<   2006年 06月 ( 20 )   > この月の画像一覧

WOW~今日高考放榜呀!!!!我出去個陣,係地鐵裡面見到有個着校服既姐姐喊呀!!!好似好悽慘咁.....
今日我又遲到了~哈哈哈哈哈哈!真係唔好意思呀...我都唔想咁家嗎!!!都係我錯囉!!!!成日都係咁嫁!都唔係第一次嫁啦!幾時先得改呀?何菲!!!!要改下你D表達能力呀!
同阿嵐,媛媛,許德德去左雅涴食野,都算係咁啦!但係佢D奶茶失左手呀!落咁多奶做咩姐?搞到唔好飲嘞!我坐低左先記得我琴日用左D錢,錢包裡面既銀兩唔夠我食野喎!勁驚!即刻走去襟啦梗係.....嘩!原來襟錢係好恐怖嫁!!!!勁驚襟錯制呀!驚驚呀媽咪~
返到學校,見返部份老師,嘩...真係好耐冇見嘞!仲要呢,差唔多個個都唔係好教過我既.....真係有點點怪!你眼望我眼咁...
然後我地返左課室,針左一餐,又影左D野,真係勁搞笑!笑到我BILL哂眼水!!!!真係好搞笑呀!!!今次都可以話係我第一次幫手搞衣個大型活動呀!!!!雖然我又唔係比左D咩意見,但係都幾好玩個喎!咁我當然唔係當係玩咁啦!我都好正經咁睇下有咩可以幫手嫁!不過好似冇咩幫到手咁....但係我自己覺得好熱心嫁!係個人唔creative咁姐......大佬~靈感衣D野...有就有,冇就冇嫁啦!咁我當然有出力諗啦!越尼越期待嘞!!!!!!
去到咁上下,有D人又唔得閒喎!咁時候又唔早,我地都散水了~去左食野,唉!原來同人打招呼同埋幫人拎野係會受到各方既評擊嫁!真係有D.........你地唔好咁啦!!!!個個我都係咁對佢嫁啦!(咁當然我D世仇就唔會咁啦!我好小器嫁)

好煩呀!好煩呀!好鬼煩呀!再比D時間我諗諗先啦!!!!我仲未過到我內心個一關!

前兩日JOY屎上左我屋企,然後去左茶餐食野.係度講講講,講起一D好耐冇見,又係由中一識到而家既朋友既近況,好似個個都蜜運中啦,一係就蜜完左,聽完之後,覺得自己好似好老咁呀!!!!咁以前一齊玩個陣,個個都好單純,咩都唔識,諗D咩都唔會諗到衣樣野,而家聽到身邊個個都咁嘞,真係有D......感懷身世,默然回首!哈哈哈哈哈!!!原來不知不覺間,各人都長大左唔小.大家都識左第6年嘞!嘩!痴綫嫁!點可以對住同一個人6個365日嫁!!!!!!好恐怖呀!!!!6年呀!大佬...時間係咁過,但係又唔覺我長高左幾多個喎!真係好唔公平囉!!!!哎呀!真係歲月催人老呀!
[PR]
by scOObfaye | 2006-06-30 20:44
嘩!聽日高考放榜嘞!我都唔知做咩驚埋一份添!雖然唔關我事~咁係不久之將來都輪到我既會考放榜啦...係咪先!而家驚定先啦!可能睇電視同聽收音機見到太多嘞!搞到D緊張既氣氛都迫埋入我個鼻哥隆度嘞!哈哈哈哈哈哈!!
各位哥哥姐姐們,好運呀!
[PR]
by scoobfaye | 2006-06-30 01:26

VCD

今日個太陽好似唔係好穩定咁.....我都仲諗緊去唔去曬下好.....但係如果我唔去曬既我就會甩色嫁嘞!難得前兩日曬完都黑左D....咁我就當然加多兩錢肉緊,曬多兩野,上深D色啦!但係今日個太陽更年期,一時時咁...我都唔知去唔去好嘞!然後呢.....我都唔知做咩好囉!比小小時間我就會諗到我要去邊嫁嘞~
前兩日曬完之後,見到個泳衣印真係幾開心!!!哈哈哈哈哈!!!!但係有D痕痕地呀!!!我好驚會脫皮呀!!!佢脫皮我就會前功盡廢嫁嘞!!!!次次都係咁嫁!好想曬黑佢,但係就脫皮,咁我就咩都冇了...不過好彩!今日唔痕嘞!仲見到個泳衣印,勁開心!!!我好鐘意有個泳衣印嫁!唔知點解...總之就好鐘意啦!!!不過都冇咩人會見得到嫁嘞!!!哈哈哈哈哈哈哈!!!!曬完,黑左小小先發覺自己係白個喎!但係呢,我而家都唔係好覺我黑左,好似都只不過係肉色左咋喎!唔得!我要再曬過!!!!!
前兩日見過芝芝呀!!好掛住佢呀!!!但係佢好似唔認得我咁.....豬豬就唔同左好多呀!!!!勁肥大喎!痴綫嫁!都唔知做咩D狗可以大得咁快嫁!!!!

