人気ブログランキング |

<   2005年 12月 ( 11 )   > この月の画像一覧

衣幾日都好忙!!

哈哈哈哈!!真係唔知講咩好囉!!我一心都只係抱住玩既心態去唱唱比賽,但就係唔知做咩!我同達達既爆頭搞GAG組.......入左決賽!我知道左之後,真係想死!我係咁話:不如唔好去啦!我只係想試下企出尼唱唱滋味嫁咋!我唔想入決賽嫁!!但係.............都係算啦!就當係玩下啦!一定唔會攞獎嫁啦!!咁我個日係好忙!!第二日就係耶誕聯歡會,又要整野食,仲要為第日既決賽度橋!唔知係咪成日個人既精神狀況都處於緊張既狀態呢?我個晚係訓唔着嫁!哈哈哈!!係12月20日,即係星期二,返左成日學,擦左一日黑版,我終於研究到,點擦個黑版就唔會勁飛粉嘞!咁坐前面,又有鼻敏感既同學仔就唔洗驚啦!!!我仲越尼越鐘意擦黑版添呀!!好好玩嫁!一路擦,一路睇住D粉跌落尼,好似落雪咁嫁!!好好睇!!如果真係落既話就好嘞!不過咁擦呢....會係成日都去廁所洗手!!等我試下點先可以擦完,又唔會搞到成手粉先!!真係好呀!!有人欣賞我擦黑版既手勢好呀!!哈哈!!因為佢有鼻敏感嫁!!
放左學之後,我同吳欣欣同歐陽去我家......搞野!!哈哈哈!!我地搞第二日既野食呀!!我地整左雙層起司火腿夾心三文治呀!!好好味嫁!!我覺得.....不過有人話D芝士好多囉!!!真係唔識欣賞呀!!哼!
跟住就係第二日,即係琴日,即係12月21日,即係星期三!!!哈哈!!我地玩得好開心呀!!今年既聖誕聯觀會係我玩得最開心既一年呀!!我地玩過大風吹,我輸過一次;玩過爭凳仔;玩過以訛傳訛,我要做傳既其中一份子,唔記得哂人地做既動作,但係我地估中最多!仲玩過踩波波,我比阿腸捉住尼踩,但佢又比人圍,踩唔到我,又要捉住我!痴綫嫁!差D仆親呀!玩既時候,我仲踼親人地個屎忽呀!!哈哈!!佢一定好痛嘞!!仲同D人好似再熟D添~真係好好好搞笑呀!!玩到我覺得自己笑到有D缺氧呀!!!暈暈暈暈暈............
完左之後,就係我地落禮堂,咩敬師活動個D....真係搞到我有D想喊喊地呀!!我唔係唔捨得間學校,而係師生之間既感情,令到我好感動!!阿SIR個句:5C,I LOVE YOU,再加埋學生既:I LOVE YOU TOO!!真係令我有D想喊!!
跟住就係放學喎!我同達達由兩點排到5點,3個鐘頭既時間,係咩都排唔到嫁!!我地上到台,咩都見唔到!!台下一片黑漆漆!只係見到兩粒射燈殘住隻眼,我係咁聽到D人既歡呼!不過太 小時間嘞!!如果比多D時間我地,我地一定會排得好好,仲會勁搞笑添呀!!
今年學校仲要請左一隊BAND尼,對於一個我尼講,佢地真係好靚仔呀!!勁型囉!!真係好正!!我好小會咁樣讚過男仔!我好小會覺得男仔靚!可能佢地一尼表現得好有才華啦!,歌又係自已作,自己唱埋,又夾得好正!!真係勁索囉!!連我都吸引到埋!我暈嘞!!~EMPTY~!正!
D老師又拍左一個野嘞!!今年冇左基哥,係全部老師一人夾口型,夾左個勁歌金曲既MV,阿SIR真係笑爆咀!!源SIR真係唔聲唔聲,嚇你一驚囉!!佢做個一句係唱失戀自責既歌啦!個鏡頭影住佢係男廁裡面,佢對住塊鏡,自責,沉思,仲WEAR亂自己件3呀!佢個日打左呔個喎!佢自己都忍唔住笑左出尼!!真係勁搞笑!睇唔出佢平時一本正經咁,係鏡頭前面,佢係咁搞鬼嫁!!我係勁叫!!尖叫!豪叫!!但叫完都冇失聲!真係勁呀!!
完左之後,同苗苗,吳欣欣,鳳鳳同珍珍珍去食野!唔知係咪我成日都HIGH得滯呢!!真係勁笑!笑到就尼爆肺呀!!!
by scoobFaye | 2005-12-22 20:14

初賽呀!

