<   2007年 06月 ( 12 )   > この月の画像一覧

琴日第一日實習,真係…..見到GLORIA有D火氣…都係因為我地真係做得唔好…算啦!佢有火好過冇!不過佢係真係好想教我地野既~

經過兩日來既觀察….裡面D人(係指我有接觸過既人)….OK啦!幾好既!Joseph 真係好搞笑!又好好人喎!真係好呀!阿權佢個樣越睇就越似小忍嘞!好搞笑!但係始終都係小忍好d!係裡面坐左兩日,我又開始熟左d…我既白痴野開始表露出尼嘞!哈哈哈哈!我開始係meeting room大笑嘞!當我笑完之後,我有d後悔………算啦!我忍唔到笑!對唔住!你比我笑出尼啦!唔係我就會痴左綫嫁嘞!

Gloria真係好認得我!我都唔知點解!佢一想叫人幫佢手,望住我地5條蛋散,諗一陣就叫我全名嘞!我衣兩日都係咁聽到自己個全名不斷咁係我耳邊好陌生咁出現!真真真真係好想死呀!真係唔鐘意d人咁叫我!一尼我唔鐘意衣個名,叫阿飛,何飛….咪幾好?又親切!又好聽!叫我全名好唔熟呀!咁樣我會變到好似一粒箭豬咁!各位叔伯兄弟,姨嬸姊妹…盡可能都叫我做阿飛,何飛,飛飛都可能會應一應你既~咁樣你叫得開心之餘,我都會好開心!

衣幾日真係好熱呀!我個日出街幫細佬買野,只不過係行之嗎!又唔係跑!熱死左飛嘞!真係好辛苦!簡直同要我死冇分別!個一刻,我明白到一隻雪橇犬係香港生活既慘況!!!各位愛狗之人,無論你有幾鐘意個隻狗都好,佢係生活於凍既地方就千奇唔好迫佢地係香港同你住!正所謂愛屋及烏,你一係就同佢一齊移民到凍既地方啦!咁先係真係愛鍚佢!當然拖佢出街個陣佢真係好靚仔,你又真係好型,但係個一刻佢會好慘!!!

真係好眼訓呀!都唔明點解可以咁眼訓!返工都係坐係度對數之嗎!都係坐係度用小小腦,揾個編號出尼,對下……..我都唔知點講我既DUTY….總之都唔明點解返到屋企都可以咁眼訓!又頭痛喎!點解要係咁熱既天氣咁辛苦既時候出智慧齒嫁!搞到我好頭痛,辛苦上再加辛苦呀!

嘩!真係唔打咁多,我好眼訓,好苦…
[PR]
by scoobfaye | 2007-06-27 00:47

6月22日, 5D食飯

今日好多節目呀!本身諗住返中學探下D老師既!但係呢,因為個太陽好曬呀!我唔敢出街,加上返到去又唔知會點喎!搞到我有D驚!希望有一天我都可以返一到去啦!

之後我就一定要出去嘞!因為應成左話去個個義工頒獎禮…真係好HEA…..我諗最好既野就係食下野咁啦,因為阿沈未食飯,所係度食左D野先走,再拎埋我D泥,我就要飛上車嘞!又遲到嘞!過份呀何飛….

今晚約左以前5D班D人食飯,真係緊張呀!真係唔知見到D人會點呢?哈哈!!好似去相親咁…真低能!

