unlogical


by scoobfaye

<   2006年 09月 ( 15 )   > この月の画像一覧

今日係第一個星期5唔洗返學呀!真係幾唔開心!我真係好鐘意返學嫁!大佬....我比咁多學費

你,衣日又唔洗返,個日又唔洗返,咁我就合格嫁拿?咁我比D學費你做咩嫁?頂!

雖則我今日真係冇堂上..但係我都返左去一敞....返去做咩?我交我份學費減免野呀!

一早起身,家姐約我10點上佢公司搞掂份野喎!咁我都好乖咁好早起左身,一路等時間到就出

門口既時候呢,我家姐就叫我遲D先上尼!唉!又一次了....我之後約左人嫁!成日都係咁!搞到

我咩預計都冇!!!!好憎你咁呀!

最後12點就上到去,都唔知佢做咩嫁!衰人!搞左好耐呀!發現又漏左D野...唉!唔鬼理佢嘞!

再後補啦!再去左媽媽公司拎埋個張好似幾重要既文件~何菲出門又遇貴人嘞!幾好?!我自

己單身隻影踏出家姐公司,一個路盲踏上尋媽之路.....哈哈哈哈哈哈!!!!好低能!

我又唔識搭車喎!明明家姐話佢琴晚會擺低係佢屋企家嗎!點知又唔擺!又要我自己上尼拎!

都唔知佢係咪用埋D屎橋,想一睹一個路盲既狼狽相!佢都係一個衰人!我既目的地係中環街

巿,一上車就問下個司機叔叔:請問衣架車經唔經中環街巿嫁?佢就擺出一個好趣怪既樣出

尼,再答:到嫁!

咁我就好開心咁坐低左了~個叔叔好似好好人咁.幾好幾好~行下行下....咦?!咁似一個街巿

既?係咪下個站落呢???我從個倒後鏡見到個司機叔叔開住個門,又不斷咁望住我,但係佢又

唔叫我落車喎!但係佢咁望我,我又好似FEEL到有D野喎!佢唔叫我嘞!好慢咁開返車,我即刻

衡上去問佢我係咪要落車,點知佢已經係車頭開定門,佢話:係呀!你做咩唔落車呀???你係衣

度落啦!哈哈!!!你唔同我講,我真係唔知個喎!呵呵呵!

上到媽媽公司,天氣又熱,加上我日程比家姐搞亂左,已經好嬲嫁嘞!趕時間既同時,我媽媽係

要捉住我講兩句先!我又唔敢打斷佢喎!更加唔敢發佢皮4啦!唉!媽媽...你放過我啦!好彩!咁

岩有部LIFT落個喎!仲開左門添!哈哈!!咁我就脫了身嘞!真係好!

總算上左車,返左學校,點知!超勁爆多人排緊隊等交囉!我頂!!!我正在趕時間,有冇快綫排

嫁???

點知排到我既時候呢,又話我要交衣樣,COPY個樣!我頂!!!!你唔早D講!你去死啦!又熱喎!

勁鬼憎係咁熱既天氣趕時間嫁!死人頭!我頂你個腩呀!終於都搞掂嘞!我又遲到!死人頭!我

頂!至憎D人搞到我遲到嫁!阿LAAM....真係好唔好意思呀!!!!!超級無敵唔好意思呀!要你久

等了...我係電話之中D句氣又咁衰,我唔係有心嫁!!!

同阿LAAM食左D野,就勁行波鞋街,佢要買生日禮物比佢DADDY啦,姑丈同埋媽媽呀!真係好

呀!!!我係唔會買比佢地(我既意思係我既佢地)嫁!細個都有既~但係唔係買嫁!係親手整既

~不過唔知幾時開始,我就冇整了~生日就同自己媽媽過啦!應該送返份禮物比自己媽媽添

呀!

阿LAAM真係一個好搞笑既人!我諗除左頭氣既時間之外,我其他時間都係用尼笑嫁!阿

LAAM,我諗如果我同你一齊去圖書館,我一定會比人掉落BAD-LIST,同埋D人唔比我入去

囉!!哈哈哈哈!!!

