unlogical


by scoobfaye

<   2007年 01月 ( 9 )   > この月の画像一覧

何菲真係找死嫁嘞!都唔知係我自己攞尼定係我近日真係好黑仔!

首先係連續兩個月既爆分鐘,而家正在等候姐姐既發落.真係十分之……後悔!都

冇得你後悔嫁嘞!怪就只怪你太林善.唔識得say no啦!驚到丫…..琴晚仲發惡夢呀!

跟住呢,就係我個電話,我琴日唔知做咩,咁下咁下,搞到我個電話張咭….死左……

我真係唔想咁樣嫁!但係呢…..佢真係咁樣!搞到而家又係聽候姐姐既發落.

勁free!而家除左屋企電話同埋親臨我既面前,否則都唔洗揾到我同埋聽到我把死

人聲!哈哈哈!!不過就算用屋企電話,都未必可以真係可以同我通話到….我諗…..

要咁岩係屋企啦,又要個海灘又唔係用緊個電話喎!咁可以同我通話到既機會率

係…..20個巴仙啦!所以呢!我諗冇咩頭暈身慶,都唔好揾我嘞!呵呵呵!!!

今日一出街,真係好free!我諗起以前我仲未有電話個陣時呀!原來係會咁free嫁!

真係一出到街,如果我暈低左,又或者有咩事,真係唔可以自己求救,咁就勞煩街上

面好心人嘞!哈哈!!

今日係第二個semester既第一天返學天…正如我所講,我冇得用電話,自然連電話

都冇拎就出街就返學嘞!一路上都好輕呀!而家先知道原來個電話係咁重個喎!而

且仲有個念頭就係以後都唔用電話嘞!(我諗我都係講下姐…..)冇電話用其實真係

好唔方便嫁!

上堂lu~
[PR]
by scoobfaye | 2007-01-29 11:19
今日係苗橋偉生日大快樂呀!我都唔知佢幾多歲!哈哈!而今日我又約左去整個身

份証既野,我係突登約衣一日既!但其實本身想再約遲多幾日嫁!但係個日FULL

晒!算了吧~那天不是好日子(for me)…..

今日又勞煩阿沈同我去搞身份証野,因為我係一個超級路盲,白痴!原來你尼過好

幾次嫁嘞!都可以唔知衣幢野既存在!你真係唔死都冇很用呀!好搞笑呀!

一去到,個姐姐比左張野叫我填,點知我咩都填錯晒!明明係寫名,我就簽左名;明明

係07年,我既記憶就停留左係06年.明明寫工作電話,我就寫左屋企電話.你仲有D

咩係寫岩嫁?你講!張野比我畫到花晒!哈哈哈….真係唔好意思…

跟住掛住填個張野,我就MISS左我張壽嘞!再去叫個姐姐幫幫我,就入左去嘞!搞

個手指,又睇左張野好耐,可能我真係寫得太花嘞!真係樣衰!

個姐姐好似幾好咁…..但係佢好COOL呀!影左好多張相.我條頸都係斜嫁!點解會

咁嫁?食屎!我係咪有絶症呀?郁極都唔岩既!我係斜人!哈哈哈!!!影左好幾張相,都

係因為個眼鏡啦,條頸啦,笑得太癲…..唔OK!個姐姐都好有心機咁同我執,終於都

影左嘞!我個樣笑到笑唔到嘞!個頭都係斜斜地.張相係有D…….凶恨!O~想嚇死

人咩?!屎忽精!

跟住就上左包包度,探下佢,睇下佢D朋友仔丫嗎!真係好耐冇見到佢嘞!真係掛到

我死嘞!原來,一見到佢,我都會仲想喊嫁!包包,我真係好掛住你呀!

探完佢,我同阿沈就行左去九龍灣.哈哈!係銀行度真係笑死!個個男仔都忍唔住要

笑嘞!呵呵!!!我D反應都唔係搞笑成咁姐…….算係咁啦….

係淘大逛左陣.打左比苗橋偉同佢講生日快樂.佢D反應真係好搞笑呀!佢其實應

該係好開心,但係就唔知點解可以表現出冇反應咁!真係令我佩服呀!好鬼死鍾意

你嫁姐~
[PR]
by scoobfaye | 2007-01-19 15:09
前幾日,15號晚,同阿LAAM一干人等食左一頓晚飯,佢地真係好搞笑!搞到我真係

窒息嘞!最正都係我口中既個個”篩”啦!笑到爆炸!

