<   2005年 07月 ( 36 )   > この月の画像一覧

滯住左

今日係同珍珍珍去聽TALK,勁眼訓!好似冇咩用咁,又係黑sell自己既野..我地去聽之前呢,我地去左宜家家俬度行左陣,個度d示範單位好正呀!!我要努力讀書,揾到$$就要買一間大屋!將裡面布置到好靚咁!我張床要有一片天幕!!正呀!
真係勁眼訓!!唔得嘞!!我本身預切比自己既時間表比我搞齓左嘞!!唔得咁嫁!!今晚開始,我要............
返到屋企,好想食野咁,咁就煮左個面尼食嘞..好飽!!跟住過多陣就食飯喎!!真係唔係咁想食!!但唔得啦!!我唔食d人又發癲!!係咁椅,食左小小,就走左去lu~跟住家姐叫我同佢去跑步喎,唔係掛??我好飽喎!!仲好辛苦呀!!個肚滯住左咁,唔郁得...跟住睇陣電視,就落去嘞,係我地走之前,爸爸話:何菲,我同你講呀!!我唔該你地呀!唔好訓到黃朝百晏呀!!執好間房佢呀,到時你就唔係訓返衣間房嫁嘞!搬走既搬走,總之你唔會再訓返衣間房嫁嘞!遲d衣度要裝收呀!家姐叫我比d反應佢喎~你都傻嫁!!你想我比咩反應佢呀??我同家姐等lift個陣,佢仲要好好語氣咁示範比我睇,我問:點解我仲要佢咁好聲氣姐?我家姐就話:因為你就尼放榜....係個時候,我只有啞口無言,哈!因為我就尼放榜,所以我就要對佢好好聲氣!哎呀!咩世界呀!!點解喎!我又做錯d咩呀!

咁係咪即係話,佢叫我家姐都搬走埋??咁快就要走??我唔想喎!!雖然係衣個屋企住都唔會好開心...但係,分開左都唔會開心得去邊嫁姐..
我同家姐搭lift個陣,大家都顯出一副惆悵既神情..大家都好似知道就尼要分離咁,默默無言,可能大家都要逃避,我地都冇再提過衣件事,只係跑砲跑,我地跑左5個圈,停左陣,我地都想繼續跑嫁!!不過我地都唔知點解跑唔郁了..我就好滯住滯住咁,家姐就話好肚痛!!
[PR]
by scoobfaye | 2005-07-31 22:27

心不在焉

琴晚打打下日記,走左去梳化訓着左,隻腳痺哂!!又勁熱!!好辛苦,好想去沖涼嫁,不過眼訓大過天!即刻熄哂D野就走左去訓,今朝起身就係12點半,就有人煮午飯,我既早餐就係飯,個人好腫!!跟住諗住去沖涼嫁!!但係呢,有個人上左尼睇廁所呀!!又唔知佢要睇幾耐!!咁橫掂都去家姐度,咁咪執哂D野,去左家姐度先沖啦!!
係家姐度沖涼好開心!!個感覺好唔同!!好似會舒服D咁...雖然家姐個廁所係細D..但可能因為有個窗口係格離,光D,感覺上沖完會好精神咁..但我始終都覺得,一個沖涼房係要有塊鏡嫁!!唔好咁大片,又唔好咁細...咁就會好好多!!跟住呢,如果係一個浴缸仲好!!如果真係既話,我諗我唔會走返出尼嫁嘞!!沖完就做返我平時好鐘意做既野啦--睇電視,家姐屋企成橦樓都睇唔到電視呀!!只係睇到畫面,又冇聲,一時又睇到D畫面落住雪咁,我發覺原來只要個電視有畫面既話,即使冇聲,都可以滿到我!!勁呀!!個幾個鐘頭既我,好安靜!一粒聲都冇!!不過有時真係睇到我眼花!!
到7點就走人了~好似有D心不在焉咁..本身諗住拎埋D成績表走嫁!!但我去到旺角先醒起!!太遲嘞!跟住返到屋企樓下,道門一邊開左,我都仲要走去咁密碼!!比個看更阿伯見到TIM!!我仲要勁低B咁望住道門"咦??"左一聲...唉!!真瘀爆!好彩只得個阿伯見到姐!!如果唔係就仲瘀!!跟住再返到屋企啦..冇哂D人!!我都話左會返尼食飯嫁啦!!走哂!咁我可以食咩呢??算!唔食可也!!我都唔會死嫁啦!!入到房,更係黑媽媽啦!!開左燈,係我剝緊鞋既時候,我又唔知做咩唱起歌咁啦!!但我一望,點解會有隻腳既??我又"咦"左一聲!!差D比我家姐嚇死!!原來隻腳係佢既~佢係度訓覺!仲話去打波?!想嚇死我咩??餓我唔死要嚇死我!!唉!!D人真係黑心!!我記得我可一次心不在焉係因為......但今次係因為咩呢??咁奇怪既??
[PR]
by scoobfaye | 2005-07-30 22:36

