<   2006年 04月 ( 23 )   > この月の画像一覧

嘩.....好多名呀!

而家越大越多名呀!!!唔係我自己改,然後叫人叫我衣名個喎!係無端端比人改返個尼叫個喎!仲要改個都唔係好好聽咁呢........
花名有:
何菲(現任最喜愛又最想人地咁叫我即名)
河童四處飛(今年阿腸衣個"好同學"同我改既,長到成個日本人咁.....)
何肥(阿LAAM頭先送比我既~多謝哂!)
阿MAY(好細個個陣屋企人叫嫁!我其實好唔鐘意!!偕因我個真名有個好嘔心既"美"字~)
男人婆(我實在係太男人嘞!以前!我諗係我粗魯姐....而家女人左好多嫁嘞!)
何肥婷(唔記得左邊個小學同學改嘞!好唔鐘意囉!)
何菲姐(以前老豆所賜!而家係好惡咁叫"何菲"我真人聲演得好似嫁!!)
COFFEE(出自"細佬"啦,許德德)
美婷妹,美婷女(我媽咪--MISS MAN!!)
何美(出自范SIR,真係笑到我爛肚呀!)
何米,菲仔(我的橙橙橙~仲有我以前既大婆,阿扁,好多好多人)
何輝(好似係胡妮仔嫁!)
河童(一路D同學都比我衣個名......叫得最勁既都莫過於小忍嘞......)
菲姐(燕燕個一堆啦,何雯雯啦,歐陽都有呀!超唔鐘意!)
何同學<又係河童學>(係修修比我既!我唔係好鐘意嫁咋!!但係都要應佢....)
何菲同學(格離D班我識既同學就係咁叫既~一個咁長既名,好叫嫁咩??好似小丸子咁....)
菲菲(係小楠一家咁叫我嫁!!真係唔係咁歡喜囉!!!好似D小貓既名咁....二家姐有時都會咁叫!唉!)
CAFAY<讀音有D似國泰航空個英文名>(大家姐會咁叫啦~有時......)
全朵(我最鐘意佢對我既方式既三家姐!!!!!但估唔到原來佢係叫我最唔鐘意既名!仲有柒庭呀!!成日都大大聲咁響我全朵,我真係好唔鐘意囉!!!)
四家姐(我個"好"細佬呀!好到要摷家姐D野既細佬呀!都好耐冇聽過佢叫我嘞!耳根清靜左幾多?!)
傻婆(我今年既"細佬"送既~佢地真係唔係好熟悉我為人,我係唔會怪佢既!)




諗到咁多咋......實仲有嫁!!但係唔記得咁多嘞!!!!
[PR]
by scoobfaye | 2006-04-30 02:26

今日達到癲瘋狀態!

