<   2006年 02月 ( 9 )   > この月の画像一覧

無心向學的我......好差!!!

今個星期又係過得好快呀!!死啦!!我都仲未開始温書呀!!我都唔知自己做咩!!我諗我需要對自己狠D!!
今個星期頭,我就做左D係我既世界裡面好開心既事!!真係坦白!!哈哈!~其實坦白真係好好嫁!!好好FEEL!同人坦白完之後,好似已經可以去死咁!!你明唔明我既意思呀?我係話"死而無憾"呀!!真係好好呀!!同人坦白既感覺真係唔錯!!大家彼之間好似.......唔知點講,總之就好好啦!!我都想人向我坦白!!一定會好開心嫁姐!!
[PR]
by scoobfaye | 2006-02-24 20:32

唔好再向我講大話啦!!

琴日家姐同我去剪左頭髮呀!!家姐差D同人地嗌交咁滯!!哈哈!!我都冇咩所謂,家姐話佢剪得唔好睇,但我又真係冇咩所謂喎!!橫掂我D頭髮都好快長嫁啦!到時再剪過囉!!真係冇咩所謂喎!!
但我真係越尼越覺得我認為會always be my side既家姐都唔會咁嫁!佢永遠都唔會認同我既!!我好耐之前都試過嫁嘞!!但原來咁耐以尼,佢都係咁!!
當佢一見到我剪左齊陰,佢第一句係好惡咁講:你做咩自己剪頭髮呀?你剪左頭髮拿?""好核突呀!!"語氣都唔係好好囉!我明白,個個人既口味都唔係一樣!!但點解佢唔會欣賞我呢?點解你唔會支持我呢?我鐘意既野你都唔會支持我個喎!另一個家姐都唔會咁嫁!!佢第一眼都大反應,但佢睇落左就覺得冇咩喎!我覺得人一世,物一世,咩都要試下丫嗎!!咁我剪齊陰,有咩問題姐?點解你要咁既大反應姐?點解你睇咩都唔順眼咁姐?我真係好失望!!!!
再最後先知道,原來,我家姐係我朋友們既心目中,印象都唔好!!而我家姐對我D朋友既印象都唔好...........................................................................................................其實我家姐對我好好嫁!!但係係唔知點解佢會咁唔鐘意我各樣野之嗎!!
[PR]
by sCOOBFAYe | 2006-02-19 19:01

