<   2006年 08月 ( 13 )   > この月の画像一覧

8月27日,咩都唔記得嘞!

今日返工呀~真係開心呀!因為有另一個PROMOTE,搞到掉左我去裡面,仲要後面有個位喎!我可以坐下~同埋聽歌!今日返工既表現係更甚呀!走左去啦,講電話啦,睇書啦,仲同個度D人吹水!哈哈哈哈!!!!真係....衣3日都唔見公司D人尼既!都唔知係咪係我行開左個陣尼左嫁!哇哈哈!咁我就屎忽嘞!
新尼衣個PROMOTER...OK啦!肥仔,但十分至極既健談,但係係佢講晒!都OK既,唔係好悶...不過好FEEL到佢好有表演慾,即係有D自大啦...但係比起有D人...佢都叫謙嘞!我都仲頂得順!順得住!但佢講得多就好煩囉!
衣幾日返工都好開心呀!見到好多朋友呀!仲比我見到我既女神--徐倩呀~我暈嘞!又同個度D人好似多D野講咁....都係因為上個星期啦!都唔知係咪應該多謝你地...
今日仲同娟姨傾左陣電話,唉!我愛你呀!娟姨...衰鬼~好鬼掛住你嫁姐!聽到你把聲,心情都好D呀!哈哈哈!娟姨話佢係咪比人落降頭??哈哈!!!仲叫我點都唔好走喎~唔啦!係我仲未有經濟能力之前,我係唔會走既!傻嫁咩?!
可能我企個個位太凍嘞!我坐係度個樣又好悲慘咁呢,個姐姐話我好似路宿者...哈哈哈!!我都就尼係嫁嘞!
[PR]
by scoobfaye | 2006-08-28 01:13

