<   2007年 04月 ( 7 )   > この月の画像一覧

終於都可以話做好左第一份功課,但係唔等於真係OK,一日未PRESENT都唔等於D咩!
琴晚就為左份功課...唉!悲慘既回憶就唔好再提啦!好嗎?

經過衣一夜,我先知道原來我DADDY都好掛住我個喎!呵呵!!所以我今日寫左便條信比佢. 老豆我真係知道嫁嘞!大家明啦!
[PR]
by scoobfaye | 2007-04-27 13:20

4月18日, 好保守嫁!

思考期.近日都真係忙到連覺都冇得訓呀,都只怪自己JOIN得太多野嘞!D功課又要一齊趕住交喎!真係食屎大嫁!
老豆唔係屋企出現左成兩個多期嘞!佢再唔出現我就會唔記得左佢樣嫁嘞!呵呵呵!!不過冇佢係度就真係幾開心!因為好獨居咁呀!so free但係最衰就係個女人返左尼啦!雖然我係唔會理佢,咁但係佢既存在就等於我老豆既存在家嗎!因為佢會好似CCTV咁監視我既行動,然後再係老豆面前中傷我!正賤人!
[PR]
by scoobfaye | 2007-04-18 13:27
開左學都第二日,要趕既野一次過趕晒尼真係想攞人命咩?

衣科又話要TEST,個科又要趕PROJECT DUE! 真係DUE嘞!

有時一停左落尼,諗下自己仲有D咩未做好,係衣個時候,個腦就唔會靜到嘞!真係好多野做咁

呀,本schedue book好似寫到都記得左要寫D咩嘞!當諗到有咁多野做,第一樣諗到既,就

係自己係咪參加得太多野呢?答案係"係!"咁唔參加都JOIN左啦!咁又點?

正所謂:the show must go on!(關咩事呀?)就學EDMUND咁講:既來之,則安之啦!

但係當返到屋企又好似冇野好做咁,都係因為我懶左啦!其實返屋企係可以有好多野做嫁!都

真係因為我懶!何菲,你再係咁懶我就殺左你!(嗚.....我以後都唔敢嘞!)

去到今日,我老豆都仲未返屋企,真係實在係太過份嘞!點解我屋企可以咁既?真係咩都冇!

(我係指食得既野)我返到屋企又夜喎,都唔得閒去街巿上倉嘞!細佬又唔知做咩,越尼越為開

始擔心佢嘞!都唔知做咩!無業左咁耐都唔見佢有衝動揾工個喎!細佬,我都等人養我,我養你

唔起嫁!

琴晚真係完全獨居生活啦!半夜細佬走尼走去,仲諗住佢會同我一齊係屋企,點知佢就係要係

我睇緊恐怖片個陣離開我!其實我係會驚嫁!我唔係驚套片,但係夜晚得我自己一個係屋企,

我會唔敢沖涼嫁!細佬,你好恨心!

一路諗緊好唔好好勇猛咁去沖涼既時候........因為實在係太驚!我係梳化訓着左了~凍鬼死

我嘞!

第二日個鬧鐘嘈醒我,個一刻既感覺真係好獨居呀!屋企好似完全係我自已咁...feel so

great!
[PR]
by scoobfaye | 2007-04-12 12:37
如果屋企部腦未死機,我係唔咁虛渡光陰嫁!
其實都唔係丫!衣個假期,雖然功課上面,或者學業上面冇乜點掂過,但係家務上面我真係做左勁多野!以前屋企D大野走晒,我同細佬就會好衰咁煮完野唔洗碗,D碗擺幾日先洗一次; 今個假期,我地一食完野就執好個廚房,洗好晒D碗,好似有潔癖咁呀!
個地下以前會成個星期都唔肯掃,搞到勁污遭都唔肯搞下佢. 今個假期,我竟然唔知做乜事痴左邊條筋, 掃都不單止,仲拖埋喎!好驚呀!真係唔知發生咩事,竟然連窗都抺埋囉!
今次死嘞!何菲迴光反照呀!佢就快死嫁嘞!
[PR]
by scoobfaye | 2007-04-11 20:48
一個漫長既假期終於都過去了~十分好!又有好多野想講呀!但係呢,我都唔記得晒

嘞~哈哈哈哈!!

今個假期真係十分好呀!因為香港冇人理我呀!勁放肆呀!真係名副其實既”冇皇

管”呵呵呵!!

因為今個假期姐姐們返左大陸同爺爺嫲嫲去旅行,去一個又名”天涯海角”既地

方—海南.因為爺爺想同嫲嫲去,真係甜蜜蜜嫁姐…..而我老豆都返左大陸,拜山丫

嗎!

所以屋企就得我同細佬係度為所慾為嘞!哈哈哈哈!!(奸笑)不過好可惜,屋企部腦

長眠(人地冬眠佢就清明眠….真係….)

有見及此,我都出左街,加上我3哥係學堂出左尼放假呀!我當然要一盡細妹之職陪

伴左右啦!真係勁開心呀!我發現一同3哥出街,我覺得佢就好似我男朋友咁嫁!係

感覺,所以我都唔知點解.可能我實在係太鍾意佢嘞!

