<   2006年 05月 ( 23 )   > この月の画像一覧

我個頭痛到爆開嘞!

好頭痛!我係咪已經患上左公假症侯群呀?一放公假呢,我個頭就痛到要裂開嘞!我個大腦,小腦,後腦同埋延腦好似一齊發脹,想要迫爆我個頭骨咁囉!!!!完全係想切左個頭佢出尼囉!
今日教左鬧鐘8點起身,叫左家姐起身之後,我又訓返.訓到11點半先起身呀!真係好攰!!!衣幾日都唔係好夠訓,今日補返哂!勁爽!跟住就上左家姐屋企,都話左遲起身既結果係D時間小左嫁啦!係家姐屋企睇左套戲,然後我地去到6點先上佢公司,由於我要返屋企食飯既關係,去到7點半走嘞!明天再上過!
[PR]
by scoobfaye | 2006-05-31 22:34
狂輕機囉!都唔知佢做咩!肯定係琴日啦!D人帶左D唔知咩人上尼,係部腦裝左D唔知咩啦!搞到部腦又慢,又瘋狂輕機!真係興呀!
前日去左同我好心掛掛既TAMAMA去左INTERVIEW,衰豬呀!有咩事都可以打比我嫁!會聽你電話嫁!雖然我係未必幫到你既~但係比我知下你發生緊咩事丫嗎!知唔知呀?衰鬼!
琴日同阿LAAM去左李SIR屋企排戲,當然唔係我衣個冇戲既人排啦!係阿LAAM排啦!學左小小野嫁!排左一粒鐘,勁呀!OK哂嫁嘞!阿SIR隻狗,仲正!勁靚女喎!佢條眉呢......好似有表情咁個喎!又斯文呢....勁想溝佢啦!佢真係好靚嫁!好想拖埋佢返屋企囉!
跟住就上尼家姐屋企,睇左套戲--蜜糖兒,好好睇!又靚女喎!個細路仲得意!好想咬佢!勁鐘意睇個D跳舞既戲!最鐘意佢D好有節奏既野!好好FEEL!7點本身就走嫁嘞,返到KT就去左另一個家姐屋企,本身係想比封信佢就算嘞,點知呢,講講下電話,我同家姐又出返旺角囉!哈哈哈!我都只不過講左一句:咁一係而家出去囉!咁就出左去了~同家姐食左飯,其實都係時候走嫁囉!明明話飽,又去左食飯,明明話食到好飽,又要去買雪糕囉!明明話去買雪糕,點知又指定要買軟雪糕,明明行左幾間便利店都冇嫁啦,都仲要行囉!最後行左半粒多鐘,都係冇囉!最後係個雪櫃買左個甜筒就算嘞!頂!我10點幾11點打返屋企話左返緊去,點知比佢地搞到我12點幾先返到屋企!結果呢?咪又係咁啦~比 人 鎖 門 ........都唔知係因為我唔識拒絶人丫,或者話佢地冇時間觀念丫定係話佢地肯為一個雪糕充滿決心,毅力,堅持囉!但係佢地咁做就搞到我比人媽到一面屎囉!夜晚仲要訓唔着!次次比人媽夜晚訓覺都要有D野嫁!一係就發惡夢,一係就失眠!頂!佢地兩條友仲要話我變臉囉!我頂!我會比人鎖門,你地唔會丫嗎!我會比人媽,你地唔會丫嗎!
今日倒塔咁早,又唔夠訓,就起左身,同吳欣欣睇早場,經過一輪轉轉接接,我地睇左MI3,喂!又幾好睇喎!衰鬼~
睇完之後就上左家姐公司開工!做返同上年暑假一樣既野.....雖然真有D悶......都可以打發一下時間丫嗎!不過佢OFFICE真係有D靜得滯!最衰又冇MP3,又冇收音機聽啦!!!!!做得耐真係想訓嫁!等我諗諗辦法先!
[PR]
by scoobfaye | 2006-05-29 22:20
今日教左鬧鐘起身,哈哈哈!今日約左小忍,吳欣欣同埋歐陽去唱K呀!好興奮!!實在係勁開心添呀!考完試左耐,今日先第一次去唱k咋!諗住快快手搞掂左個打字既NOTE比小忍,點知都唔夠時間.......都係小忍囉!我開左電腦,佢又要我WEB CAM喎!比佢見到我個飛散頭髮既樣....講左陣,咩喎!咁人地係屋企就係戴住個頭COOL嫁啦!又要睇......
