾佢,就係咁….何飛就會冇晒朋友,咁何飛就都會死鬼左嫁嘞!

之前約左阿沈同埋苗橋偉睇HARRY POTTER,真係勁唔開心啦!我遲到,搞睇小左好多野嘞!超唔開心!好想再睇多次呀!有冇人同我睇呀!但係可唔可以等到下個月先呀?我想財政有返D預算…而且我都好想去書展呀!好想買一定買第6集!嘩!今個月一定要訓天橋底嘞!
[PR]
by scoobfaye | 2007-07-19 00:53
今日起得早過個鬧鐘,但係都遲左小小…因為要拎返個8個通比家姐,路程長左,今日真係好熱呀!!熱到就尼死嘞!但係我都真係好鐘意着黑色3呀!所以我冒住生命危險都係着左件黑色3出去…

今日返義工,希望佢快D補返假比我啦!咁我就可以返一次學校嘞!今日去左熱死人既佛光街運動場,都係一D好悶蛋既野,但係識多個師姐,又見到阿榮喎!佢都幾搞笑!其實跟水班既人真係幾好..其他人就….

搞掂左D野就出返MK,行左陣就出發去剪頭髮嘞!心情又好緊張又興奮嘞!一尼係因為可以剪頭髮,係一件令我好期待既事,二尼又可以見阿NIC嘞!真係好開心!我都好冇見過佢嘞!希望佢今日係度啦!

一去到,問佢阿NIC係唔係度,佢就話係NICI,下?!乜佢叫NICI咩?唔係掛…咁女仔既?!咁佢就叫我入去嘞!真係開心呀!佢係度呀!佢一見到我又望住我嘞!點解既?你係認得我所以先望丫?定係唔認得左我呀?

但係佢第一句就問我:你電直左個頭呀?( O! MY GOD!!)佢認得我呀!點解會認得既?我真係好開心呀!比人認得其實係一件好開心既事尼嫁!唔理佢係因為咩原因而認得你丫!人地認得自己即係自己係佢既心目中佔左一個位置嘞!所以我個一刻真係好開心呀!估唔到一個小小既我,都可以係佢心目中留到一個位..你咁搞到我越尼越鐘意你嘞!

但係講開又講,乜我D頭髮真係咁直咩?我都唔覺呀!但係真係好多人都咁問過我係咪電直過D頭髮,但係我真係乜都冇做過喎!真係直成咁咩?

我又係等多佢一陣,佢同我剪頭髮嘞………..真係好開心呀!個一刻,我真係覺得自己係全世界最幸褔既小朋友呀!好開心佢仲記得我同佢講過既野,好似同佢越尼越熟嘞,佢其實都係一個好搞笑既人尼既~哎呀!我真係好鐘意佢呀!

但係佢又唔想我剪短晒D頭髮呀!點解喎!點解女仔就唔可以好青咁既頭姐?佢個陣咁講,我真係有一股留小小頭髮既感覺嫁!但係如果真係留既話,咁我咪半年先見到佢一次?!唔好啦!都係剪短D好D!!

真係好鐘意佢呀!雖然佢個一下都唔係好突別既野…但係對於我尼講就好有FEEL嫁!最後我本身可以同佢同一部車走嫁!但係佢又行得好慢呀!真係衰呀!唉!咁我就同佢緣慳一面嘞!!!!!!哎呀!真係好唔開心呀!跟住我又做D左好低能既野,但係結果都係冇改變到….

但係咩都好啦!我其實真係好鐘意佢呀!
[PR]
by scoobfaye | 2007-07-09 01:40

7月4日, <夢在現實中>

那天,帶着不剩餘多少的精神回家去。給姐姐家增添多少貨糧便回家去了…

差不多到達家的時候,爸爸的一通電話,吩咐我到巿場買菜做晚飯。因為他那時才剛從球場離開,趕不來。那時我在想:為何要我買呀?買菜此等的事對於我來說比做飯更艱難千萬倍!現實是我還是要去買菜呢!還是想想買些甚麼吧!

人已經沒多少精神,被騙了也沒有多少大反應…還是趕快回家去燒飯吧!還不剩餘多小路程便回到家,爸爸又來電了!他想吩咐我多買一點菜回家,但我以天氣太熱為理由,拒絶了…他那時才說家裡有客人,晚飯份量預多些也不怕,但我真的不能再在街上走了!太熱了!而且我買的份量都不是太少…足夠的呀!那就行喇吧!早不說有客人,那我就會多買的呀!有客人…都不知道是甚麼的豬朋狗友!又帶朋友回家,你問我了沒呀!果然是有其父必有其子,都是喜歡帶陌生人回家去!我不想見人呀!那是我家,到家還要見陌生人…討厭!如果是娟姨就好了!我也很長時間沒給她電話,真的很掛念她呀!