朋友聚舊日

我都唔係好記得我約左邊個係邊日嘞!!我今朝起身都唔係好知今日星期幾.......真係有冇搞錯!真係好錯嫁!!!
好似係前日,早早9點幾就出左去,約左橙橙橙(我覺得佢簡直係職場奇蹟!!)去唱KKKKKKK!!本身都幾開心嫁!!!因為實在係太耐都冇同佢去唱K嘞!!!但佢呢,同佢老公鬧交呀!!!咁我衣個局外人...都唔係好好意思出聲既......同埋,我相信佢會搞得掂嫁嘞!!不過佢一路都好"那"埋口面咁....人在心不在咁囉!!搞到我好似自己一個唱咁.....所以呢!!點都唔拍拖呀!!唔制!
跟住唱唱下,佢地都搞返掂嘞!!咁咪好囉!!我都話嫁啦!!佢地得既!!都一年多啦!!有咩唔掂丫!正所謂"impossible is nothing"!!!!唱完嘞!咁佢又約左E咪,我又約左李麗麗.....咁我地都分道楊標啦!!送左佢上車之後,我係九龍城慢步左一陣,因為實在係同我約左李麗麗既時間差一大段距離呀!!跟住我都去搭車去左MK!!做個MK的少年!哈哈哈哈哈哈!白痴上腦!去左旺中行,行到好咩呀!!我又唔鐘意Dsell屎喎!我一走埋去睇野,佢又走埋尼企係我格離,係咁講"隨便睇慢慢簡喎!睇岩可以拎比你!!""e隻係新款尼個喎!""e件着起尼會收身d囉!窄d咁啦""e件會鬆d"我頂!你唔好煩我啦!!你越企係我格離我就即走嫁嘞!!我本身又唔鐘意行街!你仲要尼趕我!死嫁!我係咁dull尼dull去,都唔知想點!!同一條路我行左3,4次嘞!!我其實係想行哂全層嫁!!但又成日都唔記得我行過邊,轉過去邊!!!!個幾間野既sell屎都認得我嘞!!跟住我突然間心血來潮,想買一件好似d男人個d既背心個d底衫呀!!我決定左要一件綠色既!!但我發覺我想買到既野係好難揾嫁!!頂!大佬呀!!我想買件背心姐.....洗唔洗咁呀!!但最後,我揾到嘞!!我係咁去一d賣bra既舖頭度睇,唉!!搞到有d唔知點好咁.....雖然只係bra,但我覺得好唔自在呀!! 哈哈哈哈!!!
買到嘞!!時間都差唔多,我都唔想再係旺中度飄浮,而且都越尼越多人,唔歡喜!!!咁我都走嘞!!諗住過對面"萬能"個度睇下野咁啦!!跟住比我見到!!!!我一直都等緊既佢.......出現左係我面前呀!!哈哈哈哈哈!!我似講緊邊個呢????哈哈!!我只係話我等緊既李麗麗呀!!!!佢同朋友一齊~我個陣係覺得.....不如你同朋友social完先啦!!不過你知我啦!!衣D野,我都只係會講比自己聽嫁姐!!!跟住就跟左佢地了~影左個貼貼相~哈哈哈!!真係有D唔知點咁,好耐都冇影過嘞!!我又唔係好識影相既.....見到佢D朋友,好似都幾好咁,我都放心多嘞!仲幾靚女嫁喎!!哈哈哈哈!!似唔似個D猥鎖佬呢!!!!跟住呢,我地都走嘞!!
去到寶林,等緊小巴,家姐打比我呀!!一路我都覺得我全部家姐係....唔知點講,總之呢,就係對我好好,比我自己諗,等我自由發揮,但衣排我先發覺,唔係嫁!!家姐真係好煩呀!!!我明白,佢咁樣都係為我好~但唔好咁樣煩我啦!!我覺得,你講一d會令我內疚既野,咁樣我會好d囉!!我唔鐘意人地迫我嫁!!!大佬!!唔好迫我啦!!
跟住上到李麗家,佢屋企冇人呀!!真係好呀!!我又可以好free咁同人講野嘞!!咩都講!唔會就住就住!!真係好好既感覺呀!波仔佢好似唔同左顏色咁呀!!唔知真係咁定係我好耐冇見過佢呢??佢都冇大個既.......但仍然係咁搞笑!但我都係好驚佢一啖咬落尼!!所以都係唔拎佢上手玩....同埋我好驚佢會走左去唔知邊呀!!搞到人地隻野唔見左就唔好啦!!到咁上下,就走嘞!!同佢去左好好食既新之食度食野,都係咁好食!!但我又唔記得左要走青呀!!真係失敗!!!!下次要記得嘞!!
食完,都走嘞!!我送左佢去搭地鐵,企左陣,又講左陣,講名牌,好搞笑呀!!我地睇名星咁,佢見d人行行下,就同我講"拿,衣個咪gucci"衣個係westwood".........好似一本名牌字典咁....我之前都同家姐討論過d名牌既事啦,都令我越尼越鐘意ck衣個品牌嘞!!我唔係鐘意佢既product,我只係鐘意佢既主題,鐘意佢既作風......所以我係唔會買佢既野,同埋咁貴........真係唔岩我!!我都只係一個平平凡凡既學生仔尼嫁咋!!
今晚同佢傾計,唔傾都唔知呀!!!有好多野.....佢之前都話過佢變左好多,但我都唔知係咩野變左,但今晚佢唔講,我真係唔知,原來佢變成咁嘞!!真係勁呀!!我唔係話我唔鐘意你咁....只係我有D......估唔到姐!!我一路都覺得你唔會做既野,你都會咁做!!我都覺得我都唔再了解你了!!但我覺得我同你仲好好傾個喎!!希望以後都咁好傾啦!!(還有以後嗎?)
其實,我都覺得我地之間既友誼真係好搞笑!!有人話過我地係兩種唔同既人,但我地點解可以咁好傾??我諗就係因為我地根本係兩種人,就有兩種唔同既諗法,咁咪有好多野傾囉!!但最好就係我地都唔會嘈交個喎!!!衣樣係我好慶幸既事!!
雖然以後既事你同我都唔會知道會變成點,但我都好開心可以同你做過朋友!!就因為你,我都識左好多野!!


