<   2006年 11月 ( 8 )   > この月の画像一覧

真係開心呀!我係學校遇到好多好搞笑既人呀!

話說上個星期5,我係唔洗上堂,但係因為我又參加左個活動,咁咪索性早D返去囉!加上呢,好

忙呀!就尼OPEN DAY,我友伴個度要搞好多野呀!真係忙到爆炸!

我同阿沈好早就返左學校,唔記得整左D乜嘞!總之就係搞左成日,我地本身係要5半去HALL

參加個歷奇,比左30蚊雞嫁!但係要玩D乜就真係唔知!我地一路傾毎BUDGET既野,搞到6半

先去到HALL門口,我地都勁驚呀!我地遲到啦已經,個個講者又好似好惡咁喎!但係又基於比

左錢既理由,我地都係入左去!哈哈!!真係一D都唔後悔咁樣衰呀!

一坐底左,聽左個講者講兩句,我地已經笑得好開心嘞!真係勁爆笑!真係睇佢唔出係咁搞笑

嫁!佢真係好得意嫁!佢個樣真係睇佢唔出係咁風趣個喎!相信做佢既仔女一定會好乖好幸褔

嫁!好掛住佢呀!

係最後一刻,我終於都知道佢叫咩名嘞!佢姓黃,叫stone.我好掛住你呀”大石兄”!!
by scoobfaye | 2006-11-29 14:52

11月22日,忙到嘔茄呀!

我又好似好耐冇打過日記咁嘞!定係因為我衣幾日真係太多野做呢?好彩,無驚無險,有好幾

樣都做好了~但係都仲係好忙碌咁囉!

琴晚好冇乜腦咁飲左一lit?.真係唔知做咩!都係細佬唔好啦!算啦!我係李白既入塞第子,正所

謂:人生得須盡歡,莫使金樽空對月.得快時且快樂啦!琴晚呀,我冒住生命危險開左屋企部腦

尼做一d關乎我一生既野.結果?哈哈!我都仲未死既~不過真係有一種失落感.以前部腦又冇

ms office,我想做下功課都唔得,但係我又可以無限次咁用個喎!而家部腦終於都有ms

office嘞!我又唔可以掂.係咪叫做timeing唔夾呀?算啦!唔係屋企做功課,又唔係交唔到既?

我都係咁生存左兩個月啦!座低都交左5,6份功課嘞!車!有ms office好叻咩?

琴晚失落左好幾分鐘,再繼續做我要既野,再加埋個一lit,我去到4點幾5點先訓.第二朝都有d

腳步不穏.唉!但係我都仲做好我要做既野呀!死火嘞!今日仲要test嫁….但係我都仲未有時

間去望!真係想死呀!今日要key skill present啦,test啦,open day既野啦,仲有一份

report迫緊埋尼!我就快死嘞!我同阿沈講起,大家都叫對方一齊死左佢算!真係頂你個肺!

今日好彩阿沈打左比我咋!如果唔係我遲到都有份!提早左小小返學校,我present既野都未

整好囉!早左返尼都好混亂咁整左一陣,跟住又要去上堂嘞!好彩個堂係教打字,我都識,成堂

都用左尼print野同埋整好左我present既野.真係一額汗呀!終於都搞掂嘞!第二堂我就要

去送死嘞!媽咪~救我!

點知一落到去,哈哈!!我冇着SUIT呀!聽講話PRESENT要着SUIT嫁!冇人話比我知囉!好彩

同ANIE係一個好人…佢冇怪我!佢話唔會影響合格與否….我抽中第二個PRESENT,都幾好

喎!又唔係第一個,又唔係最後一個,樣衰衰咁都講左4分幾鐘,OK喎!哈哈!!勁驚囉!同班同學

雖然唔係話熟到燶,但係個個都知我係邊個囉!又見過我做圭d冇用腦既野…震到賴屎!我諗

我都係岩岩合格咋!又勁望我張紙,但係我又乜都睇唔到喎!跟住又好甩CUT,然後仲要有一

個講唔中POINT,仲要冇講出我既主綫,唉!講講下,我諗我唔合格嘞!真係SHIT呀!好彩都仲

有小貓34隻話我都講得ok…..是但啦!了結左一個忙.