衣一日有好多人都見到我着住套SUIT既死人樣呀!真係唔係咁想咁樣見到我D

朋友仔.但係…有時有D野,要尼就尼,避都避唔住呀!係路途上,見到吳欣欣,同埋鑼

PAT銓等人.兩個人個樣都好似寫住”眼前一亮”咁呀!(叮)唔好咁望住我啦!我知我

而家個樣真係好………嘔!我都要用一段長時間都仲未接受到!

我個日上晏要去同邱子文班怪獸補數,唉!算啦!我又一次被當成玻璃人了~WHY

ME?!好唔開心咁等埋阿沈,佢班學生呢…..真係好好!起碼都控制得住!唉!算!冇人

教過我放棄,我係唔會咁易放棄嫁!(都係講下姐…..)

出返尼既時候都唔早嘞!着住套SUIT,都唔想着成咁去同佢地食飯嫁!但係為左個

個幾鐘既晚飯而要自己拎咁多野又好似有D虧待自己(何菲其實係一隻自私既動

物!).所以…..送左阿沈去搭車,我就上左阿LAAM屋企嘞!一上到去,阿LAAM一

見到我,即刻整句粗口去襯托我既一身衣着.真係…..多晒~!同佢一路都等左好一

陣子.人齊嘞!有海海,寶寶,我同埋阿LAAM,就落去食野嘞!海海同埋阿LAAM一

痴埋一齊,我真係唔死都好難呀!

真係好呀!原來我一路咁白痴咁錄埋D音樂留言比阿LAAM係在心中個喎!哈哈!

放心啦!只要我仲有聽歌,而又聽到有好歌詞岩我個MOOD,我一定會留比你聽嫁!

但係都要咁岩你唔得閒我電話喎!呵呵!!真係好呀!我真係好開心呀!個晚同阿

LAAM擁左好幾個抱,真係好好好好好……WARM呀!我真係好鍾意抱抱嫁!

有時會係度諗,真係覺得自己好好彩識到咁多咁好咁搞事既FRIEND(S)嫁!包括毎

一個睇緊衣篇野既你呀!

阿LAAM,其實有好多野我都想話比你知嫁!但係唔知點解衣一晚又講唔到喎!不

過我一定會比你知嫁!只要你得閒聽!
[PR]
by scoobfaye | 2007-01-19 14:52
今日考全世界最難個科呀!我琴晚係冇NOTES既情況下,都温左小小,我諗都可以

合格掛…..全靠我既寶貝MANI咋!唔係佢….我都唔會有信心合格呀!琴晚真係勁

仆街囉!我比媽媽DISTUBE左,搞到我忘記左拎走我疊notes呀!真係頂你(我)個

肺!!!!!!係咪路呀!當我發現既時候就係我沖左涼,想拎佢地出尼温既12點嘞!真係

食屎!個一刻,簡直係世界未日呀!點會咁都可以唔記得拎走嫁?你仲可以唔記得拎

走d咩呀?何菲大哥……唔好咁對我啦!好想温書嫁…..但係又冇notes,又唔想搞到

d同學仔冇得温書喎,加上我真係麻煩左阿沈太多嘞!真係唔同佢再百上加斤!咁咪

唯有聽天由命啦!咁就温下星期考個科先,温到兩點幾,mani打比我喎!一聽到我咁

樣既情況,即刻迫我抄底一條LQ嘞,唉!我真係愛死你呀!你個句”唔得!你唔可以咁

嫁!快D抄!”我即刻溶左…..

今日一早返到去,MANI又比左佢温出尼既野比我温.真係好呀.你~但係有D仆街

仔嘈很住晒!我想温書咋!唔係温粗口呀!頂你個肺!講野細聲D唔會有人話你嫁!

賤人!

