<   2005年 10月 ( 3 )   > この月の画像一覧

今日一朝早就返學校補課,返到屋企,就開始執野,一路執,就一路喊........真係好唔想走呀!我好似個D比人賣落火坑既人咁,我就尼要入地獄嘞!真係好唔想返!以後我就自己一個嘞!以後就小左家姐疼嘞!間房就得返自己一個,咩都自己一個,阿媽成日都話唔想我自己一個返去,我又何嘗唔係唔想返去呢.......我表現得咁開心,咁冇野,都只係唔想你擔心姐.......
執左好耐野,又喊左好耐.......去到5點幾先執完,就起行嘞!勁重呀!!!!係車上面,又冇位坐喎!就企左半個幾鐘,返到去,冇人........都唔緊要啦,咁咪仲好!
點知過左陣,佢地返尼嘞!食飯個陣,係一粒聲都冇出過呀!勁緊張!我係家姐度個陣,雖然大部分時間都係自己一個食飯,但起碼都食得好開心啦!真係好耐都未試過食一餐咁大壓力既飯呀,食左都背隻骨落啦!唉!以後既日子怎麼過呀!我真係覺得好灰!又一個家姐要同我分開!點解佢可以咁恨心!!!!!自己個女尼嫁!!!一個又一個咁趕佢地走!講都冇人信啦!



係度執野執野,一路執,一路諗:我以後真係要住係衣個咁既屋企?又冰冷,又大壓力,仲好唔開心!咁既屋企,返唔返都罷!咁既老豆,認唔認都罷!不過有一點可以肯定:過多一年,我會係佢要趕走既最後一個!因為佢係必定一定唔會趕走佢個仔既!而我係佢最後一個女,所以,係衣一年,我要好努力咁讀書,等我揾返份好工,佢要趕我既時侯,我都可以自力更生,都唔驚會餓死!


真的十分極度極點極之極級極極極極爆想死!!!!!!!
[PR]
by scoobfaye | 2005-10-29 22:27

極度無心機

今日係爸爸生日,家姐話為左我尼緊E最後一年着想,我要上去同爸爸食飯........唉.....我都唔想返尼!仲要我食埋飯!!!真係十分之唔想LO!!!!
根住今日係成日都冇咩心機上堂,成日都唔想講野,個樣好似病左咁.....miss man都好似好關心我咁問我係咪唔舒服....d人都問我做咩,我話好眼訓,個個都信個喎!!(唔~膚淺!)成日都冇咩點講野......真係會口臭嫁!!哈哈!!
今日成日都係強顏歡笑.....好辛苦!!去到中午,真係忍唔住嘞!!結果就同女人逹講左出尼,都好d既~真係估唔到,我會同佢講d咁既野,可能佢今日叫我個一句老公,我好鐘意啦!!佢叫得好小鳥依人嫁!!令我覺得我好有權威咁!正!跟住,我地就企左係操場,講左好幾個分鐘,跟住就各有各忙~返到去我張枱,係度諗野....諗諗下,真係好想喊!!!但唔啦!!一定會嚇親人!
跟住,好快地,我就捱到放學,真係想上多陣堂!係校門,見到一個好似曾相識既背景,係呂漢忠呀!真係好耐冇見嘞!!佢d頭髮又稀薄左.....佢一見到我,好大反應!!不過真係好好耐冇見啦!佢係一間叫唔知咩"何咩耀"既學校度教,佢話mr.nguyen係Kowloon tong既咩"聖毌玫塊"個度教喎....佢都好似生活得幾好咁.....大家都肥左呀!!
之後返到屋企,見到老豆,講左聲生日快樂,都冇講其他野,我個陣真係好唔妥呀!我唔想同佢講咁多野,我唔識扮到好fd咁!食飯個陣,好靜!好區緊!我上家姐屋企同一d對我尼講係陌生人既人食飯,我都唔會咁區緊!
o!help!!佢地真係以"老公","老婆"相稱呀!點解呀!!係叫都唔好比我聽到啦!!我點係度住多年呀!!我會唔會死嫁!!仲要扮好咁!!
我覺得e一刻,我係好行屍走肉咁......我覺得我一返到屋企一定又會喊返陣,跟住就會訓!!真係好唔想返返尼住呀!e度好似我既監獄咁,以後我就自己一個係間房裡面,真係死左都冇人知呀!我一定會成日係間房打比家姐!!
唉!點算!!以後點過呀!!!



ps.有人話我瘦左喎......係人都瘦啦!毎日只係食一餐.......你話你瘦唔瘦?!好快我就會肥大左嫁嘞!!
[PR]
by scoobfaye | 2005-10-27 21:14

混亂

今日係我好偶然地,可以用一下電腦,好好好好耐都冇用過電腦嘞!!差d連字都唔識打!近日
做過d咩呢??我都唔知點講好,總之,屋企都裝修好,我其實都已經可以搬返尼,不過......家姐就........唉!真係唔明白我個個所謂既老豆個腦用尼做咩嫁!!真係好灰!!!!!一次又一次咁為難我地,佢想點姐!!!!!屋企忙緊個排,都仲好地地,同朋友講,佢地都話好,仲要覺得終於都有轉機,但我一路都唔咁認為,以我老豆咁既性格,點會咁突然變到咁呢!!!真係唔好比我估中啦!而家好似仲差左咁.........衣個屋企.....真係唔想再返尼,但願所有野都可以以一個大爆炸搞掂哂!一了百了........真係覺得好煩呀!我做錯d咩喎! 頭先揾緊野個陣,比我揾到一張我自已畫既4格漫畫,個事件係關於我同我老豆嫁,個一刻,我真係覺得我老豆好可愛!!!所以就畫左出尼.....但而家?!我再睇返個張野,真係想即刻喊出尼呀!想掉左佢,但係.......都係唔好~自己畫個喎!!當係話比自己知,我老豆曾經咁可愛過......我到而家都仲對個一刻好記憶猶新嫁!!!唉!何菲!!!!!!要醒嘞!今時唔同往日嘞!要向前望!!!



而家衣一班都幾搞笑!!d人好好玩!但上堂個陣真係有d嘈...衣一排真係好煩人呀!屋企,學校一齊想迫死我xx!識左好多新朋友,其中又有個新朋友係開左學冇耐就走左,個日真係唔捨得嫁,但都令我唔知點咁....因為我同薯片都係識左兩個星期島,但佢走個日我真係有d想喊,係唔知點解嫁,可能何菲又眼淺,個排又好煩心,意志力薄弱左,不堪一擊.....同埋我覺得佢真係同我好好傾,又有d相似喎(唔係個樣)......真係唔捨得!真係好想同佢做好好朋友,不過又好驚,因為時間既威力實在係太強大嘞!我怕我受唔住佢既攻擊!


衣排有好多野驚!驚會同d朋友唔再朋友,好驚又一個家姐要離開我,離開個陣既感覺太強烈嘞!我會好激動!驚時間唔夠用,驚唔可以升上中六, 成日一自己一個個陣就喊,成日喊,何菲衣排都變左一個喊包,一個收放自如既喊包,彷彿想時間突然停止,停足一世,咁我就唔會再喊!!
[PR]
by scoobfaye | 2005-10-22 18:05