講遲左添呀!即刻飛落街啦梗係!一心以為我會遲,點知我係最早到個個!哈哈哈哈哈!!!歐陽囉,遲到又唔打比人,搞到吳欣欣等左佢勁耐!我地一齊唾駡佢!跟住到左,我同小忍會合左先,諗住先上去攞左位,廢事佢會多人,點知佢話已經落左單,開始計時喎!我頂!話左要等埋朋友家嗎!講野又要一舊舊!不知所謂!同小忍入左去,唱左幾首歌,佢真係好搞笑!快要笑死我嘞!佢地都到埋了~好野!真係好搞笑!
個WAITER拎野飲尼,好似拎小左杯(其實應該係歐陽落漏左單),佢諗住問我地爭邊杯,佢再幫我地拎返,點知呢,小忍就錯口地鬧左個WAITER一句!!!!雖然唔係用粗口鬧,但係佢勁大聲,又勁惡喎!我見WAITER好驚!佢比小忍嚇親了~佢即刻SAY SORRY囉!真係可憐呀!我諗佢都唔係返左好耐工嫁咋!咁就比小忍嚇親了~一定會冇陰影呀!之後問返小忍做咩咁惡,原來佢係想鬧歐陽個喎!當然唔係真係好嬲個種鬧啦!只係玩下,扮下惡咁話佢落漏左單姐,點知佢反應快得滯,鬧左個WAITER了~哈哈哈!!真係........!無奈!
一路唱,一開始我已經有D聲沙,因為小忍話要唱勁歌金曲開聲喎~我同佢係咁爆,我把聲唔係D襟爆既聲,咁就開始有D.....沙了~但係真係好開心!衣D先叫做唱K家嗎!係屋企就咁唱又點會咁爆歌呢?梗係係衣個時候爆哂佢啦!狂爆笑!有小忍既日子係最爆笑嫁!小忍佢係咁話我同埋歐陽唔唱,車!我有唱!我梗係有唱啦!只不過我係唔拎起個咪唱咋嗎!我唔拎咪唱,你地都聽到嫁啦~歐陽就真係唔唱嘞!都唔知佢尼做咩既!岩岩好,3支咪,4 個人,一個人係用丹田唱既,咁咪岩哂囉!哈哈哈哈哈!!我都唔知點解我可以咁大聲既......
唱到咁上下,小忍都要走了~佢約左人呀!得閒再出尼唱過!一定好開心嫁!去到3點島佢都CUT歌嘞!閃人!我地行行行,行左好耐,諗住揾下有冇我想買既珠珠,車!都冇既!平時成日都見到既野,而家諗住買,都揾唔到既!我真係覺得佢好唔應該囉!!
去到5點島,我都返屋企嘞!要做煮飯菲!我要證明比個條賤女人睇,屋企冇左佢呢,係唔會有咩影響既!唔好諗到自己咁大!以為自己好勁咁!但係我咁做就錯嘞!個女人琴晚返左尼呀!仲要講埋D野想暗示比我老豆知,我辦事不力呀!真係好後悔點解我琴晚唔駁佢嘴囉!!!!!!今日諗住繼續去買送煮埋飯個D!哈!何菲衣隻小綿羊就中左佢個圈套嘞!佢而家當哂自己係一個大野,以為我都要怕佢!我間接地SERVE左佢呀!SOOOOOO SHIT!!!!!!FUCK!!!!!點可以咁做!我做錯哂嘞!我唔應該咁做嫁!我應該好開心咁玩,玩完就返屋企食飯!低B仔!我頂!!!!!!!!我真係做錯嘞!!!!!!!!何菲,你輸左了~你令人地贏得好光彩呀!太差嘞!以後都唔可以咁做呀!!!!!!
個條賤野,仲要重複我做既野囉!我琴日已經拖左地,佢今日都要拖多次囉!我先唔信佢FEEL唔到個地係冇拖過呀!賤人!最屎忽係我個好老豆囉!佢完全唔會表示支持我個喎!又唔係話付和個條賤人嫁!至鬼憎衣d咁既人嫁!叫佢食屎啦!我覺得佢應該將所有野搞清楚哂佢囉!一句講哂,佢幫邊一邊,等我知道,唔洗令我鬥得咁辛苦!可能我爭贏左,而佢又唔係幫我既,令佢唔開心就唔好啦!咁如果佢係幫個賤人既,ok!我唔做咁多野嘞!我以後都唔出聲囉!由得我比人地鬧都唔出聲囉!既然你咁幫佢,我做咁多野都冇用!
[PR]
by scoobfaye | 2006-05-26 00:27
願我可以學會放低妳
作曲:徐偉賢 主唱:何韻詩 填詞:黃偉文