8月22日,捐蚊飯

琴日上晏去左家姐公司做一D唔用腦既野,幾好玩丫....之後4點就走嘞!要上堂,入到課室,由於我係全場最年輕個個,所以D人都望下我先...簽到個陣,見到有張通告既物體!我頂!我頂你個肺丫!佢開進階班喎!有冇搞錯呀!我一心諗住你係衣6堂教晒所有野家嗎!點知你要我上多6堂?!大佬....你估我月入過萬嫁?!我比唔起呀!對唔住!我唔上嘞!
放左學之後,即刻飛身出去MK,家姐約左我去捐蚊飯~哈哈哈!!!家姐遲到呀!真係衰呀!住得咁近都仲遲到....入左去先啦!好小人喎.....跟住我聽到個護士問格離個男人食左飯未喎!咁佢當然話食左啦!哈哈!我未食呀!個一刻.....真係有D驚!如果歷史再重演......我即刻打比家姐,家姐叫我落樓下吉串魚蛋先喎~我就食左串燒賣,為左要令個人吸收得快D,我好唔情願咁食左一條討我厭既古古力,算啦!為左要省卻樣衰既場面....終於都見到家姐嘞!捐血站揾緊A型人喎!咁咪即係我?!我來也~
入到去,都好輕鬆既~個護士長都幾搞笑咁....問左一大輪問題,佢就叫我出去吉手指,係我最驚又最鐘意既程序呀!驚係驚佢支針好痛!鐘意係鐘意佢拎支管收我D血,支管好似個吸管咁,但係佢唔洗用力就吸左D血上尼個喎!好得意!好一個<微細管作用>!佢FING左一粒血落去杯野度,我又睇唔到喎!佢就話要再拎多粒血呀!唔係好沉咁喎~我都知點解既~係衣個時候...我既求知慾又出尼嘞!問左個點解~佢都好似估唔到我問佢野咁...咁當然佢係答左我啦!!!呵呵呵~佢話OK喎~好野!飲多杯水,一另轉面,嘩!個個都企左係度等緊我!唔係真係咁小人嘛...D人覺得捐右手係好理所當然既事咁個喎!我係捐左手嫁!唔該~坐低左,嘩!真係肉隨針板上嘞!佢問我熄左電話未喎~其實我教左震機咋..我又唔係好忍心同佢講我熄左喎!咁我就好乖咁拎返出尼熄嘞!個吉針員男人包左我隻手手就走開左了~跟住就係一個幾靚但係又好惡咁既姑娘坐埋尼嘞!雖然佢個樣惡!但係都動搖唔到我既好奇心!一輪嘴既問題!YEAH!佢話摸下條血管喎~嘩!都唔知佢係咪報復嫁!禁到我隻手手紅左一粒....然後有個姐姐走左過尼趕佢走喎!下?!點解既?!不過都好!唔洗對住個咁惡既靚姐姐!
佢一坐低左就話:我最鐘意就係見你地衣D咁熱心既小妹妹嘞!AHE AHE AHE......笑得咁恐怖...好驚喎!佢問左我要唔要焗部麻醉,我死都要啦!點知佢搞搞下,佢話:你條血管咁靚,都唔洗麻醉啦!
唔好玩啦!你支針頭咁大咁吉落尼,我會死嫁!唔痛死都嚇死啦!不過我一定會試一次唔落麻醉嫁!佢唔比我捐大包呀!我不嬲都捐得大包家嗎!佢話我尼得遲,佢嬲我喎~不過算啦,細包就細包啦....大包我可能真係暈嫁嘞!
一路都有傾有講,佢好得意呀!真係好得意!我又係咁問佢問題,佢都好詳盡咁答我...真係好呀!我身邊就係需要你衣D人嘞!個個都嫌我煩嫁!傾傾下,先知道原來佢結左婚,將近40歲嘞!唔係嘛....佢個樣都係我D家姐個D年紀姐......真係點都睇唔出!
佢開始個陣,攞樣本啦!我D血出得慢喎!佢就話:嘩!你冇食飯呀?D血咁傑既?!我幾驚呀!我真係冇食飯家嗎!然後佢發現自己個名牌冇夾出尼喎!即刻拎返出尼啦,佢話:我比個名你睇,等你尼投訴我啦!佢叫鄭笑麗,真係人如其名呀!佢個人咁開心,佢老公一定係一個醫生尼嫁!咁就VERY GOOD嘞!
我一路捐直至捐完嘞,佢都係咁提住同一樣野,就係訓覺前飲多兩杯水,脫3着3都左手先....幾煩...不改一個註冊護士既作風!
我地走個陣,個義工哥哥好似D SALE屎咁,佢話:多謝晒,下次再尼過丫!真搞笑!
[PR]
by scoobfaye | 2006-08-24 01:26

8月20日,遺棄

琴晚,唔知做D咩嘞....總之就係搞到兩點幾先走上床,望下個電話,哈哈!兩姊妹就係咁係三更半夜係度傾電話.家姐佢地驚我會痴綫喎~哈哈哈!!要痴,好早前都痴左啦!我有特強既"免疫系統"同埋復原能力家嗎!痴,都唔洗等到而家.咁既情況又唔係未試過,見慣嘞!次次既情況相似,不過一次比一次嚴重,算啦,仲可以點痴綫?喊兩晚,訓醒覺,咩都冇啦!i must be tough! otherwise....how can i survive until now?兩姊妹都唔係講左好多野,都只不過半句鐘多小小...但內容就又喊又笑嘞!係要搞到人地又眼腫....家姐們成日都一次又一次咁令我FEEL到佢地真係好睇我!哈!比你地老點多幾次都冇計啦!從佢既談話之中,我都知道我係佢地心目中既形像係點嘞....我係一個好神秘(直接D講句係自閉,收收埋埋啦),極之臭脾氣,同我講野我係冇反應,哈哈!係既~我對住你地咪係咁囉!有時有D野....兩面既~不過,真係好彩我有你地咋!如果唔係...我都唔知點算好!
今日繼續返工,今日發生左D好突發既事,其實都唔係好突發既~係衣度係家常事尼既~所以真係感觸良多呀!由此,我明白到,高買係冇樣睇,冇分年齡,同埋,一個超級勁既大話人!明明自己真係衰左,斷正!都仲要死撐,唉!為咩姐?就因為衣單野,終於都知道點解衣度D人咁惡咁敏感嘞!好多野...都係為世所迫既~就係咁,時間過得好快...
今日同阿LAAM佢地食飯個陣,佢地D反應真係好搞笑!比左我好大既娛樂,唔知你地講既野係咪真啦,但毎一樣都唔可以實行,因為吃虧個個都係我!佢個腦係不同既構造尼嫁!需要習慣...
[PR]
by sCoobfaye | 2006-08-21 03:14

8月19日,冷靜未呀?