pay it forward

今日本身都諗住一係就去珍珍珍屋企度玩,如果唔係我就係屋企過一日,但係呢,珍珍珍佢屋企有人,都諗住留係屋企啦!!但唔得呀!!有人迫走我呀!!我細佬帶左個人返尼,佢地一入屋,我都心知不妙嫁嘞,但都冇諗過會咁難頂!!佢地係房煲,我只不過想係個廳度睇下電視姐!!但唔得呀!!太辛苦嘞!我就暈低嘞!!咁我就起行去家姐度lo~
去到家姐屋企樓下,點知看更老伯話我知部lift壞左!!唔係掛?!個度成撞樓只得一部lift,而我家姐就住係20樓,唔係要我行上去fa?!但我見到佢話4點先可以用得返部lift,但個陣先就尼3點!!係就尼呀!即係2點幾咋!!咁冇可能要我係家姐屋企樓下等2粒鐘家嗎!!我會悶死嫁!!個陣又落緊大雨,我又冇姐,如唔係,我都可以去行下啦....咁我就硬着頭皮,死就死啦!!行咪行!!至多咪當做運動!我平時都係咁跑嫁啦!!不過,原來行樓梯係辛苦過跑步好幾倍嫁!!跑步係沿水平咁運動,但行樓梯係帶埋自己既體重反地心吸力咁向上升!!仲要係行20層!唉!阿媽!點解你要買間咁高既屋嫁!!
每一層有16級梯級,唔知點解層與層之間又要整多兩級!即係18級梯級X20層=360級梯級!!即係話我一共提高我條肥美既腳腳360次!!痴綫!!攰死我!!不過今次好D嫁嘞!!我上一次行係拎住好多野,又重,又係同一個情況!不過唔知係咪做得多左運動呢??我D汗出得多左,一上到去,我D扞就好我以前去打波咁...真係勁勁勁勁熱呀!!我個陣又要着左條牛仔褲,你知啦,牛仔褲都幾焗家嗎!搞到我都忍唔住剝左佢出尼一陣等我散下熱...好彩個陣冇人係屋姐!!如果唔係我一定會熱死!
今晚唔知咩電視劇大結局,20集就走去結左人家去,咁快嫁!!以前個D都唔會咁既!!又係大團完圓結局,都係呃人既野!!只會滿足到觀眾們心裡想達到既野,現實生活中一定唔會有ED野既!!跟住睇個個咩咩野蠻咩咩,見到主再們咁恩愛,又係好羨慕,不過我係唔會恨既!!都係呃人嫁!!
跟住轉左台,睇"pay it forward"真係好好睇!!但中間都有D悶,如果佢講多D劇情,行得快D既話會好D..但佢個結局有D令人可惜!!咁細個就死左.....真係好可惜!!成出戲都好full of love!唔係愛情既love,當然都有小小,但係佢既love係,人與人之間,大家互相幫助既love...都幾好睇!!
[PR]
by scoobfaye | 2005-07-30 02:20

