<   2006年 10月 ( 10 )   > この月の画像一覧

10月27日,煮飯仔

今日呀!勁興奮!我老豆北上呀!所以呢,我個晚又做左廳長嘞!但係訓到7點幾又再入返房訓

結果發惡夢!真係勁驚!撞鬼你咩?!

訓到10點幾就起身嘞!跟住睇左陣電視就沖個靚涼,然後就出門嘞!首先係去左家姐屋企,佢

又話要佢個袋,又要佢對鞋,咁我就拎上去比佢,順個便,睇陣電視先~今晚約左小忍去佢屋企

玩煮飯仔呀!最搞笑係,我地竟研係認為餐飯係對方煮,自己唔會插手嫁!最後係煮左一餐都

勉強食得人既飯!哈哈!!!

去到5點幾,我就落街買餸嘞!我幾乖?!係衣個時候,我突然諗起我今朝唔記得左刷牙呀!

SHIT!!我又再順個便,返一返屋企刷牙!哈哈!!好無聊呀!

再去左家姐屋企睇多陣電視,我就走嘞!約左小忍係MTR STATION等,佢都差唔多時間到左.

行左一大段路去佢屋企,佢屋企好簡單呀!同埋冇咩窗咁….但係佢部電視好大大大呀!真係

羨慕呀!

係佢屋企坐左陣就開始我地餐飯嘞!我地今晚煮椰菜花炒雞雞同埋叉燒炒蛋,真係超搞笑!佢

呢,我諗我煮飯既功力好過佢小小,佢企到勁開喎!洗米個度仲衰!佢落左好小水咋!我都叫住

佢嫁啦!又唔聽我講!點知煲飯煮到勁硬!不知所謂!好似食緊生米咁喎!我地搞到佢屋企個地

濕晒啦,勁多碗要洗啦!真係….唔好意思….但係最恐怖既係佢將兩塊雞扒都用鉸剪剪開囉!

O MY GOD!點解你唔用刀?點解?!so disgusting!

跟住我地煮完出尼,都算係咁啦!都食到我地好飽!睇埋個電視,就走嘞!都唔係好好睇既……

有D無聊…但係睇埋就走嘞!我都想留夜D嫁…但係算啦!廢事無端端比人鎖門!

跟住就返屋企嘞!今晚真係好開心!第一次係朋友屋企煮飯仔呀!真係好搞笑!佢有兩樽鹽個

喎!跟住呢,佢屋企係得油,豉油同埋鹽,糖,豆粉係咁多!好簡單.仲好白個喎!我地一齊行返佢

屋企個陣呢,真係超搞笑!個度有好多流浪狗個喎!係咁吠喎!佢就好個痴綫婆咁!係咁指住佢

地話:吠丫你吠丫!吠夠未呀?!打你丫拿!哈哈!!你係咪痴左綫呀?

返到屋企,諗起細佬生日喎…但係我又咩表示都冇喎!好似唔係好好咁….咁我就好即興咁用

屋企所僅餘既物資,整左一個失敗蛋糕仔比佢,佢條友…等到我訓着都未返屋企!真係心都淡

埋嘞!
[PR]
by scoobfaye | 2006-10-31 16:10

10月28日,晨早係學校

何菲係咪患上左睡眠室息症嘞?衣幾晚都訓到4點幾自己醒左,去左個VV又訓返.衣幾晚都好

眼訓呀!平均10點半就訓左嘞!仲有呀!而家訓覺記住要襟被呀!如果唔係就餵蚊嫁嘞!到我雙

肥豬腳勁痕!我頂你個肺!做咩咁鐘意咬人地隻腳嫁啫?

琴晚我都係冇同我"DA~DDY"講生日快樂!但係我望下個雪櫃,見到有人買左微型生日蛋糕.

我仲諗緊會唔會有人叫我同佢唱生歌添!點知,就連我有冇被邀請都唔知!因我去左同周公嬉

戲!呵呵!都係因為我太眼訓嘞!大佬....琴日係學校對住部電腦成日都唔係做自已野喎!我係

做功課,隻眼勁攰呀!!!乾到裂開嘞!呀!!!!!!!!媽咪呀!救我呀!

睇睇下書就訓着左了~我諗當時係10點半之前既事啦,去到我有返意識個陣呢,就係凌晨4

點幾啦....我都唔知佢地點過嘞!而家諗返覺得我好似好衰呀!但係算啦!我又冇後悔喎!因為

我唔覺得我做錯左D咩喎!咁唔係咩?如果你前日先比個個人媽完,今日佢生日,你會唔會同佢

講生日快樂呀?如果你會咁你勁囉!我唔會咁個喎!尤其是對住佢!

