人気ブログランキング |

<   2006年 08月 ( 13 )   > この月の画像一覧

8月6日,靜脈曲張

今日都係返工,走左既熱誠,好似有小小返左尼,但係都係好悶,可能真係冇人買,冇精神上既支持.雖然就算好多人買都唔關我事,但係起碼我心理上都覺得我講既野都有用丫...但係D人一見到個價錢,走都走唔切!唉!唔好咁啦!你買舊個隻都得嫁!對比之下都平好多啦!都唔買....油顏色都油到悶死嘞!有見及此,我做左D令自己開心D既事,加上近排我發現左D令我開心既事--就係我高左呀!!!真係開心到震呀!雖然唔係話高左好多1CM啦,咁我真係高左丫嗎!幾好?!而我今日既LUNCH就好放縱咁去左KFC食!嘩!正呀!都好邪惡添呀!我粒死痱支又開始待虐嘞.....哼!食得是福是也~何菲的格言!致理名言呀!橫掂佢遲早都好返嫁啦~呵呵呵!!!何菲就係咁比衣句話縱壞左嫁嘞!而且我仲將福畫油到好唔合常理!例如:樹木應該油啡色啦,我將佢油左粉紅色或者我最愛既綠色~長頸鹿變左朗拿度,箭豬D牙黑左呀咁啦....我既心情都好返DD咁多啦!
衣兩個星期既返工生涯,我合共聽到3次誤會我性別既話.例如:阿靚仔唔該借借!又或者:嘩~你睇哥哥油得幾靚?!等等...我個頭殼頂同埋側面都唔係好似男人姐.....點解可以睇錯嫁....況且我D頭髮咁長....由此證明!<父毌級既人士都係盲嫁!>哈哈哈哈!!!
臨放工前既1粒鐘,都要比個死仔包玩嫁!佢仲要以為自己好鬼醒!哼!唔係我格離企左個男人?!我頂左你個肺好耐嘞!連續兩日都遇到D鐘意問埋好難答既問題既人!好彩我何菲個人腦仲未完全死晒,都仲招架得住~(呼~抺汗...)
今日呀!又比人放飛機囉!約左去爸爸KILL嫁,又講到會有好多人去咁,點知呢,CANCEL!搞錯!衣班D人就係咁嫁嘞!做咩都係得個樣!虎頭蛇尾!仲要係咁遲既時候先搭上搭咁講我知冇得去!衰人!你地以後都唔好約我去嘞!我唔去嘞!
我又要同屋企講左唔返去食飯喎!難得有一日可以免卻左要洗碗啦,要食埋D唔好食既飯啦,同埋唔洗對住D唔想見到既人,再加埋我正牌唔洗咁早反屋企!衣個機會...我梗係唔可以錯過啦!!!上左家姐屋企開餐~YEAH!首先係係車上面同埋係新都坐左陣,一路行都覺得仲OK喎!!都唔係話要攰到櫃低咁,但係一行上通往家姐屋企既樓梯個陣,我完全係扮演緊龜兔賽跑個隻龜呀!仲好入戲添~最佳女主角就係我啦!哈哈哈哈哈!!!!睇完阿羅拉就返屋企嘞!
*仲有一件真係好值得開心既事呀!我個焗爐終於都返尼嘞!!!!如果我本HARRY POTTER都返埋尼咁就最最最好嘞!
by scoobfayE | 2006-08-07 03:06

8月5日,幾失落嫁!

今日同琴日,都係返工啦!但係今個星期既表現差晒!我都唔知點解!總之上個星期既熱誠已經冇晒!哈哈哈!!!是但啦!份工又唔係跟我一世既!
隻腳企到腫晒嘞媽咪!一返到屋企就行都唔想行!就連行去洗白白都唔想呀!但係又要我洗碗!D人變態嫁!
琴日成日都用左90個巴仙既時間去同朋友們傾計!真係勁開心!唔知點解.總之個人真係好開心!見到同撞到好多朋友呀!!!加上同佢地又真係好耐好耐冇見嘞!一傾就傾到唔係好想同佢地分開.同JOY屎傾緊電電個陣,佢問我幾時放榜,我話9號啦,佢好快咁就話:仲有5日咋喎!個一刻,真係心都離一離呀!咩都唔係好想講!大佬呀!有得避就得我逃避囉!做咩提我喎!搞到人地又咁鬼驚!我又痴綫你就死!
真係呢,而家D人係唔識笑嫁!我琴晚咁開心,諗左一個我自己都笑到癲既笑話,我講左比3個人聽,佢地個個都冇反應既!我真係覺得好好笑個喎!你地點解唔笑嫁!真係變態嫁!仲要話好無奈!我一諗到就笑到肚痛嫁!你地真係....放鬆下啦香港人~

