<   2006年 07月 ( 13 )   > この月の画像一覧

7月25日,頭痛呀!

今日要上我第一堂電腦堂呀!今朝先至上網睇下有咩車搭,部腦又慢又HANG機!我頂!睇到有咩車可以搭,路都未睇睇熟就熄左佢嘞!凈係BOOT幾十次機都搞到我發脾氣嘞!你知啦,除左天氣熱,有人對我做左D好衰既事,我都好小發火,但係我真係滿腔怒火咁熄左部腦佢,可想而知,對住一部死物都可以發火既.....都唔細火嫁!我真係要猛烈撞爆你個肺部呀!嬲到我丫!
今日天氣真係好死熱呀!熱到我就尼當街噴火嘞!飲左罐可樂,心情都總算好返D~去左家姐公司,坐到5點幾走嘞!我就開始我去上堂既旅程~由此,我分清楚港外綫碼頭同埋天星碼頭呀!我幾叻?!仲知道皇后像廣場既正確位置!(冇咩事都唔好行過個度呀!有好多世紀大賤人嫁!)
我上車個度呢,就係港外綫碼頭喎!我一心以為我行岩啦,點知呢,我行左去天星碼頭!唉!問下人囉.....行行行,終於行左去嘞!都唔係好難行姐....無驚無險,我都上左車嘞!
恐懼就越尼越大嘞!因為我搭既車係城巴,城巴係冇個D車站名既顯示野嫁!所以我先至驚!勁驚我會唔識落車囉!車程又唔係短喎!你唔係叫我係咁數幾多個站嘛.....
部車好多彎轉呀!定係佢渣唔定呢?搞到我勁頭暈!個胃又好似想反出尼咁呀!好彩我冇咩點食野咋!!!!如果唔係我嘔左十九幾世嘞!跟住我見到個站好似有D似喎!唔理嘞!落車啦!哈哈哈哈哈!白痴既野發生左嘞!我一落車,望左望右,好似有D唔對路喎!我望下個車站牌啦,哇哈哈!!!我落錯車!我落早左7個站呀!真係勁樣衰!個陣我望下錶,SHIT!!!!我遲到嘞!!!!!衣排真係唔知點解,我遲到既情況越尼越嚴重嘞!!!我都唔知我做過D咩,但係就勁遲到囉!由此可見,我真係姓何嫁!!!!哈哈哈哈!!!!!
係落車個個站,我又再等返同一班車,就係衣個時候,係要有條友揭穿我!我姐姐打比我呀!!咁佢問起我係邊喎!咁咪話比佢知囉!!!比佢笑死!哈哈!算啦,何菲就係衣個時候就比D歡樂大家啦!
結果我遲左半粒多鐘先到!聽左都只不過係半個鐘,裡面D同學仔.....我諗我係年紀最細個個嘞!哈哈哈!個COURSE係比D業餘進修人士讀家嗎!
落堂嘞!我真係頭都痛埋嘞!搭左都有粒幾鐘車!又行又揾,天氣又焗,我未死都算好彩嘞!但係真係好辛苦!!!十萬大級想嘔!但係又冇咩野係個胃度喎.....頭痛到死嘞!又要揾下有咩車可以好快出到KT,點知係冇既!個時真係覺得自己有D自虐既傾向!明明係想學下野姐,又簡個咁遠既地方,又要簡個自己未去過既地方,仲要搭車搭咁耐先去到既地方!搞到自己個心肝仔又驚,頭又痛!
不過此行都冇白費到我咁辛苦~起碼我知道下星期要預幾多時間去,有咩車可以去可以走.都算係咁啦!
之後等左好耐都冇車尼,個人又唔舒服,真係冇咩心機再企係條街度嘞!見到有車出MK個喎!咁就睇下你係邊度搭啦!都總算上左車,嘩!小巴真係收得好貴呀!又行得勁快喎!又拋喎!仲十級超速呀!上到車,一心諗住可以頭返下,飲左支橙汁,諗住可以止下嘔,點知部小巴渣得勁快!佢就尼將我個胃裡面支橙汁都倒返出尼嘞!我頂!你趕時間去死麼?經過西隊既時候,個超速警告燈係咁響,個司機就係咁加速,我再望下格離個小巴司機,佢竟然係個手踭咁住個軚盤,手板就係度數錢!唉!點解唔將全部小巴都轉晒做綠巴姐........真係想嚇死人咩?
經我今日觀察所得,香港仔除左有忙命小巴司機之外,就有新巴同城巴,係冇九巴同地鐵嫁!仲有好多漁船.
個人頭痛到腫大晒!勁辛苦,終於都返到屋企嘞!一心興致勃勃咁睇一個星期得一次既劇集,點知呢!比兩條友,歲數加埋係我既幾倍既戊利,自己間房有電視都要同我爭!有條屎忽精係明同我爭嫁嘞!都知佢係要向我宣戰!另一條友呢,竟然係幫佢囉!仲要話我冇規舉!哼!
你地唔比電視我睇,簡直係夾硬將我隻手咬到甩鉸又唔同我博返咁痛囉!真係比死更難受呀!媽咪~
[PR]
by scoobfaye | 2006-07-26 00:52