但係今日一起身又覺得好唔知點咁....唔知佢琴晚有冇叫過我呢?我真係唔知呀!但係有人因

為我冇倒垃圾而又一次發我皮4囉!見到佢咁既死人我就覺得好開心嘞!真係好爆笑!見到佢

留左件蛋糕比我同細佬...好啦,咁我就食左佢做早餐啦!但係佢都唔知係咪路嫁!將件野擺係

冰格囉!個蛋糕結晒冰!點食呀?我粒智慧齒生長緊喎!食得勁辛苦!個幾粒至好食既生果我都

係食唔到...佢太冰呀!一早就食埋D咁冰冷既野....都唔知我會唔會拉肚子嫁!哈哈哈!!!

TOUCH WOOD......

一早我又返左學校嘞!真係學校是我家呀!我唔想尼返咁密嫁!但係呢,我又唔想D功課搞到咁

遲先做....所以呢.....今日做埋琴晚未做好既3份1啦!好野!終於都好可以了~而家只係等交

啫!尼緊就要做WINNIE份死人頭REPORT啦,同埋AGNES份ASSIGMENT.PROJECT就要

KEEP GOING.唉!講起份PROJECT就真係把幾火呀!

我地個自以為自己既組長...又係咁提人開會,但係到左個日呢,就唔見左人!打比佢就話冇資

料唔開得.大佬呀!今次會係齊人開呀!唔係自己細會呀!D人到齊就一定傾到野啦!我地又唔

知到人地做成點!乜你咁唔負責任嫁?????我頂你個肺!唔好比我同你單獨相處呀!我一定打

你嫁!
[PR]
by scoobfaye | 2006-10-28 13:35
今日差唔多係學校個圖書館坐左成日呀!痴綫嫁!SAMSON份功課我做左5次先做得70%!

點算呀!第一份功課咋!我就做左5次先做得2/3咋!咁以後D功課點算好呀?我頂你個肺!!食

屎大嫁咩???如果唔係好多功課湧埋尼?!我都唔會咁趕住做呀!下個星期要做英文個份啦,

同埋WINNIE個份REPORT啦,仲有兩份PROJECT都要上工嘞!仲有TEST喎!我頂你個肺!

想殺人咩?!

今日約埋阿沈一早返尼學校,阿沈真係好病呀!個樣殘晒!真係陰公!正所謂唔病唔知身體好

丫嗎!哈哈!!一返到去,佢又未返到喎!我就去左CANTEEN等啦,點知係CANTEEN就撞到

IRIS嘞!好慘呀佢!佢琴日TEST完個電腦就漏底左佢個筆袋嘞!最驚既就係佢條手指仲係個

筆袋裡面呀!!佢琴晚即刻返返尼學校揾啦!點知呢,威廉又唔見左喎!今日就一早返左尼等威

廉返尼嘞!好好彩!佢揾返嘞!威廉幫佢執左….都總算個威廉好啦!其實IRIS係一個白痴妹尼

嫁!但係呢,唔知點解佢要收埋佢囉!同埋呢,阿沈真係好好呀!搞到我地有咩都好鐘意揾佢!好

鐘意聽佢屋企咁粉紅既事呀!聽完自己都會笑左出尼!真係幸褔!

同佢揾完個筆袋,我同阿沈就去左圖書館開始上晏既努力工程嘞!我真係想喊囉!我係咁唔記

得咁衣個個個制尼SAVE個FILE,點知呀!我整左兩個幾3個鐘既功課化為灰燼嘞!!!!點解個

天要咁對我?????點解媽媽生得我咁蠢?????份功課我已經做左4次嫁嘞!琴晚個腦又唔做

咩上唔到網,搞到我份功課要轉機再做過!我突登一早返尼做功課,點解你要咁對我????我真

係想爆粗,打爆部機囉!都唔知咩圖館既電腦尼嫁!咁CHEAP都有嫁!食屎啦!!!!!

跟住就去參觀嘞!去左油麻地.唉!都冇乜野好抄….佢講既野其實上網都有得抄啦!今次份功

課仲難做!真係唔知可以寫我學左D乜囉!大哥….我都只不過尼睇下野姐…..你想我學左D咩

呀?你話去睇科學館都學到好多科學知識姐….我今次係睇YMCA呀!3-4版紙….你寫比我先

啦!