我既出場可話係全城哄動嘞!我都唔知點解會咁….我一入到去,好大呀!揾唔到我地張枱,望一望,發現!我行埋去嘞喎!跟住有一個講野好高分貝既同學就叫我嘞!然後….全世界望住我!就好似有個大大大大大大spotlight照住.................唔好咁啦~

唔知d位係咪經過特別既安排呢?我竟研要坐係阿sir既正對面!!!MY GOD!!!我一坐低,阿sir就好似當年既傳聞咁樣,好似爸爸咁問我:係咪讀得好辛苦呀?瘦左好多呀!佢個一刻真係好似爸爸!其實阿sir係教我個陣到而家都好鍚我!真係好呀!多謝晒!我一坐低,係格離既朋友就問我係咪有男朋友喎!下?!點解要咁問呢?點解我個樣咁就要覺得係呢?(咁睇尼我以前個形象實在係太深入民心!)冇呀!我咩都冇呀!我係一個自私的人,唔鐘意多個人太了解我,我鐘意朋友多d!我需要朋友多d…

全部同學都瘦晒呀!我諗個個都冇乜點變…好衰既都係咁衰,x既都係咁x,好好人既都係咁好人,就好似我咁…哈哈哈!!!(相信而家好多人都好想打我!)哈哈哈哈…

食過飯後,有人去唱k,有人去傾計,我都有d想去唱k,但係去既對象唔係度….係你呀!你呀!同埋你你你你呀!知唔道無姐?所以我就去左傾計團…

胡妮真係搞笑呀!以前我唔會接受到佢咁講野,但係而家我知道佢係諗野太快而講野咁直咁串,所以佢真係好搞笑!相信如果佢同阿jack串既話,都會幾好睇!我既女神呀!我終於都見到佢嘞!我真係好掛住佢呀!

我地坐埋一齊真係冇乜野好講咁…搞到我要係咁問人地屋企呀,甚至感情事都要問埋!唉!真係太無聊嘞!我既女神呀!聽講佢有好多緋聞呀!o~果然係我既女神呀!但係千奇唔好亂咁尼呀!因為天下既烏鴉一樣黑呀!但係我既女神呀!點解你要咁樣懷疑我呀?我既心裡面就只有你一個,我真係冇男朋友呢!

今晚真係幾開心!明年既衣幾日又尼過!唔知到時又會變成點嘞!應該約唔到咁多人嘞….真係好令我緊張呀!因為我既女神欽點左我做明年既搞手…..我要努力努力呀!
[PR]
by scoobfaye | 2007-06-24 14:29
今日返左學校開會,開課程會議,純粹都係表達一下自己…有D無聊…

我同阿沈就好幸運咁比阿SIR叫左返尼開衣個會,我地仲要好好咁做左好多準備咁喎!我地係咪太乖嘞?哈哈哈哈哈哈…..我地最乖既就係着晒成套校服返去呀!真係太太太太太過乖嘞…..

琴晚3點多先訓,7點多就起身,真係唔係好想起身返尼….約左咁早係因為約左阿沈食早餐,真係變態!為左個早餐而令自己訓小D…但係食早餐健康D喎!我幾健康?!呵呵呵呵!!

去到都幾驚!因為坐係個課室裡面,又有學生,又有老師,D老師又要識自己,對自己好壞印象都有!唉….我仲要一講D問題出尼,D老師就望住我解答返….好似好慘咁比佢地鬧緊咁…因為佢地講到自己好有苦衷,講個問題係出自我地身上….miss ng…我真係同你講丫!你上堂真係上得好差勁呀!你備足課既話,我會唔會唔聽你講書呀!係你用好多時間尼話我地咋!我上其他堂都唔會好似上你堂咁講野啦!又唔檢討下自己!超!仲要最慘既係,year 1既問題你叫個教year2既老師答我?!仲要話我冇上堂?!我既attendance冇100%都有95%呀!你唔好玩啦!搞到我間接比人鬧…你真係發緊夢嘞!
完左個會,阿sir好似好秘密咁同我地講:喂!我請你地食飯丫!(下?!唔洗呀嘛…..)唔係嫁!要嫁!去啦!我地去飲茶丫!就係咁….我地就同石sir同埋edmund仲有兩個師姐去左飲茶….哈哈!!衣個配撘….都幾得意個喎!其實石sir…我唔係好討好….但係咁唔通走咩….我唔討好佢既原因係因為佢成日話我好多野講,咀jel jel咁…我同你講咁多野係因為我當你係friend咋!個個都想我同佢講多兩都恨唔到呀!話我….