今晚都突然聽左一個電話,令我覺得今日好似同好多朋友連接左咁,朝早就橙橙橙,下晝就李麗麗,晚上就吳先生!!佢一打尼,真係令我有點兒驚!!咁突然,佢又咁惡喎把聲!!真係多謝哂你對我既關心!!佢既能度依然係咁咩,我依然係好唔好態度咁對佢!!估唔到!係我差D唔記得佢既時侯,佢就出現返!好恐怖呀!!好似講緊佢屍變咁呀!!哈哈哈哈哈哈哈哈哈!!
[PR]
by sCOOBFAYe | 2006-02-19 17:21

又緊張,又開心!!

跟天天氣好很熱!!本身好同橙橙橙去打"耳謀球"不過佢同我講,前日見個份工叫佢去TEST,咁我陪佢了~約左2點半,去到個度都4典,上到去,我又唔知做咩好,佢借左本屍比我睇,我一路坐左係樓梯個度睇,得閒就見到有人係個門口望住我,我諗佢一尼望緊點解會有隻水母頭野坐左係度,二尼都望緊點解會有個人坐左係佢公司門口!!哈哈!!!我越尼越喜愛我個水母頭嘞!!不過我就尼剪過佢嘞!!我自己剪頭齊陰係因為D陰真係太長嘞!!頂唔順呀!!
坐到屎忽真係開始痺痺地,個個源先生就走出尼,佢認得我呀!!又唔係好認得我......因為我地第一次見係我着住件校服,夾住對綠夾,成個乖野咁,今次見係我着左便服,又剪左個水母頭......哈哈哈!!佢問我係咪見工既程小姐既朋友,佢就帶左我入去了~真係唔好意思!!!好似好阻住佢地咁....麻煩哂!!..佢話一個女仔坐係度唔係咁好喎~其實唔洗當我女仔啦....我咁惡.......哈哈哈哈哈!!!!!入到去,佢同我傾左一陣,佢話我都諗住暑假揾份part-time嫁啦~咁就叫我留下份資料,未必一定會請我但都留下啦咁......佢幾好人!!睇佢既年紀,一定係一個好好爸爸,好慈祥呀!!好想嗲佢一聲呀!!(哎呀!!何菲原來係咁隨便既人尼嫁!!真係比人拐左去都唔知呀!!)跟住寫左份application form之後,我就繼續睇書,坐到我就尼斷腰嘞!!XX等左佢兩粒小時,6典幾就走得了~
佢見得成左呀!!真係開心呀!!雖然只係試用期,但都好開心呀!!我地都好開心!!大都好開心!!真係好呀!!開心到好似我見得成左咁......我都覺得衣間公司都幾好~係老闆幾好啦!!D同事就.......有D保留!!!跟住我地就去左一間茶餐廳度食野!!真係好呀!!佢請!!其實係佢老公請!!!哈哈哈!!冇白費我等佢既時間呀!!(其實我大部份時間都係度等,等時間,等家姐,等考試,等朋友,等返學,等車,等食飯,等洗碗,等人地轉綫過尼,等等...等.....咩都等,等死!OO企係度等,坐係度等,訓係度等,睇住書咁等,睇電視等,呆住咁等,MEET住手指等,睇下電話咁等,打下電話咁等.....都係等!想等到幾時!)真係好呀!!佢見第一份工咋!!就見得成嘞!!仲要係佢冇咩工作經驗,真係好好呀!!我都放心佢係衣度返工呀!!幾好幾好!!橙橙橙,你要努力呀!!