今日一早又返學校温書,可能有人會話我白痴,有屋企唔温,係要山長水遠走返學校温,覺得我多餘,覺得我唔係真係温書,但係.....我會體諒個D人,因為個D人唔明白我!我會明白佢地既誤解!總好過D人咁咩!
今日同阿LAAM包左成個場!真係開心呀!但係我覺得我今日真係好差呀!!係咁講野!真係唔好意思嘞!!!阿LAAM!我知我都好煩嫁嘞~~~但係我真係太多野講嘞!我下次唔會嫁嘞!
但今日係做埋好低能既野,講埋哂D白痴野!詳情都唔係咁記得......只係知道今日得到既唔係多!係温到既野,一份PAST PAPER係做左一日!做埋對埋,睇埋MARKER,咁就一日了~做個陣用左好多時間!真係好唔應該呀!!!!衣個情況唔可以再繼續落去!一定唔可以!
今日又同阿LAAM講左好多野呀!細佬啦,老豆啦,以前菲既...哈哈哈!仲有咩呢?唔係好記得了~只知道,好開心!其實同阿LAAM傾計,係有小小似同惠恩傾計咁!無所不談!係覺得唔同佢講呢,係差D野咁嫁!我唔知個種感覺點講,總之就係.......一定會咩都講哂比佢知!係所有野!(不過基本上,我身邊個個朋友都知哂我所有野!!我實在太多野講嘞!)但係同佢講係另一種感覺尼嫁!!!!係好好FEEL!係好好好好好好好好好好好好FEEL!!!!sooooooo gooooooooooooooood!
今日許德德冇返尼呀!YEAH!~真係,真係唔錯!我同阿LAAM去左雅苑食晏,我又食牛雜面,都係個度食野好FEEL D~不過貴D就真!我又對我粒死菲之唔好嘞!!!我又不左好大野辣油嘞!!!佢好似有D復發既跡像!不過是但啦!佢終有一日會好返嫁啦!咁我又鐘意落辣油喎~唔洗理佢咁多啦!阿LAAM食野真係好快!係太快嘞!唔怪之得你話胃又痛,周身痛啦!坐姿唔正確,搞到頸痛腰痛周身痛!飲食唔係唔均衡,而係食野食得太快!快得滯!個胃會好辛苦嫁!跟住你又食埋咁多零食,搞到有小小營養不良,D頭髮又成日都電啦,染啦,又唔做D treatment,搞到又開叉,又折斷,又旱,好傷!!!跟住又要花心機係D好唔等洗既事上面,搞到自己又唔知做咩,又對"D"人唔好!唔得咁嫁!唔好咁啦!阿LAAM,你都對自己唔好既!你係某一方面對自己太好,有D方面又對自己唔好........我知你而家好想打我嫁嘞!不過.........算啦!我都係講緊事實!哈哈哈!!我知你唔會嬲我既!係咪?
食完野之後,我都講起許德德會唔會返尼,冇幾耐佢就打比阿LAAM嘞!O!!!!MY GOD~點解?!點解個天要咁對我!我同阿LAAM係好白痴咁係新都大叫!係好似個D痴綫佬咁,係條街度怨天怨地!真係好低能呀!我地個LOOK又已經奇特嫁啦!(我今日因為對鞋未乾,着左對CON屎返去,係校服+CON屎;而阿LAAM係校服+加一件冬季JACKET)星期6,兩條友係就尼放假都咁神心着住件奇怪配搭既校服返學校....
但係許德德又好似冇返尼既跡像喎!之後聽阿LAAM講,佢好似為左我地唔叫佢返尼而唔開心咁喎!哈哈哈!!!真係唔好意思呀!我真係唔係好想你返尼嫁許德德,我唔係話我要嫌棄你~不過你既存在會帶比我太多歡樂嘞!!!!咁就唔係咁好咁囉!即係衣D野......等考完試先啦!!!好嗎?
哎呀!而家又好煩嘞........我都唔知點講!我只係想講,我唔鐘意有D我唔熟既親人訓我間房,睇我D野,同比D好語帶雙關既話我聽!我唔鐘意應酬旅客,我唔鐘意D人係我而家咁緊張既時刻要我做第二樣野!唔鐘意改變!我唔鐘意比人迫,比人屈!唔鐘意見到個D死賤人!唔鐘意個個賤女人以為自己好威咁,唔鐘意家姐成日都係咁樣!成日都唔聽我解釋,然後又屈我!我會喊嫁!我講真嫁!
仲好唔鐘意離別添............好掛住小包包嘞!
今日........惠恩突然係MSN同我傾起計尼了~我真係好好好好鬼掛住佢呀!談話之中,我係發現我既幾咁無能!真係差到特點嘞!
[PR]
by scoobfaye | 2006-04-30 00:19