我地仲見到方雪兒呀!相信都唔會有邊幾個人記得佢係邊個嫁嘞!!!!今日見到佢,我都唔知有

咩值得我記,最搞笑就係,佢好標榜自己同佢女朋友一齊左10個月,係10個月呀!(一個BB都

生得出喎!真係好勁喎!)好威呀!10個月就要我覺得勁?!咁個D以"年"做單位既咪超超超勁!

勁威添啦!另一個令我記得既係,佢話自己成條波鞋街都係佢睇嫁!幾勁呀!有折嫁!街頭有好

多靚女,佢成日去潦,街尾個D又唔知點樣佢又識哂喎!車!結果阿LAAM都係自己揾到佢想買

既鞋,佢買左兩對鞋呀!出手極之闊卓,唔緊要啦!有人託佢買.個兩對鞋都好靚呀!我覺得個對

ONE PIECE真係買得過!雖然真係好鬼貴!不過佢真係靚,又型喎!唔知係咪比佢感染左呢,

我自己本身對金色唔係好

有好有感覺既,都開始覺得金色幾順眼....襯埋黑色...唔錯唔錯~

好!我要停嘞.阿LAAM叫我唔好打好大段野尼講我同佢今日既野...哈哈!!我都想講埋最後一

句:阿LAAM,我好鬼鐘意你呀!
[PR]
by scoobfaye | 2006-09-30 00:03
今日返左兩個鐘頭學,唉!好不幸地,我衣幾日上堂唔係唔聽書~只係我真係唔知佢講咩!而咁

岩佢又問我書哦!我當然好直接咁答佢唔知啦!哈哈!!MISS好串!佢問:唔知?!咁你讀咩嫁?

冇錯!我係讀屎片嫁!哈哈哈哈哈!!!!對唔住!係我悟性太底!聽唔明你講咩!答唔到你條問題!

我會DO MY BEST 去改左佢!

今日D人勁勁勁勁遲到呀!!!都唔知佢地做咩嫁!之前兩堂都唔會咁勁!今堂真係好過份!

MISS塊面都濃左...佢地又真係唔岩既~

上完堂,已經傾好晒陣間要去九公實地考察,阿"組長"又約人12點到,一齊出發.點知!我最早

到!阿"組長"同埋最特出既SANGO最遲到囉!唉!冇咩辦法啦!大家都明啦!有D人又自己諗

得多左,大D人又自己扮咩都唔知!鬼叫佢當時大叫左一句:SANGO話要我嫁!由衣句開始,我

已經見到晒你既用心!唉!個個都好精咁返屋企換3,係得我着住衣件咁難行既3係九公裡面

行動....好辛苦呀!D腳指痛死!行平路都冇咩野...最屎忽係個幾條抖斜的路!我恨不得有人咩

我行過去!好彩!我班同學都好好~MANI好主動咁當我阿婆撐扶我行落去~唔該晒你呀!你

對我真係好嫁姐!

今日係九公都唔係影左好多相,一路行就一路諗份PROJECT可以點做!唉!越諗就越唔知自

己要做咩!點算好呀?!點打廿幾板紙出尼呀?玩咩?一路望下D同組既同學....唉...都唔知做

唔做得成既!突然間,我覺得自己好似,我會唔會比人篤背隻,然後......

總係覺得衣一姐既人都唔係咁好合作既.....SANGO真係好特別,佢係班裡面實在係勁POP

呀!我作為組員,當我知道我同佢一組既時候,真係幾開心!覺得自己好似HIGH左!不過就係

因為佢太特別嘞!個個都"望"住佢,我唔係話唔底得佢,我不知幾唔鐘意D人"望"住我!但係佢

既特別,搞到.....唔知點講,總知就係好唔鐘意咁啦!睇尼再分組個陣,又有D小爭執嫁嘞!

好似好耐冇係屋企開電腦嘞!都只因你(電腦)太壞!我又成日係學校用電腦喎!返屋企都唔洗

點用...突然覺得MSN好似冇咩用咁....我比較鐘意同人係電話傾計多D....睇住D文字係唔知

道講野既人既心情既!但係我又覺得信上面既字又唔同個喎!雖然都係字,但係起碼張信紙係

比寫信人花過心機,掂過下啦!咁好似好D囉!但係又無可厚非既.MSN真係好好既通訊工具

尼既~我地既生活都唔可以少左佢!