今日呢,就要返學喎!琴晚呢,個條友要同我切蛋糕呀!我都話左唔洗嫁啦!我終於都明白咩叫強顏歡笑!
今日除左要返學之外,仲係我地學校聖誕音樂會歌唱比賽既初賽呀!!我今年都一嘗所願,參加左!!!!!!!!!!!!!!上完一整日既堂,開始緊張呀!!本身要補AMATH嫁!咁我咪同MISS請假囉!哈哈哈!!佢話佢都知我會去賽,但真係估唔到我會去囉!!!點解呢?我都係一個人,去賽都係好正常既野!!咁我就去左了~落到去,好混亂!!!都唔知做咩!跟住坐低左,開始嘞!!哈哈哈!!我開始有D驚!!個人開始震~~~~到達達嘞!!即係下一個就係我嘞!!佢唱完,我嘞!我一路行出去,D人叫到痴哂綫!原來我今年識左好多人嫁!!早知就唔鬼尼唱啦!!勁樣衰!我入都入到~不過....唱唱下.....我唔記得哂D歌詞了~哈哈哈!!真係勁呀!!原來我可以咁緊張個喎!!跟住阿LAAM好似唔知講左D咩嫁!好似叫我唱啦!我就甩甩下咁左一段,個嘴嘴震過貓王,好似教左震機咁!真係震到痴綫!哈哈哈!!!!是但啦!我都係想玩下嫁姐!!
跟住就係我同達達既合唱嘞!D人一見到我地出尼,都好似冇咩野咁,跟住一見到我地拎個假髮出尼-----叫哂!我地完全係搞爛GAG徹底失敗!我同達達唱到甩哂嘴!我係咁笑!真係好好玩呀!!!如果一年搞幾次,我一定會去哂唱呀!我唔係想拎咩獎,我唔想入咩決賽,我只係想玩下...家姐話:人一世物一世,咩都要試下!所以我就去試下了~...真係好開心!!好耐都未試過玩得咁開心嘞!!
跟住呢,我都返家去了~係車上面,我見到海海老公呀!!我真係唔係好妥佢嫁囉!!佢仲要好熱情咁走過尼,一野踩落我雙腳度!佢係咪痴綫嫁!我係即刻慘叫!然後佢係咁搞我個靚靚頭!搞到車上面D人係咁望住我地!!佢一個站後都落車了~我真係好唔鐘意D人搞我個整到好靚靚既頭囉!仲搞喎!仲要踩我喎!我隻腳指尾仲未好返嫁!!令我更憎你囉!!"你走開!"(以普通話讀出!)佢落左車之後,D人係咁勁望住我囉!真係唔好望住我呀!我同佢一D關係都冇!佢可以都叫做我既仇人!唔好再望我呀!死屎忽精!
by scoobfaye | 2005-12-19 23:01