好搞笑既配音!

剛才人地比我嫁!可能其實之前都睇過,不過睇多次都幾開心~


http://www.youtube.com/watch?v=sU5b67UAQXw
[PR]
by scoobfaye | 2006-07-23 18:20

7月22日,我的目標

今日凌晨點幾鐘,收到一則消息!係咪好驚呢......夜媽媽打尼既電話通常都比D令人震驚既消息你知個喎!
所有既猜測都係假嫁!恭喜晒阿LAAM~佢同我講,APA收左佢呀!真係可喜可賀呀!但係個陣我正處於岩岩合埋眼既狀態,即使心中真係好欣喜,反應都係慢十千萬大拍嫁!哈哈哈!!!真係唔好意思!!!!我真係好替你開心嫁!!!!你可以讀到同你既興趣有關既野,係幾咁既自由!
諗到衣度...我又開始自卑嘞!我發覺我身邊既人10個有9個都係目標明確,而佢地都係可以好順利咁向住自己既目標前進,而我呢,又冇目標,都冇成功過!唉!係好多次嘞!我其實真好努力咁諗過自己既目標嫁!!!!但係我都諗唔到.........你睇何菲既人生係幾咁失敗~
[PR]
by scoobfayE | 2006-07-22 21:40

7月21日,嘔心日

今日好無聊呀!比平時早左半句鐘起身,係比人嘈醒嫁!咁當然唔係個位不速之客啦~佢未夠班~家姐打比我呀,因為琴日打過比佢,傾左好多出路既野,佢今日咁早打尼就係比D suggestion我~咩都聽唔明!deplomer?! associate deplomer?!咩尼嫁????係我未訓醒就同我講咁多我聽唔明既野?!仲要係裡面既野唔係我真係好想讀既野....唉!何菲都係訓街嫁嘞!都唔明,做咩D人10個有10個都係讀finance既......讀BIO唔得嫁咩?!頂!
起左身,同呀不速之客做左一輪清潔工作,又令我諗返起我既小包包嘞!一心諗住1點就去游下水,天氣報告話今日會陽光普照丫嗎!我諗佢講漏左局部地區性囉!KT都唔曬既!食屎嫁咩!呃人嫁!嬲你呀!都話左天氣報告係假嫁啦!哼!跟住聽人講話TKO有個好黃金既太陽喎~咁我就的起個心肝仔,起行左去TKO嘞!原來着得咁游水look去搭地鐵係有好多人望嫁!頂!望咩望,你唔知KT唔曬咩?!
一落車~嘩!正呀!太陽~我尼同你玩遊戲!!!!!我個心肝仔興奮到要跳出尼嘞!我到嘞!佢個唱銀機好得意嫁!!!細D,不過好嘴雕既!林D既$20紙都唔收!學生價仲平過KT個個$1咁多嫁!真係好呀!!!搞到我滿心歡喜咁入去游水嘞!
入到去,一開始就已經好多阻滯嘞!我搞個LOCKER都搞左好耐先搞得掂,轉左好幾個先搞得明點用個LOCKER!麻鬼煩!然後呢,我要奔出去,投入太陽既懷抱裡面嘞!!!!YEAH!!!!!當然我係唔會用奔啦!我D肥肉會好彈下彈下嫁!只不過係腳步有D急咁姐!
行到去個個所謂既水廉,有條友叫住我喎!佢話我未沖身喎~哈哈哈!咁即係話個泳池係好乾凈啦!因為佢個個都叫佢地沖身先既!真係好呀!!但係事實都並非如此嫁!
我出到去,嘩~我真係好耐都未去過TKO衣個泳池嘞!佢係咪裝過修呀??定係我真係好耐未尼過呢?但係自今日之後,我永世都唔會再尼嘞!
我行到去佢唯一一個係比人游水既池個度啦,咁我近視丫嗎!完全睇唔到佢寫幾深啦,咩都唔理嘞!KT個個我都仲腳踏到實地既!衣個都一樣嫁姐....一野落左水,隻腳踩左幾野,咦?!個地下呢?????我個頭落晒水嘞!我先知道,原來衣個池個兩米深嫁!我頂!你整到個池咁深做咩姐?養魚咩???你係咪傻嫁???唔怪之得D人個好似一隻隻燒豬咁扒係個池邊度啦!!!
唔理嘞,我都係尼游水嫁姐.....咁我就游游游,游左唔係好耐咋!我停左係一邊,頭返陣先~係衣個時候,係要比我見到事件既真相!我見到有條友嗔鼻鼻呀!!!!俗D一句,就係:嗔鼻涕呀!係涕呀!即係糊狀鼻腔分泌物呀!正統既一句就係:鼻腔黏液呀!即係你喊個陣個鼻出產個D呀!我頂你個肺!你D朋友都話你嘔心嘞!你仲要咁做!我點做?!走啦梗係.....
我上左水,去左格離個D細到淺到成個浴缸既池個度游,真係游到冇心機嘞!上水囉!走囉!it is so disgusting!!!
沖左個好開心既涼,就走嘞!係我步出更衣室個陣,我就聽到以下一段廣播:各位泳客請注意,由於於嬉水池發現糞便,請各位........
我真係唔知應該有咩感覺!開心?慶幸自己同大腸桿菌接觸既間小??哈哈哈!我都只能冷笑!