當疲累的時候,無論距離多近都是很遠…哎呀!何時才到家裡呀!

終於都回到家喇!一開大門已經看見一雙鞋子放在這裡,是一雙女裝鞋,又一個新女朋友?!爸爸,不要吧!你已經讓三個女人很傷心了!不要再多加一個好嗎?那時,我在想,如果這雙鞋子是娟姨的就好了…

放下手上的東西,脫下我的鞋子,洗手間有客人在洗澡,如果裡面的是娟姨就太好喇!但是世事往往都不會如願的,快做飯吧!時間都不早啦!

在廚房忙着,忙着,那客人都快出來喇!如果出來的是娟姨就太好喇!天呀!可以給我一個娟姨在裡面可以嗎?哎呀!不要分心做飯了,飯已經不懂做,還想這麼多鬼想法幹嗎!

當我埋頭於這晚飯的時候,我的背後出現一把很粗糙的聲音,但這粗糙聲音又很熟悉,這把聲音說:嗨!阿飛…我頓時腦海一片空白,為何這客人會知道我的名字?還要是這個那麼親切的稱號呢!我立刻回頭看!一個很親切又夢魅以求的面孔出現在我的眼前,簡直不能相信我的眼睛呀!真的是她嗎?真的是以前好好的照顧着我,到她要離開我的時候還在擔心我那個娟姨嗎?真的嗎?

那時候,我才知道久別重的感覺是多麼的振憾!血液都走到眼睛和腦袋用來識別我面前的面孔,喉緊張的乾了,用盡身體的毎一分氣力,才擠出一個聲音說:娟…娟姨?呀!真是你嗎?好久沒見了!真的好久沒見了!我很掛念你呀!我真的很掛念你呀!不知道說了多少句很久沒見、很掛念你呀!我才把專注力放回做晚飯上。

這一晚,我真的非常開心呀!我跟娟姨和爸爸吃過晚飯,我們就像以前一起生活一樣,他們看電視,我在電腦前忙着,或者是我們一起看電視,就是這樣,到十時多,娟姨就離開了。

我感覺到爸爸捨不得娟姨的,我也是,但是作為朋友,我認為娟姨不要跟爸爸關係太密切比較好,保持着普通朋友的交往…始終有很多東西是很複雜的…

總而言之,我真係很高興可以再跟娟姨在我家吃便飯,雖然我不知道這關係會維持多久,或者這機會否再出現,但是可以有這機會真的很好呀!娟姨也沒怎麼改變,仍然都是那麼喜歡打理家務,幸好我阻止她,否則她就會幫我家大翻新呢!她的笑容還是那麼可愛,娟姨,我真的很掛念你呀!
[PR]
by scoobfaye | 2007-07-05 02:49

7月1日,在家閒置中

實習都已經過去左一個星期,太細節既野我都唔想講嘞!廢事悶親你地啦!因為真係好悶嫁!我都給悶死左!

同阿沈傾過下大家實習既野,真係好羨慕佢呀!令我一次又一次好懷疑自己…雖然,答案都好顯而易見,咁我就係唔認命家嗎!!!!點解姐?edmund….你咁樣…其實對於我尼講係唔開心嫁..算啦~既來之,則安之啦~我唔咁講都唔知點講好…

近日聽到阿laam好唔開心咁呀!我聽到都好為你唔開心,都好擔心你…但係我除左咁做都唔知點做好…好無助…你啦,或者我都好無助.

阿laam,如果我叫你唔好唔開心…係冇用嫁!我知你一定可以overcome左佢既!你以前都試過類似既情況啦!你而家咪又係坐左係度?!所以,你係得嫁!我明白屋企其實佔你好大部份,所以而家你衣個situation真係好辛苦,但係真係好抱歉我又乜都做唔到.我知道你得嫁!其實而家咁樣,就算係你都係乜都做唔到,但係就會好唔開心!所以,如果你想揾人講,我都會一直等你既來電嫁!你要記住:”飛飛熱綫任何一刻都等着你的來電呀!”
[PR]
by scoobfaye | 2007-07-02 14:30