坐低左,係咪因為大家都係leisure人呢?好多野講!真係唔講都唔知原來fion同我同一年嫁!個一刻….我真係覺得…好憾嘆….點解都係同一年既人,一樣都係咁大!但係大家以智商差咁遠既?真係….何飛….我都唔知講咩好!fion個樣睇落真係好似大過我或者阿沈嫁!但係事實係….真估唔到!我終於都明白家姐所講既:佢一個同我一樣同年同月同日生既學生,可以同我有咁大分別….真係….有d自卑!點解會咁既呢?係因為我自己既問題丫?定係其他外在既原因?

同石老闆同埋edmund飲完餐茶…佢地真係好搞笑!edmund真係好好呀!走個陣見到落雨…等左一陣,見到唔會停咁…就自己衝返去先,叫我地係度等佢拎姐返尼比我地呀!佢真係好好呀!個一刻我好鐘意佢!!佢仲要話:唔好啦,佢地着得咁靚…成套suit咁樣…唔好淋雨呀!你地係度等我拎姐返尼啦!佢真係好好好呀!我個一刻真係好鐘意佢!但係佢毎一次見親我都要蹂躝我一輪先心息個喎!不過算啦!我都係一笑置之,我都知佢係知我玩得姐….咁我就比佢娛樂一下啦!雖然有時佢真係好衰!衰到就連阿沈都話佢好衰…(咁就即係佢真係好衰嫁嘞!)同埋佢真係好低能!!!笑鬼死我!我毎次見餐佢都笑得咁開心.…佢仲要話收我錢喎!咪玩啦!係我個人易笑咋!呵呵呵!!
[PR]
by scoobfaye | 2007-06-21 17:21
行完山,9半就去左家姐屋企飲湯,沖左個涼,毎一刻都想訓教!係家姐屋企訓左幾個鐘.跟住又返返自己屋企.再訓

飯都唔係好想食,又訓低左..但係一攤低左又訓唔着喎!轉轉下,又碌碌下,碌左成個鐘先訓得着!先訓着左又比家姐個電話嘈醒左!唉!再訓!訓到12點幾又比人嘈醒左!再訓!訓到5點幾又醒左,再訓,訓到9點幾就起身嘞!好唔鐘意訓下又醒下既感覺!真係好叉煩!點解唔比我一覺訓到我醒為止姐!

訓醒左先知道,有D大獲野…你做乜亂咁講野!搞到我都唔知點算好嘞!

係中午既時候…..老豆真係唔知做乜!肯定係個女人啦!唔知同佢講過D咩啦!搞到無端端媽我喎!我一路都唔理佢,由得佢發洩,但係講講下真係好唔對路!搞咩呀!我又會反骨既!你仲要舊事重提!我唔出聲唔等於傷口已經好返,就算係都唔等於你可以再割多佢一刀!

就係衣一刻,何飛要爆嘞!佢話:喂!你冇野呀嗎?我而家刮左你一巴咩?你痴綫呀?無端端鬧人反骨?!痴綫!

立時,一屋鴉雀無聲…..可能有D人個一刻先知道自己鬧緊人啦….真係火都尼埋呀!頂你個肺!為左我一句老實又無關痛痕既話媽我一大餐?!你食左屎呀?

唉!老豆又比人嗺眠嘞!何飛的黑暗時代回來了~
[PR]
by scoobfaye | 2007-06-21 01:00
衣兩日去左夜行呀!真係幾好玩!(*夜行即係行夜山,十分好玩!)