今晚一開個MSN,LIST裡面既朋友仔都小不免會打上一D"野".去形容一下自己,但係一睇

完,我都不由得冷笑左一聲.點解D人咁鐘意打埋一D好有保留既野呢?點解唔有咩就打咩!我

好唔開心!咁樣一句到尾打出尼.做咩又要講D唔講D,又有好多"........."做咩姐?你有咁多秘

密就咪鬼打啦!懶係野咁!

唉!我都唔知自己做咩咁激動!只係想表達自己既感想姐.你咁樣...好易爆血管個喎!
[PR]
by scoobfaye | 2006-09-29 01:09
今日有好多人生日呀!有我既tama啦,好白痴既鳳鳳,tama二哥啦…..可能仲有既…我唔知

道嘞!咩都好啦!生日快樂!!!!又老一歲嘞!唉…..

今日上完堂,去左圖書館,我而家日日都會上尼嘞!圖書館是我家!哈哈!我諗我以後都會咁嫁

嘞!一放學就去圖書館浦.一係就去CILL睇返場戲,幾好?!痴綫!死妹釘,你仲有大把野做呀!

(咩喎….至多我真係得閒先去睇戲囉!!唔好咁惡啦!)

去左圖書館其實係等時間既~因為約左4人行去飯呀!我地實在係太耐冇見嘞!今餐飯係一次

過慶3個人既生日….等到5點我就同珍珍珍二人行去深水埗,沿路見到好多野鴿呀!!!好驚

呀!媽咪~會唔會有H5N1嫁!!!我唔想死住呀!樓上既禽鳥你地聽住!飛還飛,我唔準你地係

我頭頂方便嫁!

總算都到左嘞,唉!D人呀!似住自己生日,周圍行街!睇野!遲大到!哼!衰人!唔理你呀!!!

我地食到勁飽呀!!!勁食!何菲係大食怪尼嫁!!!!咦……..(咩喎!咁唔通唔食咩?!唔抵家嗎!)

一路都好爆爆,我地個個都係白痴嫁!個個都18歲啦!(除左我之外…呵呵呵)不過好好既係,

我地個個都冇咩點變!苗苗仍然係咁可愛,仍然係咁搞笑,仍然係咁好,仍然係咁…..鳳鳳仲

衰!大個女嘞!做埋晒d唔用腦既野!仍然係咁擺出佢個核突白痴樣!唉!珍珍珍當然都係咁啦!

佢仍然係咁媽媽~呵呵呵呵!我地個個都有生日禮物呀!我都唔想送既!都係鳳鳳衰囉!唔知

做咩又要送野比佢地,搞到我又要送返d野比佢!我真係永世都唔想再送生日禮物比人嘞!

苗苗真係好搞笑!佢指住碟壽司,係度話:咦?!珍珍,你睇~佢走嘞,佢走嘞!你見唔見到呀?佢

好似見到有條稀世珍品游過咁!哈哈哈!!真係好搞笑!傻既!

我實在係着得太咩嘞!個個都要望幾眼!我警告你地!我又唔係着住件公仔3,做咩望住我?!我

炸爆你地隻眼呀!變態!
[PR]
by scoobfaye | 2006-09-27 15:45
前幾日去左剪頭髮呀!真係太開心嘞!我揾返阿NICK剪呀!真係世上只有佢最好~今次同佢

講左好多野,發現左佢既另一面呀~覺得佢好似我細佬,咁當然唔係真係我輩份大過佢啦!只

係個感覺似姐,我都唔想咁...大家太似嘞!佢就好似預演緊咁...同埋係我第一次見到佢笑!原

來佢會笑嫁!哈哈哈!好得意!今次剪頭髮,又一次咁證明左,係得佢先可以剪到我鐘意既頭!阿

NICK,我愛你呀!永遠都要你同我剪頭髮!!!!!