任我出去任我飛
遊蕩兩日又重踏這地
沒有牽掛就會死
難道我靈魂被你收起

自己都管不了自己
太多錯誤經已因你起
我都知 再找你
連幸福都要放棄

其實你有多好 到別處碰不到
至令我重返這條路
臨近晚節不保 卻行到這一步
難道天空海闊再無芳草

*願我可以學會放低你
 就讓我重頭來過物色新知已
 望著你的臉如山水一般優美
 要走的我 總企在原地

 願我可以絕到踢走你
 但是我如何能拒絕張開的臂
 自問我可以贏你 但喜歡輸給你
 猶像你親於我自己
 我怎可以 一刀切下來 親手 傷你*

其實你有多好 到別處碰不到
美麗到危險的程度
臨近晚節不保 卻行到這一步
沿路的山丘已化成焦土

REPEAT*

我只可以 將心割下來 親手 給你
[PR]
by scoobfaye | 2006-05-24 23:49
今日好乖咁做左一日家務呀!嘩!大佬....真係出汗出到個人臭哂!死臭菲!哈哈哈哈哈哈哈!!
今日先發現,真係早睡早起十分好呀!除左身體好之外,D時間都見洗D!諗返上年,我就係咁樣,偶然又用腦用通頂,真係唔錯!!!所以,我決定以後都12點幾訓,第二日8點幾9點起身嘞!咁就會好PERFECT嫁嘞!
琴晚唔知係咪第一日學左D新野--穿珠珠,好熱心咁搞左好耐,去到兩點先訓,都仲要訓唔着!
咁我不嬲都訓唔夠8句鐘都唔會心息家嗎,去到9點幾唔知做咩我老豆打比我呀!我頂!幾想CUT佢綫呀!嘈住我訓覺!好鬼興囉!至鬼憎D人係我訓緊覺個陣打尼,又要同我講埋D野呢.....拖慢哂尼講!成日叫人長話短說,自已條氣又長到死唔斷咁!幾驚訓唔返呀!我唔夠訓會發脾氣嫁!最後訓到10點幾就起身嘞!嘩~!日上3桿嘞!睇埋D電視點幾先動身,開始今日既工作.
本身今日諗住早上係做哂D屋企野,下晏就去家姐公司,點知我中午先開始做返D屋企野,首先做左我老豆指明要我做既野--拖地,都冇咩既,諗住拎個拖地專用既桶出尼,係個陣娟姨買嫁!點知呢,比D人用左尼裝衣架囉!我真係.......跟住呢,個桶係連埋一舊比個地拖扭水既物體啦,點知!又比D人唔知PAT左去邊囉!我真係頂你個肺呀!
拖完地已經身水身汗,真係好想去沖涼!但係我好快咁落街買送也好買咩都好啦,總之就拎野拎到仲慘過做菇喱呀!好彩佢冇落雨咋!!!如果唔係.....我一定當街發癲!D人又要望住我個LOOK喎!車!衣D叫街坊LOOK!望咩望!我以後落街都會咁既LOOK嫁嘞!唔鐘意,打我丫笨!返到屋企,洗哂D碗,執好哂D野,諗住可以去家姐公司,但係陣真係太遲嘞!如果我真係上去,我都係留一陣就要走嘞!因為我又要煮飯.......我本身已經唔鐘意煮飯,個陣又要咁樣喎!煮飯完全係一個束博呀!令我更加憎恨煮飯呀!!!!!!
結果我就屋企又穿左幾粒鐘珠珠,真係鬥雞眼嘞!又穿極都穿唔到一粒大大波.........好咩囉!又拆又穿,條魚絲又要買幼左,佢又透明色個喎!真係興嘞!但係我唔可以咁就放棄嫁!話哂我都花左唔小銀兩係度,況且.....我唔可以比衣個暑假過得咁冇意義嫁!可能學識穿珠珠唔係一D咩大成就,但係.......我D時間係用尼學野嫁!哈哈哈哈!!何菲偉論.........
[PR]
by scoobfaye | 2006-05-24 22:34