衣3日我都係一早起左身,然後睇VCD.勁好睇呀!!!!我睇左SPIDER MAN1,2,十千十萬級好睇呀!!!突然然好鐘意SPIDER MAN,佢唔同BATMAN個D,總之就係有講唔出既好睇啦!一定要睇呀!!!然後今日睇左機場客場站,都好好睇!!!有小小搞笑,但係佢又好似唔係就咁要你笑完就算個喎!總之就好好睇啦!!!
[PR]
by scoobfaye | 2006-06-29 13:51

離別總是令人傷心!

今日好早就醒左嘞,但係係張床上面攤左成粒鐘,個良心先叫我起身...哈哈哈哈哈!!!
嘩!今日個太陽好黃金呀!真係想去暢泳一番呀!曬返一身古銅色.yeah!!!!順手要搞返好d體能!但係聽到個收音機話泳池好多人呀!咁我點游喎.......猶疑左陣,都未諗通,咁就當然出我既何菲皇牌啦!--家姐!打左比家姐,家姐竟然叫我去海灘!o my god!!!!唔制!海灘咁恐怖.......仲要我自己一個去喎!你叫我自己一個去泳池都冇問題姐....但係你叫我去海灘?!no way!!唔好玩我啦!
跟住家姐過左陣,佢話佢同我去呀!不過要比佢訓多陣先...咁我就用衣段時間執一下我間房,一路都只係執我d書呀,簿呀個d.嘩!原來執簿仲慘過賣書!真係生離死別咁呀!勁唔開心!一路執,就一諗起好多野嘞!最後都係喊左出尼...你睇何菲幾眼淺?!哈哈哈哈哈哈哈哈!唉!d簿係d功課尼嫁!對住既時間仲多!寫係上面既白痴野仲多!特別係衣一年呀!我係咁係d簿上面寫埋d唔關事既野,都唔會比人話囉!我就梗係再肉緊d寫多兩野啦!而家要我掉哂佢呀!我仲唔喊?!

執完一陣,家姐打比我叫我準備一下,我地出發去投入太陽既懷抱裡面嘞!勁開心!
同家姐搭小巴出去,行到身水身汗!原來kt係有小巴出清水灣個喎!真係今日先知!家姐話佢本身想去西貢喎~不過佢唔知有咩海灘好去......是但啦~
我真係好好好好好好好好好好好好叉耐冇去過海灘嘞!佢d沙味,海水味,海風~正正呀!好好好好Q多人囉!但係我地都揾到位比我地訓係度曬下....我先落水游一下先~橫掂有得游,唔好哂丫嗎!但係其實有D驚!話哂係海灘喎......D水好咸個喎!
落到去,一心諗住游出浮台算嫁嘞!因為實在係太多人,咁我諗住游到接近浮台就折返啦,但係我都唔係好夠氣.....嘩.....越尼越頂唔順!個人好似游唔去咁,我又唔敢將個頭沉落D水裡面喎!(衣個我都唔知點解,總之係驚啦!)但人已經用多左力,又要望住個岸都游唔去咁,何菲!頂硬上!你得嫁!係衣個時候.....有一個救生員哥哥撐住佢隻野浮左係我格離,我頂你個肺!你唔好係度嚇我喎!你咁樣真係會搞我以為我唔得嫁喎!好彩我冇戴眼鏡,睇唔到你個樣係咪望住我,如果唔係,我一定會給嚇暈!
我真係唔係好夠氣!我都係去返泳池游好D.....我同家姐灘係度曬左兩個幾3個鐘,5點幾就動身走嘞!真係勁多人!咁個度又有一個更身室,都有一個公眾浴室喎,家姐都唔知做咩,要我同佢一齊排公眾個個囉!搞到好似比人望住我沖涼咁.....我唔鐘意呀!沖兩野我就走嘞!唔鐘意係人地面前表演沖涼!