跟住再上多堂PTH,哈哈!!何菲真係唔經大腦嫁!係個個課室玩埋D好無聊既野!但係我笑得

好開心喎!真係笑到爆炸!唔係講小!

上完堂,去左做gym,跟住就即刻飛去TEST嘞!今次既TEST係我有史以來,最潚既一次呀!真

係唔知我有幾多分呢?個禮堂D冷氣聲真係好恐怖!好似要食左你咁!就連最”冇野”既

TOMMY仔都要望下佢呀!咁佢就真係好恐怖嘞!吹到我隻手手凍晒!邊個同我解凍丫?真係

衰呀!

真係好呀!一TEST完,個人即刻輕晒!一日之內,我了結左忙死左我既其中兩件事,但係都仲有

好多野煩呀!頂你個肺!唔緊要!到左12月1同埋2號就好好多嫁嘞!努力呀!何菲仔~


真係好呀!琴晚突然間覺得我係ive好好彩呀!話說琴日落左一日雨丫嗎,咁但係我同阿沈都

冇姐用喎!咁呢,我唔知係samson daddy自己揾我地丫,定係iris幫我地揾佢啦,總之

samson daddy借左佢把靚姐比我地囉!真係好呀!你不愧係我地既好daddy呀!然後呢,

我行行下,唔知做乜,講起淋雨喎!我就叫iris同阿沈一齊淋15秒雨喎!結果我地一齊好似傻仔

咁,3個野企左係個藍球場上面10秒(因為iris,阿沈講價)真係好好feel呀!我係話我地企係個

藍球場上面個10秒呀!唔係比d雨淋個陣喎!真係好呀!冇乜人肯同我做埋d咁既野嫁!但我都

想講一句:我地真係沒有經過大腦思考嫁!哈哈哈哈!!
by scoobfaye | 2006-11-22 20:45

11月16日, 瘋狂開會

今日其實都幾HEA…..上左兩個鐘頭堂,跟住就去開會,越尼越覺得我係唔係都叫齊人尼開

會,好似好衰咁….都唔係個個都參與其中既!但係我唔係諗住會咁嫁!咁我覺得,份野個個都

有份做既,個個都係靠佢尼攞分家嗎!而且,毎個人既參與都係好重要既囉!咁個個人都要尼

開會,比佢地對衣份野既期望,意見咁囉!但係我上兩次同埋今次既會,都令我覺得有D人好我

叫錯左佢地尼咁…..咁但係係佢地唔加入我地既論咋喎!我就覺得真係有點兒…..囉….

其實今日係覺得佢地好衰嫁!又唔幫手不突止,仲要發出高分貝既聲浪!自己係度玩喎!咁你

就算唔加入討論呀!你都可以細聲D嗎?SANGO仲衰!我唔覺得佢會幫唔到手做衣份野喎!大

佬呀!份野係用中文就話啫….咁而家份野係用英文做呀!你會睇唔明嘛…仲要係咁同D人

玩…係你個人係好好玩,但係就只識得玩,又唔會停,不分事情既輕重,凈係識得同D女同學溝

通!個白粉強又係!佢係咪自戀嫁?點解你咁鐘意叫人幫你影相既啫?又要擺個死人樣出尼!你

去死啦!叫你尼開會嫁!唔係尼影相呀!

開完個會,我地都開始見到個REPORT既初形嘞!唉!又係我同阿沈開始勤力既時刻嘞!唉!真

係唔知會做左D乜出尼!今日又要再開多個會,開社團會呀!係咪威先!呵呵呵!!然後就會返屋

企.今個星期6日終於都可以停一停嘞!據我既記憶,我今個星期6日唔洗去做HELPER,可以

做返D自己想做既野…幾好幾好…YEAH!



Faye changing….何菲近排好衰呀!佢講多左粗口嘞!點解你要咁做嫁?!
by scoobfaye | 2006-11-16 16:40

11月14日, 補打上星期6日

我而家要講返上個星期6日既事.實在係好好玩!