阿茂整餅

今日係我摩打手出山既大日子!!事關今日吳欣欣同珍珍珍話尼我屋企整曲奇,點解要尼本人既寒舍??就係因為我屋企有整曲奇既關鍵equiment--焗爐!哈哈哈!!我個個老豆以前學過下整蛋糕,咁咪扮下野買左返尼LO!!不過佢都3分鐘熱度既..佢冇用過個焗爐好好好好好好耐lu~
今日睇哂d電視,咁我就落去揾吳欣欣食野同買野,珍珍珍遲小小先尼~今日真係好熱!!我地買哂d野喎,咁我諗住我地3個人,各有家室,又都幾多人下,同埋又唔想d野剩返哂,咁我地用到d材料盡哂,我都唔知係咪太耐冇讀書!我一開始就話牛油係限量反應物...(唉!何菲就尼痴綫!),計左d牛油先,跟住計左兩計,就計到,d材料可以做四份!我地就一次過四份做哂出尼!嘩?!原來都幾多個喎!!我地整整整,嘩!!真係好多呀!佢地又驚D粉多得滯...我就唔覺,雖然係搞得有D吃力..但係,我地係搞緊四份既材料喎!!更係吃力嫁啦!!努力呀!為大我地既心願向前邁進啦!佢地都係唔係咁慣用我個篩,成日都將D麵粉篩到飛左出尼..(更係啦!!你用唔慣自己個篩仲驚!)整整下,我以為係細佬返啦,點知係老豆喎!嘩?做咩咁早返尼呀!佢呀!見我有朋友係度呀!係度同我扮FD喎!(你條友!同你好熟咩!唔好行咁埋呀!冇野比你食呀!屎就有一篤!屎就有得你食!你係咪食Y?)
跟住又整整整,家姐又返尼喎,佢係度同我地玩一個遊戲,我同吳欣欣都好似被綁架咁,我地最後都揾唔到破解既方法,個個時候,我又好掛住徐倩嘞!!我覺得佢會諗到方法破解嫁!!徐倩係我心目中係一定會諗到嫁!不過...事實係......佢唔係我地身邊!!而且,我覺得我家姐睇得好開心!!見我地兩條友比佢玩到好似痴左綫咁..不過都慣左lu~我成日都比我d家姐玩嫁啦~(何菲真係命苦!就係咁比d家姐當玩具咁玩..)跟住我地坐哂係度,一尼坐係度等d餅焗好,二尼坐係度諗破解方法...突然間,"叮"一聲,我個焗爐響喎!即係d餅焗好嘞!!(白痴!係人都知個焗爐焗完野就會叮一聲嫁啦!)(車!我要用我既文字尼解畫比人知家嗎!)跟住,我地一聽到e叮一聲,我地係好似上左電咁!d反應好一致!一齊彈起身,3個野,一齊衝入我個迫死人既廚房度--拎餅!(真係好搞笑!我地本身係個樣好似就尼死咁,跟住一聽到叮一聲,全部人都即刻好似叉左電咁!!有d似d飢荒既人突然聽到有人話有野食咁!真係....搞笑!)不過四份材料好似唔多夠....唔知呢??我就覺得再多一好d..唔緊要啦!!下次再整lo!!下次再整多d!!哈哈!!實行食曲奇食到厭!整曲奇整食死佢!
佢地走左之後,我就返屋企執野啦,執執下,覺得自己屋企好唔掂呀!!唔知係比我搞到咁定係因為佢真係咁污糟呢??搞到我d潔僻又發作,係屋企執完張枱就拖地,掃地,個地下比我拖到好靚呀!!好開心!!我始終都係覺得我拖既地下係靚d嫁!(哈哈!!自大狂發作!!)(咩喎!咁自己拖到身水身汗,點都話靚啦!!你話係咪先!)
跟住晚上呢,就拎返本秋季咩咩比tama,本身諗住去跑下步嫁!!但一尼要拎返d野比佢啦!!而且,我個去左兩日旅行既肚覽又彈左出尼喎!!點會咁嫁!我食左幾片曲奇姐....唔洗咁fa??我咁努力咁跑左幾日步.....你幾片曲奇就將佢毀於一旦?!好!我要再努力d跑!實行跑到食極都唔見肚!哈哈哈!(白痴!你咁大食......點會食極唔見肚Y??)(車!睇小我?!我就跑比你睇!)
今晚只係見到tama幾秒鐘咁多,但都好開心咁...可能係見到佢同阿茄而家好好咁.....我都好開心~仲好似有d放心咁..(唔知點解會咁諗..)tama:努力呀!!要珍惜呀!!友誼可貴!!
本身都真係唔想比d曲奇比老豆食嫁!!但廢事又比人鬧我自私啦!又比佢見到左...本身都諗住成機問佢拎零用啦!但係都冇問到,廢事又比人鬧啦!我短期之內都唔可以再比人拒絶嫁嘞!!我既打擊會太大...遲d先再打擊我啦..