沒有家的中鳥

今日呢,何菲一早就返左學校,揾MISS,ROLE PLAY左一下,跟住中午就走嘞!然後去左寶林,好求其咁買左D珠珠(之前有人話同我去SSP買嫁!不過而家D人冇左件事喎,真係好咩囉!),跟住就同吳欣欣上左我屋企開工!
*我由學校走個陣呀!係學校門口見到有隻中鳥("中鳥"既意思係講佢既體型)成身濕哂咁,好無助咁企左係度呀!!!我既刻叫阿叔啦!點知阿叔望左佢幾野,講左幾句無聊野就唔理佢嘞!真係好冷血呀!等我仲咁鬼敬仰佢......咁我又唔知可以點做.....唔通拎佢返屋企養咩!老豆衣D仲冷血既人一定要我好似個陣包包B咁PAT走佢嫁!我又好擔心佢喎!咁我又唔知如果我掂佢,佢會唔會咬我家嗎!我又唔知佢會唔會有禽流感喎!咁我打比吳欣欣,佢又話我又唔可以做D咩,咁我就冇理佢嘞.......我良心真係.......要腐欄嘞!!!!跟住我過左一條馬路,個隻中鳥突然係我面前閃過呀!嘩!你想嚇死我咩!我知你堯飛~但係都唔洗差D撞埋我度嘛.....但係佢降落左係我面前,又好慘咁企左係一角嘞...咁我又唔想唔理佢,咁我又唔得閒喎!咁我就......走左嘞!希望佢會快D揾返佢媽媽啦!佢真係好慘呀!個身又濕,個頭細細粒咁,佢仲好細個嫁咋!!!!咁就冇屋企....真係好可憐!!
上到我屋企,可以話係學識左點整個珠珠波出尼嘞!嘩!就尼鬥雞眼嘞!個陣先發現,我買錯左魚絲呀!死蠢!鬼咁粗!點穿姐.........咁我就用左吳欣欣既魚絲,當中仲爆出好多白痴野!真係笑到癲!我又好多野講嘞!而家仲有D喉嚨痛呀!哈哈哈哈哈哈!!!!跟住我地就落街買過D魚絲,同埋食D野.仲買埋送呀!真係唔好意思嘞!吳欣欣.....KT街巿真係好差!!又勁滴水......我係唔係應該帶你入去既~但係我地見識左一樣野--黑檽米紙孔~(黑檽米豬紅....爆笑!)係咁行行行,行左去APM(當然係買送前啦!),諗住係同吳欣欣揾工,點知又唔知做咩,好似一路我地係咁講講講,又睇下野咁,柴娃娃咁又走左了~
買左D送,返到屋企,吳欣欣走嘞!送左佢去MTR STATION,我又返屋企,點知比我見D好惡心既野!O MY GOD!!!!!唔好再提!我都只係教D螞蟻暢游姐........結果都係浸死哂囉!係咁!唔好再講落去嘞!真係講起都起哂雞毛!
當我諗住開始煮既時候....YO!!!!!!!老豆話佢唔返尼食飯呀!SO GOOD!!!!!唔洗煮!打比家姐,咁我就上左佢屋企,嘩!佢屋企唔好再焗D!想焗死我咩!睇哂D電視,正!幾驚會太夜返屋企呀!點知.......我老豆都未返尼囉!真係.......點做野嫁!實在係太唔應該嘞!!!!!!
[PR]
by scoobfaye | 2006-05-24 00:52

今天落大雨呀!!