我永世都唔會再去衣個泳池呀!係never forever!
[PR]
by scoobfaye | 2006-07-21 22:19

7月21日,思考

衣兩日我間房來了個不速之客,佢既蒞臨,我先知道原來所有野都唔可以代替嫁!盡管佢同包包係同一種類都好,佢地都係兩個個體!包包,我好掛住你呀!
狂歡過後,得到既就係失落,傷感,掛念同埋內疚.仲有緊張!
好驚呀!!!真係勁驚!就尼放榜嘞!我死嫁嘞!如果今次都考唔到,我就真係唔知做咩好嫁嘞!偏偏就係衣個時候,我既智囊團就唔係我身邊,不知係幾咁既無助!
除左思索放榜我既出路問題之外,我又諗緊朋友衣個問題,你知啦,女人係鐘意諗野既,仲要係亂諗野個D喎!唉!何菲係咪真係要孤獨終老嫁........
[PR]
by scoobfaye | 2006-07-21 13:16

7月17日,圖書館

今日本身係想去暢一暢泳嫁!咁呢我見到佢個太陽好似又唔係好晒喎,又咁大風喎!咩MOOD都吹走晒啦!超!唔去!佢話今個星期5,6會大大個太陽呀!信住佢先啦!個日先去!
咁我就諗住去圖書館嘞!諗下諗下呢,就真係去左圖書館了~行到入街巿,再等LIFT,個感覺真係好似曾相識呀!成日都會行過既地方,就係未入過尼,上去衣個好耐未去過既地方.
上到去,嘩!好似變左好多呀!雖然佢唔係裝修過,但係佢D擺位唔同左.真係今非昔比,物是人非呀!.....唯一冇變既係,兒童部係依然勁多人同埋嘈到死人呀!我首先係補領返張圖書証先~家姐當年拎左我個張去,搞下搞下又唔見左!排隊,排隊!排我前面個女人好似....有D問題咁...唉!點解我成日都遇到衣類人嫁????定係跟本KT就係有咁多衣D人呢?
都幾快個喎!填左張野,比$13佢,佢就即刻比張野我嘞!哈哈!真係好呀!等我仲以為要等好耐先比張野我借書添......真係好呀!唔洗我等到花兒也謝了!我拎左張証,即刻第一時間,就梗係張張野擺返落我個錢包先啦!哈哈哈哈哈哈!!!!!
然後呢,我就落左成人書館個度,唉!衣個圖書館原來真係幾細嫁!都唔同TKO個個既!個陣同橙橙橙去温書,做功課,TKO衣個真係大好多~書都多D啦!裡面都光D呀!
係裡面懸浮左好耐,見到本本書都好想拎返屋企睇呀!真係好耐未睇過書嘞!有冇一年呢?定係兩年?!唔知嘞!只知道,裡面D人係咁埋頭苦讀,讀得津津有味咁...搞到我都好想拎返本尼睇呀!係成個姚明咁高既書架之間游走,都唔知睇邊本書好....完全係唔知睇咩書好呀!拎起衣本,又好想睇個本....又驚衣本唔好睇喎!唉!咁難簡嫁!本身想睇近排好似好HEAT既<神"雀"俠侶>嫁!但係佢咁HEAT....當然比人借晒啦!都諗住借金先生其他著作嫁...但係佢D1呀,2呀都冇晒LU~唔理嘞!唔睇攞~一次過拎左6本書,就走去借書處借書!YEAH!!!!好興奮呀!好耐都未睇過書嘞!咁我就枱左6本書返屋企了~嘩!原來6本書真係好重個喎!好似係度虐待自己咁囉........
[PR]
by scoobfaye | 2006-07-17 22:30