2005年12月17日,我17歲

今日一早就要返學,我知道自己今日生日,但冇咩感覺,17歲咋嗎!好叻咩!但係車上面,我就諗起阿華仔首"17歲",返到學校,都有d人同我講"生日快樂",多謝多謝!搞到我好唔知點咁......我不嬲都唔係咁想生日係返學日嫁!會好唔知點咁!最好就d人唔知啦!有d人又好想佢知啦!阿sir早左半個鐘放我地喎!車!我已經叫d人唔好咁嘈嫁啦!d人都冇咁嘈啦!咁惡做咩喎!又話我地阻住你.....你自己都係度阻緊自己d時間咩!嘈咁耐做咩姐?!我知你好睇唔起我衣班,但我都係學生!唔好睇唔起我!跟住呢,走嘞喎!小楠話:我有d野想同你講呀!但坐底左,佢又唔講野喎!跟住就落去嘞!落到地下,我都終於明白左,點解佢地係咁叫我行慢d嘞!哈哈!!原來佢地買左個蛋糕比我呀!哈哈哈!!搞到我一時唔知點好咁........你知啦!我衣d表達能力有大問題既人.......真係好開心嫁!係提拉米數(TI-LA-MI-SU)蛋糕尼嫁!食到勁滯!!真係真係好開心!真係嫁!我可能表達唔到出尼,但我真係好開心!!真係多謝你地呀!分別係:吳欣欣,小楠,賴太,女人達,歐陽..........真係多謝哂!女人達送我一隻叮噹扭蛋呀!係叮噹個妹....好好玩呀!!吳欣欣係補課個陣,襯我去左廁所個陣,放左張生日咭係我個袋度呀!!勁綠呀!!勁靚!真係真多謝呀!唉!唔好送生日禮物比我呀!我係唔會送返比你嫁!跟住我就去左joy屎屋企,佢又整左個蛋糕比我呀!!細細個...好好味!我食哂左佢lu~我地睇左"開心鬼放暑假2"好搞笑!勁搞笑!佢同阿嫻都送左個河童比我呀!哈哈!!邊個話我鐘意河童姐!我鐘意harry potter家嗎!河童係我同班既同學安比我既花名咋嗎!哈哈!!不過我都好鐘意!
跟住我地都去睇harry potter嘞!好緊張呀!!入到去戲院,勁多人!前面個條友個頭勁大!真係好想斬左佢落尼!好好睇呀!真係好好睇!不過阿張秋真係做得好唔掂!勁唔掂!都唔知佢做緊咩!佢真係好唔掂!好唔鐘意佢呀!不過除左佢之外,其他野都好好!拍得好好!正!勁正!正爆!勁搞笑!睇到我就尼喊!唉!點解一出戲只有兩個幾鐘?跟本就唔夠拍!太小嘞!佢cut左好多書裡面既野!太差嘞!!但真係好好睇呀!但特級極級勁爆十二萬分超級無敵前無古人後來者既好好好好好好好好睇呀!我要在此呼籲大家記住記住記住,一定一定一定一定要去睇呀!!!!真係好好睇呀!!睇完,真係想再睇多次呀!
睇完左就即刻飛返屋企,換左件3,又飛走!約左家姐們呀!佢地送左件嬲比我!!哈哈哈!!好靚嫁!!!佢地話估到我又唔着嬲出尼嫁嘞喎~所以就送件嬲比我囉!!哈哈!我成日唔着嬲係我真係唔覺得凍丫嗎!!我係雪人既後代,企鵝,北極熊係我既近親....哈哈哈!!咁何菲係咩尼嫁?我地食日本野呀!我又食左好多三文魚生!!正呀!!超級正!!真係死都低呀!
去到12點幾,我地都解散嘞!!係車上面,我差d訓着左!就尼落車個陣,老豆打比我喎!哼!生日同人出尼餐飯姐!!!遲小小返得唔得姐?鬧我一餐,結果我係給鎖門了~咁左5分鐘門鐘,打左10幾個電話返屋企,都冇反應,我一路都知佢係企係門口望住我嫁!但我可以做咩?再打埋比老豆,同佢講對唔住,又係比佢鬧一餐,然後都係唔開門!算!最多咪坐係屋企門口一晚!我都唔會死嫁啦!不過原來咁坐法,係會好屎忽痛個喎!不過坐到3點島,佢都開返門比我!車!佢仲要話:你返尼做咩姐?你返尼冇意義個喎!哼!你估我好想返尼嫁咩?如果我可以唔返,我一定唔會返尼!!你估我好想唔同你講野嫁咩?我已經唔敢同你講野嘞!唔想再比你鬧,怕左同你講野!你成日都覺得自己好慘,d女又唔理你,你都冇錯嫁咩?唔好話哂係我既錯!我固然有錯,但你都唔岩得哂嫁!
by scooBfaye | 2005-12-18 17:54