我係上一篇日記都提過,我上個星期6日要去艇會做義工,其實就唔係話真係咁攰既~只係好

眼訓咁啫…..因為佢要我地7半入到去沙田,我地全部人都5點至5半起左身,個個都仲未訓

醒!真係變態!

星期6個日,我約左毛毛等人係火車站等,點知我估計錯左….遲到左10分鐘,真係對唔住

呀!!!!然後好似比人賣豬仔咁,行左好一陣子,終於去到嘞!點左名,就去換3嘞!勁核突!螢光

粉紅!個圖案十分之不知所謂!再幫佢搬埋隻綠龜落水,我地就搭車去石門了~之前個日既緊

張都唔知去左邊嘞!我個POST係BOAT HOLDER,但係仲未洗做野住,我地要做既野就係

set up個場地先.嘩!好多好大好長既艇呀!好威呀!我就諗緊,我個陣就要係條河中間捉住佢

嘞!

係咁搬搬搬,枱,凳,沙包,展板….咩都要搬!仲要再set up 埋個booth,嘩!我好叻呀!我識得

點開同收個booth嘞!係一個好考大家既合作性既活動尼嫁!set up晒D野,我地就開始分配

工作嘞!但係好多時間都係HEA住咁過!我地發現毎一次要做D咩野,我地通常都係要等,就用

左大部分既時間,到真係要落手落腳去做既時候呢,就只係佔好小時間.跟住leader同我地

briefing多一陣就落船嘞!個個都係第一次做boat holder,個個都好緊張,好驚會落水啦,又

驚會好危險啦!個個都好驚!大部份人都識游水,係得一兩個人要救生衣,但係大會就要全世

界人着晒救生衣.

落船嘞!我地好似D人蛇咁!個個好慘咁踎係條船裡面….落浮台個野先驚呀!真係驚到爆裂!

但係我地個個都好平安咁做完一日既工作.我同SANGO一組,佢其實都唔係咁好玩既!佢不

斷咁將佢既快樂建築係我既死蠢身上.我同SANGO兩個人,一男一女,乾柴裂火係條河上面,

結果,我……………教佢唱歌!教識佢唱最佳損友chorus既一小節.哈哈!真係搞笑!我個人認

為我衣個post係最好玩個喎!真係勁搞笑!我同SANGO一冇艇就訓底好好FEEL咁曬太陽.

跟住係咁上下我地就完左嘞!又搬左一大輪野就返歸嘞!

到左第二日,哈哈!我冇遲到呀!我攜同兩隻受左重傷既手指,6點9晨咁早,去到沙田,真係變

態呀!我地重覆多次之前個日做既野!但係我衣一日係同MANI一條浮台呀!因為SANGO佢1

點先到.我地真係創造左一個奇蹟呀!明明佢話一定要一男一女落浮台既,點知我同MANI係

兩個女仔都hold得住一條8人男人艇!勁!好叻呀!

真係好好玩嫁!但係好可憐咁….我地A班既同學,吃左好多虧呀!衣個世界真係好可悲嫁!
by scoobfaye | 2006-11-14 17:58

11月10日, 何文田體育館

我好似都好耐冇新鮮滾熱辡咁UP我既日記上尼嘞!通常都係之後先打返落尼,我其實係唔鐘

意咁嫁!但係好無奈,我又唔可以唔咁做喎!

今個星期都OK既~由於上個月尾係有人既生日,咁又傳出有人話自己好慘既事囉!真係可憐

呀!你生日D仔女唔同你過,凈係得你個心肝寶貝仔打比你同你講生日快樂咋!全世界最可憐

既人就係你嘞!唔知係咪D人講錯野呢,搞到上個星期佢肚痾啦!睇左兩次醫生,仲同佢個寶貝

partner冷戰左添呀!真係…..唔知講咩好嘞!

而家我耳根係幾咁清靜呀!冇聽到d發姣聲啦!最起碼!但係我又做左人地既出氣袋囉!算!我

何菲好大量既!唔會同你計較!