都行左幾耐!搞到4點先走,唉!仲有D時間,返唔返學校繼續埋份功課呢??唉!但係我又唔想

今日返學校既時間同車錢白費個喎!算啦!返啦!橫掂有時間!份功課遲早都要交嫁啦!返去!

咁到我個條博頭肉裂開嘞!終於都搞掂個WEBPAGE!只欠個REPORT,明天再繼!努力呀何

菲!!!!個HOTMAIL真係食屎嫁!威廉又話將個WEBPAGE SEND去HOTMAIL好D…但係

呢,就係SEND極都SEND唔到!你去死啦!好彩IRIS借左佢條手指比我咋!如果唔係…我份功

課要做第7次嘞!唔得嘞!我真係要走嘞!我就尼暈嘞!

P.S.今日我DADDY生日呀!真係唔知同唔同佢講生日快樂好囉!佢前日先媽過我尼,但係我

又見到佢,又知道佢今日生日喎!咁唔同佢講又好似好唔知點咁…咪就好似我之前變左鬼個

陣咁囉!但係今次又唔同喎!算啦!唔講嘞!我係一個不孝女!佢都唔會稀罕我個句生日快樂嫁

啦!超!
[PR]
by scoobfaye | 2006-10-27 20:46

harmony

上個星期尾去左CAMP呀!!!!勁開心呀!開心到唔想返屋企嘞!!!我係去SAO搞既活動既

TRAINING CAMP呀!我本身都唔係想去嫁!因為要同一班我唔識既人訓埋同一間房....好冇

安全感家嗎!但係呢,我又JOIN左人地個活動.佢搞既EVENT我又唔去,就會好衰家嗎!!!唔得

咁嫁!所以呢,何菲做左一個好豁出去既決定,死就死啦!

我個CAMP係去長洲嫁!真係好耐都冇去過CAMP嘞!!!都唔知要拎D咩喎!又驚拎漏野喎!真

係未出發,先興奮呀!!!!

阿嘉約左我地1點9係碼頭等,我地等呀等,阿嘉都遲左小小….D helper都遲大大大到…實

在係太過份嘞!好我地兩點鐘上船,yeah!

係碼頭就識左carol,佢好靜,唔多講野咁,但係佢個人又幾搞笑個喎!係船上面,阿嘉就同我地

分左3組嘞!我真係艷褔無邊呀!同我同組既全部都係男孩子尼嫁!男孩子挑選那位……搞咩

呀?阿嘉有見及此,佢就叫我掉組嘞,掉左我去全女班!你對我真係好呀!yeah!!!!!跟住就開

始一日既活動嘞!首先好唔知做咩咁改左一個組名”石里貝”(香港某一地方名!what?!)然

後我地揾3樣樣野係代表我地個組既.再比10蚊我地一組,衣3件物件之中其中兩件係買既,

第三件就係自己揾又好咩都好.然後比張長洲地圖我地再自己去個營地.最快個組就勝出第

一回合!結果?!我地女子組都唔會遜色於人前嫁!我地第一回合-勝!yeah!!!!

齊人哂就分營房,我同carol同埋阿嘉一間房,放底d野就去左活動室嘞!一開始玩左好幾個記

名既遊戲,第一次玩都OK...但係叫一個記憶力其差既人玩得太高難度既記人名遊戲呢.就咩

都唔記得嫁嘞!玩完記名既遊戲呢,就食飯嘞!!!!YO!

個度D餸都OK個喎!佢煲湯呢.....咁先叫做湯家嗎!食食下,有一班黑社會人物又尼食飯

呀!!!!D樣勁串!車!尼食餐飯姐....又唔係要同你開拖,洗唔洗咁惡呀!其實佢地係新民書院既

學生尼既,但係唔知點解佢地要咁惡囉!然後佢地有野宣怖喎!洗唔洗講到咁大聲呀?個飯堂

你嫁?得你地先尼去CAMP嫁?

CONNIE同CHERRY係我地個組既HELPER,佢地都好好人呀!如果CONNIE係大姐

姐,CHERRY就係二家姐嘞!佢地都好好人呀!

食完飯,我地又去左活動室,玩左一連串既遊戲,我張BB相,D人都唔認得我了~仲要話我個樣

似男仔...似咩?!笑得咁開心都話我似男仔?!阿嘉都拎左佢張童年既相尼,佢細個雙眼其實係

好大嫁!而家都大~不過唔知佢做咩要拎副眼鏡姐住佢.....勁長喎!佢D手手腳腳,美女一名

呀!WOW~

跟住以唔同形式玩左幾次有口難言,我比阿嘉叫左我出尼做講個個,我衣D....有語障既

人...D人聽到好辛苦..我自己都講得好辛苦!幅圖勁複習!阿嘉~你玩我咩!!!搞到我好似比人

鬧嘞!我都就尼爆血管呀!而由衣個遊戲,我又多左一個擁"等".佢唔知以咩理由係咁話我把

聲好得意,不斷咁叫我講故事比佢聽.WHAT?!SHUT UP!