7月16日,恐懼+消失

今日一整天都冇出街,其實我係想去圖書館逛逛嫁,但係佢又咁大風喎!何菲有D驚驚囉!打風咪打風囉!扮晒野咁!咩熱帶氣咩旋丫!係打風又唔認!虛偽!至憎D人扮晒野?!呃人!
我越尼越唔鐘意星期日?!雖然成日都留係屋企,但係又唔係得我自己一個喎!好似冇咩野好做,成日都好安靜咁.謝師宴個晚真係太癲?!今日覺得好迷呀!望住自己雙手,好似就尼要消失咁...個人腦要變黑?!唔得!我唔可以比自己再落去嫁!快D揾D野比自己忙下啦!
講左個電話,你個問題,令我醒左一下,突然覺得自己好似好衰咁...身邊所有既野好似消失晒咁..唔好走呀!留低陪我丫!
毎一日,我既恐懼就與日俱增,我既潛意識日日就提住自己,毎隔幾日,就會聽到身邊既人又提多自己一次,我知道我唔可以逃避,但係如果可以...
[PR]
by scOObfaye | 2006-07-16 22:17
WOW~訓醒掛....都唔係嫁....係咁收到好電話!嘈醒哂!
琴日謝師宴呀!真係玩得勁勁勁爆開心!!!!個人既情緒係HIGH到極極極點呀!搞到我都要做一個壞女孩....哈哈哈哈哈!!!
琴日本身諗住去游下水嫁!但係又冇太陽喎!沖左個涼,就換3,準備出門口嘞!唉!!!!真係唔係好想行出街!大佬,我第一次着住條"裙"出街嫁!勁恐懼!狂奇怪!好想換返T記,牛記就算!但係又覺得:算啦!唔買都買左啦!着囉!我諗唔會死既...哈哈哈!!!
行到出街,真係怪到爆炸!行人既怪異眼光,我真係好想全部人都係盲嫁!
去到阿LAAM屋企,佢地係度MAKE UP緊呀!好似準備出嫁咁...真係開心!!!係個度問左太多問題嘞!阿LAAM家姐..都話我煩...哈哈哈哈!!!!我個陣先發覺原來我係有求知慾嫁!哇哈哈!
跟住呢,我地又出發嘞!約左許德德佢地,個個都着得好靚呀!又唔會話好誇張咁...SO GOOD~上車個陣,真係勁狼狽!我勁踩裙!就甩嘞!頂!真係好鬼麻煩呀!十分之不幸,塞車呀!周圍行,搞左陣先到達會場.隻腳腳勁勁勁痛呀!都唔知做咩!上年着衣對鞋個陣都唔會刮腳嫁!今次着又刮到死喎!腳指MAY啦,腳踭啦,仲有個唔知點講既位!哎呀!真係....都唔知咩鞋尼嫁!可以着到咁刮腳既!!!!頂!
去到嘞喎!嘩!個場真係有小小細...想好好咁安個RECEPTION位都唔得,係咁椅係個門口對住擺張枱,好奇怪既一個RECEPTION!但係都好好玩呀!個人既情緒開始高涱嘞!做左好多準備工夫,當中當然係有D唔順暢既~咁最後都搞掂哂嘞!VERY GOOD!!!!阿LAAM唔好喊!D人坐咩位都唔會歡喜嫁嘞!都唔知佢地係咪想整鬼你嫁!幾黑心丫..D"B"人.....賤人!
個SHOW都GO ON得十千十萬大大大級GOOD GOOD GOOD呀!真係玩得勁開心!我又好HIGH咁喎!啤都唔知飲了多小..冇法啦,GERMAN洽我!我反應咁慢,佢就要同我蹉妹,然後多左個人加入戰團,我地轉左玩包剪X,原來我玩衣個仲勁過蹉妹個喎!GERMAN飲返哂我之前輸個D!哈!我地仲要越玩越大喎!轉左玩抽牌!一D好靠運氣既野!抽到最細個隻呢就要飲--一整罐!!哈哈!!!好幾罐,咁就落肚了~可能飲得太快嘞!!!嘔左兩啖白泡....哈哈哈哈!!!(其實係啤酒泡姐....)飲左咁多,個個都紅,我又紅都唔紅下,好危險!D酒比我吸收哂!哈哈哈!!我死嘞!但係咁HIGH既感覺真係好想長此下去呀!正所謂:但願長醉不用醒!阿LAAM仲要話我係咪將D酒打左入血管!哈哈哈!!其實係打左入心臟...
衣一晚我最鐘意就係我件上身既背心!正呀!!佢會岩岩好露左我上半個背隻個泳衣印出尼嫁!岩岩好一個V字!!勁鐘意衣個泳衣印!超正!個個企係我後面都會叫一叫我,同我講下我個V字,真係好鐘意佢呀!