17歲-------劉德華

十七歲那日不要臉 參加了挑戰
明星也有訓練班 短短一年太新鮮
記得四哥 發哥 都已見過面
後來...榮升主角太突然

廿九歲頒獎的晚宴 Fans太瘋癲
來聽我唱一段情歌 一曲歌詞太經典
我的震音 假音早已太熟練
然而情歌總唱不厭

#喜歡我 別遮臉 任由途人發現
儘管唱 用心把這情緒歌中染(歌聲中喧染)

@唱情歌 齊齊來一遍 
無時無刻都記住掌聲嚮遍天
來唱情歌 由從頭再一遍
如情濃有點 淚流難避免
音階起跌 拍子改變 
每首歌 是每張臉(年月變 但我未變)

Repeat # @ @

如今我四十看從前 沙啞了聲線
回憶我冀望那掌聲都依然到今天
那首潮水 忘情水 不再經典
仍長埋你的心中從未變
by scooBfaye | 2005-12-18 15:26

12月16日

今日呢,都係返學,返學,同補課,補數學!我終於掌握都點做個D比個平面你,叫你畫返個立體出尼個D野嘞!真係唔該哂你呀!阿SIR!!而且我地仲發覺.....阿SIR既味覺好有問題!都唔知佢條脷D味蕾點試味嫁!明明一粒蘋果味糖佢,佢就話衣粒係橙味,比粒橙味佢,佢就話係檸檬味....真係勁呀!希望佢老婆唔係d鐘意整野食既人啦!如果唔係佢就會好傷心!
補完,就同小楠去讀書,一定要讀呀!!好耐都冇讀過嘞!!但上到去,見到芝芝呀!!好想同佢玩!!但唔可以咁嫁!讀左半個鐘,JOY屎都叫我落地鐵站....佢約左我丫嗎!!落到去,佢就話:我地去食韓燒丫!聽日我地去睇HARRY POTTER啦!嘩!!我係極度開心+興奮囉!!!!佢請我睇優先場呀!正!
我地食到好飽!!!真係好飽!飽到真係想嘔!食得好開心!!我食左好多粒生蠔呀!十二萬級好味!!!仲有三文魚刺身!正!正到爆!真係!......咁正!死都低呀!!!返到屋企,就即刻去訓了~真係好眼訓!但一訓着,好多人就打比我嘞!家姐們,薯片.......好多message.........真係多謝哂!!
唉!聽日又要返學.......補課呀!算啦!補囉!都唔會死嫁啦!
by scooBfaye | 2005-12-18 14:46