然後呢,我地10點半左右,訓覺?!no way! 我地去食宵夜~但係呢,落山之前,我地仲有一個

活動,就係蒙住雙眼,由partner既帶領下行落山!嘩!正呀!carol勁緊張,捉到我隻手痺左嘞!

然後無驚無險,我地落左山嘞!阿嘉請食糖水!多謝~然後我地去左碼頭一帶,團友們都去左掃

街!勁!都唔知點解你地仲食得落嫁!但係佢d野食又真係賣得好平!唔買就真係蝕嘞!12點幾

上返山,沖個涼就訓嘞!

星期日,本身要8點起身落去,我7點幾醒左嘞!實在係太高興嘞!點知一個唔知咩人敲門,阿嘉

好搞笑咁回應過去了~

落到去,下?!做早操?!一人一個動作?!點諗呀?!結果我地團友們,一個超人變身動作都做得

出!勁!食過早餐,我地又開始遊戲嘞!一早就玩鬼上身?!CHIO~唔係掛?!我都未訓醒......由

開始去到玩完嘞!都係唔明做緊咩!然後又做左d檢討既傾計咁,多左小小時間就食檸檬大懲

罰!再玩一個好似寫紀念冊既野嘞!個個人好似比人玩咁,背隻都貼左一張A4紙,人人都係佢

背隻寫佢對被貼既人既感想~好有氣氛呀!個個人好似係度互相紋身咁呀!!!勁開心!跟住食

lunch嘞!今餐飯真係林美香呀!咁難食都得既?!太差嘞!

食完飯就去執房,交房嘞!真係唔想走呀!玩得勁開心!個個人都好搞笑!咁當然係除左一兩個

人啦.....再係活動室傾多陣計,我地就走嘞!

而我係回程既船上面,好不幸地....又再一次比人非禮嘞!佢真係好過份!佢想拍我把聲同埋

個樣之嗎!我唔鐘意一人入鏡喎!佢就非禮我!實在係太衰嘞!點解我何菲咁可憐......一直都

擺脫唔到衣個厄運..........天呀!
[PR]
by scoobfaye | 2006-10-23 17:24

10月20日,鼻塞塞

很久沒有到這裡來打下日記嘞!都係個句啦!我部電腦同我一齊生智慧齒,咁咪一齊病左囉!

不過佢就病得嚴重D,周不時抽筋,而我就好過佢,唔食藥都好D,食左藥就成個癮君子咁!都係

唔好食藥嘞!咁衣篇日記又點得尼嫁?你理得我丫!有野你就睇!問咁多做咩呀!

咁耐冇打過日記,我都唔知講咩好了~呵呵呵!近排寫左好一兩封信比我D朋友~希望佢地快

D回信啦!收信個感覺其實係好開心嫁!就好似打開一個塞滿左既雪櫃咁….個感覺好似玩緊

即揭即中獎咁,好似隨時會有驚喜咁呀!所以由細到大都好鐘意考完試派卷個種感覺,但係往

往我一收到份卷之後我就會好底落嫁喎!咁所以呢,都係打開雪櫃抵玩D!!!但係睇信就好似

多D野睇咁囉!

今個星期都係返足四日學,我仲早左到添呀!!!!勁開心!遲到係一件好難受既事尼嫁!呵呵呵

~今日天氣真係好呀!今個星期我再收到埋我個名牌嘞!我地係咁話係狗牌!哈哈!係一個懶

係HIGH既塑膠痴住一片金色既鍍左金色既金屬片再涉張PRINT出尼既名既紙仔既牌仔.咁

就收我15蚊?!你玩野呀?仲要比我發現阿SIR好偏心嫁!個個老師都係衰人尼嫁!個個都洽

我!派野又唔派比我!我同人講野佢又以為我話緊佢,又係咁記住我!跟住D同學呀!都洽我嫁!