本來,當我知道IVE收左我嘞,應該係一件好事啦,但係衣兩日,我諗,可能都唔係一件好事尼嫁!不過點都好啦,要發生既都發生左.冇咩野可以再追究,就算真係追左,都唔會改變個事實,而家可以做既係面對.此刻,我都只知道...往後既日子會好難捱!老豆,我真係要比個叻你呀!係得你先可以令我喊得咁犀利,咁呼天搶地,咁樣衰!係得你先可以令我咁冇自尊!又係你令我知道咩叫賤人!借據,誠諾書,咩條件我都照你既意思去做,你係咁鐵石心腸....兩日(其實夾埋都係得一日都唔夠)以內,十萬九千七次咁狗血淋頭,不斷既不顧面子,做到同一個乞衣都不如,但咩都得唔到,哈哈!你地係咪得到衣一生最好既娛樂呢?將前世既怨氣都發洩晒出尼,係咪得到前所未有既解脫呢?好似家姐所講:真係鑊鑊新鮮鑊鑊金呀!願我能盡快擺脫你既魔掌,好好咁生活落去!阿門
前兩日,真係....同一日發生左實在係太多野嘞!前日啦!同阿LAAM一行6人好開心咁去BBQ,享受一下陽光與海灘,個日我係遲到既!哈!真係唔住呀!我真係有好充份既理由嫁!阿LAAM,點解毎一次你都睇穿左我???真係難怪我咁鐘意你嫁姐!用個幾個小時既時間,將煩惱全部拋開!再迎接最殘酷既事件.返到屋企,食左個飯,即刻!尼個狗血洗禮.嘩!你地就爽啦!一個出口,一個睇戲咁睇!借據,誠諾書...以為事情完結嘞,第二日,隻眼係前所未有既腫呀!點知,令人啞口既事實就擺係我面前,估唔到!一早起身再尼多個狗血洗禮!嘩!沖涼水都慳返!要返工嫁!但係要即刻撲去大家姐公司,唉!真係要好好好好好好咁報答你地呀!如果冇左你地,我都唔知點捱過一關又一關呀!
好!終於都知道可以點做嘞!返工~
今次返工,先至享受當中既好處,雖然隻腳衣舊又腫又痛.但係比我差唔多一整日既間去避開傷心既事,諗下野,計劃下以後既日子...雖然眼淚係塞阻左思路,但係比左一個獨處既時間我冷靜.眼腫到夜晚都仲腫緊!個度D姐姐一見到我都望多兩眼!放工嘞!真係唔想返屋企嘞!就算唔想,咁又點?可以點?
今日,都係返工,第一次為左可以返工而有感覺!感覺係開心!雖然隻腳真係要爆嘞!我都要企落去!最好永遠都唔洗返尼!
[PR]
by scoobfaye | 2006-08-20 00:52