琴日同琴琴日

琴琴日,上晏返左學校又補補補.......補完,本身諗住同小楠去玩狗嫁!!但我見佢同媽媽行街喎....我覺得我好似阻住左佢地嘞!!!!咁我就話我要去剪頭髮,咁就走左了~廢事阻住佢地丫嗎!!我又唔係咁想剪住嫁!!!.....係新都行左陣,打多個電話,咁就去左剪了~個度D人好唔掂呀!!洗頭洗到我成雙耳都係泡泡!!電話響都聽唔到!!我好唔高興呀!剪完,勁咩!可能變化太大,所以我覺得我好型!好耐都未試過咁短既頭髮嘞!可以再短D就好嘞!!剪完,約左以前班D人打B爐,但我約左佢地6點10咋嗎!個陣係6點,我就係新都行左好10幾個圈,我條腰骨勁痛!遲早實斷!!!!跟住,我就約左吳欣欣係萬能等...佢一見到我,第一句係話:嘩!好型喎!我答佢:係喎!勁搞笑!我係答佢係喎!哈哈!!我不嬲都係鐘情於短髮家嗎!今次係短髮,我竟然係連自己都覺得剪得勁型!哈哈!!冇法啦!家姐成日都唔比我剪得短.....搞到勁長!一時間剪到咁短,真係有小小唔係好慣.....同埋呢,佢一剪完,我覺得唔係好好睇,但睇落............又幾OK個喎!衰鬼!
跟住我地就去打B爐嘞!!勁開心!我地一行10人,當中有:我地既老闆~咖喱!阿詠!阿貓!BON BON,吳欣欣,我既大婆!吳紫~胡妮!衣咪!仲有我既3奶~珍珍珍!YEAH!
胡妮好似SHORT左咁呀!係咁不野比人食喎!岩岩先放落去,即刻不返出尼,比人食喎!佢傻嫁!!都唔知佢做咩!勁開心啦!總之就超級好笑!我係咁叫:胡妮,你收手啦!佢係唔理我嫁!
食到飽死呀!!雖然真係好貴!不過我食得真係好開心!!
食完,行左陣,我地都各散東西了~
跟住琴日,係家長日呀!!我同家姐全部人遲大大到!是但啦!尼到咪見,見完咪走囉!我阿3哥又係全場既焦點!見完,我係好有一個決心!我一定要實行佢!見完,家姐又同我講左一餐,我地睇左陣書,總係覺得差左D....今次家長日,好似唔知點咁!跟住我知道差D咩嘞!係源SIR呀!!我地睇睇下書,見到源大閃行過,佢又見到我喎!跟住走左過尼,睇下我張成績表,同我家姐講左兩句,又同我講左幾句,佢係咁問我諗住尼緊會考會幾多分,哈!真係唔知喎!我唔知係冇信心定咩,總之我真係唔知答佢幾多分好呀!!不過我真係想升中六呀!唔知升左上去做咩,不過我真係好想升上去!!!!!!!!!!!!!!!!!!!!!!!!!!!年年家長日,總係會見一見源SIR先走個喎!佢一定會同我D家長講幾句先得個喎!佢話我勁串呀!一尼係我把口真係好串,二尼我年年家長日都帶唔同既屋企人尼,佢真係第一個老師見哂我全家人呀!佢仲要話!下年帶哂全家尼啦!一次過!哈哈!好丫!如果真係有衣個機會,我一定會咁做!
見完,我同家姐食野,我問左一個問題:如果一杯水,我放一羹鹽同糖落去,咁杯野會係咩味,我仲要話,不如整一杯啦!我真係會試嫁!結果我地真係溝左一杯出尼,試過,好奇怪!D味好唔知點咁,咸又哂!甜又唔係好甜........唔~
by scoobfaye | 2005-12-12 21:40

我被貼喎!!

1.這份問題誰傳給您..?!
李麗麗~
2.跟他是在怎樣既情況下認
 識..?!
中一上I.S堂,係LAB我地同一組,我見到佢畫緊公仔,我烘個頭埋去答"傘"..................
3.認識了多久..?!
唔經唔覺都第6年嘞!
4.他有什麼別於一般人的
 特點..?!
其實佢都係一個人咋嗎!講到佢好似個科學怪人咁...........
5.在您心中他是個怎樣的人..?!
一個...........睇落同我好似大纜都扯唔埋,但我有咩都好鐘意同佢講,都會好好傾咁...以前係需要人睇住既人,但而家唔係了~
6.請傳給6 個倒霉鬼..*
哈哈哈!!咁我咪好似好需咁?!我想傳哂比全部睇我日記既人個喎!
......."橙","薯片","珍珍珍",吳欣欣","JOY屎",""女人達" 哈哈哈!!!
by scoobfaye | 2005-12-12 20:31