細佬買左新電話,真係衰呀!買比自己都唔買比我!哈哈!!但係佢部機勁大舊!好樣衰!

唔知係咪同阿沈見得太多呢?我同阿沈都feel到iris開始有d成全我地既感覺嘞!但我都係覺

得iris係唔係咁鐘意我d既!冇辦法啦!我唔可以好似媽媽咁照顧到佢.我一對住佢地我就笑到

癲咁,比唔到穩重既感覺比佢.算啦!阿沈岩你多d!

今個星期又再一次開會嘞!sharon完全比晒d面色我地睇!唔理你呀!你自己自我中心,我係

唔會理你嫁!去左九公做左個個訪問,真係炸爆呀!阿沈D英文同埋普通話都好好好勁呀!真係

令我十分之佩服呀!而家我係係咁問佢普通話啦,同埋上海話點講,成日就好似白痴仔咁自己

同自己講埋晒d外星語,諗起上普通話個陣”gou ji ji”真係無奈….都唔明點解阿沈可以咁

有心機咁同我講嫁!而家好小會有你衣D咁有心機咁教我既人嫁嘞!

今日又要去參觀呀!即係話,我又要做report呀!我頂爆你個肺!點做三板紙比你喎!食屎!但

係衣個何文田體育館又真係幾靚個喎!係難去左d姐….阿ray真係擺明潦交打囉!我已經唔

再話佢好樣衰嫁啦!雖然佢真係!佢係要主動話我個喎!我真係唔可以再容忍佢呀!我今日又

好眼訓喎!結果我係處於下風!真蝕底!唔得!我聽日係唔會再咁讓佢嫁!因為佢實在係太樣衰

嘞!

講起聽日….我好驚呀!聽日我又要去做義工嘞!真係令人緊張呀!聽日我要7半去到沙田賽艇

會,沙田呀!係沙田呀!唔係我屋企呀!係連續兩日,一定會眼訓死!9點一定要去訓覺!都唔知會

搞成點嫁!最驚就係我唔識路,又去錯左地方,又行錯路,又遲到,又做錯野呀!阿沈同iris又唔

去,我又要對住好樣衰個個野嘞!點解個天要咁對我!

希望聽日唔會蕩失路啦! god bless me
by scoobfaye | 2006-11-10 18:51
上個星期6日呀!我又去CAMP嘞!真係忙呀!我已經連續兩個星期冇停過咁,日日唔係返學就

係要去做義工.一係就做社會服務既義工, 二係做半馬既HELPER,真係一份幾厭惡既義工

呀!勁臭!又冇飯食喎!

我個日同埋IRIS同埋阿沈好早就到左嘞!哈哈!都係我太乖!我話早D到,佢地又唔拉住我!結

果我地早早就到左,又冇人尼entertain我地喎!我地係係個勁細到屎忽咁既飯堂度傾野,傾

返我地open day既野囉!我個人認為我地既早到係幾好喎!我地就多左d時間傾野呀!去到

5點幾6點,我地A班既又到晒嘞!真係好呀!我地玩紙牌遊戲呀!然後呢,好多人都到嘞!我地分

左營房!但男女同房,因為佢只係比夠床位我地,所以我地ABC班,毎班一間房,但係我都要同

阿沈孖舖.因為我地係10人訓8人房.跟住佢地再同我地講:今晚冇飯食個喎!我頂你個肺丫!

係咪玩野呀!咁我地一行9人出左去食貴價飯.

返返去,我地BREFING完,又派左個件工作3,咁我地就返房自己時間嘞!我地係房,一係兩條

友係度傾計,一係就食野,一係就玩紙牌遊戲,再有人就係度食野囉!我同阿沈一直傾計,傾到3

點幾先訓左一個鐘.真係勁!都唔知點解可以咁多野傾嫁!IRIS一定好想殺死我地!大多都係

阿沈講既多啦,佢都係一個好鐘意講野既人!中間係勁搞笑!我地間房,有人話要熄燈,有人又

唔想熄,間房又冇得分開尼熄燈喎!跟住我就話:咁一係除左兩個燈泡落尼囉!咁D人都和議

喎!咁阿車就除啦,點知,佢一轉個燈泡,”拍”一聲,間房黑晒!哈哈!!全部人都返晒房,迫住要

訓覺!全層既房既燈都斷左電囉!超爆肺!第二朝D人係摸黑執野,真係勁搞笑!好似好慳電咁!