出返尼就同埋二家姐食飯,11點幾就返屋企了~又唔知做咩比人發我脾氣囉!算啦~算啦~人地唔鎖我門都算係咁嫁嘞...

今日真係勁開心呀!好耐都未試過曬太陽嘞!仲好feel過係泳池曬呀!個天係一粒雲都冇喎!曬到有d興既時候呢,又有d海風吹下,涼涼地,勁舒服!!!!但係我都唔係曬得好黑咋......不過算啦~我都唔係d襟曬既人,過下癮就算嘞!
[PR]
by SCOOBFAYE | 2006-06-26 03:25

624,星期6~賣賣賣!

今日賣旗呀!一早起左身,因為我幫細佬報左名,我當然叫埋佢起身一齊出門口嫁啦!點知!一朝早就要我爆血管!
我叫佢起身嘞喎,咁呢,佢首先就話佢唔舒服!(車!屎忽先信你!同佢相處開既人就會知道佢講大話!揾藉口!)佢咩唔舒服丫!分明就係佢之前個晚玩到勁夜,好夜先訓,訓到唔想起身!衣d都係佢自己攞尼嫁!佢又唔係唔知自己之後個日要一早起身,咁佢自己應該就返d時間囉!好啦,咁我比多半個鐘佢訓,點知個陣已經話唔去囉!我真係好想鏈死佢呀!
我之前個日已經承受左一個比人放飛機既厄運,而家仲要再親眼親身受多次!我真係好想殺死佢呀!佢又唔係唔知道有兩個人尼唔到,好難先填補左一個空缺,而家又將一個空缺變返做兩個!仲要係佢放我飛機既原因係佢要訓覺!我頂爆你個肺!xyz#@!%*&+!!!!!!!!!唔得嘞!何菲嬲到極點呀!你做唔到既野唔好一口應成人地又做唔到!講得出要做得到!我致憎d人出爾反爾!以後咩都唔理你嘞!我仲有d咩心機對你呀?我嬲到爆呀!

跟住出到去,都總算ok啦,雖然賣唔哂,而且仲賣唔到唔去既人個份,但係都總算ok啦,因為個旗袋拎到我隻手手好痛!!!同埋個陣又熱喎,咁我都盡左我最大既努力去賣啦!仲賣得好有心機嫁!我好有禮貌咁同人地講早晨嫁!仲會同佢笑添!但係熱到死呀!個人一路滴汗,但係已經冇手拎野抺,又冇手拎支水尼飲.......不過賣得幾開心!!!唔知點解,心裡面係想笑,所以咪對住d人笑囉!

賣完旗,同珍珍珍去我屋企,佢幫我手抬d書去賣呀!真係唔該哂你呀!麻煩哂!
仲比佢見到我間房極度不堪既樣,唉!成日都係咁嫁!我間房好整齊既時候係唔會有人見到囉!當然除左我之外啦!最凌亂既時候就係有人入埋尼睇!真係樣衰.......

一路執d書出尼既時候,真係想收返埋佢呀!話哂佢都同我努力過丫......而家佢地就離開我嘞!十千萬級不捨!望住個個人係度數d書個陣,我好想拎返走呀!但係....可惜!我間房真係唔可以再容納佢地嘞!以前有個locker都好d丫....而家.....咩都冇嘞!唔捨得既係,我係d書上面留低左好多野嫁!有本書有我d口水印,全部書都一定會有我d無聊畫既公仔又或者唔係個一科既notes(eg.bio書會見到我背中文既書),仲有我地一齊奮鬥過家嗎!雖然我都唔係成日都奮鬥...咁但係佢地係24小時on call家嗎!佢地咁就唔要我嘞....
[PR]
by SCOOBFAYE | 2006-06-26 02:36

6月23日

今日呀,返到家姐公司,佢地又未返尼,我又冇野做,諗住打返個電話,問下D唔肯定既人去唔去賣旗,點知佢係話唔去,都算啦,人地有個天大既理由,我都唔可以唔比家嗎....然後呢,佢又再比多個消息我,另一位話左會去既人唔去囉!仲要係因為一個肯定可以一早知道既原因囉!最屎忽既野係,當事人唔親自打比我話我知,要用第二個人話我知囉!我真係好唔鐘意D人放我飛機呀!我頂你個肺!係你放我飛機我固之然嬲,但係你唔親自話我知我仲嬲!起碼你比我知道你真係內疚丫嗎!咁我咪心軟,唔會咁嬲囉!你放我飛機既原因仲要係一個你一早都知道既,我真係想打人呀!
咁死啦,個晚我個人係謄哂!大佬呀,我拎哂你地D旗袋嫁嘞!你係咪要我零重量咁交比人呀?你估真係唔做就唔做嫁拿?
[PR]
by scoobfaye | 2006-06-26 01:52

超級名句呀!