真係估唔到,雖然我琴晚真係好不滯,但係今朝我温既個個幾鐘既時間,比我TIP中

左一條SQ,再加埋MANI迫我背個D….我諗我都合格嫁!YEAH!!!!我愛你

呀!MANI~
[PR]
by scoobfaye | 2007-01-19 13:49
今日本身返尼係打GOLF嫁!點知DADDY朱唔記左喎!仲好趕咁走左去忙佢既

事,算啦!咁我咪又賺多D時間囉!呵呵!但係冇得打GOLF又真係有點兒可惜!因為

GOLF真係好好玩嫁!而家唯有等下一期啦!

阿沈都唔得閒,既然而家多左時間,佢都早D走,返屋企再忙佢既事嘞.我又唔想咁

早走住,實在係仲有時間.咁我就留低左係學校,做下自己野同埋人地野.

唉!真係煩呀!都唔知班學生既會考會點嫁!我又壓唔住佢地,我講野佢地又唔聽,我

又唔係大佢地好多,心理上又唔敢嘈佢地喎!勁比佢地洽!上左兩堂,佢地都係咁既

死人樣,我應該點先可以鎮壓得住佢地呢?桃木劍?八掛鏡?定係蒜頭?而家諗返就

發現自己做漏左好多野!不過就算冇做漏咁多野,我諗情況都唔會好得去邊!點算?

真係唔知點對佢地好呀!你地聽下我講野啦!好冇姐?我想你地學到野嫁!

今日先發現,原來一個月過左去嘞!時間過得真係快呀!

琴晚傾開計,原來我一真都做錯了!咁但係……佢又…喎!咁我又唔覺意接晒佢既

電話.因為我真係唔鍾意奪命追魂CALL呀!咁我咪聽左囉!咁一聽.佢就沉醉於自

己世界裡面,我又周不時講錯野.太..既野我又冇…講!所以…….what can I do to

you?下????? fuck!
[PR]
by scoobfaye | 2007-01-12 13:43

1月7日,悠悠閒

去到今日,我老豆都係仲未返屋企,而個個BITCH都好開心咁玩左我幾次!算!衣D

咁低能既招數係對付唔到我既!

結果我都唔可以係屋企做我既功課,實在係太危險嘞!今日好悠閒呀!真係好呀!但

係又有D失落感….都係忙碌既生活岩我D!其實都只限今日咋!因為尼緊1月都

考試月,我都要温下書咁.跟住都仲要趕功課.都唔明D功課係邊度尼嫁!

琴日去左石硤尾做義工,佢地其實好得意嫁!唔係好極度需要人照顧個D,只係要

有個人跟一跟會好D咁….好真呀佢地,小小野野會笑得好開心.又投入喎!但係我

始終都係好緊張,都係唔係好識同佢地相處…佢地仲好有禮貌呀!我幫佢做小小野

姐,MEET下紙咁,佢就係咁講”唔該,姐姐”.佢地真係好得意呀!佢地綁既蝴蝶結仲

好好好好好鬼靚添呀!仲靚過我綁個D!

其實做佢地又幾好丫!可以諗小好多野!


再係咁糾纏落去,都唔係辦法!
[PR]
by scoobfaye | 2007-01-07 18:16

1月3日, 眼晴像搭船

一放完假就忙個你死我活.真係唔知D老師係咪有精神病嫁!食屎!

琴日PRESENT完個PROJECT.good show!!哈哈哈!!我唔係睇哂全班人點present,

但係我地個個都穿着整都夠哂台型啦!正!雖然我地一路講,聽既同學都好嘈,但係

我覺得我地係做得好好呀!真係開心!pre完之後,見到阿sir個樣好滿意咁…真係好

呀!我地又一次用好小時間做出高質素既功課出尼嘞!So good!

人大了,聽既野都大個d,做既野都要大個d.做錯事都要承擔返責任!正所謂: 錯就

要認,打就要企定!(講咩呀?何菲又high大左…..都叫你唔好飲咁多嫁啦!)

今日收到個sms,真係變態!爆分鐘爆成咁都得既?!要整治一下你先得!

家姐…真係對唔住呀!都係我唔岩…永遠都唔可以咁嘞!