嘈豬巴閉屎閉,搞到我要第二個人做PRESENT!我真係全界最不幸既小朋友呀!哈哈哈哈哈

哈!!!(以上既怨言唔係事實既真相!而係經過何菲扭曲左……)而家我係學校實在太癲嘞!個

個話估唔到我係一個咁既人,毎日都有人問我食左藥未?呵呵!笑下啦~輕鬆D啦香港人~我

諗係衣一班之中,同我最笑得既都係阿沈嘞!真係好呀!係得你先同我笑嫁咋!IRIS好似比我

地冷落左咁...係我地笑得咁開心既時候,佢永遠都係好沉默咁…我覺得好搞笑個喎!唉!唔通

我地有代溝?!O MY GOD~

我個小學同學係咁搞我個頭呀!我頂你個肺!我好唔鐘意人地搞我個頭嫁!人地咁有心機咁

整…你仲要一野拍落尼!你去死啦!好彩我冇同你相認咋!如果唔係…我都唔知會變成點嘞!

今個星期D堂我上得好HYPER呀!都唔知點解,總之見到咩都覺得好開心啦!比左好多回應比

MISS,但係我D同學們就認為我痴左綫!

我今日星期6日會去CAMP呀!好緊張呀!同我一齊去CAMP既人十個有十個我都係唔熟

嫁!!!!咁你做咩去呢?咁衣個係我JOIN既CLUB既活動尼家嗎!咁唔通我JOIN左又唔去佢搞

既活動咩?!迎新個日,個度D同學們係咁話我同阿嘉(阿嘉係衣個活動既負責老師)好似呀!唔

制!我係我!我同佢一D都唔似!佢仲叫我地帶一張自己童年既相去CAMP喎~係衣時候…我

拎返我D童年既相出尼,一路簡,我就越發覺3歲定80係講得好岩嫁!!!原來我細個個陣個笑

樣一直都冇變!由細到大都好白痴!衣起棚死人牙,隻眼細到豆豉咁!再加埋條好似好可憐

既”八”字眉!一睇到個傻仔笑樣自己都好想笑!

不過今個星期最搞笑既都係我同老豆講我星期6入CAMP個陣嘞!我都唔想同佢講野,但奈何

我唔同佢講我就會招來殺身之禍.講咪講!會死既!點知,我嚇親佢呀!哈哈哈!!!我諗佢都估唔

到我仲會同佢講野!哈哈!!我係第一次嚇到我老豆嫁!!!以前都係佢嚇我多D家嗎!突然間好

大聲講野啦,鬧鬧下人又突然DEAD-AIR左啦,再突然間好大聲鬧返人啦!哈哈!!!你都有今日

嘞!
people changing
[PR]
by scoobfaye | 2006-10-20 16:15
好耐都冇打日記咁嘞!屋企部電腦係咁輕機,開機就輕機,輕機就BOOT機,BOOT完機再要

BOOT機,不斷咁重複....咁我開電腦尼做咩??

上個星期5老豆終於都返左尼嘞!唉..都好丫!我都過左7日獨居生活(又或者係同細佬既同居

生活.正呀!)...幾開心!不過由此,我學到,以後要係D要擺係公眾地方既私人物品上面落毒!實

在係太嬲嘞!正一死人頭!衰格

上星期5去左第一次field visit, 都冇咩特別,不過都幾得意既~知道左一個運動場既日常運

作...同d同學再熟d嘞!!!!個個都話估唔到我個人係咁白痴!哈哈!!!個個都以為我係個d好正

經既人!哈!我都唔係好唔正經姐....只係鐘意笑左小小啦!呵呵呵呵!!個日同阿沈傾左好野

呀!!我地都幾一致....雖則佢大我一年差10日......但係我地就異常地一致咁白痴!哈哈哈!!!

真係好呀!冇咩人同我一齊白痴嫁咋....

收到套suit嘞!好核突!都唔明點解學校要我咁着嫁!d料又唔靚!手工又唔好!d人仲衰!我係

唔會忘記個個tailor非禮我嫁!哈哈哈哈!!!

終於都開左第一次4人會議嘞!唉!有位組員又好自已中心,又有位組員真的十分不知所謂!但

願份野可以做得起啦!

同家姐去左九公游泳嘞!個度勁勁勁勁凍呀!我諗都係因為個水濂d水係冰水啦,又要處於一

個風口位喎!又加上佢係一個室內池喎!d池水都係凍嫁!wow~都唔知做咩!佢個深水區係

有浪嫁!搞咩呀?!玩咩!!我同家姐都游到轉綫!哈!但係一樣佢好應該攞獎既係-佢d水好靚

呀!!!!超級無敵十分非常清潔(清澈/清水/清泉/清楚/清晰...whatever)靚到爆炸!好過觀

塘個個又咸,又核突既泳池!