近珠者赤,近墨者黑

今天下很大的雨呀!下大雨何菲就最喜愛拿大大的7仔傘來撐!!但是呢,下大大雨呢,就最不喜歡穿着會入水的鞋走到街上~無奈....我的鞋真的入滿了水呢!可以養活一打小魚兒啊~哈哈哈!!好爆!
今日我同阿LAAM包左成個場....半日!今日考A卷既英文呀!所以會咁小人囉....真係實在係太開心嘞!包左成個場係好開心嫁!!又唔受干擾喎!真係正!我同阿LAAM二人世界左一段美好既時光,咁我地就去食飯嘞!阿LAAM話佢肚痛呀!痛左一日嘞都有.....咁我又唔知點幫佢解決衣個問題........真係無助!我係話我!
我地去左明苑食野呀!一坐底左,我即刻話張枱好大陣漂水味,佢就話係抺布縮味,跟住我地係度聞人地張枱,想求證一下張枱既怪味,我地係咁向對方菊工.....好白痴!!!!!仲倒滯左人地一大杯水水呀!!!個度D人一定好憎我地嘞!
食完野,我地周圍行下,一尼幫佢麻麻揾"申士牌"芝士波,二尼佢又想睇下D旅行社D野咁啦!點知呢,"申士牌"芝士波真係唔見左呀!!!真係好可惜囉!不過我都唔係成日買既~不過衣個係老牌字尼家嗎,咁就冇左.........你唔覺得係好可惜嫁咩?
行行下,行到去7仔,點知比我見到許德德返尼呀!!!我真係........唔想講嘞!做咩咁神心考完就返尼姐?阻住我同阿LAAM二人世界!好衰嫁!!!!
但係呢,原來呢,將佢同我地格一個位咁坐呢,係好D個喎!真係唔錯嫁!!!去到尾聲既時候,我地都係玩玩下咁過,唉!都已經好好嫁嘞!佢又真係幾搞笑既~TUM得我好歡喜~
跟住返到屋企見到有人係個廁所喎!咁我又真係好好好急喎!算啦!我後生,我忍!再經我一一觀察之後,係裡面既人係我個"好"細佬個"好"女朋友呀!個陣我又急,個人就會興嫁啦!係裡面既人仲要係衣條PK!佢仲要係係度沖涼,開長喉囉!!!!大佬!你咩料呀!!我好人先比你衣個3唔7既人係我屋企出現,沖埋涼都已經係5星級的供應嫁嘞!!你洗唔洗尼加重我屋企D水費呀!!你又唔係會比返$我喎!!!不知所謂!都唔知係咪近得許德德多呢,搞到個一刻係好好好好想對住個廁所用爆口破口大駡!但係我唔可以咁嫁!因為我係一個有教養既人!(雖然唔係好有個隻.....但係我有!)我唔係MK仔!我冇咁做!但我真係好想鬧囉!我真係諗左一串夾住粗口既句子想爆嫁!但係呢......都係唔啦!我實唔夠我個好細佬鬧既!佢就實幫住佢個好女朋友嫁啦!!衣D骨肉相殘既場面,我唔想親身經歷!結果我痴痴的等某日終於可等到.......廁所!哈哈哈哈哈哈哈哈!!!
佢終於都出尼嘞!嘩!佢着到丫!我真係!好想打巴佢囉!我知佢有料,哂得起,但係你都要睇下場面啦!真係不得不送佢一句"不知所謂"!佢一定聽到嫁!我突登既!佢D咁既女仔,真係好極有限囉!可能佢其實都唔係着得好咩既,但係我就係咩都睇佢唔順眼呀!係有偏見呀!點丫?吹呀!你打我丫笨!今天何菲臝了一仗!YEAH!
[PR]
by scoobfaye | 2006-04-28 20:30

笑到斷氣嘞!