係我地係房既時刻,我又同人結怨嘞!真係衰!都係佢衰先嫁!冇人叫佢定眼望住我地傾計個

喎!咁我咪鬧佢樣衰囉!係佢自己攞尼嫁!同埋佢真係好樣衰!

去到第二朝,我地全世界4點半就起左身嘞!真係勤力呀!個個好似撞邪咁既樣咁食早餐,係兩

個好難食既餐腿三文治+一包維媽奶.跟住我地都開始今日既工作嘞!我係負責紀念品既.一

朝早就要搬野嘞!真係可憐呀!好似做苦力咁!搬水搬飲品搬3搬貨,咩都搬一餐,我真係好想

做水站嫁!但係好可惜!係要編我去紀念品派發處…真係衰格呀!係咁搬野,搬完野就都係時

候STANDBY嘞!冇幾耐就人返尼嘞!真係勁!我地又開始忙嘞!企衣個位係一個好臭既位尼

嫁!D選手個個透晒大氣,又再流大汗!係惡臭呀!但係其實都幾好玩既…

我個人認為最後個度,係度執野個陣好玩D!我成功搬左一支大大大大大水呀!衣個大水既意

思係個D公家飲水機個D大支水呀!當我拎住咁大支水既時候,我係幾咁興奮呀!其實問我學

到D咩.我真係唔係咁答到你,但係係有一個搞大型活動既經驗多D囉!同埋會有好多變數囉!

會突然冇飯食啦,又會分房個度又好混亂啦.同埋仲會唔係話編左你去個度你就一定會係個

度幫手囉!咁邊度要幫手就會去左個度囉!

完左個野,我地個個都各自返屋企嘞!我一返到屋企,沖左個涼,即刻就訓左嘞!一訓就去到半

夜12點,再訓!去到第二日6半!起身返學!嘩!爽呀!個日係勁醒神!
by scoobfaye | 2006-11-10 17:55

11月3日,攞尼搞!

今日唔洗返學嫁!但係我都一早返左學校,冇辦法啦!今日要交功課呀!今日係DEADLINE呀!

我唔係突登咁遲先做嫁!我衣個星期真係好忙呀!所以好早返左尼學校做嘞!好彩,兩點之前

就做好嘞!唔洗比多9蚊比學校!呵呵呵!!!

去左食個lunch,原來自己一個係學校個canteen食lunch都幾奇怪,不過好彩我都唔係着住

套suit,冇咁怪!

去左sao坐左陣,然後阿沈都尼埋嘞!真係好呀!我唔係自己一個嫁!我地又痴埋一齊嘞!見到

阿健,阿傑xp…..去到3點半,比人半推半撞咁就加入左社會服務團既會議…真係奇怪!我乜

都冇講過,冇比過意見!唔怪之得我oral考得咁差啦!但係都好既!係一個好好既practice!完

左個會,我同阿沈就要趕去參加友伴既活動,我要帶一part呀!真係緊張呀!不過都好似話反

應幾好….我就覺得,我帶得好差呀!唔得!要改!

完左之後,我地坐埋一齊就傾一下計,檢討一下啦,跟手就講埋open day既野,當阿嘉問邊個

負責設計個日既攤位既時候,係一個人都唔舉手囉!我唔舉係因為我知道我一定咩都諗到!咁

我就費事啦,但係我見到阿嘉好似好無助咁,我就好主動咁!舉手左嘞!哈哈!!阿沈同埋iris都

好似好無奈咁跟埋我舉手…哈哈哈!真係攞尼搞呀!