今日傾起佢同E咪啦,一路聽,我一路心裡面好羨慕佢地,佢地感情好好呀!!我就一路眼紅,如果我都有一個同我咁既朋友就好嘞!!可能其實我已經有,係我唔知足姐....但如果真係,我真係FEEL唔到.............................但我相信,終有一天我會有一個咁既朋友!!(再多都唔區個喎!!我好博濫嫁!!朋友唔鹽多!!)可能其實係我冇付出過,所以我都應有此報!!正所謂"君子求諸已,小人求諸人"我就係裡面既"小人"囉....(何菲,你太自私嘞!我講真嫁!要改要改!!)傾傾下,佢老公詁尼呀!!真係唔係好想,個陣想走,我怕三寶丫嗎!!同佢老公又唔熟.....見過幾次面,又冇講過野.......但係都冇走,唔記得左點解嘞....一見到我佢老公就話我好阿旺頭呀!!係係咁話呀!!真係唔知想點啦!!我衣個係水母頭,唔係咩菇菇,阿旺,飯碗!真係衍淺呀!!知唔知咩叫衍淺丫?衍淺呢,就即係衍淺!董先生教嫁!!(好似係!!)
係個度見到隻好得意既大牛呀!!佢勁肥大呀!!個D人又好似知道我地好歡喜佢咁(梗知啦!!你好似痴左綫咁叫人地.....屎忽先唔知!)....D人都好好!!我地係咁叫佢,叫左佢好多名都叫唔中......結果個度一個女人叫左佢一聲!"仔仔"~先知道佢原來佢叫仔仔~我地好似見到明星咁,仔仔,仔仔,仔仔,仔仔......咁係咁叫佢!個度D人都掉佢個玩具出尼----超級黑哂網球波波....佢突登掉我地衣邊嫁!!但仔仔怕醜呀!!!好得意呀佢!!佢又想拎返個波,但又見到我地又怕喎.....又唔敢喎,又走返去喎!!好似個小朋友咁.....D頭髮又亂哂喎!!好死得意呀~衰鬼!!!跟住我地都走嘞....好想繼續想佢玩嫁!!!但時候都唔早嘞,同埋都唔想擔誤左佢地蜜運啦....
我地都就去乘車走嘞....係等車既同時,佢地兩個必定好田麥啦!!!我都明白!但我真係頂唔順呀!!仲要有一下,我正當想望下有冇車之際,我就親眼親耳近距離,聽到同見到佢地 囉!其實只係咀咀姐,係冇咩野既.....只不過係係條街睇緊D PG鏡頭真人show姐......真係冇咩嫁!!但我個一刻真係有點兒咩囉!!我好似真係阻住左佢地咁.....起哂雞毛,骨都痺埋啦!!冇咩既~真係有點兒...啦啦啦-啦-啦啦!!!終於都走左了佢地,一路上佢地都好咩..真係令我有DXXX!!!我唔係眼紅佢地田麥,我先唔要呀!我會自己爆哂雞皮!
係車上面,個個一望到我都望住我個齊陰!哈哈哈!!齊陰之嗎!我鐘意呀!!!唔好望我!跟住我都落車嘞!!
跟住我行行下,我突然間好想打比人,但又突然諗起好多人,但打比佢地又唔知做咩,咁打左比李麗麗嘞!點知佢一聽,佢把聲有D怪咁,一係就睇完band show,一係就喊完,一係就病緊!!但佢話佢出左事,有D緊要野做緊!!一陣打返比我,令我好驚呀!!好緊張呀!!做咩事呀?話我知啦!tell me !
返到屋企,又落左街,拎野比家姐丫嗎!!佢屋企又骨子左嘞!!雖然係細,但我覺得好好呀!但真係焗左D啦!家姐好似唔想我留係度咁,我都走嘞!!一路行返家就打比JOY屎,傾左陣,好似好耐冇見咁....掛呀!...
返到家嘞!!咁我就......唔記得左做左D咩嘞!!