今日阿LAAM生日呀!真係生日大快樂呀!又大一歲了~老嘞.........
今日見到寶寶佢好似好緊張咁........唔洗咁緊張~一路温温温,原來曹劌個課係咁易記得哂既~早知一早温左先啦!跟住阿LAAM返來了~我好似係一句"生日快樂"都冇同佢講過喎....哈哈哈!!!我知道佢琴晚個電話收到哂既!!佢同埋海海同埋許德德返呀!我真係......佢地一坐底,我就笑唔停!我真係唔想咁嫁!個個許德德囉!我真係覺得佢好白痴囉!我又咁易笑呢,同衣D人坐埋一齊,我一定會爆肺!
跟住呢唔望下個電話,都差D唔記得要拎書呀!打緊電話比吳欣欣個陣,個條許德德又係度干擾我!我係一個一心冇可能二用既人尼家嗎!你咁干擾我,我答得到人時又接唔住你既干擾!搞到我係個電話度好9唔答8嘞!
許德德真係去左做facial呀!哈哈哈!!我唔係話男仔唔可以做,但係.....就咁睇落,真係睇唔出佢會做埋D咁既野......原來去比人禁個D黑頭係會一點點紅左個喎!!!!!真係而家先知!今日海海好勁呀!!佢一於無視許德德既談話,而自己有自己講,終於收服左許德德嘞!令到佢收左一下聲!勁!
而我就敗了一仗.......哈哈哈!!關鍵就係係我出單頭筆,而佢出左雙頭筆.....唉.....好白痴呀!!!何菲....你做咩呀?
而家返學校,日日都見到阿SIR坐係個門口度食早餐,你係咪咁得閒呀?日日都坐係個度,阿叔又企埋係佢格離,佢既姿勢,可以話佢都係一個阿叔!!再望埋佢行走緊個樣,真係唔可以唔話佢係一個阿伯!!!真係可惜.....你只不過30出頭咋嗎阿仔......唔好搞到自己咁咩啦!
宴奏,本身同寶寶講左一齊去食飯,但又聽阿LAAM講又好似會約埋其他人,我又約左吳欣欣拎書喎!都係唔好嘞!我真係好怕生寶嫁!我都係做獨行俠啦!單拖岩我D....
天氣熱既時候,真係咩都唔係好想食!但又唔知做咩買左咁多野食喎!是但啦.....橫掂都買左咯,唔好哂!食左佢啦!但原來天氣唔係唔食野既最大既問題!最大既問題係我粒比我寵壞既非之呀!!!大佬!都係我既錯!我衣兩日都不知悔改又一錯再錯咁食埋D野都落辣喎!咁我琴晚上左家姐度都拎左幾片薯片尼食嘞喎!咁咪就係咁囉!佢衣兩日都好痺呀!又勁腫喎!又位於我唇邊呢,總之就個咀一郁就會掂到咁就會好痛囉!我又驚會咬到佢喎!咬多次我就會尖叫嫁嘞!宴奏衣餐真係....食得勁辛苦!又要有條友仔走埋尼同我講野,大佬呀!你唔好搞我啦!我唔理你又好似好冇禮貌,應你我又好痛!真係!都唔知你係咪要陷害我嫁!衰人!
今日"細佬"冇返尼呀....唉!都知佢係齊軍既一份子嫁嘞!!!"一鼓作氣,再而衰,三而竭......"佢返左一日咋!又話自己心UP....算啦!我都係理唔住我D細佬嫁嘞!
[PR]
by scoobfaye | 2006-04-26 20:20