8月16日,眼乾乾

今日本身差D想係屋企醃一日嫁!但係又唔知做咩揾左個藉口,咁就落左街LU~哈哈!幾好..唔揾D野做下,自己好似有D多餘咁..又食左咁多野喎!幫助消化一下都好!
一早起左身,又發惡夢嘞!都唔知係咪琴晚比我老豆嚇親,搞到我發惡夢!頭先又比佢嚇多次嘞!都唔知今晚又會唔會發惡夢嫁!咁早起身,咪又係睇下電視啦!其實今日由清醒個一刻開始就好緊張嘞!因為今日既毎一個電話或者同外界接觸既野(即係話上下網呀...個D)都會影響我既前途!係咪講到好嚴重呢....又真係幾嚴重嫁!!呵呵!!!
正當我望住個電視,手持一舊生果(我既早餐...哈哈哈),我個"手機"(好爆)響呀!一個有SMS既響聲!我個一刻,心裡面都知嘞!係嘞!係佢嘞!哈哈哈哈!!!!做咩姐?IVE佢通知我,佢OFFER 左個位比我讀呀!!!!真係放下心頭大舊石嘞!總算知道自己既去向啦....係咪先!家姐叫我以後要努力聽書喎!因為我學既野,冇一個家姐識嫁!哈哈哈哈!!!你講得岩!你說得對!唔明就一定要問個度D MISS嘞!跟住就係一輪打電話既程序.開心?幾嫁...但係迷罔啦,孤獨佔多D...
毎次同老豆講D咁嚴肅既野呢,佢都總有辦法搞到我想喊個喎!老豆,你係得既!哈哈哈哈!!!!其實我好憎嫁!
跟住我就係屋企醃到下晏,真係覺得唔係好鐘意留係屋企,可能個陣屋企得我同個條大賤人,唔想同佢共處一室,所以潛意識就叫我快D揾藉口潛落街!哈哈哈哈!!!
總算都搞掂左之前唔記得左既手尾嘞!我真係就尼唔記點返屋企嫁嘞!好有書味咁去左圖書館,裡面D書真係搞到我愛不釋手呀!好想本本都拎返屋企睇喎!
搭LIFT上去既時候....竟然比我見到KOYI!哈哈.衣個世界真係細呀!咁都撞見左.佢都好似冇咩點變咁.瘦左?睇唔到咁清楚嘞!都只不過企得頗遠,SAY左個HI之嗎....
圖書館裡面D人都幾...惡嫁!我明明都好細聲講緊電話,點知佢用大我兩倍既聲綫叫我出去先傾電話囉!嘩.....做咩姐?而家係你騷擾人地睇書丫?定係我呢?我已經好合作咁教震機嫁喎!我難得知道佢震緊,你都應該讚下我啦!仲咁惡....行左落去成人圖書區(佢個名好似會有喊書咁...)嘩!有個女人個電話好響喎!跟住個LIBARIAN哥哥好似隻鬼咁一路跟住個女人嘞!唔洗嘛....一句叫佢出去傾咪得囉....跟住又有個男人好大聲咁唔知對住邊個爆粗喎!個LIBARIAN哥哥又飄左過去嘞!但係佢又冇制止佢既意思囉!哈哈!!so funny!
[PR]
by scoobfaye | 2006-08-17 00:09
今日個太陽真係美麗到極點呀!好熱情咁向我投懷送抱,可惜.....姐姐又唔肯起身,冇得陪我去沙灘燒一下....真係衰呀!夜晚又唔肯訓,朝早又起唔到身!搞到我冇得吸收一下維他命D.....家姐對我真係殘酷呀!
見到個咁靚既陽光...心裡面又想想地去SWIMMING POOL喎!但係家姐話會多人呀!唉...咁又係~算啦!都係冇去到...係屋企睇下書咁..然後就比人約左出尼飲茶!真係有D唐突!其實有D唔係好想去.不過..算啦!橫掂我都想想地食下野咁....咁就出左去一陣間.
約左小龍係地鐵站等.SORRY呀~小龍~你實在係太搞笑嘞!我真係要爆你大鑊!佢又唔識點行咁喎!咁我咪約佢係地鐵站等再一齊去囉!我一落左車,即刻好快咁BILL去山長水遠既九龍灣地鐵站(事關我搭既係小巴),去到我就同佢講B出口等啦!佢仲未到...等左好一陣子,聽到有好幾班車到左又走左,都唔見佢既蹤影,都係等啦!可能佢係下班車呢..然後佢打比我喎!第一句,佢就用一個好淫邪既聲綫同我講:係邊呀?我咪答佢我係B出口囉!我又見唔到佢喎!咁咪以為行左出去啦!行出去都見佢唔到!再打比佢!佢同我講佢去左牛頭角地鐵站!哈哈哈哈哈!!!佢咁樣,令我諗返起SPORTS DAY個日歐陽既情況...哈哈哈!!!真係笑爆!仲要好淫邪咁問我係邊?!
飲完茶,返屋企嘞!今日真係好熱呀!!!個天係萬里無雲呀!!!好乖咁坐係度都要BILL晒汗!痴綫嫁!勁唔鐘意!但好早沖左涼我又BILL過汗咁我又好唔鐘意喎!咁我就會永無止境咁沖涼嫁嘞!!!真係唔得咁嫁!周身痴立立..想打人呀!頂你個肺!