近日真係唔知做咩呀!晚晚都好早眼訓,日日都講野口姪姪咁,詞不達意,想講既野講極都講唔

出!做咩呀?唔通何菲患左絶症?!點解老天爺咁唔公平?!點解要佢得到咁既病????哈哈哈

哈!!白痴仔!家姐話我既語病又嚴重左呀!唉!就尼需要留院觀察,分分鐘都要一個貼身看護跟

進呀!點會咁嫁?!點解!!!天呀!!哈哈哈哈!!夠嘞何菲~

近日發現自已聽歌既取向嘞!真係好呀!我揾到自己嘞!YOHOO~

今日返學,sango坐係我挌離,其實都幾唔想佢坐係度,佢坐係度呢,周圍既女同學會對佢好

有興趣,就會嘈我上堂!討厭呀!但係最大大大既問題係sango太"香"嘞!!!!哈哈!一離開左

佢既氣味範圍之後呢...我個鼻由於得到釋放,勁勁勁勁流鼻水!頂!但我想澄清一句,佢既香

係來自佢對自己清潔既認真,但係太認真嘞!我頂唔住嘞!!!媽咪~

今曰見識過sango部ipod既歌,真係可愛呀!聽唔明既語言既歌尼嫁!!!!o~莫非sango係

外星人派尼既?!救命呀!ET襲地球呀!!!!唔好捉我呀!
[PR]
by scoobfaye | 2006-10-16 14:48
今日中秋呀!我聽到條街好嘈囉!

今日我本身係冇堂上既~但係我都返左學校呀!學校本字典大D丫嗎!同埋學校部電腦真係一

部可以用既電腦~所以我返去既目的係查字典同埋用電腦,但係今日我只係查左字典咋...我

實在係咩字都唔識!唔可以咁嫁!係咪好好學咁呢~只係得今日嫁咋!我都唔知點解我會突然

間咁好學!

點知就開壞左個頭嘞!一上車就見到一件好自大既物體!超!我有D唔係咁好既預感!點知真係

呀!何菲變左鬼囉!

一返到去,一心諗住想去下廁所姐....點知行去個個廁所都洗緊!我頂!我只係想去廁所姐....

做咩唔比我去喎!行到去好遠.....我終於都揾到一個可以去既廁所嘞!真係好呀!

入到去CILL,得我一個咋!真係好呀!!!我最鐘意咁小人!個度個MISS好得意呀!係咁同我講

野,好熱情!仲有小小煩!不過佢真係好好既~

LUNCH TIME我就變左鬼了~唉!上了生命中既一課!真係獲益良多呀!睇清你個人嘞.不過

真係好傷感...<你太令我失望!>

去左廁所冷靜一陣,之後再去個度繼續查字典,唔可以比衣堂人生課搞亂左我既行程家嗎!去

到5點我就走嘞!唉!何菲變多兩次鬼囉!我真係咁面目可憎咩?

返到屋企,冇人!哈哈!!真係同我灰暗既心情合拍呀!比我靜一靜.第一次一個人過中秋呀!一

個人...都幾好丫~睇電視,睇電視...條街好嘈呀!有D想落去湊下熱鬧嫁!仲諗住睇下可以揾

邊個部我行下....咁當然冇衣個人存在啦....落去行下,就算自己比人遺棄,都仲有街上面既人

知道我既存在丫嗎!但係我最後都冇去到....冇法啦~周公揾左我去賞月呀!真係好呀!<至少

還有你>我都有人約個喎!何菲都唔係冇朋友既~
-----------------------------------------------------------------------------------

朋友 我當你一秒朋友
朋友 我當你一世朋友
奇怪 過去再不堪回首
懷緬 時時其實還有

朋友 你試過將我營救
朋友 你試過把我批鬥
無法 再與你交心聯手
畢竟 難得 有過最佳損友

從前共你 促膝把酒 傾通宵都不夠
我有痛快過 你有沒有
很多東西今生只可給你 保守至到永久
別人如何明白透
實實在在 踏入過我宇宙
即使相處到 有個裂口
命運決定了 以後再沒法聚頭
但說過去 卻那樣厚

*問我有沒有 確實也沒有
 一直躲避的藉口 非甚麼大仇
 為何舊知己 在最後 變不到老友
 不知你是我敵友 已沒法望透
 被推著走 跟著生活流
 來年陌生的 是昨日最親的某某*

生死之交當天不知罕有
到你變節了 至覺未夠
多想一天 彼此都不追究 相邀再次喝酒
待 葡萄成熟透
但是命運入面 每個邂逅
一起走到了 某個路口
是敵與是友 各自也沒有自由
位置變了 各有隊友