李麗麗都打左比我!!唉!天有不測之風雲,人有烚時之禍福家嗎!!你好勇敢嫁!!我講真嫁!!以後返屋企都要小心呀!!跟住我都約左佢聽日同佢一齊返家去!!雖然都可能冇咩用,但係我好掛住佢呀!!傾下計呀!!聽得出佢把聲好震,我都驚埋一份嘞!!我都唔知可以同你講咩好嘞!希望你開心D啦!!但唔好收埋自己既情緒呀!鬱得多唔好嫁!!會病啦,會自閉啦,會痴綫啦,仲會唔開心嫁!唔開心就唔好嫁嘞!就好似陶潛咁講,人只不過係暫寄於世上,應該做自己心中所想做既事,令自己開心D!!(好似有D唔係好關事.....是但啦~都係個個意思姐!!咩都好啦!)令自己唔開心咁係唔好嫁!!知冇呀!





for everybody:
我知我做得唔夠足,但我永遠都會係度嫁!
[PR]
by scOOBFAye | 2006-02-16 23:35

暢所欲言,正!

衣幾日實在係太.......唔係忙,呀!係忙!好多野咁呀!!好似好多野咁,一下子沖哂過尼!!近日做過咩都唔係好記得了~但真係,都有悲,都有喜!!悲?唔係太記得....喜?就尼唔記得哂嘞!!!等我重組一下啦!!2月13日,可忙啦!!情人節前夕,仲唔忙?!返左一日學,朝早見到細佬隻杯打破了!!咁我就放學之後買返隻比佢啦.....係咪好似對佢好好呢!!哈哈!!!其實我扮嫁咋!哈哈哈哈哈哈哈哈哈!!!信不信,由得你嘞!簡左好耐!!一係好貴!一係就唔岩!!咁貴,我點買呀!!我仲未有能力揾$嫁!倒米咩?!諗住算之際.......我一望!我見到嘞!我見到佢呀!係佢嘞!十分開心!!即刻買左!!好靚!我都好鐘意!不過我有杯用!!買完,上左吳欣欣家,拎PAST PAPER,就落左佢家樓下,揾左一個有枱既地方,擦本野D字跡,皆因我要拎去影印比我兩個"細佬",我諗我係不知不覺間,當左佢地係我細佬了~幾好丫!咁就多兩個咁極端既細佬!!crossover左就係我屋企個個堅野!!哈哈哈哈!!去到屋企樓下去開個間影印舖,佢話唔同我影呀!!唉!!好慘呀!!佢比人捉,充公左佢一部機,見到我Dpast paper就怕嘞!!跟住我就去格離個間,佢肯幫我影呀!!真係有冒險精神呀!!但我唔知做咩,叫佢幫我影3份!!我用正本,兩個細佬用副本咪影兩份就得啦!!但我都係唔知做咩,叫佢影3份!!真係有點兒那個!!又心不在焉!!!上一次心不在不焉係因為哈哈哈哈!!!是但啦!唔影都影左啦!第3份,我都只可以自己食左佢啦!!但真係好呀!!柒廷佢之後話佢隻碟唔知做咩!!第3份佢可以用得着!!唔洗哂!!好野!