嘩!今日呢,真係足不出戶24(小時)呀!本身今日諗住係返學校嫁!不過我琴晚又夜訓喎,今日又好遲先起嘞!所以咪冇返到學校囉!近排都係咁放飛機,我放人啦,人地又放我啦!我真係唔係好鐘意D人放我飛機嫁!雖然係成日都比人放飛機.....咁講好左,做咩又唔做姐?你有原因就話姐!但係電話都冇個比個解釋我喎!所以呢........我真係唔鐘意人地放我飛機囉!所以我都甚小放人飛機,或者應成人地D咩!講得出要做得到!你明唔明呀?

本身今日D人考哂試家嗎!都唔打個電話尼,同我開心一下........

今日係悶蛋24!勁悶咁係屋企過左大半日,睇哂D睇得既電視,就捕住個腦嘞!仲要係最後關頭先醒起我可以做D咩,但係個陣已經太遲嘞!唉!包包!我對你唔住!後日先再實行過!
個腦輕左一日機呀!真係好想打佢!可能佢係已經好慢我唔知啦,但係我心目中,佢已經好快嫁嘞!我諗到佢咁好,我唔該佢就唔好輕機啦!我真係對佢好失望囉!
同一個好耐冇見又好耐冇傾過計又甚小傾計既朋友傾起上尼,嘩!真係唔驚唔覺,咁就一年嘞!一年冇見,冇傾下計嘞!時間係過得幾咁快?!從佢既文字裡面,我睇得出佢係有苦不得申........點都好啦!咪當自己見識多左囉!早D睇清個世界咪幾好~
係何菲咁無聊既時刻,佢做左D好無聊又凶殘既事--佢教D螞蟻暢泳呀!哎呀!屋企唔知點解有好多螞蟻呀!電腦格離個盆栽成日都有D水係個碟個度喎!咁D螞蟻一行過咪掉佢落水,一心諗住佢會從始學識游水,點知咁佢就會浸死左嫁姐.......D螞蟻太蠢嘞!教極都唔識......正死蠢!!!仲鈍過我呀!不過我係唔會放棄嫁!我會繼續教地游水,直至你地學成為止!!!!!!(發光既眼晴~充滿熱誠!!!!)不過我已經浸死左一打螞蟻了~呵呵呵呵!!!!
今天我要開始做晚飯嘞!雖然係我最唔鐘意做既野!但係冇左個女人係度,都幾好嫁!又要唔洗忙功課,唔洗忙温書呢......咁既生活...都幾好嫁!但係我真係好想揾D朋友們出尼,玩下,笑下,癲下,最緊要既--聚下呀!新識既朋友,我好驚我地會失去左聯絡,咁我地就........以前既朋友,我地已經小見左嫁嘞!我驚我地再小見D既話..我地會...........
今日大家姐打尼,同我講左陣,係衣個時候打尼既..都係講個D人嫁嘞....講講下,老豆返尼呀!我地係即刻收綫!收左綫之後,真係笑死!我諗起以前呀!小學個陣,我同細佬成日都會兩條友屋企喎!咁我就會傾電話,係咁打比D同學傾!傾傾傾!!!但係其實係唔比傾電話嫁!唔知點解個喎!所以一聽到有人開緊門呢,我就會好緊張咁話:哎呀!家姐返尼嘞!唔講嘞!咁就收綫嘞!個陣真係好似以前咁!我同家姐講:哎呀!你老豆返尼嘞!家姐就話:哎呀!!!!!咁唔講嘞!BYEBYE!咁收綫了~真係........搞鬼呀!
[PR]
by scoobfaye | 2006-05-22 23:39

D人係度假惺惺!

琴晚好開心囉!同一眾家姐們同埋主角--我媽媽~食飯!
琴日一起身,屋企D人唔見哂!我自問都唔係遲起身,點解要走哂!不過佢地走哂仲好!等我有返D自由!係張床上面,我就好似個廢人咁呀!我真係好耐冇運動嘞!成身痛!手手腳腳連我條頸頸呀!毎行一步毎一個動作都係受罪呀!!!我又做左一個決定!HEHEHEHEHE......遲D何菲會做大隻菲!哈哈哈哈哈!
一行出廳,嘩!我見到D好"感人"既字條囉!
mei2:
i will be away and from now onwards
you're got to learn how to cook for you and your father or whoever.
............................................................................
咁好文彩既說話,都知道係咩人寫嫁嘞!一D聽我講野聽得多既人都會知講既邊個嫁嘞!仲要寫英文喎!哼!我不嬲都知點cook.我不嬲都know how to cook for me and my father!不過我唔鐘意cook咋嗎!又走!想當年,你咪又係成日都呀,又走又唔走咁嫁啦!我咪又係咁cook!你走左個陣我同我老豆不知幾好!