REPEAT*

早知解散後 各自有 際遇作導遊
奇就奇在 接受了 各自有路走
卻沒人像你 讓我 眼淚背著流
嚴重似情侶 講分手

有沒有 確實也沒有
一直躲避的藉口 非甚麼大仇
為何舊知己 在最後 變不到老友
不知你又有沒有 掛念這舊友
或者自己 早就想通透
來年陌生的 是昨日 最親的某某
總好於 那日我 沒有 沒有 遇過 某某
[PR]
by scoobfaye | 2006-10-07 16:02

10月5日 笑都唔可以咩?

今日上左兩個鐘SEMINAR,就放學嘞!但係放左學,都仲有野要做!要去開會呀!傾個個死人

頭PROJECT!唉!真係唔知做緊咩嘞!阿沈佢開唔到會呀!今次開會好齊人呀!上次得4個人,

今次好好多嘞!有7個人!我地去左開房!哈哈哈哈!!!我都係今日先知,原來圖書館個D玻璃房

係可以卜,同埋係咁用嫁!amusing!

我地阿主席--阿強.佢呢,叫就叫佢做主席,但係呢,開會一係就唔到,一到就遲到,遲到仲要早

走!叫佢坐底一齊傾又唔睬人!自己係度畫白板.....唉....

岩岩好!傾左一粒鐘!都要交房嘞!好似咩都係遇期之中~幾好幾好!不過我覺得事情唔會咁

簡單既!SANGO真係好受歡迎!歡迎到我唔係咁妥佢嘞!我突登唔望佢講野呀!吹咩?!一路開

會都見到SHARON個樣有D野嘞....算把啦!佢實在太以為自己好LEADER嘞!

開完會就返屋企嘞!飛咁快咁返到屋企,咁趕做咩?我趕住去暢泳一番呀!今日個太陽其實都

唔燦既!不過算啦!橫掂我咁耐都冇游過水,去啦!

係屋企食左小小野,搞掂晒所有野,我就出發嘞!一路行, 一路上都見好多着住校服既學生,頓

時覺得自己好似好衰咁...再經過自己間小學,嘩!好多記憶都浮晒出尼呀!真係白痴!不過唔

懷念...實在有好多好慘既回憶嘞.

落水LU~正呀!個泳池好小人呀!小得可憐呀!就係因為個泳池太小人,加上好小女仔會游水

既關係,我既出現係惹來疑惑既眼光!我諗佢地係諗緊:衣個係男人定係女人尼嫁?哈哈哈

哈!!!

但係原來泳池太小人係唔好嫁!顯得個泳好靜!我好怕靜!尤其是我自己一個既時候...如果泳

池會開收音機就好嘞!就係因為泳池太小人,奇怪既人就顯得特別多!最驚就係有個人係咁係

我面前轉尼轉去,仲係咁LOOK大隻眼望住我!頂!你再望我就鏈死你!

一路游游游,生命真係好奇妙呀!今日唔去游下都唔知自己D身體機能差左咁多呀!仲一路感

覺到自己條氣一路游就一路順左喎!好得意呀!下次要去跑步,睇下我死得未!本身諗住游到4

點嫁!但係我見到好多好恐怖既野嘞!忍唔住,3點半就上左水了~

同埋呢,原來游水係好眼訓嫁!我真係要訓嘞!

聽日係唔洗返學嫁!不過我都係決定左要返學校,做功課啦....好多野做呀!
[PR]
by Scoobfaye | 2006-10-06 00:26

10月4日,中計

唉!何菲蠢左嘞!比個惡毒巫婆同埋學怪人整左一獲!搞到我沖左個冰水涼!嘩!爽呀!D人話,

沖個熱水涼可以易訓D,我又唔多覺喎!反而我沖完衣個冰水涼,我仲想訓!早知我就早D沖啦!

不過都好!反而仲有意外既收獲!正!

今日又有電腦堂呀!雖然阿SIR唔係講得差,不過我都係聽唔切..唉!我會唔會唔合格嫁???跟

住上個堂至乞人憎既KEY SKILLS!我頂!個腦咩都LOAD唔到!好彩係小組討論姐~我都知

我冇比D咩答案係好衰嫁嘞!不過我知道我既組員們係唔會介意既!呵呵呵!!!我都比左好多

娛樂你地啦!我都唔明!係我咁急既時候,點解你地可以笑我笑得咁開心!唉!真係冇陰公呀!我

急到就尼死嘞!!!