我今日搭地鐵個陣聽到嫁!真係笑到爆肚呀!
我今日返屋企個陣,聽到行我格離一個媽媽同佢個仔既說話,說話既背景係媽媽買左條近來好興既鋼錬掛頸電話繩比佢仔仔.媽媽話:拿我買左衣條電話繩比你,咁你掛住係條頸度咪唔驚跌左個電話囉!仲係好興既"鍊之鋼金術師"呀!鐘唔意呀?個仔係無言囉!真係笑到死呀!
佢咁講,令我諗我由細到大既語病!
share變swear
腸胃炎 變 炎胃腸(嫌命長)
燒春雞 變 春燒雞(搞咩呀????)
杯 變 錶
錶 變 杯
相機 變 電話
電話 變 相機
仲有D嫁....不過我都唔記得嘞
哎呀!何菲係咪有學習障礙嫁?
[PR]
by scoobfaye | 2006-06-23 01:57
衣幾日都唔係好想起身咁...教左鬧鐘都要訓多半粒鐘先起身.仲要好眼訓個喎!係咪我訓得太多呢?之前成半年都係訓6,7個鐘,而家突然間有得訓夠8個鐘,仲想訓埋去,長眠真係唔錯!可以發好多夢嫁!正正正!!!
今日同平時既計劃唔同左,平時呢,係一起身就去家姐公司,但係今日一起身就去另一個家姐公司,我去左大家姐公司拎旗袋,今個星期6我就去賣嘞!唔該各位出一出觀塘同我買返粒旗啦!嘩!今日既天仔係熱到炸爛呀!痴綫嫁!點可以熱成咁嫁????真係人間煉獄呀!
返左屋企放底D野,我又出返去嘞!我去家姐公司,點知去到呢,家姐同佢老細都仲未到,其實我差唔多日日都係咁嫁嘞..都見慣!但係今日到左,我要做既野琴日又比我做哂喎!突然有D空虛...跟住家姐打比我,佢話仲有野要釘喎~唉!我上左尼咁多日,有90%既時間都係釘野,我就尼釘到發夢都釘緊野嫁嘞!
家姐同佢老細冇幾耐都返尼嘞!但係留左陣就走了!佢地要上深圳唔知要見咩客掛...我都冇咩興趣知!家姐交低比我做既野我都搞掂哂嘞,無聊到要拎個冇咩吸力既吸塵雞尼吸塵,其實係佢公司都冇咩野吸到,佢公司係舖地氈既.D塵都比佢吸哂啦!但係佢地張枱都可以有好多塵嫁囉!我都唔知係邊度尼既!當我吸到尾聲既時候....我家姐都岩岩好咁打比我,佢好似知道我幾時會做好哂D野咁,佢叫我幫佢入佢D卡片落佢部腦喎~完全係勁開心!多日以來,我個人腦終於可以拎出尼用嘞!我差D將佢涉落櫃桶底.
都唔係入左幾多張,一尼我要熟習一下佢部腦既打字個野,佢都冇我平用開個個既.....雖然佢都係打倉頷,但佢個個倉頡唔係我用開個個倉頡囉!真係有點兒....跟住呢,我又唔係一早上尼,剩餘既時間都唔多.跟住呢,我另一個家姐又叫我落去拎D佢要比家姐既野喎~咁我又用左D時間...唉!衣一下先最驚呀!
首先呢,家姐叫我係皇后像廣場等,我一去到,見D賓賓,真係想打人囉!等左陣,家姐又叫我往碼頭方向行過去喎!咁我就行過去碼頭啦!點知家姐話佢個度唔係碼頭喎!唉!我頂!咁你做咩叫我往碼頭方向走姐?轉轉下,我就轉到見到家姐嘞!拎左D野,都7點幾嘞!真係熱到痴那綫呀!
諗住返上去,入多幾張卡片就走嫁啦,點知我禁極個LIFT都唔比反應我!唔係咁玩我化.......我個陣先醒起,佢好似唔知幾點又或者唔知邊日就要一張匙卡先可以係橦野出入平安個喎......我打比家姐,家姐話一到7點,要上返去就要匙卡先可以請得郁部LIFT嫁!哎丫丫!唔好玩我啦!我個一刻只係諗到:我唔想等家姐等到好夜先可以上返去呀!跟住家姐話同個食焦哥哥講就得嫁嘞喎~咁我都冇咁驚~
點知D食焦哥一個就好鬼惡!一個呢D眼神望我望到我好似係一個賊咁!車!你都沒有腦袋嫁!見到我個樣咁可憐都知我冇料啦!你估我係商業神偷咩.....你都傻嫁!