今日做左個PRESENT,其實我咩都冇點加入既~主要都係因為有個好主動又好獨裁既唔知

係咪組長,我諗佢已經當左自己係嫁嘞!

今日越尼越了解自己班D同學,我個班既同學係女多男小,所以我正打算改性,為男同學打打

氣!哈哈哈哈!!!!而且,班上既女同學都.....算啦!由得佢地啦!不過....正所謂:近硃者赤,

近......媽咪呀~我唔要變到佢地咁呀!!!!
[PR]
by scoobfaye | 2006-09-26 17:28
我而家係學校既圖書館裡邊,今日一早就返到左學校嘞!!!!IRIS同埋阿沈都問我點解今日早

左!!哈哈哈!!我都覺得好開心!!我今日唔知做咩,咩都好快搞掂嘞,所以早左3個字出門口,所

以早左返到學校.我自己都好好好好好好好好開心呀!開左學咁耐,係第一天早左返到學校

呀!!如果日日都可以咁就好嘞!

上左英文堂,係一堂好唔知點講既英文堂,只可以話佢好怪,還需要時間去適應...話咁快就上

完堂嘞!好野!MISS話,以後我地星期5都唔洗返學嘞!如果下晏個堂要出街之外,咁我地個時

間表就排得密D,SO GOOD~咁即係話,我逄星期5都會得閒D啦~SO GOOD~然後就去中

環,嘩?!去中環衣D咁COMMERCIAL既地方做咩呀?!因住比D白領一族拐左去呀!冇~我去

中環都係去家姐公司,搞掂我份學費貼野,唉!真係好煩呀!又要衣樣,又要個樣,我地都好驚會

填錯晒!結果我地好錯漏百出咁!我地都覺得我唔會申請到車船津貼嫁嘞!然後呢,係我地填

左一半既時候呢,我就讀出以下句子:如果填寫時出現錯漏,只可以以筆修改......意思係話,唔

可以用塗改液類似既野呀!!!我頂!!!!我同家姐既刻對望左一眼,家姐就塗左好多忽塗改液

呀!!!哈哈哈哈哈!唔埋佢嘞!!!佢為左咁而唔批我都冇計....我同家姐都好驚佢會好認真咁

check呀!實在係太多好複雜既野嘞!

然後仲有d野係媽咪度喎!咁我地就上左媽咪公司,佢真係一個大傻婆尼嫁!明明有近視,明明

都戴開眼鏡嫁嘞!就係無端端突然間唔戴眼鏡!比野佢睇就好似個阿婆咁睇!唉!!我阿媽係大

傻婆!

跟住就返左尼,交左份野了~希望佢會批啦!

琴日呀!何菲遇到好人呀!!!!其實都唔係d咩事既~話說我放學之後,要去揾阿sir搞我d住址

既事,點知去到STAFF ROOM個層,我又揾唔到個間房喎!好迷惘,好迷惘....然後我個班既男

班長行過喎~問我做咩啦,我就同佢講我想揾阿SIR呀!!佢好快就揾左阿SIR個房嘞!然後佢

就行走左了~然後我望住阿SIR個門口...點算好呢?個門口有個密碼鎖,同埋一個門鐘,我都

唔知點做.....企係個門口又唔知做咩,見到有個校工行過喎~我咪問佢我可以點揾裡面D老

師囉!佢話禁鐘,有人開門就揾囉!下?!唔係掛....咁奇怪?!好驚喎!我以前揾老師都唔咁嫁!都

係門口有個咪,咁住然後就隊把口埋去叫之嗎!正當我怯緊既時候.....男班長又出現嘞!!!哈

哈!!!佢幫我咁左鐘,入埋去,問埋,真係好呀!結果阿SIR唔係度囉!!哈哈哈!!好無奈!然後我

就打算上4樓揾第二個MISS嘞!跟住男班長就去圖書館喎~佢知道我要去4樓揾第二個老

師,仲問我洗唔洗佢同我去揾MISS喎!哈....真係好呀!!!勞煩晒!唔需要了~佢個一刻令我諗

起以前一個同學...
[PR]
by scoobfaye | 2006-09-22 18:00

9月20日,返LCP,我的母校

今日返左3個鐘學,返左好似冇返咁...不過個堂關鍵技能都幾好玩!除左D功課好煩之外,其

實衣一堂都幾開心!!!我好耐都未試過笑得開懷嘞!唔知做咩!當MISS話叫PARTNER A扮返

PARTNER B既時候,我地都笑得勁開心!!唔知點解,但係就係發自內心既大笑!哈哈哈哈!!