琴晚點幾鐘,突然間!雷電交加!!嘩!!好驚喎!係雷電交加既晚上好易出事個喎!哈哈哈!!9唔答8!!訓訓下,我嚇醒左嘞!哈哈!!真係好恐怖!!琴晚都可以話係我搬返尼KT之後,第一個獨自渡過既雷雨晚上......原來冇左家姐係度,我係會驚個喎............真係驚嫁!唔係講笑!我好想上廁所嫁!不過真係驚驚地,諗住訓返啦!點知佢又突然打個大雷!好似係我耳仔格離打咁!真係訓都唔安樂呀!
今日都返學校,原來冇左阿LAAM係度,我係會掛住佢嫁!!哈哈哈!!今日食左個好好味既牛雜面,不過.......佢太多油嘞!真係唔掂!不左兩野辣油咋嗎!!我個野咬親個個傷口,已經演化成為非之嘞!好衰嫁!哈哈!!今日又同寶寶啦,同埋女人達,GERMAN同埋慧恬講左好多好多野!講到頭有D暈呀!!唔好咁多野講啦!好煩呀你........
放左學之後,照舊係新都走左一圈,唔知點解,個陣好想打比D朋友,同佢地講:我好掛住你呀!但係廢事阻住佢地啦........跟住撘車個陣,咁岩撞到"細佬"喎!哈哈哈!!咁岩呀?佢話佢去補習喎~講左陣,佢真係好似我堅個個粉腸細佬!講野都口齒不清既!好彩我都仲聽到小小~~我諗佢唔會好似我堅個個細佬咁粉腸個可......
返到屋企,我見到好多鞋係個門口呀!都知道我個"好"細佬係度"大宴親朋"嫁嘞!數數埋埋,夾埋佢都有5個人係佢間房嫁嘞!真係唔係掛?!佢間房企3個人都鹽迫嫁啦!仲要擺5個?!算啦!佢唔放毒氣都好好嫁嘞!
係我今日咁掛住朋友既時侯,我個電話響起了~哈哈哈哈!!係我個衰鬼阿LAAM打尼呀!!咦~衰豬.......你問我有冇掛住你個陣,我個答案係真嫁!!
聽日會好忙嘞!!要同阿LAAM温數啦,同吳欣欣解扣一下"when"同"while"啦,仲要補AMATH呀!!今日阿維也納唔問我都差D唔記得左!!!聽日要補AMATH呀!!!o~my god~~
今日紫嘴又尼嘞!!!佢真係好煩呀!!!我做唔做數關你咩事姐?你話要個份野,我比左你,你望左兩眼就算?!仲要煩我做唔做數,我咪話左我要温中文囉!!!仲要我直接咁答你,我廢事傷到你數神既心先咁婉轉咋!!!你真好煩呀!!!大佬..........我點温書關你咩事姐?我自會安排嫁啦!!唔洗你同我諗呀!煩野!
衣排又聽到好多有關將來出路既問題.....如果你升唔到咁點呀?哈!你真係問得好呀!我都唔知點話你知!我其實冇咩把握升上去,但我都冇諗過如果升唔到會點!我唔想做蛀米大蟲,但我好怕踏出衣個社會.......係咪好茅盾呢?........係嫁!何菲個腦就係咁茅盾嘞!!咁點丫?係咪唔比丫?殺左我丫笨!但我最後都會想讀下D野咁既.......
[PR]
by scoobfaye | 2006-04-24 22:50