當日約左1715係西貢運動場集合,一路執野,好似都唔知執d乜好!估唔到我既家姐們會為我今次既活動緊張…點解要咁緊張呢?之前個d就唔洗緊張咩?家姐話佢朋友就係行夜山,行到砍爆頭….就因為家姐緊張為由,我就比左阿嘉同阿沈個電話佢,咁禮貌上都要同嘉講聲家嗎!以下就係我同阿嘉既對話:
阿嘉:喂?阿飛,你揾我?
我:係呀!
嘉:係,咩事?
我:我想講呢,我家姐因為安全為由呢,叫我比兩個電話佢喎!咁比左你個個佢呀,你會唔會嬲嫁?
嘉:哦~唔會~但係佢會唔會夜晚打尼叫我起身痾尿嫁?
我:er….我諗斷估都唔會掛…
嘉:咁佢會唔會突然間揾我談心嫁?
我:我諗如果佢唔開心可能會揾你開解嫁!
嘉:哈哈!!咁好啦!
{對話就係咁就結束左..}阿嘉真係好搞笑!我真係好鐘意佢!其實佢真係好白痴!

我地集合左之後….真係幾奇怪…好彩阿沈係度咋!如果唔係我都唔知點算好嘞!

齊人之後就玩左d熱身遊戲,一個我同阿沈都未搞掂既交叉手轉圈,同埋一個幾無聊既推人,跟住分左組,真係好好彩呀!我唔洗同個會搞到我好唔知點既人一組.個天都總算待我不薄…..哈哈哈!!跟住佢比我地毎人20蚊,買送煮飯,要煮4送一湯…哈哈…都幾高難度,但係好好玩!有一半係冇味,因為我地拎既鹽唔夠!但係都ok個喎!食得幾飽…但係煮耐左….阿衡真係好搞笑!係咁話我係郊外地方做埋d恐怖試驗…但係原來真係幾似!!!佢真係好搞笑!好鬼搞笑!笑鬼死我嘞!

煮好飯就開始行山嘞!阿邦真係好搞笑!我都唔係好大笑姐…個個都係咁笑嫁啦!又會話我既!

一路行既同時,阿衡同kammy既罵戰真係勁搞笑!為我地既一組人加添左好多樂趣…聽佢地講野就好似聽緊I LOVE U BOYZ咁….真係好好笑!笑到我冇力嘞!佢地係好好既康樂組長同副組長!真係笑到癲呀!阿衡一出聲真係….佢真好應該出一本<衡笑錄>!等我一想喊就拎尼睇,咁我就唔會再喊!咁就會好好嫁嘞!哈哈哈!

跟住行行下,路途好似好險惡咁呀!又勁滑又勁斜喎!我就咁企係度之嗎!都可以滑到坐左係度…而家諗返我行緊山個陣個樣,都幾恐怖咁…又唔講野喎!但係我真係好眼訓呀!唔多想講野,笑就好想嘞!同埋都驚驚地…

其實係夜山都幾好玩…都幾驚!如果係日頭既話,我係邊又知,格離係d咩我又知,但係夜晚呢,我又見唔到喎!好多野都要摸索同埋電筒先知,所以我真係覺得阿衡好勁呀!又行得好快喎!後面d人就成日都用walky talky:前面行慢D不過唔洗停.阿衡又係咁話佢行得好慢喎!佢真係好搞笑!最屎忽就係支電筒呀!佢係咁閃呀!有都用唔到….

不過真係要多謝一路上都照住我地女仔們既男孩子們啦!

但係有D人啦!係衣個時候又駁大霧啦!同埋我都只係失重心跌低左姐….唔洗緊張到我好似跌左落刀山咁…..你地咁搞到我好驚!多謝關心!真係多謝晒!
[PR]
by scoobfaye | 2007-06-20 18:44

6月17日, FAMILY DAY

今日係爸爸節,一早約左爸爸飲茶.對於我尼講,都幾緊張…因為真係唔知會發生D咩事!但係點知飲落都幾開心!冇咩火氣不突止,仲幾開心!係影相個陣…真係幾開心!真係估唔到…係臨別一刻,睇得出爸爸係唔捨得嫁!但係…見得太多就唔好啦!得閒出尼飲餐茶唔係幾好~成日都見會鬧交!今餐茶…都真係幾開心!學家姐咁講,如果我地早十幾年就係咁,你話幾好?衣餐茶就唔會等到而家!