原來D報紙叫人毎日唔好飲超過4杯咖啡有根據嫁!!!我今日好無聊,係咁試沖唔同比例既咖啡,一共沖左3杯,咁沖左出尼就梗係要飲左佢啦!就咁,3杯啡一日,就破左之前個紀碌嘞!有一杯都唔好飲既!我沖左杯MOCHA,嘩!佢D芝古力味超勁!加上我又係一個對芝古力有偏見既人,我飲左兩啖就頂唔住嘞!
我想講既有根據既意思係:我飲左兩杯半姐,今晚我就出現一左D非隨意又高能量既肌肉收縮.我自己都覺得有D其奇怪,個人既情緒仲有D HIGH HIGH地添~哈哈哈哈!!!笑得勁開心!但係各位請放心,我今晚一定會訓得着!因為佢隻杯都算細嫁嘞!所以都唔洗驚~同埋呢,我今日味精上腦,我好眼訓呀!
[PR]
by scOObfaye | 2006-06-23 01:22

6月17日-星期6,思緒混亂

今日呀,我訓覺喎,去到9點幾,個夢都未發完,就有人打比我呀!不過唔緊要既~最多我死左之後再訓過囉!哈哈哈哈哈哈哈!跟住我同佢好語無倫次咁講左陣,佢就同我收綫嘞!真係祝佢好運呀!
跟住呢,我就出去嘞喎,咁我不嬲例牌係上家姐屋企家嗎....星期6....咁又有D物資又要拎去佢屋企,天氣又熱喎!個人係可以唔洗原因就會怒火中燒嫁嘞!又自己覺得哂左個太陽呀!咁好太陽就梗係去暢泳一番啦!但係我冇去呀!因為我驚我去暢完,我就會唔肯出街嫁嘞!咁加上我又應成左家姐我今日會上佢公司.....唔可以反口家嗎!已經唔係咁開心咁出街,加上條街又熱喎!我衣D適合居於南極或北極地區既人,梗係熱到要死啦!個人已經唔好惹嫁嘞,點知我家姐就以身試法--搞到我好唔妥囉!!!!!
我條背隻骨又唔係好舒服,都唔明做咩要咩個斜咩袋出尼嫁!D野又有D重量喎!上到車仲衰!都唔知D人做咩那野嫁!噴到D香水呢......簡直令我疾息呀!我已經唔好惹嫁嘞!我用哂我剩餘既耐性,忍左個D香水味半個多小時,落左車之後,有個死靚妹就係衣個時候唔覺意掂到我個袋,我頂你個肺丫!做咩那野掂我D野呀!你媽媽冇教你咩叫禮貌嫁?你想掂我D野就唔該你問左我先!唔好亂咁尼!唔係你老豆拖住你呢,我就問候一下再襟你嫁嘞!(從以上既情況睇得出,個陣既何菲係極度危險嫁!所以人們要小心!)
跟住我就上到家姐屋企嘞喎,正當我諗住可以入屋,過一過冷河既時候,我家姐打比我,叫我唔好上尼囉!跟住既野我已經唔想再重複,咁只會令何菲抽筋!!!總之呢,係一個咁熱既天氣,諗住可以有一個機會比自己降一降温,但係就因為一D好"不明"既理由而搶去左衣個機會,我真係好唔妥囉!又一次嘞!又一次比人拒諸門外嘞!第N次嘞,N>5呀!咩事呀?大佬......我好熱呀!我好興呀!想點呀?
我個陣真係好想返屋企呀!但係我可以揾咩藉口????你話比我知丫!跟住家姐叫我去一個有冷氣既地方,大佬.....個頭有咩地方係有冷氣而又近呀?咪你屋企囉!咁又點呀?我入唔到尼呀!我熱到唔想再出街嘞!仲要叫我等一等你一齊去食野囉!等得你,梗係需要一個時段啦!咁即係要一個又有次氣,又有野睇下行下,又要近既地方啦!我頂!!!!!!!我已經好嬲,唔可以再作思考,你比個咁難既題目我諗?!仲要我諗下邊度有BUFFET食?!你食屎啦!我咩都唔諗呀!咩都諗唔到呀!即刻落左地鐵站,係最近而又有冷氣不過就係冇野睇!(屎忽!)跟住佢就叫我去尖咀等埋佢(地)去食野.
唉!上到車,我仲嬲,唔知做咩事,可以比我遇上一個臭男人嫁!佢真係好臭呀!我同佢企對面,D風由我個邊向佢個邊吹,我都仲可以聞到佢陣味囉!我想打佢呀!但係我驚我打完佢要拎鏹水洗手!去到尖咀,真係唔知點做.....
但係最屎忽既野呢,就係家姐講過佢好唔鐘人講大話,講到自己都唔會講大話咁,但係佢就向我講左個大話囉!我唔係傻嫁!我知道嫁!有咩咪照直講囉!講真....有時有D野,聽左都冇壞嫁!我都冇咩係向你講大話姐,係可能係有D係我唔同你講姐,都唔等如我向你講大話!只係我選擇性咁同你講.但係你就出爾反爾.........哼!真係唔知講咩好!
跟住就過去左一日嘞....但係過得好唔自然!毎一分毎一刻都好想走!我自己又諗左好多野!開始自雙矛盾,完全唔知自已做緊咩呀!
跟住因為老豆返左大陸,我就去左家姐*屋企過左一晚,真係好好FEEL呀!雖然唔係訓得好舒服,又冇開冷氣,但係可以唔洗係自己屋企已經好開心嘞!!!!!