哎呀!比人貼左呀!!

Fr:tama
1.對傳這份卷給你的人的印象?(5個)
老朋友;雖然大家都唔同世界,但好好傾;對所有野既觸覺都好敏銳;長大左好多;成日都會心掛掛你.....

2.你覺得周圍的人認為你是怎樣的人?(5個)
十分之被動,火爆,傻笑,固執,小器,轉數太慢

3.自己喜歡的­人的個性或者會喜歡的人的個性
唔會呃我,唔會唧我,好叻叻(即係會叻過我),幽默,君子

4.討厭的­人的個性
令我摸不着頭腦,超級自私,成日屈我,不知所謂,花花公子,輕挑,特級自大

5.自己想成為的理想類型
好難答既問題..........um......超級專業人士掛.....

6.給關心自己、喜歡自己的人大喊一句吧!!
我愛你地!!!愛哂你地!!!我地為我既明天喝采!!!啊~~~~!哈哈哈!!(9唔答8......)

7.那麼, 那把這份問卷傳給你最想知道他們對你有什麼感覺的13人
衣個問題仲難答!!!我一尼已經冇朋友,再要係有日記既仲小!!!!!
um......joy屎,tama,珍珍珍,橙橙橙,吳欣欣,海海,阿laam,小忍,女人達,柒廷,芳芳,文哥哥,koyi

好傷腦筋!!哈哈哈!!都話何菲係冇朋友嫁啦!
今日又係太差嘞!!!真係呢,好集中唔到呀!!!放假係令我痛苦!!!今日,呀!唔係!!一星期日我就頭痛!!係好頭痛!個頭好似尼爆咁!!!
琴晚仲辛苦!!我真係太耐冇食過公仔面嘞!!!夜晚就即刻味精發作,眼腫,頭腫+腳腫!腫到手指都腫!!十分唔好受!!隻腳好似屈唔埋咁呀!大佬~我食左個面姐......洗唔洗咁呀?今日隻眼仲腫緊......真係唔知你想點囉!!個電腦又係!用用下就自動熄機,大佬呀!!你洗唔洗咁自動呀?我有叫你熄機咩?!
[PR]
by scoobfaye | 2006-04-23 20:42
見唔到李麗麗個message都差D唔記得我係想打個準考證落尼個喎!!!哈哈哈!!我又咩都唔記得哂嘞!!!呵呵呵~
以下為2006年重讀生--何菲同學之再會考之考試時間表並考試地點:

4/5(THU) ENG(B)paper1,2 靚靚中~
6/5(SAT) ENG(B)paper3 靚靚中~
8/5(MON) MATH 張沛松...
9/5(TUE) CHIN 張沛松...
10/5(WED) PHY 宣基中學
12/5(FRI) BIO 寶覺中學
15/5(MON) CHEM 景嶺書院
17/5(WED) AMATH 靚靚中~
12/6(MON) ENG(B)paper4 中華基督教公理高中書院

今年報左係TKO考,家姐叫我報既...佢之後仲要問我做咩報TKO喎!佢都傻嫁!講埋D咁唔負責任既野都有既?!算啦!我會原諒佢既~唉!有幾科都唔知點去既!!!!死啦!!我係世紀大路盲尼嫁喎!!好驚喎!驚驚喎.....


今日都係返左學校温書,真係好差呀!!!今日做左既野係作左一張文比MISS咋!!真係好唔妥囉!!仲要係作得好好好差呀!!!我真係覺得好唔得囉!!我完全係好似唔點寫英文咁呀!!點解學校咁遲先放study leave姐?!真係好屎忽個喎!完全係唔知佢想點囉!!我今日比阿LAAM問起我唯一温到又温得好出力既一課中文,我咩都唔記得哂嘞!!!大佬呀!!!想點呀?就尼考嫁嘞!!唔好咁啦!!咩都唔記哂!又唔識温書!算啦!唔好讀嘞!訓街啦!
今日真係哂左好多時間呀!!我真係好差差差呀!!我要快D追返D時間呀!!真係....我真係唔識温中文,但我好想温好佢嫁!!!咁你又想點呀?大佬?
今日真係笑到肚痛嘞!好耐都未試過笑得咁癲!雖然今日D時間好哂,但係....太豪嘞!!我唔可以再咁豪嫁嘞!!!真係要同個D比我騷擾到既努力同學講聲對唔住嘞!我以後後都唔會再咁嫁嘞!!今日女人達都返左,佢走個陣我都聽得出佢係話緊我嫁嘞!!唉!!!真係好對唔住嘞!!我真係以後都唔會咁嫁嘞!!唔好意思嘞!
[PR]
by scoobfaye | 2006-04-21 21:59

P.S.

哈哈!!前幾日話整死左個WALLPAPER,真係錯有錯着呀!我好有心機咁去YAHOO揾下有冇D咩幾好既WALLPAPER啦.....點知比我揾到一張超級靚既太陽花呀!!成日開左電腦就呆望住個芒,咩都唔開,就係望住個芒!哈哈哈哈哈!!!!真係越尼越覺得太陽花好靚呀!我愛太陽花!
[PR]
by scoobfaye | 2006-04-20 23:09

一家人都不知所謂嫁!