跟住就係上普通話,都幾好玩既~我D組員們又唔知做咩,係咁話我要上個個情緒控制班!我

都冇對你地發皮4,只係笑得癲左DD姐.....咁都要控制?!真是令人費解啊!

上完堂,一心諗住即刻飛返屋企,把握今日既陽光,點知我兩點先FREE!唉!返得屋企,再出返

去SWIMMING POOL,太陽都落山啦!頂!真係好唔開心囉!算!我聽日再去過!車!希望日個

會唔好開咁耐啦....

琴日又加左D野係間房幅牆上面呀!真係開心呀!!!!好似為我既擔心打左支安慰劑咁~望到

佢地就覺得開心嘞!只可惜我間房大塵!如果唔係佢就十全十美嫁嘞!
[PR]
by scoobfaye | 2006-10-05 01:18

10月3日,監獄風雲

今日返學?!幾好幾好~可以離開一下高壓既地方....比何菲透一下氣丫嗎!你想佢死咩?!

今日我遲到了...唉!我都唔係遲左好好好好好多姐....只不過5分鐘...點解D英文老師咁鐘意

準時呢???以前個個係咁,而家個個都係咁!!!!頂!!!果然係天下烏鴉一樣黑!所有野都係咁

嫁!

上完英文堂去左個SPA ROOM上左兩堂LEATURE,EDMUND一D老師樣都冇!係咁比班女

仔HEAD住..WINNIE好好多!不過我覺得佢唔係咁簡單既....上完堂?!唉!阿沈同埋IRIS都

收到SAO既電話...佢地給邀請了...我都未收到...我INTERVIEW個陣真係咁差勁咩??死

啦!!!咁我份KEY SKILLS 功課交咩呀??我頂!做咩有D咁既科,要交埋D咁既功課嫁?唉!!!!

我地3條友諗住去SAO睇下個結果啦...點知望極都睇唔到...INTERVIEWD人呃人既!你死

?!你地呃何菲會有報應嫁!!!!!唉.....真係唔開心呀!點知係最後一刻!哈!我都收到電話

?!!!真係好呀!!!不過我咁遲先收到電話...我諗我都係D後備名單個GROUP嫁?.....是但

啦!!!都幾好丫!!!我有得交功?!!!真係好呀!哈哈哈!!!!講真個句.我參加衣個野,有40個巴

仙係因為我想用佢尼交功課,其餘個D係我個人既意願....咁點丫?!唔滿意我咩?!打我丫笨!

我地仲睇到有D活動既宣傳,有一個係唔知咩情緒控制嫁!阿沈一睇到就話我好需要參加佢

喎!你唔係咁直接嗎??我發皮4你都未見過,咁就一口斷定我要去?!不過,你說得對!我真係有

參加既意慾!

今日冇去圖書館就返屋企?!!!今日返屋企有好多野做呀!聽日先去啦!返到屋企,首先就係?

下我個兩隻寶貝CD啦!唔知邊條粉腸將佢地由個機裡面擺左係個不知所謂既地方呀!真係陰

公豬呀!何菲鍚返~好彩仲聽得咋!如果唔係我就屈斷晒你地既CD!

然後就入房搞下我個門鎖,買左個新門鎖,一心諗住可以以$25,買來出街既安心...係我拆左

舊個個兩頭蛇出尼,裝左半個新個個入去...諗諗下....好似唔係咁對路喎!又打比我既智囊團,

聽完佢一番解釋之後....我個$25係白花....咁我又要提心釣膽咁出街?!唉....算啦!可能我

真係換左個鎖既話,我會TAKE更多既RISK呢....算啦~咁我又裝返個兩頭蛇返去了~我當然

做左小小野啦!佢以後山門都好順?!幾好?!

有D人唔知做咩囉!佢想自己早死D呀!我同佢係屋企又冇語言上既衝突,更加冇身體上既接

觸(掂親佢都會生野嫁!),我同佢基本上係河水不犯井水嫁啦!佢係要發我皮4個喎!發皮4係

會死好多細胞嫁!!!算!大家唔好理佢!佢要自殺,我地就成全佢!由佢死啦!我睇佢幾時爆血

管!係咁掉野!車!你咪掉囉!掉唔到我我就由得你掉死佢!爛左自己賠!但係我狠請你唔好用D

咁屎忽既眼神去監視我!我做D咩都唔關你事!我又狠請你唔好再望我間房!我會查晒字典去

用英文鬧你!唔該!
[PR]
by ScoobfayE | 2006-10-05 00:44