返到家,細佬兩個朋友都上左尼,佢地整野比佢地個情人呀!!真係替佢地開心呀!!結果搞到個廚房一PAT屎咁,仲要一走了之,咁可以點??我唔搞掂佢,仲有邊個會!如果唔係我就會比人轟炸嫁嘞!雖然佢既轟炸而家對我尼講,已經冇咩殺傷力,但都唔好丫嗎!!唉!佢呀!!搞到邊度都係我最憎既朱古力,個地下又倒左D牛油+蛋+糖落去,洗完碗仲要拖地呀!!其實我可以唔拖既~不過我自己都覺得個地下好嘔心!!結果我用左漂白水拖!!拖左兩盆油出尼,真係多得你唔小呀!細佬!!!!搞到兩點幾先訓........我本身都唔想訓嫁!!唔知點解唔想訓,但諗唔到可以做咩喎!!咁咪訓左囉!!跟住呢就到左2月14日嘞!!
都係返學啦!!!今日返半日咋!!幾好?!情人節返半日.......梗係唔係啦!!因為16,17號學校開放日,要做D準備工夫家嗎!!所以14,15號都係返半日囉!!真係好呀!!
返到學校,情人節都離不開朱古力啦!係咪??我都一一拒絕,有D真係迫都要我收囉!!唉!時下D女仔真猖狂!!結果都收左3,4,5柆.......都唔知點處置,但有D真係包得好靚,真係有心思呀!!一到小息,D人係個課室周圍走,勁熱鬧!!係咁交換,交換......成個垃圾筒都係糖紙!!亦都今日清楚左,咁咪好囉!!唔洗驚驚青青!!但點都會有D.......真係好呀!
放左學之後,約左橙橙橙,佢見工呀!!同埋吳欣欣,3個人,食埋飯,跟住我地都分道掦鏢嘞!!
等佢見工等左好耐!!就尼訓着嘞!又要咁唔夠訓!等佢見完之後,我都要趕去補習嘞!!都係遲左小小到.....哈哈哈!!不改何家一貫既風格!!
係佢講得差定係我真係太攰呢,我聽到訓着左!仲要比小楠望到左!!哈哈哈!!以後都唔會嫁嘞!!返屋企個陣,見到車上面,一係一男一女,一係就一女,全部女手上都拎住一束花花!!真既花,假既花!見到都覺得佢地好田麥呀!!我唔係恨呀!!我先唔恨拍拖呀!!實在係太過.....總之就唔想!唔鐘意!唔要!
返到屋企,搞一大輪野,沖左個涼,跟住做左一個好重要既儀式!!就係---剪頭髮!!我真係十分興奮呀!!我唔係剪後面,而係我剪前面呀!我剪前面齊陰呀!!我剪左第一下,企左係廁所裡面笑左陣,再繼續,剪完,我笑到肚痛呀!!笑足都有成粒鐘!!先收野,個陣真係好想話比人知!!但真係太夜嘞!!仲要做功課呀!!做好之後,明明真係好攰,但唔想訓!最後都係訓左!!呵呵呵!!
去到今日2月15,今日都係放半日,所以約左橙橙橙去科學館,大家係路上都傾左好多野!!明白咩叫暢所慾言呀!!真係好舒服!!我仲好叻添呀!!不過唔講呀!!唔話比人知!唔可以嫁!但我真係好開心!!雖然唔係D咩笑得好大聲,唔係講左D咩,做左D咩好開心!!但衣個係一種平淡既開心!!真係好好呀!!唔知係咪因為咁,我做左一樣好咩既事!!
[PR]
by scoobfaye | 2006-02-15 23:50
跟我走 歌手: 谢安琪