然後趕返屋企,再出過去.約左阿LAAM返LCP呀!真係好掛住學校D老師呀!!返到去,見到D

舊同學啦,好似毎行一步就會停一停,諗一諗,同D舊同學吹左兩句.不過其實我都冇咩點加入,

我同佢地都唔熟...不過係側邊聽都好好笑!一痴埋阿LAAM或者許德德身邊,我就會笑都甩

牙鉸!係學校徘徊左好耐嘞!!!D老師都唔係度既....求其將D紀念品放左係佢地薄櫃就算嘞!

見到好多老師,十居其九一見到面就話:喂!返尼既?你點呀??而家做緊咩呀???其實我地一

踏入LCP就覺得好奇怪嘞...個感覺總之就唔知點咁啦!仲見到好多老師走左,又見到好多新

老師添呀!!佢地D樣呢....真係搞笑!有個MISS既衣着好潮爆添呀!!至正係佢對三骨黑襪!真

係唔知點形容佢!有個MISS仲尼個極黑SMOKY EYES!哈哈!!好似未訓醒咁!!

跟住我地都好想揾MISS MAN嫁!!!即係我媽咪..哈哈哈!!!不過佢又唔知去左邊...一問之

下....原來佢做左班主任呀!!!留緊做功課班,我地就上左去揾佢嘞!!我地一上到去,先知道原

來我地以前係好乖嫁!!!係我眼裡面....佢衣一班學生,就等於怪獸,佢地可以有D就靜靜地坐

係個位度,但係個樣又樣衰衰咁,有半班既人都係係度追逐緊,人打人啦(由於佢地未去到打

交,只可以話係人打人),搶人地書包,就係咁你追我,我又打你咁,突然之間又想掉人地個書包出課室喎!跟住最恐怖既係有個學生真係目露凶光咁嫁!!!成個大佬咁喎!!!!有個又成個大佬

格咁喎!而MISS MAN係無動於衷囉!佢只係一時又爆出一句:喂,你做咩掉人地個書包出去

嫁!

唔得咁個喎!一係佢就唔理佢地,由得佢地係自己身邊走過都唔理,只係做好佢要做既野!課

室秩序指數係-10000嫁!!!!不過聽MISS講,衣班人真係.....好恐怖!可以對住李智良都爆

粗!哈哈!!!難怪MISS MAN對住佢地都馴如白兔咁啦!!!真係笑到癲呀!再係學校傾左陣,我

地都走嘞!個個有節目既.

阿LAAM真係好SOCIAL呀!
[PR]
by scoobfaYe | 2006-09-20 23:12
今日返學,都唔係好似返學,返學校係傾野,都唔係好知我實質要做d咩...好辛苦呀!d野又好

抽象咁喎...唔知道呀!

走個陣呀!見到有隻小狗比人用d草繩綁左係條街度呀!!佢又好想走喎,但係又比條繩綁實哂

係度,佢係咁叫,但係街上面d人都唔理佢....包括我.....我好想放佢走嫁!!但係我又驚其實係

有人養佢既,咁我戊戊然放佢走,我點賠返隻狗比人呢???佢好可憐呀!!!!我又只係遠遠望住

佢叫同埋爭托......我又唔知點做好喎!咁咪打比人問囉!打左好多個電話,個個都唔聽....我

再打比家姐!家姐話唔好搞佢住,因為佢被綁得係度,即係真係有人養既!佢冇狗帶又或者狗

繩可能係因為佢主人拮据又或者"度叔",再睇多日,如果聽日佢都仲係度咁就要call d人尼跟

進返佢.所以,如果聽日如果我再見到佢仲被綁緊,我就會即刻打比d咩機構嫁嘞!小狗~你要

支持住呀!!!