唉!我D記憶力呢,真係差到唔會再有人比我差嫁嘞!!!家姐問我既野,只係幾日前發生既,我都咩都唔記得哂嘞!!今日温中文,對住一日,先記得哂一課既大部分既野咋!!!點呀?大佬?想點姐?就尼考嘞!真係不知所謂!
今日一起身見到隻眼係腫到好似裝左一包水係度咁呀!!好想攞支針吉爆佢!!哈哈哈哈!!仲好乾添呀......乾到痛呀!
一直都想要答案既問題,到而家都未知道答案.....就係呢,喊左十幾年,就係唔知點解一喊完會即刻訓覺個喎!好用精神,精力嫁咩?
今日洗碗個陣先知,原來我琴晚掉爛左個哨機呀!!哈哈!!佢裂開左兩邊!哈哈哈!!所以話呢,唔好睇小何菲既威力呀!哈哈哈!!今日諗返,又後悔琴日同老豆博火!博左兩句......博博下真係冇咩心機再同佢講野!但我真係好睇唔過眼呀!!!佢成日都要幫住個女人!車!本身佢做開既野,做咩要我做姐?你要佢唔做既你大可以拉住佢!你又唔係試過,我都唔係未見過嫁啦!!唔係我攞支槍指住佢,迫佢做嫁!!!佢要做咪由得佢囉!!唔好唔記得佢之前係屋企係一個咩身份呀!!我係唔會主動做埋佢既野嫁!佢以為自己係邊個呀?食屎啦!正屎忽!唔係佢?!我地既關係真係好好好多呀!!係佢返左佢家鄉既個一陣子,我地之間幾好呀?!有傾有講嫁!仲要都有通電話,有connect嫁!而家?博埋火嘞!大佬呀!你係咪盲嫁?我真係!就尼死嫁嘞!成日都係咁嫁!係要有"D人",成日都介入我同"D人",搞到大家既關係哂!想點姐?大佬呀!比條生路我行下好喎............
我唔可以再同你博多幾次火嫁嘞!你高血壓之如,我都唔掂嫁嘞!!真係.......你想點姐?我講真嫁!你直接同我講啦不如........
有人話我好有耐性,但我覺得我既耐性仲未夠!因為我始終都係忍唔到同我老豆博火.我始終都係會爆,仲會博到抽筋,係真係抽筋嫁!!真係雙手板D肌肉收緊哂!係唔可以自己攤返開嫁!我真係就尼唔得嫁嘞!唔該唔好再激我啦!
你個賤女人唔好再比我聽到你把姣聲呀!!我真係會一巴送比你嫁!!你唔好以為有人同你出氣我會向你屈服呀!我係唔會改變我對你既態度嫁!賤人!你去死啦!我真係問你一句,你真係想點姐?你見到佢成日咁激氣,你會開心嫁咩?如果你係對佢好既.唔該你走啦!!我真係好憎你呀!唔好以為我唔出聲就等於我對你冇野呀!我其實真係好唔鐘意你嫁!我唔出聲你至要驚呀!我真係真係真係好憎你嫁!
今日返屋企途中,我以前好唔想返屋企既感覺又返尼嘞!但結果我又行下行下,好快就返到屋企了!今日,差D又歷史重演!!哈哈哈!真係有D驚.記得好耐之前,試過有一次同老豆博完火,第二日,佢唔知做咩喝左我一句,其實只係佢語氣唔係咁好........我即刻走左入廁所喊喎!而家諗返都有D......眼淺!今日老豆返屋企,唔係好記得佢做咩嘞!跟住何菲就眼泛淚光嘞!..................做咩姐?想點呀?大佬!
[PR]
by scoobfaye | 2006-04-20 22:52

點解你又要咁做?