happy friday

今日....好開心!不過好變態!一朝早,好快咁走返學校,吳欣欣又遲左了~不過佢冇遲到~好彩!以後都唔好咁嘞!跟住返到去,諗住去排下隊啦!點知!我被胸襲了~痴綫嫁!我一路都未試過比人襲過!今年係係咁比人襲!都唔知做咩!!阿楠又襲我,阿清又襲我!千慧都襲埋一份呀!真係好唔開心囉!!搞到我走左落5樓兜一個圈走返尼......唉!真係.................
我今日做左一件好勁既事呀!就係................就係...................我真係報左名唱聖誕歌唱比賽呀!!本身係諗住同女人達CROSSOVER就算嫁嘞!但D人又係咁問我獨唔獨喎!搞到我想獨獨地...........跟住就獨了~哈哈!!
去到lunch,女人達問我張報名野係邊,點知我唔記得拎落尼喎!咁我就叫佢再寫過張喎!仲幫我寫埋獨個張,咁我就繼續食下野,吹吹水,跟住,突然!阿楠住一張野走埋尼,比我睇,個張野係女人達幫我報獨個張野尼嫁!佢話:你係咪比人玩呀?d字又唔係你既!你睇我幾好?!我見到唔係你d字跡,我即刻幫你拎返起嘞! 哈哈哈!!我即刻話:點解我要死,你唔比我死?唱咪唱囉!都唔會死嫁啦!哈哈哈!!佢就話:好啦!即係你都想去~咁我就幫你交啦!我見又唔係你d字跡,我以為你比人玩呀!!
哈哈!!!真係!...................搞笑!
跟住我就到放學嘞!!我去小楠屋企呀!!本身係讀書既~但佢媽媽叫佢同佢落去買野喎!咁我又唔可以自己一個係佢屋企家嗎!咁我就跟埋去了~佢地買野個陣好搞笑!雖然我聽唔明佢地講咩,但我見到佢地d樣啦,d語氣,都知道佢地又鬧交了~我都唔知算好!!只係係小楠身邊,叫佢唔好咁啦!如果唔係咁我都唔知可以做咩了~又唔識同佢地講咩......我講佢又聽唔明,佢地講,我又聽唔明....真係......哈哈哈呀!買完,諗住走嘞!6點幾7點~都同唔到佢讀書嫁啦!點知佢地係咁叫我係度食飯!哈哈!你知我啦!一係就好堅決,一係就好耳仔軟!所以我成日比我家姐食住上!咁我就同佢地食埋飯了~去到9點先走呀!真係堅呀!!!我記得我第一次係人地屋企食飯係係大婆屋企,個次係食晚飯,第二次係好似係食中午既,係文哥屋企,仲要係佢煮呀!我個一刻覺得佢好似一個阿媽!真係估唔到佢會煮野!勁!跟住就係小楠屋企~係佢屋企食飯一定要開電視!佢地講野我都聽唔明既!!唔開電視我就會好似比外星人捉走左咁嫁嘞!!好好味呀!!佢地打邊爐!!同埋好開心添!!小楠係咁夾野,我飽到就尼死呀!不過係人地屋企食飯真係好奇怪!!個感覺好唔知點咁!!以後都係唔好係人地屋企食飯呀!!
真係好呀!!芝芝真係認得我嫁!!小楠成日都話佢係鐘意我多D!我又覺得....點會呢!!我同佢都係識左兩個月姐...我諗佢係見到新朋友,熱情左D嫁姐~!!佢見到邊個都會咁熱情啦!!等我個陣真係以為佢真係咁鐘意我喎!!!車!!跟本佢就係一隻熱情狗!哈哈哈!!
但係呢...我覺得,D人好似好反對我同小楠衣頭親事咁.有咩問題呢?我地都係真心相愛嫁!!邊個都唔可以拆散我地!!!!!!!!!!!!!!個死咸濕婆呀!偷聽我地講野,聽D唔聽D!仲要係度唱喎!仲要將我地越描越黑!!變態婆!算!我唔作咁多解釋嘞!講咁多只會比佢再唱過!我相信時間係對付佢既最佳方法!所以我都唔理佢,繼續比佢唱!你唱飽佢啦!哼!
by scoobfaye | 2005-12-10 00:54