今日一返到屋企,人影都唔見隻!去左邊?!搞到我冇飯食!真係唔應該啦!屋企冇飯食又唔話我知,等我自己搞掂丫嗎!算囉!唔食囉!餓死我囉!
嘩~即刻開返個電視先!獨居既生活,真係開心!不過偶然一兩三四五六日就好嘞!我個人怕寂寞,太多我自己既時間又會抑鬱喎!凡事都要適可而止丫嗎!如果唔係聽日要返工?!我而家去左家姐度寄宿一宵呀!
努力呀!何菲,返埋聽日咋!7粒鐘好快就過嫁嘞!

今日又得知道一個...係咪叫事實呢?是但啦!咩都好!總之呢,我係知道左事件既真相!我又比人呃嘞!唉!我真係咁蠢咩?個個都咁鐘意呃我!哼!又呃我!算啦!算啦!我都理唔到咁多!佢又唔係第一次呃我嫁啦!而且都唔係第一次令我失望!麻木嘞...麻木嘞..你話我單純又好咩都好!對於屋企人,我係出盡晒百份百既信任,佢講咩,我咪信咩囉!咁我唔信佢,信邊個?佢要呃我,係佢自已攞尼辛苦姐.....
by scoobfaye | 2006-08-06 00:54
再睇返上一篇日記,我已經一個星期冇用過電腦嘞~你睇,時間就係過得咁快!咁樣就一個星期,再過多個星期,我就.......媽咪呀!救我呀!我死嘞!
總結一下衣個星期我做過D咩啦!上星期56日,我都返左工.返咩工?賣顏色筆呀!賣一隻好靚又超那貴既顏色筆.都唔知佢咁鬼貴賣尼做咩!我地衣D星斗巿民,邊會用得起你d貴野丫!又點會識欣賞你d靚野丫!用得咪得囉!人地10蚊就用到既顏色筆,你賣到成舊水!揾鬼用咩!
雖然真係企到好鬼攰,個度d姐姐又惡屎能登咁喎個樣!(其實佢地有一兩個都好好人既~)係心理上,真係覺得自己係自閉嫁!好彩又有d野比我做下--油顏色~而且衣3日都有d friend尼陪我企左陣,真係威啦!返3日工,3日都有人尼部你返工!致威係我嘞!雖然係企係新都,好似會撞到好多熟人,但事實係negative嫁!可能放學之後d人行到爛嘞!放假到唔想再行啦...而衣3日,公司就培育出一個藝術家出尼嘞!哈哈哈!!!!係我好無聊既時候,我就會油晒佢地d顏色啦,而又係衣時候,係要有好多途人係我身邊出現,再留底一句:嘩~油得好靚呀~唉!我頂!我尼係想你買我d筆,唔係想你欣賞我d畫嫁!企完3日,就係隻腳最腫之時嘞!到左今日,隻肥腳瓜真係.....肥腫難分呀!哈哈哈哈哈哈!!!!
星期1,2,我都見到有個好美麗既陽光嫁!真係好想去泳池擁抱一下個太陽呀!但係我起身又起得遲,下晏又唔得閒喎!一心諗住今日去啦,點知呢,今日天陰陰,又打風,唔通連個天都唔鐘意我?!算啦~聽日一定好天既!希望在明天丫嗎!哈哈哈哈哈!!!!!
我老豆唔知做事囉!無端端又興晒咁喎!我咩都冇做過嫁!我既然咁講得出,相信大家都知咩事!電視都有講啦!一定有人從中作梗!賤人!


琴晚發夢呀!!!!勁開心!見到個我一直都好想好想見到既人!真係好呀!不過佢唔理我既!真係衰呀!唔應人係好冇禮貌嫁!唔得咁嫁!!!你同講下野啦!
by scoobfaye | 2006-08-02 12:42