由除夕個晚開始,老豆唔係屋企出現,唔知佢又去左邊度蒲呢?真係令我羨慕呀!我

都想去蒲下!哈哈!衣幾日都有得開左屋企部腦.一路用屋企部腦,一路就覺得好可

惜嘞!點解?一部咁健全既電腦,徧徧佢既用途就係上網, 佢有mc office嫁!佢上網

上得都幾快個喎!又冇中毒喎!佢仲可以用尼做我d功課嫁!但係…….點解?一台咁

美好既電腦,佢既前途就毀左係一個唔識用佢既人手上….就好比一匹千里馬遇唔

上會欣賞佢既伯樂一樣.比人當做一隻驢仔咁洗…真係可憐!

前晚極度唔夠訓,琴晚咁訓都唔夠,今日個樣死哂!仲有個test喎!哈哈!陣亡!終於都

忍唔住,求奇揾條好煩既人爆左佢一餐!但係我都仲係死呀!要叉叉電嘞!

聽日仲有test,要努力d温書先!
[PR]
by scoobfaye | 2007-01-03 22:02

1月2日,行屍走肉

唉!我真係好眼訓呀!我諗都係我自己攞尼既~但係我真係覺得我係全世界可憐既小朋友呀!

今日要PRESENT,我負責4位組員既講稿--手抄(因為我地份功課以ROLE PLAY既形式

PRESENT,正本得一份,但係要4個人睇,時間不足又唔協調,咁咪揾人抄囉!)咁我琴晚就係

房狂抄,唉!又回到N年前(N>3)既日子嘞!真係搞笑!同一份野, 7板紙,抄4次,真係有D.....

驚!估唔到我仲可以咁有心機咁加左D EFFECT係裡面,真係覺得自己好....有恆心呀!我都要

讚一下自己.你好勁呀~何菲

今日係REVISION DAY,我地都唔知洗唔洗返學.聽講話要返喎~咁我地也都回校了~哈

哈!!點知係比D人老點左!唔洗上堂....唉!真係想自殺!差唔多冇訓過咁滯,8半返到去,係課

室坐左陣,傾左陣計,就去左圖書館.一心諗住去執下份功課嫁!點知....我同阿沈就係度玩埋d

好白痴既遊戲,真係笑到喊嘞!

但係我真係好眼訓呀!又唔夠訓,我又係咁講錯野!食左10打鑼絲.....真係唔知陣間點

PRESENT嫁.....仲要PRE英文!

鄧威廉,你正一street poker!
[PR]
by scoobfaye | 2007-01-02 12:07
琴日晏咒去左LAWRENCE屋企做好左個POWER POINT.YEAH!!希望聽日演出成功啦!

去到6點幾就走嘞!跟住返左屋企,食左D野,9點幾出返去,雖然屋企冇人,但係大時大節,點都

要出下去既~真係好開心呀!係地鐵上面有好多人呀!個個都打扮得靚靚咁.....唯一既遺憾

係,除夕唔凍既?!真係大殺風景呀!FUCK!

同阿沈去左西貢,圍住個海榜行左個圈,哈哈!!個個都一雙一對咁,雖然我同阿沈都係,但係我

地都係咁比人望住!超!望咩望!未見過人扮LESS出街咩?哈哈哈!!!

同佢行完,就搭返車出去,去左尚德行.一路行一路行.話咁快就12點.2007到嘞!我地都好似

冇咩野咁...因為條街真係冇人嫁!得我地兩條友.所以都唔係話真係咁興奮!我地想去揾野食

嫁!但係尚德咩都唔開!食屎!除夕就好似一個死城咁!搞錯呀?

去到12點幾,阿沈約左佢朋友,咁我都走嘞!

返到屋企樓下,都唔係咁想返屋企住.....難得屋企冇人,就唔洗驚比人鎖門既擔憂啦!係屋企

附近再行多陣,但係實在係太恐怖嘞!好多人係公園打WAR GAME呀!兒童不宜.....咁就返

屋企嘞!

其實我衣一晚係想通頂嫁!但係呢,個BITCH又帶左個BITCH上尼喎!屋企有兩個BITCH,搞

到周公即時急CALL,真係冇癮呀!就去左訓嘞!

HAPPY NEW YEAR呀!真係勁開心喎!係MSN同幾個好耐冇見既人傾左陣計呀!超級掛住

你地啦!
[PR]
by scoobfaye | 2007-01-01 15:28