跟住我繼續做自己既野,老豆都返來了~我同佢講我出去,今晚唔返尼食飯個陣,心中都覺得佢好似好慘咁......不過算啦!我又真係約左人,個個野又走左,佢都係要自己留係屋企嫁嘞!等佢自己靜下,諗下野咪仲好!又要落緊雨喎!咁既氣氛,至岩就係用尼諗野嫁嘞!觸景生情丫嗎!呵呵呵呵!!!!
上左家姐度,日頭既NOW TV係冇野睇既!不過是但啦,都總好過屈係屋企同老豆玩!約左D家姐們同埋媽媽7點半,點知!我地果然不失我地何家既一貫本性--遲早!哈哈哈!!!約左7點半等,點知全部人8點3,4先到齊!哈哈哈哈!!!真係笑到碌係度呀!
餐飯真係太開心嘞!又聽家姐講左好多野!先知道原來衣個世界係咁........驚嫁!!!!真係慶幸,我既精神狀況係咁健康呀!!
[PR]
by scoobfaye | 2006-05-22 15:45
今日一起身,好掛住阿LAAM呀!諗住橫掂得閒,如果佢返學校,我又返嫁,點知佢都唔返.....想掛死菲咩!
一行出廳,嘩!搞咩呀?佢地兩條友好返喎!我頂!你開心啦!揾我出尼鬧,揾我尼同人地出氣,高招高招!算!我算!我而家係擺到明要同個女人過唔去嫁嘞!點丫?!夠膽就係我洗碗個陣企係我格離囉!我潑哂D水過你度!等你以為自己咁威丫拿!
食完早餐,真係太多時間嘞!諗住上家姐屋企睇電視,佢又要出街....諗住揾人同我去暢泳,人地又要返工.....諗住算啦!自己一個係屋企過一日啦!何菲得既!但係呢.....屋企得返何菲同佢老豆呀!咪搞啦!何菲好難同佢老豆單獨相處一整日嫁!
結果,何菲就的起左個心肝仔,單拖落左去球場打交!哈哈哈哈!!咪傻啦!何菲單拖落球場跑步之嗎!嘩!真係唔得認肥呀!以前跑10個圈都卓卓有餘;今日跑左4個幾圈咋!死神就要奪去何菲既性命嘞!返返屋企,都唔知係咪食得二手煙太多,搞到個肺差哂!坐左好耐都好喘氣呀!頂!都只不過一個學年冇跑姐........唔係咁潺嘛..........
我諗我咁冇做過下運動,我係唔係咁應該做一D咁大運動量既野既~應該去暢泳一番~咁何菲就單拖落泳池嘞!嘩!幾驚呀!出門口之前佢老豆話又會去暢泳喎!唔好玩啦!咁我就點都去中池游啦!唔知點講,係~同老豆去暢泳係冇咩問題既~但係我唔鐘意呀!點丫?!
我落到去,完全係擺明同人結怨嫁!個池真係好多人!佢地都唔係游既!33兩兩咁玩水!有D係池邊,有D係池中間,又有D人係學游水既~仲要有D人打橫尼游,今次真係水上障疑賽呀!間中,我仲唔覺意一腳踼到D人添呀!真係唔好意思嘞!何菲真係冇心嫁!咁你地又要企係池中間玩,又唔係企定定喎!我點避姐.......十級想走過去大池游嫁!但係我唔可以咁做嫁!我必定會撞見我老豆嫁!NO WAY!!
游到咁上下,唔得嘞!我雙手呢..........真係好痛!個位我唔識點講!總之我一第起隻手手,就勁痛啦!兩隻手手都不舉......真係就快死嘞!都唔知係咪抽筋呢?定係我太耐冇去游泳呢??但係好開心呀!好耐都冇做過以上既活動嘞!!!今日一次過做哂!正!
一路行返屋企既衣段路,我見到自己間小學呀!真係好耐冇見嘞!佢又冇開門....我圍住學校出面行左一個圈,見到以前我排隊既地方,又係個個橙色舊垃圾筒,記返起好多耐以前既野呀!!勁開心!!!不得不感嘆一下.....何菲真係老嘞!但係係我記憶中既小學生涯,係幾難過嫁!係好難渡過既難過喎!所以望左兩野就走嘞!
行過羽毛球場,我好好好好好好好好好好好想想想想想想想想想想好想好想好想打羽毛球呀!!!!!!一定要揾日又揾個人同我打先!
[PR]
by scoobfaye | 2006-05-20 20:38