返左屋企,我又訓晏覺嘞!唉!訓咁多,唔怪之得我肥左咁多啦!聽日開始唔訓咁多嘞!但係我又

真係好眼訓喎!!特別係琴日呀!夜晚兩點幾訓,第二日晨咁早6點幾就要起身!再前日,個日唔

知做咩,晨咁早7點幾就自己醒左!極度眼訓!琴晚終於都訓到個好覺嘞!不過好似又係發惡

夢.今日個晏覺都發左個惡夢呀!真係驚呀!媽咪~不過其實一直以來,差唔多晚晚都發惡夢.
[PR]
by scoobfaYe | 2006-09-19 21:42

9月15日,人際關係課

今日終於都返晒一星期既學嘞!!!!真係唔好呀!!!D時間都唔見得用得實既!有好多FREE

TIME多左出尼呀!!!搞到我可以訓個晏覺!其實我係可以有好多野做既~不過我懶!我寧願我

D時間用尼坐係課室,或者留係學校做其他野好過!只怪我實在太鐘意返學嘞!今日對衣雙死

人鞋習慣D嘞!!!不過如果可以買過另一對咁就好好多了~

放學之後,終於都交左個D報個D唔知咩FORM嘞!!唔報就合唔到格嫁嘞!!!係衣度唔知點解

釋.然後就走LU~留係度又唔知做咩好....又要着住件咁既野.....同IRIS行左一段路,佢唔講,

我真係以為佢同我一樣咁大呀!!原來佢廿歲嘞!真係人不可以貌相呀!!

然後返到屋企,咦?!有人冇返工喎!佢病左喎~我都唔想同佢係屋企過一日!鬆人!去左圖書

館,又借左好幾本書,覆左個EMAIL,就上左家姐屋企打等.

我又中電視毒嘞!唔怪之得我D近視同散光明顯深左啦!!!加上我衣排咁睇書法.....仲未盲真

係托我係鴻褔嘞!哈哈哈哈!!

睇睇下,嘩!好大大大雨呀!勁大!跟住家姐就打比我求救嘞!咁點?一腳踢開個電視,家姐~我

來也!拎左把姐比家姐,佢話佢有地方去喎~咁我就返佢屋企再投入電視世界裡面去了~呵呵

呵~

再冇幾耐,家姐又返尼嘞!繼續電視,家姐同屋又返尼喎!佢一返尼,就感覺到屋裡面既氣氛唔

同晒,廢事出聲啦!同佢同屋又唔熟.....去到8點幾,我又走嘞!廢事又有D咩事啦!避開同枱食

飯咪算囉~

佢話約左人食野,咁我就同佢分手了~一路上,係度諗,我係咪應該同家姐講下呢?但我又覺得

我都幫唔到佢D咩嫁啦!咁我唔同佢傾又好似好衰咁.....再係度諗,佢地既情況都明白既~正

所謂:相見好,同住難.也許佢地仲未去到某一個地步掛......佢地搞得掂既!我知道家姐識處

理既!我又諗:其實我係咪應該慶幸我有一個屋企呢??我係咪應該覺得仲同老豆一齊住係好

呢???點解一家人相處又唔會咁,但係同朋友住又會咁既呢?

打比我既智囊團(問題係:何菲應否跟家姐談談頭先係佢屋企既事?)點知最想揾到個堆都唔

聽電話....算!我仲有好多智囊團!終於都揾到嘞!

哦~我又上左人生既一課嘞!(課題係:人際關係篇)我明白嘞!最後定論係:我打左比家姐,都

係唔幫到佢D咩,不過我諗都比佢RELEASE左小小掛......哈哈哈!好叻嫁嘞!