你個賤女人!個野切到得返4份1先問我要唔要?!我先唔希罕呀!你食就食死去啦!!
[PR]
by scoobfaye | 2005-07-29 01:08

仲慘過聽AMATH!!

今日本來係同殘慧茵去聽個talk嫁.......係本來lo!!但結果呢??係我自己一個去聽!!我而家終於知道原來自己係好唔鐘意人地放我飛機嫁!!真係好慶呀!!
好啦!咁我自己去lo!!我要獨立!去到啦,我係遲到嫁!!哈哈哈!!我都唔知道點解我會遲..可能又係個電視啦!!我遲到都係因為佢嫁啦!!呵呵呵!!個度好多人呀!係我自己一個聽,都唔緊要啦!!去補習都係自己一個嫁啦....不過真係有D慣左,E個暑假出親去都係有人一齊,有D唔係咁慣,真係唔咁慣....個個講師黑眼圈大到痴綫!!由此証明,佢以前真係好努力讀書,比起我個個...我先發現我都唔係好努力讀書!!(車!E個早就已經知道嫁啦!!扮哂野咁!)佢講得勁快!!好似機關槍咁(呯呯呯呯呯呯.....講完)!!我ED本身領悟能力比人差,接收能力會delay既,都唔係咁明佢講咩!!佢一路講,我一路打喊路!!我琴晚都訓得OK啦!!都冇發噩夢!!但我點會咁眼訓嫁呢??佢講完,我就聽葉秀儀同佢個FD傾啦!!佢講埋D野都好難明,個陣我寧願連聽10堂AMATH!!起碼AMATH都有D數目字嗎!!我都識佢啦(1,2,3,4,5,6,7,8,9)!!但佢地講個D野,我都冇諗過!!即使有諗過呀,我都諗唔到答案,如果有公式計到佢出尼就好嘞!!
我煩咩?咪就係煩緊我既前途lo!!我岩做d咩工呢??我又唔識同人講野,特別係d我唔熟既人呀!!有咩工岩我呢??唔洗同人講野,唔洗見人.....我睇都冇嫁嘞....何菲~你都係冇嫁嘞!!你死心啦!!
今日食飯個陣,我先知道我個日同老豆吵,我都幾大火!!d筷子比我掉斷哂!!哈哈!!所以唔好激嬲我呀!!我下次可能會飛把刀過尼嫁....我仲發現我好好宗氣呀!!我個晚同老豆吵完,佢把聲沙左喎!!我就冇咩野咁...呵呵呵!!我諗我可以去唱個d男高音嫁嘞!!哈哈!!
跟住食飯個陣,嘩!!我見到個電視播個d類似回顧個d啦!!係回顧"Riverdance"呀!!好好睇嫁!!個Riverdance~佢一路講個D演員個D,一路播返佢D片段出尼啦,我睇到就尼喊呀!!哈哈!!(何菲係咪傻嫁??睇表演都會喊?!唔係嫁!!我試過睇音樂表演睇到喊!!我一睇到D好勁既場面就會喊嫁!!我都唔知點解..)真係實在係太勁嘞!!佢地跳得好齊,每一下踼落地既聲音都入心入肺...真係太勁嘞!!如果唔係有人係度,我喊到死都有!!
食完飯,去左屋企附近個球場跑步,原本同陳裕紅跑嫁!!不過佢返左鄉下,咁我唔可以咁就停下來唔跑家嗎!!咁我就自己跑啦!!不過好悶嫁!!一個人跑!!仲要有d人係球場坐,好驚咁...不過我都跑到忘我既境界..但係覺得好d唔妥咁...我係屋企着鞋個陣,feel到勁心跳喎!!我係直情見到我件3都比個心跳到係度郁!!(嘩?!唔通我時晨到??我死嘞!!)都唔理啦!!照跑!!我寧願死左去!!我都唔要自己一個同老豆同個個女人共處一室呀!!
一共跑左10個圈,其實係唔夠嫁!!不過我勁肚痛!唔係搞肚痛咁...係唔知點解痛!!(唔通我盲腸炎?!)....下次跑多d先!