*此家姐不同前者之家姐!此乃我另一家姐!
[PR]
by scOObfaye | 2006-06-19 01:25

6月16日

琴日都係上左家姐公司,真係勁驚險,我要去幫家姐買筆,我又遲左小小起身喎!搞到咩都遲哂嘞!咁遲左就會冇得拎報紙家嗎!係地鐵個D呀!我衣一年裡面經慣左閒日一搭地鐵呢,就拎住份報紙家嗎,如果我搭地鐵而又冇拎報紙係會好周身唔聚才嫁!咁如果遲左呢,D報紙又會比人拎哂個喎!咁我就好驚嘞!
跟住呢,我一去到呢,D報紙真係比人拎哂呀!!!!真係好唔開心囉!!!!咁琴日係星期五喎!星期五份報紙係有多D野睇嫁!(可能唔係嫁.....但係星期五份報紙厚D,好似好多野睇咁.....)咁我就好灰咁搭車去中環嘞.一心諗住中環個地鐵站仲有報紙啦!因為佢平時都係會遲D先比人拎哂既~點知我到都係比人拎哂嘞!!!!!十千萬級唔開心呀!!!!點解咁嫁!!!個陣真係好想問地鐵D人可唔可以比份報紙我!!!!跟住我就好灰咁行行行,行行下,有一個白領女人係我面前擺低左報紙係個拎報紙櫃上面呀!!!(此舉其實係擺係度等人尼收,我個人認為佢有D懶....因為行多兩步就會遇到回收箱!!)我真係好想攬住個女人尼鍚呀!!!!!我就行埋去拎左佢嘞!!!!十千萬級開心呀!!!!
係家姐度又係FILING,隻手手搞到勁污遭呀!!都唔明炶解完部都係紙,都可以咁污漕嫁!!係個度個reception姐姐好得意嫁!佢真係好搞笑!雖然我唔係見過佢好多次,佢都唔知我係邊個,但係佢一見到我都會係咁叫下我呀,打下招呼咁.....咁我琴日行出去幫家姐拎D documents尼影印喎,行行下,見到佢好慌失我咁衝埋尼,好似要揾人咁,我同佢差D撞埋一齊,跟住佢一見到我就好開心咁"HELLO~"佢真係好得意呀!!!!!然後我地係廁所又碰面喎!佢好搞笑!!!佢以為我係佢個FD,係個廁所大叫佢個FD個名,我一出尼,佢即刻好唔好意思!!!仲要以為我係個個野個女喎!哼!雖然佢而家真係有個女同我一樣咁大,咁但係都唔等於我係佢個女!如果我有個咁既人做我老豆,我真係要喊嘞!
[PR]
by scOObfaye | 2006-06-17 13:06