然後就同connie等人一齊搭mtr返屋企,沿途中,connie話今日尼聚會既人大多都係想同異

性溝通一下個喎~哈哈!我又唔多覺喎!咩都好啦!總之一路搞活動都有人尼咁咪得囉!我一

定會好比心機咁搞落去嫁!
by scoobfaye | 2006-11-06 20:04

11月1日, 睇牙醫~

今日返左半日學,一返左學校,都係為左做功課~晨早8半就返到學校嘞!但係呢,圖書館9點

先開囉!真係衰格呀!終等到9點嘞!仲學識左點用學校既printer.去到10半我就出返去要上

堂了.

今日第一堂就係samson既電腦堂嘞!真係令人緊張呀!我地今堂就要present我地份

WEBPAGE嘞!我個webpage都做好了~但係present既時候….好遺憾!唔知點解我個

webpage有一板用我一幅好正既相做background.冇左個background…我幅相咁

靚….唉!算啦!都總算present左了~我地係唯一一組用英文present嫁!真係高鬥呀!我都

只係跟隨住組員既需要先至用英文,個個都寫晒稿咁,我同阿沈都冇寫..好似好衰咁添…呵呵

呵!..我地再問返samson,佢話到現時為止,我地個組係比較高分!yeah!so good!而家諗

返都覺得我地好勁,明明電腦又唔係好勁,MANI仲想過檔去男同學組添!但係我地個組又拎

到咁高分!真係好呀!!!我諗都係歸功於何菲個組長--IRIS啦!中間有一個空堂,我地去左

canteen打左一陣等,就去上普通話嘞!真係開心呀!我地仲分發埋locker添呀!我同mani用

一個.但係我都唔知個locker可以用尼做乜!

上完普通話就食mum mun嘞!我諗我個canteen既野係得我同阿沈先欣賞咋!!!!個個都話

好難食!真係咁難食咩?都唔係丫~個薯容經理叔叔又咁好…

食完就上左家姐公司嘞!真係爆肺呀!我一上到去,我就搞亂晒佢公司d野嘞!哈哈哈!!真係睇

小何菲既破壞力呀!我上家姐公司都係打一打等.佢要帶我去睇牙醫呀!因為我之前咬到我隻

牙崩左一角….真係衰呀!佢同我book左5點半去睇,點知我地5點半先由中環出發到灣仔.都

唔係好遙遠既車程啫~

一去到,證記左,就等等等,突然間就好緊張嘞!緊張係因為我好好好好好好好耐冇尼睇過牙醫

嘞!

終於都到我嘞!一入到去佢間房,其實係好細既一間房,但係就有一個睇唔到樣既醫生叔叔坐

係度,同埋企係度既護士姐姐嘞!跟住個醫生好似好nice咁.問:點呀?有咩問題嫁?咁我就訓

左係個張凳上面,肉隨枮板上嘞!!!佢同我睇過我個兩隻咬崩左既牙,唔洗補,但係就要磨一磨

啦,d聲真係好恐怖!好似想剧開我把口咁!係個一刻,我覺得原來做牙醫係一份幾神秘既職業

尼個喎!由我入到尼至到我走,佢都係戴住個mask個喎!只係聽到佢把聲,好正喎!同埋睇牙

醫係令我冇求知慾既時刻尼嫁!我把口又比佢整緊喎!咁我想問佢野都唔得啦!搞到我想問既

野都小左嘞!但係佢一放開左我個口,我都唔會罷休咁問佢,但係我聽得出佢唔係咁想答我!

所以我都唔再問佢咁多野嘞!

但係好搞笑呀!我一路都開住眼咁比佢整我個口家嗎!咁我就眼碌咁望下衣度又望下個度,我

係望到我個口前面有4隻手係度擺d儀器落我個口裡面,我個陣係覺得我好似d寵物呀!好似d

狗狗呀,海豚咁,佢地到時到候就會有人尼佢地刷牙家嗎!又好乖咁自願比個口佢地刷…哈

哈!!!但係睇完今次之後,我決定我要毎年都睇一次牙醫呀!尤其是尼緊衣一二三年呀!因為我

隻智慧牙出緊嘞!!佢話可能會唔夠位生呀!勁驚!我一定要好好咁睇住佢,留意住佢既生長情

況!希望唔洗剝真係勁驚!
by scoobfaye | 2006-11-02 18:02