完左個宴,個個都帶住超HIGH既情緒,去左唱K!WOW!我自己都狂到爆炸嘞!所以我都唔理老豆既唔批準,去左唱通宵K!YO!勁開心!開心到就尼死嘞!講野完全唔經大腦,YEAH!!!!係個度都撞到好多人呀!我見到既都有3間房係我地LCP既人,勁開心!!好似去CAMP咁呀!周不時都去下格離房玩下,細佬都過埋尼唱呀!都好丫,比阿LAAM佢地親眼望下我細佬,唔洗再由我既口中想像佢個人.
唱K,狂叫哂D歌出尼,喉痛都唔理嘞!去死啦!講唔到野咪唔講囉!年青人,唱就要盡興!哈!唱到唔知5點幾定6點就走嘞,嘩~天光嘞!真係好得意呀!明明呢,平時係係屋企訓緊覺,但係呢,又要着住奇裝異服係條街上面行,又入返TKO飲茶.唔知點解,覺得好安靜呀!可能太早,冇咩人係街上面.真係好呀!個陣真係要任性D諗:如果日日都係咁就好嘞!
個個人都坐哂係度,唔知做咩咁呀!神情好彷彿!個個都眼訓嘞!食都唔係好想食.返到屋企就訓嘞!
真係有"物極必反"個喎!琴晚咁HIGH,今日真係喉勁痛,仲有D哀傷既感覺添...我要喊!
[PR]
by scOObfaye | 2006-07-14 19:09
終於復原嘞!!!!真係好呀!前晚囉!為左燒左個兩疊碟,咁我就冇訓覺了~真係好耐都未試過通頂呀!又唔係同人係ICQ又或者MSN傾計喎!只係係咁係部腦面前換碟同埋禁制,可能一路都有野做緊,所以一D都唔覺得眼訓,只係係燒到尾聲個陣時,5點幾啦,就打左第一個呵欠~
一路燒一路驚呀!!!勁驚會隻隻都睇唔返,咁我就死嫁嘞!好彩~最後隻隻都睇過~OK嫁!
真係好耐都未試過通頂!以前通頂係因為做功課啦,對住部腦唔知做咩啦等等...唔夠訓我真係會死嫁!
琴日又要一早返學校喎!結業禮喎~着鞋個陣,係度諗緊我有冇拎漏野,但係個人又冇咩點訓喎!個腦LOAD唔到!係咁呆坐,呆坐,同埋呆坐~都好!要做既野我都記得返~一路行落去搭車個陣,個人係行屍走肉囉!笑又唔係好笑得出,冇咩情緒,但係幾驚會發脾氣!我一唔夠訓就會發脾氣嫁!!!!!但係都冇喎!!!!反而我頭腦幾清醒個喎....哈哈哈哈哈哈!!!
拎成綪表個陣,比阿SIR講個D野嚇左一野,我又開始煩我既出路嘞!唉!又好迷惘嘞!然後落去結業禮嘞!D人又係唔知點排隊囉!!!4班既人crossover哂!超勁啦!等下等下,無端端就比MC叫我頂替DAISY個位,要上台,是但啦!雖然都唔係好想....但係上一上台姐.....唔會有人記得我既~坐到屎忽烈開嘞!搞下搞下,DAISY又話佢冇事嘞!我梗係唔上啦!雖然都幾慘....坐係第一行冇得訓覺家嗎!我又勁眼訓喎!不過都好丫!!!我可以近距離咁望下我既偶像-徐倩呀!!!超級想念佢呀!!!!!大家睇唔睇到佢雄姿英發?!正呀!
個禮完左,阿LAAM係約左我出MK既,咁佢又要對稿喎!咁我就等埋佢啦!等等下,胡妮仔行左埋尼呀!!!!講講下,我偶像-徐倩都坐低左講左陣呀!!!!真係好掛住佢地呀!!!!!徐倩佢煩緊JOB唔JOB左CHEM好....哈哈(冷笑)...我都唔知點答佢好,問左幾句,我個人認為.....JOB左佢啦!
真係好開心自己會識到衣兩個超勁人呀!但係我地坐埋一齊,就覺得自己係幾咁差!(只怪你唔努力讀書!)講講下,佢地走嘞~佢地去揾一D專業既意見!一帆風順~
佢地對完稿,走了~咁我又走了~阿LAAM好興呀!唉!我都唔知講咩好,係嫁!同衣D人合作真係好難頂!但係都好個喎!咁到你第時真係要對住D咁既人工作既時候,你都可以知道點招架衣類怪獸丫.....
返到屋企,一心諗住即刻訓嫁嘞!但係又係咁周圍走尼走去,6點幾先訓,去到8點幾即刻彈起身!起飯呀大佬!睇埋個電視,我真係頂唔住嘞!一心諗住咩都唔理,訓啦!但係要覆返個電話喎!講講講~去到11點幾先訓了~
真好訓呀!可能係太攰嘞!一覺訓到自己醒!醒哂!今日呀!係今日嘞!GRAD-IN呀!唉!我係咪真係要着住個件野嫁.......真係有D....
[PR]
by scOObfaye | 2006-07-13 11:33