12月7日

今日.............今日係12月7日呀!!上年既今日,包仔離開左我...............唉!講起都..........所以今日都好謝咁.....不過都笑過下既~廢事搞到D氣氛咁唔知咁啦!情況已經好差嘞!唔可以再比佢壞落去!不過有時有D野....好難講既......總之小楠都發覺到喎!勁!小楠,你真係好呀!有一個好似你咁觀察力強既朋友,真係好呀!
今日呢,MISS MAN話:LET IT GO!.............我都LET緊IT GO嫁嘞!但都要比D時間我既~跟住,仲比我見到................算啦!唔好咁敏感!或者我真係唔係好咩!咁人地又點會呢?算啦!算啦!LET IT GO~~~~~~~~~~~~~~~~~~~~~~~~~~~~~~~~~~~!!!跟住我就放學嘞!今日范SIR又唔得閒,唔洗補PHY喎!咁我就可以好早走嘞!真係有D唔慣呀!!咁我都係照同小楠讀書啦..........今日星期3丫嗎!佢話好凍,上佢屋企喎~咁好啦!點知我地係冇讀過書!我地上到去,就玩狗,然後就放狗!一放就放到5點幾,上到去又玩狗,一玩~6點幾~我就走嘞!唉!!!!點做野嫁!以後都唔可以!
今日行返屋企個陣,我就係度諗......我既温書進度,好似D時間,用極都唔夠用咁!一係就用得唔岩!..........唔得咁嫁!我係度諗,我應該同自己整返個TIME TABLE,等我做咩都有返D效率,時間就會見洗D!幾好?!另外,我都覺得我需要再整多個温書計劃表,等我可以唔洗咁漫無目的咁想温書,但又唔知由邊度温起!而家要狂煲PAST PAPER!做到爛為止!一定要! 我要升中六!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
by SCOOBFaYE | 2005-12-07 22:04

歸屬感

我覺得我今年好似懶左呀!!哎呀!唔可以咁嫁!點可以!一定要升中六!何菲!努力呀!我今朝先做好D功課呀!!真係唔掂!以後都唔可以咁嫁!我要温書温書温書............6點幾搞掂D野,死!未燙裙!今日全民換季!我條裙巢到成住梅菜咁!點着姐!咁我就好努力咁開左個野,籌備去燙裙大行動喎!點知!個燙斗呢!!!!!揾極都揾唔到!我係度諗:個條友唔係連燙斗都收埋自己房嘛...............點知係我諗住爆既時候,比我係一個最冇可能會揾到燙斗既地方揾到個燙斗!痴綫嫁!你點會將個燙斗擺係度嫁!真係虧你諗得出呀!勁!搞左我一段時間,差D遲到呀!!!!死人頭!
返到學校,我又回復好神經既樣子咁......痴左綫咁笑,痴左綫咁癲........但我覺得我真係痴綫嫁嘞!我會一時好開心咁癲,一時會好沉默,唔出聲,好似諗緊野,但我個腦個陣係一片空白個喎!都唔知做咩!..........唔通...........何菲思覺失調?!????OH~ MY GOD~!XoX
早會,係源大嬸講早會分享呀!好耐都冇聽過佢講野嘞!真係懷念!!我記得佢以前上佢堂,佢會一入尼同埋中間小休個陣,同我地講一餐野,好似好發人深省咁,但聽完都冇咩點改變我既思想,不過當係比腦部一部一個refresh都幾好!!雖然佢講既野唔係一D好渦心既野,但會令我有D唔知點講既感覺...........真係掛住佢既CHEM堂呀!!而家係個個修修(ALL IN ONE),我先知道,原來佢教書係好好多嫁!佢講既內容係歸屬感,佢係話類似叫我地多D投入學校生活,自然就會對學校產生歸屬感.....我做咩要對衣間咁既學校產生歸屬感姐?D老師10個有9個都係勁差!個校長又不知所謂!我仲可以有咩歸屬感可言?
跟住我就開始我一日又笑又唔笑既上堂上堂上堂...........今日都係同佢好唔知點咁.....我覺得我好似唔知做咩咁,好似突登去討好佢咁!唔想咁呀!但又唔想失去一個朋友!算啦!跟住就,放學嘞!約左橙橙茵!同佢食粥!YEAH!佢差d又話去食炒面,但我想食粥多D................哈哈哈!!就去食粥了~真係好呀!好鐘意食粥!好好味!好鐘意食!食完,就返家去了~同佢傾左好多野呀!好似仲有好多都未講哂,但我個一刻,我覺得好似已經盡在不言中嘞!見返面真係好呀!以前既感覺都仲係度.....好好好好好好好好好好好好好好好好好..............
我同自己開左一本數簿呀!!我諗住有條理d,我實在太..............我要同自己做一個小小既統計,同埋要學識一d野!努力啦!
by scOObfaYe | 2005-12-05 21:55