作曲:周博賢 填詞:周博賢 編曲:周博賢
監製:周博賢/小池石涼

儘管星光不燦爛 報章週刊找不到我蹤影
大小演出都在場 你總高聲供給我和應
儘管歌曲不熾熱 太少講關於戀愛的心聲
慢板中板都擅長 你總一一高呼動聽

夜深回看 身邊選手超速過
不知方位怎出錯 信心曾有向下墮

或許天生不漂亮 太多攻擊都指我冷冰冰
倦嫌裝出的熱情 你總偏偏喜歡我任性
或許專輯不叫座 縱使坊間聽不到喝采聲
坐於家中天天播 你總誇獎相當耐聽

*靜心回看 不需歡呼聲給我
 找到知音都不錯 決心澎湃更加多

 從來你都撐我 不反顧一句到尾
 永不變心火 長途遙萬里 沿路遇到你 
 火海刀山都跨過 一起顛簸得你伴我*
REPEAT *

全憑你支撐我 高呼過這世界裡
最美的安哥 同途人是你 泥路亦很美
披荊斬棘都經過 總打不死因你伴我
[PR]
by SCOOBfaye | 2006-02-12 19:27

都係眼訓啦!!

今日呀!一早!早到朝早5點幾就起左身嘞!!何菲失眠?!掛住邊個?痴綫!!我眼訓到就尼死呀!!咁早起身就係比我家姐揾笨!我又做左佢地所謂既"強勁既後盾",佢地跑渣打馬拉盞(哈哈!!係馬拉松~),咁佢地又唔想寄行李喎!因為會要等好耐嫁!!又唔知安唔安全.....所以我......唉!我本身都已經極力反抗嫁嘞!!但你知我幾耳仔軟嫁啦!!佢地咁講.....搞到好似好慘咁....咁我咪比佢地肉隨枮板上囉.......真係勁拿眼訓囉!!琴晚又唔係好想訓喎!!有電視睇呀!!!!12點幾終於都訓左,5點幾起身呀!!!真係痴綫!!
家姐仲要話我可能要拎3個人既野!!唔係掛?!我上次幫兩個家姐拎,都就尼拎死我!!!我個次仲要搭錯船...周圍行,仲要比家姐笑..........真係想死!!
但最後呢,得我家姐同佢朋友跑咋!!!二家姐唔跑呀!!佢琴晚先係大陸返尼......我都唔跑啦!!唉!兩個人既行李.....雖然只係得兩個袋,兩件褸,但我真係就尼拎死呀!!佢地又好似上次咁,當街剝褲呀!!都唔知會唔會比差人叔叔拉嫁!!我家姐又好似上次咁,就尼跑之前就話:我急屎呀!我同佢朋友都係爆笑囉!!!佢上次仲要話:我驚我跑跑下會賴呀!!點算呀? 真係.......我諗佢緊張嫁姐.....佢地做好哂熱身,可以走過去起步點,我都話,我都行過去啦!棋掂我有咁多時間,咁早過到去,我咪又係企同埋等同埋企同埋等.......我企係parling,係我面前係超級勁爆多人!!真係好壯觀!!!!係遠處都見到D camera照住哂!D人係咁揮手.......我又聽唔到個D咩起步槍聲呀,咇咇聲呀....D人跑哂去LU~真係好勁呀!!又搞到我有D想喊嘞!!!上次我第一次尼,真係好想企係條街大喊囉!!真係唔知點解....真係好勁呀!!!amazing!!!!!!!跟住我都行過去搭船嘞....行行下!!我見到!嘩?!勁索!有個女人着住件bra跑呀!!不過佢既bra係for做運動個D呢,好似好靚咁個D咁嫁!!!!佢個樣好似去做gym咁....勁!不過我都唔明!明明冇落雨,D人又着哂D大會派既雨褸喎!我見到佢地個樣就覺得佢地好焗嘞!!!
我拎住家姐同家姐朋友D野,勁重!佢地明明有一個大會比嘞大大袋嫁!又唔用,要我兩隻手拎到就尼甩鉸!個堅博勁痠!痛到好似唔洗$咁呀!勁屎忽!好多人望囉!!拎多幾樣野姐.....又望!我打爆你嫁!一路行,一路都見到D勁人!咩勁人?!跑半馬啦,全馬就未見到....跑半馬喎!我一定跑唔到啦!!!再一路行,我見到D人未跑就貼定D"撤隆巴斯(光年)鎮痛貼"係個屎忽嘞!!嘩?!洗唔洗呀?????咁誇?!
我今次好勁呀!!我冇搭錯船嘞!!!不過真係等左好耐!!!!又勁眼訓喎!!!真係想攞命咩?!我係一個角落位坐底左,一路聽差人叔叔叫D跑完既人唔好企係馬路上面,佢好搞笑呀!!佢話:乖乖地啦!!唔好企係馬路上面啦!!你地跑完嘞!!你地仲以為你地係跑道上面?上返行人道啦!!下年再跑啦!!危險呀.......真係好搞笑!!!
今年呀!!多左一個唔知咩野飲呀!好咁喎!不過我冇拎到,我覺得我又冇跑到,但又去拎既話,我會覺得我好衰咁........所以唔拎嘞!!!!
其實我都有D想跑嫁!!但係我驚我會跑死呀!!如果我有練開跑既話,我都會去既~家姐叫我下年去跑呀!!哈哈!!下年先算啦!
雙手拎到好似死左咁呀!!跟住食左D野11點就返到屋企嘞!!!!勁想訓覺,但係呢.....我又望住個電視嘞!!!!哈哈哈哈哈哈哈哈哈哈哈哈哈哈!!!!!!
[PR]
by SCOOBfaye | 2006-02-12 18:34