琴日我諗住點樣整先可以加幅人頭相落個日記度咁啦,點知比我整整整,都搞佢唔掂....仲比我搞到個WALLPAPER冇埋!........又揾唔返以前用緊既WALLPAPER真係實在係太.....差嘞!....跟住呢,我要去補習啦,咁當我行入房換3出去既時侯....我見到我老豆從佢間房走出尼,佢手上.....仲夾住一支煙!!!唉!我真係好失望!佢10幾年前先戒左,而家又食返,家姐話屋企搞到佢好大壓力,車!咁呀!大壓力就要食煙,又唔見我食?佢呀!都明知自己高血壓嫁啦!!!仲食煙!!車!車車車車車車車車!算啦!唔理佢嘞!又唔係我食...但我真係好頭痛呀!!...而家真係全屋人都食煙嘞!家姐話而家個一家人全部都自甘墬落......哈哈哈!!!都幾.....搞笑!同埋佢地真係一家人尼嫁!!!大家都"臭"味相投!
琴日呀!!真係笑到癲呀!我3點幾要去補習啦,連補兩堂,真係好鬼攰!補完就係約左家姐們同媽媽去食飯,真係好耐冇見嘞!!!衣排同家姐鐘意回顧,大家都諗返起好多以前白痴既野!最搞笑既都係講起包包!!佢真係好得意呀!!!!仲好掛住佢!!............................真係笑到嘔呀!當然,我全部家姐都係哂度既時侯,個兩個家姐都係要奚落一下我,譏諷我一番先心息,都算啦!笑過就算嘞!唔理佢地姐!我地食到尾仲發現左新奇士出左忌廉梳打嫁!!!真係新奇呀!食完行左陣就返家去了~真係食得好飽呀!
落左車都12點嘞!其實有D驚......驚會比人鎖門!但係毎次佢鎖門之前都會打比我先個喎!但係一個電話都冇......仲驚.....不過算啦!我又唔係好CARE....唔知點解,總之覺得佢實會鎖嫁啦!我咁緊張做咩姐?
返到去嘞!!!佢係冇鎖門既!真好彩!你咪以為啦!我一開門,就聽到有人好大力山個房門,然後我見到我老豆從我同佢間房既方向行出尼,我都冇咩點理佢.....點知佢就開火嘞!佢問我補咩習可以補到12點幾先返屋企喎!車!我真係唔想同佢講野囉!我即刻諗起佢夾住支煙個樣!--好樣衰!!!!跟住佢又好似想我答佢D野咁....咁我之前寫左紙話我去補習,唔返尼食飯,佢都應該知道我係約左人啦!係咪呀?大佬!!!咁我一輪嘴話我補完習約左人食飯,咁我就走返入房了~真係覺得同佢講野係哂氣嫁!仲好心灰添!
行緊入房,我發現佢間房既房門係開住既,我個間呢,就山實!你明唔明呀!!我既意思係佢都摷我間房呀!其實我預左嫁嘞!!但係最差既係,佢又要摷人地間房,然後又要開火炮轟我呀!唉!算嘞算嘞!唔想同佢嘈呀!佢係要嘈個喎!
我又比佢老屈囉!真係"O"大個嘴呀!佢話:我知你有男朋友,有好多靠山,我公喜你!我唔理你而家走又好,係度賴死也好................................唔想再複述多次佢思覺失調既野嘞!總之我真係好咩囉!!!比人老屈既感受真係好惡頂!仲痛苦過比人"即"!大佬呀!我幾時有男朋友呀!賤人!點解你成日都睇到一D好片面既野,就判我死刑姐?你係咪痴綫嫁!我真係尼有一日同你一齊思覺失調嫁嘞!!!!成日都係咁嫁!當我好有心機咁對你既時侯,你總係會一下就淋熄哂我個一腔熱血!!!!你話我仲點會有心機對你呀?
[PR]
by scoobfaye | 2006-04-18 13:06