近年聽到好多朋友們對我打既日記既意見,佢地係話有好多字,睇得好辛苦,D字好細,水蛇春

咁長!哈哈哈!!我都話我左我有好多野講嫁啦!有見及此,我仍然沒有減小字數既意思!因為我

真係有咁多野講丫嗎!字數衣D野....睇心情啦!而字體大小,我都唔知可以點改,所以,我都作

左小小改變,就係write in every line...哈哈哈!!!我諗會睇得舒服D掛...如果都仲唔滿意

既...我都幫唔到你!你唔好睇啦!
[PR]
by scoobfaye | 2006-09-16 00:52

9月14日,返左學4天了~

琴日茖超級特大雨呀!!!!我返學個陣,落到去MTR STATION成身都濕晒!係濕晒,我諗除左D頭髮"小小"乾之外,身體其他部分都係滴緊水嫁!!!超級唔想返學!但係比個新朋友說服左~你睇何菲幾易受人唆擺?!係嫁!即管賣佢豬仔啦!
我呀,一路行落去搭車啦,對鞋都已經難行,仲要條路呢...好似係個好淺水既水塘裡面行咁....D雨太大力嘞!我把大大姐都頂唔住了~滴滴滴,我個大肉背呀!濕晒!痴住個背隻,極度唔高興!行到最後階段,只係差一條馬路咋!過埋去,我就可以搭車嫁嘞!同我一齊等馬路既仲有一個年輕男人,由於條路太窄,只可以容納一行人,即係我同佢並排企咁,等等等...突然,一架車行過,佢實在駛得太埋嘞!車軚濺起既水花就好似花灑咁兜頭淋落我同個年輕男人身上,我頂!!!!我又唔係冇拎姐!但係成身都濕晒!我同男人都只可以相視而笑,係無奈地笑,唔知做咩!唉!我真係唔想返學嘞!但係諗起學費又貴......唔好哂!返囉!旅程都行到一半啦!
返左都差唔多一個星期學嘞!好難受呀!仲要做PROJECT!又要係電腦做,仲要係GROUP PROJECT!!仲要PRINT埋出尼!!我頂!我個電腦係痴綫嫁!點做呀?後者...我諗我仲需要D時間就可以了~最唔舒服既係個課室呀!以前日日一早返學,返到去就要排隊個D,然後就去一個課室上堂,最多都係去下D LAB咁..而家?!係咁四圍走,D課室都唔知係咪課室尼嫁!課堂既內容仲驚!以前都有本書睇下,可以間下野咁,而家得個聽字,叫我寫野?我都唔知可以寫D咩!可以8點半返到去,10點半就走得...搞到我覺得D車錢好似唔係好低咁....
我明白要向前看~但環境變得太快嘞!!!一時間,好難接受..
[PR]
by scoobfaye | 2006-09-14 22:27

衣歌好好聽嫁!

吳雨霏 - 座右銘 (電影 - "戀愛初歌"插曲)

作曲: Walter Wong
填詞: 方杰
監製: Gary Chan

很信命 當我每次哭 亦只有結他聲
喃喃自語數星星 孤單也像注定
祈求被愛的溫馨 呼天都不應已經很適應
我心事誰又會在意想聽

很冷靜 知道我愛的亦把我當佈景
平凡像我這一種 今天要認了命
才能學會不貪心 碰不到戀愛也毫無反應
單戀雙戀失戀 剌穿了盡是陷阱 放手 得我有這本領

*一個自愛也好 越對我好 越需要控制我反應
對未來沒信心 怎張開眼睛
花花世界太過美哪有我蹤影
怕有天放心後才給我最愛拋棄
我要謹守我座右銘*

很信命 不信有美好 幸福過更冷清
同情沒法把不安驅走以示確定
原來避免輸不起 退出的方法叫遺忘本性
不甘不忍不想 我只有越坐越靜
我的快樂就像泡影

*一個自愛也好 越對我好 越需要控制我反應
對未來沒信心 怎張開眼睛
花花世界太過美哪有我蹤影
怕有天放心後才給我最愛拋棄
我要謹守我座右銘*

派對滿播愛情來臨的風景
獨自妒忌別人誰能夠高興
注定無人來示愛 我都不作聲

即使一個自愛也好 越對我好 越需要控制我反應
對未來還沒信心 怎張開眼睛
花花世界太過美哪有我蹤影
有更心跳選擇而比我遠遠優勝
如何專一都想轉性
與情人齊眉白髮問誰可保證
[PR]
by scoobfaye | 2006-09-12 17:19