海哥真係勁勁勁呀!佢真係百搭嫁!同邊個都講得埋個喎!阿公,我老豆,阿爺阿麻…同邊個都好好傾!個個都比佢征服左!大大姐….衣個老公嫁得過!哈哈哈…

飲完自己老豆個餐茶,就係人地老豆個餐嘞!即係我媽咪老豆個餐.揾唔到媽咪呀!真係唔知佢搞咩!見到阿公,有時我會諗…唔知到我7老8拾個陣係咪都會好似阿公咁呢?住係老人院裡面,日日既生活其實同坐監差唔多!唔似坐監就似D寵物咁?日日都係一個好悶既屋企又唔可以四圍走….會唔會有人尼探我呢?間老人院好唔好服務呢?D姑娘會唔會遭質我呢??我會唔會到老都好似以前咁笑到癲呢?D老人家好鐘意諗野個喎!咁我個陣諗D咩呢?定係我有一日會突間死鬼左,唔洗去到老衣個階段?咁既結局都幾好喎!哈哈…

阿公睇得出佢唔開心呀!其實我成日都覺得阿公唔識我,因為細個阿公照顧我既片段我又唔係好記得,大個左阿公又好似唔係好同我講野,我又唔知對佢講d咩好..但係我周不時都想去睇下佢,但係見到佢又唔知做咩好…最得意既一樣野就係原來阿公識我個喎!佢會叫我嫁!仲有一次佢請我食野!我先知原來佢識我!哈哈哈!!

飲完茶我就同家姐去左行街,講左好多野!家姐又買左好多野!真係唔講唔知原來家姐同細佬之間既恩怨早係10年前已經開始結下嘞!真係唔咁講起都唔知呀!超勁!再講起我細個個陣,真係好恐怖咁喎!其實我細個個陣係咪真係有d神經病??乜我真係咁嫁咩?但係我唯一一樣記得既就係佢地話打我個陣我唔走囉!又唔叫.我就係企係度唔出聲咁比佢打,只係喊,但我而家諗返比佢打個陣,其實我都唔係真心咁喊,我喊係因為我覺得如果我唔喊佢地就會繼續打我,咁我喊佢可能會早d收手..而唔係全因為痛,係覺痛嫁!但唔足以令到我要喊囉!

好似好恐怖咁喎可…
[PR]
by scoobfaye | 2007-06-20 16:15

6月15日,南丫島大半日遊

WOW~時間就係咁過左去嘞!岩岩發生既野好似都仲未過去咁…仲未返尼現實咁….OK喎!

上個星期6,同一眾綠色潮人既同學仔入左南丫島遊山玩水~都幾開心!

原來MISS結左婚嫁嘞!真係唔見到佢張相唔知!平時唔聲唔聲,一去到佢屋企先爆晒出尼!你都鬼馬嘞!佢地影左好多結婚相呀!仲突登返去佢地讀書既英國取景影呀!真係SWEET嫁姐~好幸福呀!再問返佢地既相識仲SWEET!原來佢地係中一就巳經相識,中五就開始拍拖…咁計發…佢地真係好耐嘞!其實我好想知道佢地點對住同一個人咁Q耐既?真係好恐怖…去行左個山,再行左陣….就走嘞!

一心諗住同家姐行陣先返屋企,點知個個都唔要我!實在係太過份嘞!
[PR]
by scoobfaye | 2007-06-20 12:36

6月15日,6月14做過D咩呀?

琴日真係好忙呀!哎呀呀…其實真係好忙咩?都唔係丫~係前日唔記得左我想出MK姐…搞到D野好趕咁做…真係煩叉煩呀!哈哈哈!!(好耐都冇咁講過)

琴日入左TKO,同吳欣欣講左陣,真係開心呀!終於都同佢講晒我想講既野,佢又同我講左佢想講既野,但係我覺得我好似係咁搶左佢尼講…都唔知佢講晒佢想講既野未呢?哈哈!!唯有等下一次機會出現啦!