近排呢,開始覺得將衣個網擺係ICQ衣個地方好似係好唔安全咁....
[PR]
by scoobfayE | 2006-08-15 00:10
愛得太遲 - 古巨基

曲:楊鎮邦@宇宙大爆炸
詞:林夕
編:雷頌德
監:雷頌德
唱:古巨基

我過去 那死黨 早晚共對 各也紮職以後 沒法 暢聚
而終於 相約到 但無言共對 疏淡如水
日夜做 見爸爸 剛好想呻 卻霎眼 看出他 多了皺紋
而他的蒼老感 是從來未覺 太內疚擔心

最心痛是 愛得太遲 有些心意 不可等某個日子
盲目地發奮 忙忙忙其實自私
夢中也習慣 有壓力要我得志
最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次

我也覺 我體質 彷似下降 看了症得到是 別要太忙
而影碟 都掃光 但從來未看 因有事趕
日夜做 儲的錢 都應該夠 到聖誕 正好講 跟我白頭
誰知她開了口 未能挨下去 已恨我很久

錯失太易 愛得太遲 我怎想到 她忍不到那日子
盲目地發奮 忙忙忙從來未知
幸福會掠過 再也沒法說鍾意
愛一個字 也需要及時 只差一秒 心聲都已變歷史
為何未放肆 見我愛見的相知
要抱要吻要怎麼也好 不要相信一切有下次

相擁我所愛又花幾多秒 這幾秒 能夠做到又有多少
未算少 足夠遺憾忘掉

多少抱憾 多少過路人 太懂估計 卻不懂愛錫自身
人人在發奮 想起他朝都興奮
但今晚未過 你要過也很吸引
縱不信運 你不過是人 理想很 愛於咫尺卻在等
來日別操心 趁你有能力開心
世界有太多東西發生 不要等到天上俯瞰
[PR]
by scoobfaye | 2006-08-14 23:25

8月11日,奇怪曲奇

真係要話比大家知我琴日做過D咩!琴日呢,我上晏好依稀記得我入左TKO去探芝芝啦,然後就約左吳欣欣去我屋企整曲奇!唔知點解呢,個個一聽到我地話整曲奇呢,佢地個都會好奇怪咁個喎!真是令人費解啊!哈哈哈!!白痴!
然後呢,我地去左買野啦,終於上左我屋企嘞!係衣個時候...我地先知道,原來我屋企冇糖嫁!哈哈哈哈!!!!唔係掛.....糖都冇?!"D人"又唔買喎!算啦!我買囉!個陣真係唔係好想再落街呀!但係冇法啦..唔買就冇得整個喎!搞到5點幾先開始整.
一直都好地地既~中途都不乏一D好爆既野!令我諗起好多以前同橙橙橙一組上家政堂既事!真係好好笑!吳欣欣都唔知做咩!佢想拎隻羮尼打蛋囉!點解有叉用都唔用??哈哈哈!!!然後呢,我係一心想唔記得拎D咩嫁!點知我一手就將面前磅好左既面粉打寫左!唉.....個一刻,我真係好有MR.BEAN既感覺!
然後呢,我地就焗得嘞!真係好呀!一開始,我真係覺得個焗爐好似壞左嫁!!!!都幾擔心!跟住佢好似冇咩問題咁..我地焗左第一盆,嘩!佢發到丫!痴埋左一低野呀!唔好咁啦!成個CAKE咁喎!再試下啦!嘩!精彩!佢個感覺好.....奇怪!好似食緊麥牙糖咁喎!但係都幾好食既~不過都唔似曲奇!林既?!痴綫嫁!大家仲要話可拎出尼賣佢衣個突點喎!哈哈!
跟住呢,因為佢勁發呀!我地不左小小,佢就發到好大塊嘞!所以我地焗左好耐!焗到我地搬埋入廚房嘞!廚房係全世界最熱既地方呀!所以我地自己開左個"冷氣"!哈哈哈!!其實我個冷氣好耐先吹到個廚房涼嫁!咁我地點係廚房開冷氣呢???呵呵!!我地開住個雪櫃門呀!!!哈哈哈哈哈哈!!咁樣做,令我諗起我以前一熱呢,就會開住個雪櫃,坐係個雪櫃門個度嫁!但今時唔同往日嘞!我地只可以開住個雪櫃門.真係超爆笑!吳欣欣勁驚我老豆走入尼望到個雪櫃,我老豆一講野佢個樣真係好爆!!
搞下搞下,我望到個雪櫃好似有流汗既跡像,由此證明:佢都熱嘞....唯有閊埋佢啦!
[PR]
by scoobfaye | 2006-08-12 19:49