缺氧嘞

琴晚何菲咁火爆,結果佢化悲憤為力量!何菲走到入房,佢將房裡面個兩箱人咁大,重到死既野,托左上佢張碌架床既上格!嘩!真係大石想摘死蟹呀!係個一刻......係我心目中既何菲係超級大力士呀!(一眾既女士請為筋肉既何菲歡呼~好爆呀)...........幾驚會屈到隻手手呀!不過間房執左一半就訓左了~因為真係好攰呀!媽咪~!
估唔到,n年前,n>1,何菲企響個廚房個窗口位,會見到滿天星,去到琴晚,何菲又企返係個個位,都仲見到咁多星星個喎!但係佢地係咪當年何菲見到既,就唔知嘞!個一刻,先發覺原來何菲好鐘意望住個天嫁!琴晚走入廚房,咁岩望左個天一下,嘩!咁鬼黑既?!其實夜晚既天實係黑嫁啦!但係佢比平時再黑D嫁!望多陣,就見到一閃一閃小星星嘞!!!有幾粒真係勁光!光到好似有粒燈係個度咁呀!!勁開心!!!何菲又忍唔住,又唔知做咩,又好似以前咁,望住粒星喊了~真係幾好feel嫁!何菲成日見到衣d野都會喊既!幾時先唔喊嫁!大喊包!

今日簡直係超級寫意既生活呀!!!睇左差不多一整日既電視!雖然唔係有咩好野睇,但係何菲好耐都未試過咁樣死係屋企係望住個電視嘞!勁正!不過咁頹廢既事係唔可以比佢延續落去!!!何菲會厭,會死嫁!間唔中係咁樣都幾好既~
上左勞工處個網,慢到呢.......小d耐性都唔得呀!其實一見到佢d職位空缺,何菲既內心深處真係好驚!唔係好想睇落去,但係機於群眾壓力既關係之下,何菲就好努力咁望下睇下簡下...真係有點兒.......想喊呀!媽咪~真係好驚呀!
唔睇嘞!唔睇嘞!揾日去一去library,睇下d教用excel既書先....我要自學ms excel!(你咁蠢......都唔知學唔學得成!)最屎忽係屋企衣部腦係死廢野尼嫁!microsoft office都冇既!真係頂爆你個肺呀!
細佬又帶左佢個女朋友上尼嘞!我頂!你再望我我就鬧鬼爆你!你以為自己係邊個呀?你D眼神呢......真係完全忍我犯哂罪囉!(唔打唔得呀!)又要係房放毒氣!老豆又早左尼,全部人都係度鬥放毒氣囉!大佬呀!想點呀?係咪要我比你地焗死左先至心息嫁姐?坐係廳就比細佬個D薰到出尼,用電腦完全係係正我格離噴;走入房就比老豆個D攻!算啦!而家想迫走我咁話啦!O K~!得 !我係唔走呀!係唔走呀!你咁想我走!我係唔走!我要激死個女人!



PS.何菲琴日落街,係屋企樓下何菲比一個超級迷人既眼神涉住左了~佢孤高又凌麗,好似殺手咁既眼神,俊俏既臉孔慢慢地轉過尼,心口因喘氣既起伏,再加埋佢完美既體態,佢平靜支體語言,已經偷走左何菲既芳心嘞!溶化嘞!O MY GOD!點解你可以咁靚仔!!!!!
哇哈哈!!何菲似唔似寫緊D好咩既愛情小說男女主角型爆既邂逅呢........其實何菲係見到一隻好俊美既雪橇犬,並且比人地對眼迷住左姐......
[PR]
by scoobfaye | 2006-05-19 20:32