講講下都夠晒鐘嘞!到我遲大大大到!哈哈!!

同橙橙橙又講左好多野,佢又講左好多野,真係….好開心呀!但係我地都覺得大家都變左…唔咁樣同你傾下計都唔會發覺自己變左…我知道嘞!我冇左以前個個跟本就冇既腦呀!你所謂既邪道…哈哈哈!!但係,係就係,唔係就唔係嫁嘞!

真係呢…人大左,就有腦諗野嫁嘞!有腦諗野就正經左,正經左就咁,咁就冇左本身就冇既腦…咁就唔好嫁嘞!!
[PR]
by scoobfaye | 2007-06-15 13:41
我又打日記嘞!事情發展到我考左第一日試,結果係前功盡廢囉!我知道我最後個日應該點做嘞!今次就當學多次一次野啦!

而家…..故事發展到我考完晒試,等緊placement,我係傳說中最沉悶既lcsd…真係god bless me啦!其實真係好驚!因為返工….

考完哂試嘞!唯一一科最有把握既都係得infra個科…我係講緊long quest.個part,我d mc啦,t/f啦…都可能拉低左…呵呵呵!!是但啦!總之都考完嘞!唔好再諗.已經檢討過就足夠!哈哈!

前日同阿嘉食左餐飯.係慶祝mc個度既成功…其實都唔係話有d咩好慶…其實一坐低個一刻…我覺得自己好似唔應該係度咁..因為我都唔係好main個個…但係都好開心呀!苗橋偉又好低能,阿嘉又好搞笑!真係笑到癲呀!多謝晒阿嘉餐飯~唔錯!!苗橋偉果然好介紹呀!仲有冇下一次嫁?哈哈!

食完飯去食糖水,苗橋偉又一好介紹!但係真係好甜!甜到就尼嘔嘞!勁飽!而且真係好開心!同阿嘉講左好多野,雖然講既野都好片面,但係一直都好想咁樣同佢傾計,好想比佢認識自己.我得左嘞!呵呵呵!!真係好開心呀!食完傾過,好似10半就走嘞!真係…唔係好捨得!如果可以…我想…但係何飛係唔可以咁任性嫁!
[PR]
by scoobfaye | 2007-06-15 12:58
都煮左好一段日子飯嘞!隻手手煮熟左嘞!食得,今晚加送!YO!紅燒,白桌,清蒸,吉烈何飛肥豬手!任君選擇~哈哈哈…..

我老豆係咪真係頂我唔順嘞?佢開始學左我D口頭禪,例如”超白痴””好低能”….oh my god!我同家姐講佢地都唔係好信….我都估唔到會發生D咁既事….究竟係係佢真係要改變丫?定係因為佢而家既生活實在係太悶,得我同佢玩,為左埋堆所以…比着我都覺得佢會好悶啦!個賤野又唔係度,細佬又….屋企就得返我同佢…唉….

有見及此,家姐們決定….父親節約埋出尼飲茶喎~好驚呀!真係好驚呀!故事發展會係點嫁?真係好驚呀!

其實有時候,食晚飯個陣都覺得幾唏虛….其實屋企有好多人,但係而家食飯既人就只有小貓一兩隻…一間住到7個人既屋企晚晚都好靜…咁..即係咩?

開始覺得自己越尼越SENSATIVE嘞!上個星期上去家姐屋企,上到去臨開門之際….家姐叫我轉頭再尼過!唉!個一刻,我就即刻黑面!點會咁嫁?點解家姐又….哎呀!我以為….原來唔係~
見到好多朋友都比佢地既男朋友從我手中搶去…當我見到xxx,xxx,xxx,xxx都開始有d….我就好大大大反應,唉!我都唔想咁嫁!咁但係真係會有陰影個喎!呵呵呵!
[PR]
by scoobfaye | 2007-06-05 23:24