8月12日

今日其實真係好鬼熱嫁!又曬喎!最好就係去游下水,曬下太陽~所以呢!約左橙橙橙,好耐冇見嘞!衰鬼~由於大家都好眼訓既關係,遲左起身,又遲左到達.都只不過係游左一粒鐘.我真係老嘞!用自由腳既踼過對面岸係唔得嫁!仲要係郁都唔郁一下!定係我以前游自由式都係靠雙手尼前進呢??哈哈哈!!!真係唔知咯~
如果唔約左人?!我想去到12點啦!咁美麗既太陽向我投懷送抱....我竟然唔理佢...佢一定好唔開心嘞!同佢一齊搭車入TKO,大家都好攰嘞!無言....
我去到TKO嘞!一心以為我又遲到,點知?!我仲要早到!算啦!係咁多技能之中,<等>係我既強項!哈哈哈!!我就等!首先係等女人,(然後等男人?!)哈哈哈哈!!!然後等"細佬"~呵呵呵!佢真係....勁啦!琴晚同佢死黨睇夜場X2...喪呀!5點幾先返屋企!訓到睇唔到野囉!哈哈哈!!唔係~佢冇戴睇鏡丫嗎!好痛心咁比左套3佢,唉~都唔知講咩好...同佢一路傾傾傾,行左去圖書館,再行返出尼.我又唔係好擔心佢喎~反而我地都一齊睇死佢死黨..唉!我地都唔知點幫佢好..阿人地死黨...你要識做呢~見你地咁似我細佬...真係無限量支持你地啦!要努力呀!當然唔小得寶寶你啦!我會一直咁鞭打你地嫁!哈哈哈哈!!

放左榜幾日嘞,身邊既朋友既出路,差唔多個個都明確晒嘞!走既走,留既留,總之,我地比放榜切開左嘞!咩都好啦!開左學之後,個個都會好忙嫁!間唔中必小小時間比個電話我啦!何菲會抑鬱嫁!你知啦,佢又唔係未試過...
[PR]
by scoobfaye | 2006-08-12 19:01

8月10日,大戰過後...

今日訓到就尼醒個陣,係要有條友打尼嘈醒我!真係好唔鐘意囉!唔係見佢琴日咁...我爆粗鬧爆佢呀!咁點呀?起身囉!坐左係屋企半日,一睇晒D電視,突然間覺得好空洞咁...冇咩野比我做,學校既野..我又唔關事..無牽無掛咁...我可以去死嘞!
之後兩點幾,裕紅約左我去食野,咁咪落左去,時間好快就逃走左去嫁嘞!6點幾,返屋企~係衣個時候,個天就落大大大雨嘞!真係狼狽呀!其實個天都忍左好耐嘞!由個窗望出去,D野黃晒咁既!又焗喎!至憎就係咁焗咁熱嫁!逗打!
跟住呢,等左陣,佢都細返D雨嘞!我就梗係好快咁行返屋企啦!D人呢,真係好鬼憎嫁!又要企係個細細既出入口位,約左人,人地到左,都要企實係度聯誼一下先肯移動個喎!知唔知後面有好多人想行嫁?走啦!
[PR]
by scoobfaye | 2006-08-10 21:22