兩個幾星期冇見,係第一日見個陣,3哥勁多野講!我都好鍾意聽,佢講既當然係佢

係學堂既生活啦!果然係紀律部隊,生活真係好紀律!家姐,你要努力讀書呀!我仲想

毎個星期見你一次嫁!同你去考警察個陣一樣,我會十千大萬個支持你!

結果個一日,我同家姐係二家姐屋企坐到半夜點幾兩點都未走,本身家姐叫我留係

個度訓嫁!不過我唔想!我唔鍾意乜都冇執就去camp!!!加上難得屋企冇人我就當

然要好好咁享受一下自己一個係屋企既時光啦!家姐就送我去搭亡命小巴,路途上

家姐同我講:喂,多謝你今日陪左我成日喎!

其實我個一刻真係覺得好sweet嫁!雖然佢唔係講左d咩人生偉論….家姐,乜說話

丫!其實都唔知仲有幾多機會可以陪你啦!你第日返工,我第日又返工,都唔知仲可

以見得幾多嘞!多咩謝丫!
[PR]
by scoobfaye | 2007-04-11 20:07
哎吔!屋企部腦又壞左嘞!佢今次選擇左長眠呀!我都唔知點好嘞!而家仲係學校….

咁當然唔係為左衣篇日記啦!!頭先同阿健開完會,傾”綠週”既事宜,好彩我地個主

題日係下下個星期一….都仲有小小時間可以比我地做,但係真係好難做呀!有4個

人合作既,點知而家得兩個野開會,真係好驚會做唔切呀!到時就真係唔知點算好

嘞!

近日真係好鬼忙呀!雖然返埋聽日就放假….但係呀!都真係忙到嘔屎嘞!好多功課

都迫住要交啦,一係就一放完假就要即刻交喎!咁即係係放假期間就要做啦!但係

而家我既組員係放假期間都唔齊人呀!我都唔知點做好嘞!而家屋企部腦又要死

左!真係….個天係咪要玩我!咪玩啦!

之前都真係好忙呀!日日都有野忙,乜都唔記得晒嘞!雖然忙真係好忙,但係忙既感

覺其實都幾好!個陣就FEEL到自己既存在係有價值嫁!哈!覺得個世界都仲有野

係需要我既~咁我都仲係一個有用既人尼既~

前幾日晨早去做完義工,就同阿嵐,”靚”仔,海海,寶寶,瘀皮,媛媛一行7人去左MK

某一幾好FEEL既樓上CAFÉ慶祝寶寶既18歲大壽!恭喜恭喜!!

終於都見到靚仔既盧山真面目嘞!第一眼既感覺係我既3哥!!!!傾落..其實佢都幾

吸引!可惜…..見到阿LAAM真係好開心呀!好多野都好想話佢知,但係我又唔知

由邊度講起喎,同埋有好多野好難講家嗎!結果我乜都冇同阿LAAM講….真係唔

開心呀!佢仲要話冇心機睇我個日記呀!哎呀!你點可以咁嫁!衣個係我唯一一個可

以最快同你溝通到既渠道,你都唔要佢….我真係……唔會為此而減小日記既字數

嫁!哈哈哈哈哈!!!

阿沈飛左返上海呀!IRIS聽日都唔返學呀!我部腦又死左嘞!!何菲冇朋友嘞!
[PR]
by scoobfaye | 2007-04-02 19:32
濕地其實係米埔既人造版…唔係因為老師既安排…我都真係對佢冇乜興趣!

雖然係入面行真係覺得好舒服…但係諗到一切都係假既!人工造既!我就唔鍾意

嘞!d人就好似比$人地去呃自己咁! 我 唔 鍾 意 比 人 呃 !

我都係鍾意米埔多d!米埔係隨緣咁睇到小鳥,佢飛尼你面前就睇到佢,佢唔飛尼你

就睇唔到嫁嘞!係佢唔知你既出現既情況下觀察佢既活動.sooooo good!而且係裡

面行就好似自己都係一隻小鳥咁….天然D,I love nature!

個日見到好多好令我羨慕既野呀!例如有:浮萍, 魚…浮萍係一種好得意既植物尼

嫁!佢會隨住水流走尼走去,可以去到好多地方,有根,但係唔係企定左係一個地方

生長,見到衣個世界多D…雖然佢好似一塊野咁走尼走去,但係佢又有好多塊葉既

一齊走,唔洗驚會寂寞(你唔係自己一個嫁!)

羨慕魚係因為魚既生活好簡單呀!個口開下合下就過左一日嫁嘞!又可以好悠閒

咁游下游下咁….真係好呀!所以咪羨慕囉!如果可以簡,我會想做衣兩樣其中一樣!

一係呢,我一生出尼就係浮萍,到退休就係魚,咁就perfect嘞!哈哈!

又要趕功課嘞!又要趕活動上既野…真係忙到嘔屎嘞!參加咁多野係咪真係錯呢?

其實係呀!咁但係你又可以點丫?都參加左啦!咁就去啦!
[PR]
by scoobfaye | 2007-04-01 01:21