跑完就返屋企睇電視,睇我最喜愛的電視劇"er",真係太好睇嘞!!睇睇下,我個電話突然響喎!!我頂!邊個咁大膽阻住我睇電視!!原來係個個名不副實,傳說中既中大周杰倫--penny~佢10點幾打尼揾我做咩?更係唔係談心啦!佢老過我唔知幾多!(不過何菲有個秘密,就係秘密!哈哈哈!!唔講得嫁!!會嚇親小朋友!!)佢揾我係問我揾唔揾到人尼聽~因為第日就會搞~不過......我真係唔想做嘞!!唔係我3分鐘熱度呀!!係d人都諗定哂會點啦!!都唔會理我講既野啦!真係sorry呀!penny......penny:多謝你咁睇好我!不過,我地永別嘞!
同佢講完我唔做真係一身都鬆哂!!唔洗咁驚點同佢講lu~而係佢揾我仲要問我係咪想唔做..真係好呀!!我等你講e句好耐嘞!!
[PR]
by scoobfaye | 2005-07-26 22:04
琴日去左書展,幫家姐擺檔,我又了解左自己多左D,我家姐話我好被動,岩既~我真係好被動,我行埋出去D人真係會拎嫁!!原來派傳單都可以學野既~我地個檔口就係係個D比D人簽名個度,不過事關今日係最後一日,都唔會有咩人尼簽名嫁啦!!
今日真係好多人喎!!估唔到,星期一都會有咁多人!!不過我睇大部分都係自由行,我地今日係6點鐘完結,由開場真至4點幾5點都仲有人入場喎!係一路都冇停過!!仲勁過返大陸!!一路都有人係度問我地邊度買飛,我同家姐個檔口變左詢問處...
一路派一路派,好鬼嬲嫁其實....事關我之前個晚兩點幾先訓,第二朝沖涼個陣我比人鬧我"反骨精"..哈!好一個反骨精!我唔夠訓真係會好見打人嫁!!
跟住派派下,我同家姐見到.......大王呀!!即係新馬司曾個仔--安德尊~佢好高!!真係唔到佢係咁高!!我平時係電視見到佢個陣,我係覺得佢好矮..不過原來好高嫁!仲比我見到佢搽好厚粉呀!!(咦~D皮膚好極有限!!落左妝一定成隻鬼咁呀!!)仲比我見到佢塊面同佢條頸唔同顏色嫁!!O~賣桔!
又派派下,見到一個好似鬼佬既矮佬,帶住副超,肥肥地,個頭小小地中海,d頭髮係白色左,長長地紮住條尾,我本身唔諗住比D單張佢嫁!!諗住佢都唔識睇啦~但點知佢另返轉面灘大手板,同我講唔該喎!唔係掛?!我家姐都話:佢識睇咩??我答返佢:佢同我講唔該喎!!我家姐話佢個樣好似一個D電影既幕後製作人....是但啦!!都none of my business嫁啦!!
跟住又派派下,見到個個我都唔知佢叫咩名既老女人!!我同家姐都認得佢個樣,但係就唔記得佢個名!!佢之前話咩瘦過身嫁!!我都係唔知佢叫咩名!!跟住我家姐叫我派比佢喎~咁我行前,弟D單張比佢,同佢講:拎D單張返去睇下啦!!跟住佢好好笑咁答我:好呀!唔該!搞笑既程度係筆墨難以形容嫁!!特別係個"該"字呀!!佢講到好搞笑!跟住佢拎左份野就行開左,我見佢係好似想走,但又好似要等人咁,佢就行開左,企埋一邊,真係睇我地份野喎!!真係好嘞!!
仲有呀!係我家姐走左去買書個陣呀!突然,有個人打比我呀!!我一喂,佢就菲我喎!!我勁驚!!我係驚點解有個男仔會無端端打比我,我又唔識佢,佢又會知道我個名同電話呢??然後,所有既迷團都解開嘞!!原來佢係個個penny呀!!大哥!我個日冇尼.你就唔好揾我啦!!見佢咁咩,我就話今日去聽lo........做下lo,如果待遇ok既話...