眼訓到好似唔洗$咁喎!

今個星期呢......真係................好咩囉!個電腦呢................仲咩囉!!打到一半,就同我HANG機!終有一天我會打爆你!
其實都係好忙啦!!但係我好勁喎!我做哂D AMATH功課呀!!係咪勁先!!我仲要係坐左係屋企一日,做哂呀!!我真係覺得我係超人尼嫁囉!
跟住個日我真係冇同吳欣欣講野呀!!不過都講左一句....佢囉!奸搞怪魔尼嫁!!都幾好玩個喎!!有口難言既感覺原來係咁既~得閒又玩下先!個日都明白,原來個口係好有用嫁!!原來人與人之間,對話係好緊要嫁!!!我個日一定好惡!!我之前都有人話過我,叫我唔好唔講野!!我唔講野個樣好似好嬲咁.....我同D家姐都係,一唔出聲就會好惡咁!!可能我個樣都係D嚴肅型啦....但一笑呢,就會比我家姐話我係傻仔...........哈哈哈!!!所以咪就係比你地食住上囉!
成個星期都好攰呀!!星期一同二都飲左杯茶先返學,而家咖啡對我尼講好似已經失去功效咁...而且我仲覺得即買D咖啡太甜添呀!!所以轉飲茶,飲左兩日就冇飲嘞!!因為搞到我到夜晚都唔係咁想訓.....終於係前兩日我頂唔住了~我食完飯,睇我好鐘意既紀大學士,睇睇下就訓着左嘞!!!琴晚仲勁!睇到一半都冇,即刻做左睡公主.........可能上左PE堂既關係....加上又真係好唔夠訓!終於都........
琴日真係勁搞笑囉!!諀說我地琴日放左學之後要補數學喎!!咁補完喎,D人走既走留既留,課室得返10個8 個人,突然傳尼陣陣咸魚味.....超級臭!跟住呢,勞小清同陳紅腸話"嘩?!咩味咁臭?!"咁我就話係咸魚味,佢地話話"嘩?!搞咩咁大陣咸魚味?!"阿SIR係個時候就話"搞咩咁大陣魷魚味?"哈哈!!!明明係咸魚味,佢竟研話係魷魚味!勁!!佢既味覺同嗅覺一定受到唔知咩傷害,橙味佢話係檸檬味;蘋果味佢就話係芒果味;咸魚味佢就話係魷魚味.......真係有點兒......跟住勞小清佢地依然係嘈緊做咩咁臭!!咁我為左要平息佢地既怒火,咁我就做一下好人,我話"其實係我!我帶左條咸魚返尼!"正當我諗住話我帶返尼係送飯既時候,佢地已經係咁話"下?!你做咩帶咸魚返尼呀??"佢地咁問,阿SIR竟研信喎!!仲問我帶咸魚尼做咩呀!!!!痴綫嫁!!我笑到就尼爆肺!
今日呀!!一早就起身,補習呀!!OSCAR講數講到好似以前都巿閒情阿ANNIE教煮飯咁......下奏又要返學校喎!!咁我就着埋校服去補咁啦!!一路都勁多人望住我囉!!車!星期6就唔可以返學嫁咩??????????返到補習社個度就仲多人望!!!!!想點呀!!校服咋嗎!!!再望我就毒盲你!哈哈哈哈哈哈!!!!補完我去家姐屋企,食野......跟住呢,我明明係預好哂時間兩點返到學校嫁!!!哈哈!!!點知呢,我兩點先出門口囉!!!哈哈!!都係個電視囉!!!是但啦......
返到去,明明係4樓家嗎!!轉左係6樓,我一心行4層就唔搭LIFT,點知要行6層!我斷氣嘞!一入課室,就比MISS問我一連串問題,我條氣都未回,你想我點答你?!今日呀!!仲比我見到同我細佬同名既馮先生生返左尼呀!!真係小有呀!!!!!!補完就陪吳欣欣買褲....搞到我又好想買嘞!!!!所以我做左一個決定!...................................
[PR]
by scoobFAYE | 2006-02-11 22:11
今日呀,真係呢~咁呢,拿!咁啦,又咁喎!之後呢,咁樣喎!但係呢,但係喎!跟住呢,跟住喎!所以呢,就咁囉!!!
衣兩日呀!都唔知做咩..................我搞到我屋企個個都好唔妥我!原來何菲係一個犯眾憎~(係姐.....我都知~你唔洗咁直接!)我老豆又鬧我,我都真係做錯左!但我唔會向你認錯嫁!向你認錯咁咪即係向個個女人屈服?!唔可以!佢仲用返以前恐嚇過我既野尼恐我呀!!不過今次我真係有D驚!因為我覺得今次佢恐得好似!!真係驚!!不過算啦!既來之,則安之!跟住呢,我D家姐都係囉!!個個家姐都連住咁話我鬧我同埋話我同鬧我.........個一刻,真係.........有點兒孤獨......其實不嬲都孤獨開嫁啦我~個陣再孤D咁囉~原因都係因為我做錯事囉!如果唔係我又洗鬼比人話我鬧我同埋話我鬧我丫?!
上個星期同家姐睇左"春田花花同學會"衣出戲真係有聊到好冇聊囉!!睇到我丫?!我仲買左對鞋添呀!哈哈!!好開心呀!!真係!!因為要買一樣自己岩,又岩到自己既野真係好難嫁!!但係都係冇買到上學鞋,本身真係買左嫁!!!但係呢,佢又比左37,38我喎!然後又話冇喎!真係唔知想點囉!!跟住我都睇到岩嫁!!但係呢......都係唔買嘞!等我真係升到上去先算啦!
跟住呢,今日,我終於同吳欣欣提出左我既計劃嘞!!哈哈哈!!我話我地不如試下10日唔同對方講野,睇下可唔可以!佢話佢驚衣10日之後,我地會繼續唔講野,直至永遠!哈哈!!點會呢?只要我地兩心相連,你中有我,我中有你!impossible is nothing!(痴綫!何菲飲大左!)跟住話我地唔講野係冇可能嫁!仲要係同我坐喎!哈哈!!咁如果我地唔一齊坐,10日唔講野係一定可以嫁!!就係咁樣先至係難度丫嗎!!哈哈!!跟住佢就話太多,我就話一係一個星期啦,佢都係覺得太多,跟住就定左係聽日嘞!哈哈!!真係好呀!!好奇待呀!!有D緊張添...哈哈!!好似會出個大SHOW咁.........我都有諗過要自己10日唔同人講野嫁....但係好難嫁!!我咁多野講....不過如果有機會,我一定會咁做!做一個自閉青年!哈哈哈!!!
[PR]
by scoobfaye | 2006-02-06 21:35