7月10日

今日一早起左身,但係係屋企轉尼轉去,搞到10點幾先出門口,事關個陣勁爆大大大雨呀!真係唔知佢做咩咁唔開心囉!問佢又唔講喎!真係令人費解嫁!見佢咁大雨,雖然我有把大大姐,咁但係我隻鞋會入水家嗎,真係唔係好想返去,咁但係唔返又唔得喎!唔着個對鞋又好似唔係咁好咁...咁點呀?咪返囉!
嘩!一落到街,精彩嘞!!行左兩步,隻鞋既水已經可以養活一缸魚再淋埋花嘞!哎呀~個一刻真係好想返返屋企呀!跟住再行行行,開始有D唔對路嘞!點解我明明都拎住把大大姐,但係我個背隻都FEEL到一粒粒水滴落尼嫁呢?我頂你個肺!!!!!把姐漏水呀!我個大"肉"背被滴到濕哂呀!!!!!!我諗如果我個頭都濕埋既話呢,我同冇拎姐係冇分別嫁!唉!我信錯你嘞!你做咩漏水姐?????枉我咁愛護你.....
返到學校我都係早左D,D老師有D又開會,有D又帶班,我都唔係揾到幾多個...早知就遲D先返啦!佢停哂雨嘞!!!!等我仲ON車車咁.本身諗住問完D老師就即刻返屋企嫁嘞!跟住阿LAAM打比我,約我出去MK睇下D SOUVENIR,咁我就出去了~佢地真係笑鬼死我嘞!
[PR]
by scOObfaye | 2006-07-11 12:34