跟住晚上又比人鬧!何先生,你個仔唔返屋企唔該你唔好揾我出氣!
不過,真係.如果時光可以倒流,我個陣唔會駁佢嘴,等佢鬧,等佢鬧,無論佢鬧咩都好,我都唔出聲,我相信e個會係最好既辦法!!因為佢鬧完,佢自會收聲!!我駁佢,佢只會火上加油,始終都要有一方收聲先可以完結-
唉!!睇怕,從今日起我都唔會係屋企有好日子過!(其實我一路都冇好日子過嫁啦!)開始覺得自己蠢!點解我又唔好似我細佬咁,日日出街,得閒又唔返屋企,無端端又走出街,橫掂都冇人理嫁啦!佢又唔洗比人鬧,我更加唔會有人理嫁啦!!走左出去,真係幾好,起碼唔洗比人鬧,唔洗睇人面色...
[PR]
by scoobfaye | 2005-07-26 14:54
今日去左丘媽DAY!去左聽個個類似課程既物體..我3點3先去到去,幾驚會比人媽呀!!跟住上到去,有個人(珊姐)問我:你尼IN嫁?我話:唔係~我尼聽個個......跟住佢就叫我去一間房裡面等,咁我一入到去,見到有幾個人坐左係房既最後面(有麥生,penny,同埋一個我都唔知佢叫咩名既女仔),前d有兩個人(jason同阿分),又有d人(當中我記得既係有gloria,charlie,....唔記得lu~)坐左係前d,又有一個人(zero)坐係另一面,我就求其坐左係最前面,係我拉緊"鄧"既時侯,penny突然叫我,咁我就hi左佢一聲,佢就叫我過去同聽佢講野,佢話原來今日係冇個個野,我個一刻,係有d被騙既感覺,我覺得,佢可以早d打比我,同我講,但係佢係冇咁做!!跟住佢就同我解釋個個野,講講下,佢又走左去唔知做咩,間中我feel到坐係側邊既人向我投下令我難堪既目光.....(各位,其實我係好怕比人望住嫁!!你唔好望住我啦!!我會好唔自然嫁!!)跟住penny就返左尼,坐左係我面前講,十分之有in個陣既感覺!佢又係飛左支筆落地!!跟住講講下,charlie坐左係我格離一齊聽,佢仲要不時又望下我!(都叫你唔好望住我嫁啦!!)跟住佢講完,佢同我傾我d朋友既野(我都明既~你係想我從朋友入手,拉下客個d~)講講下,佢又講返我既弱點!!"怕醜"!!(大佬呀!!得嘞!!我知嫁嘞!!你唔好再話我啦!其實我都唔係怕醜!!我係怕生寶咋嗎!做咩成日話我怕醜呀!!)跟住佢一講完,charlie即刻望住我!做咩望住我呀!!佢話如果佢望我多d,我就唔會怕醜喎!哈!真搞笑!!你望我還我啦!!唔好望到我好似有pat屎係我塊面個度咁既樣啦!!
跟住講講下,deah air左一陣..penny就係咁揾話提,係咁問我e排忙緊咩,講真,你唔問,我唔諗,我真係唔知我e排忙緊咩!!跟住佢就叫哂全部人坐埋一齊,係度傾計,我感覺上呢,我就覺得佢係度試緊我同人d相處係點咁,不過,無奈,我真係好怕生寶!!我初尼步到,我都未適應,你想我點同d人fd呢??佢地都好搞笑!!講講下,有兩個人返左尼,我冇記錯既話,我都係唔記得左佢地叫咩名!!我d記性差左好多!!一陣拎d數尼做下先!!睇下我仲記唔記得點做!!一路傾,penny都話我個樣好攰咁....冇錯!!我係好攰呀!!而且雙眼腫左!!琴晚又訓得唔好!!發噩夢呀!!好血腥!!仲要係腥係自己身上!真係好恐怖!!都唔知係咪琴晚同老豆炒完,見到佢個樣太恐怖,先至發噩夢!!不過都幾好玩!!我話發個個夢!!
講講下,d人又走咁d,房就得返我,gloria,珊姐,penny,麥生,阿分,jason.....麥生同阿分,jason講緊讀個個野d野咁啦,佢地好似話要報喎~,講講下penny無端端係度唱歌!!把聲幾似周杰倫!!不過我唔係咁鐘意周杰倫!!佢e個舉動對我尼講都幾其特!!我d男仔朋友都唔會無端端唱歌,估唔到佢....我個陣真係想叫佢唔好唱嫁!!我唔係話佢唱得難聽!!而係我唔鐘意周杰倫嫁!但係我見其他人聽佢唱得咁開心.....咁我就唯有聽啦...佢仲要坐係我格離,一路畫野一路唱喎!!成個痴左綫既人咁!!我又無野做,坐係度,好無奈..好無奈...仲比人睇到我個樣--好無奈!!
跟住penny都走開左同人講個d個d啦,我就同gloria,珊姐傾計,佢地兩個都好搞笑!就尼笑死我!!gloria:估唔到原來你21歲嫁!!真係......估唔到嫁!!gloria好親切,你好快呀!!個人!!我唔係咁同人講既野,我識左你一兩個鐘你就問我!勁!!
坐坐下,阿麥生行左出尼,佢話有個21歲既男仔打比佢話想做咩類似秘書既野,佢話個條友有d問題!!我一d都唔覺得有咩問題!!男仔就唔做得秘書嫁咩??咁我咪問返佢lo!佢d態度又好咩!!就咁一句:你唔明咁多嫁嘞!!咁就算喎!!(由我見到你第一眼已經好不討好!!你個d態度!車!)
然後,我都諗住走喎,臨走既時侯,penny就叫我努力呀個d啦,跟住個個麥生,就話:下?你走拿?我仲未同你傾下喎..我即刻話:下?仲要同你傾嫁??(唔好掛??)佢話:唔係~諗住了解下你咁姐~(車!我就唔想同你講咁多!!你睇你個坐姿!拎個腳板低對住我!我好唔歡喜喎!)跟住佢講左一番令我好大壓力既話,我真係唔係好想做!!不過為左一個咁既麥生而唔做?!唔係咁值得!!努力啦!!
*有冇人可以幫下我呀!!去聽下啦!!我覺得幾好嫁!!聽下姐,又唔會攞你命既!!聽左又唔係一定要你報!!當幫下我扮下客啦!!
我唔可以衰比個個麥生睇嫁!!
[PR]
by scoobfaye | 2005-07-25 23:27

給何先生的話

何先生:
我前世係咪踩親你條尾呀!!我好乞你憎咩?點解你可以咁嫁!人地唔返屋企,你可以對佢咁好,餐餐留哂飯送比佢,係屋企咩都唔洗做,我就咩都做哂,你就眼尾都唔理下我!你仲可以話自己一D都唔偏心??人地話出街,你就貼哂錢,我只係想係書展買本書咋!你只係比面色我睇!我又做錯D咩呀?如果你仍然覺得佢做每一樣野都係岩既話,我可以好直氣壯咁講:我比佢好既係,我一定會返屋企!!就即係你所講既規則!算!我講幾多都係徒然,佢仍然係你既"寶貝"


何先生:
我唔會再應你嫁嘞!!我唔會再理你,你既死活都none of my business!你而家好乞我憎呀!
[PR]
by scoobfaye | 2005-07-25 01:50

今天我!

今天的我比平日的我更頹廢!

起左身就開電腦,食左兩個包,玩左陣,又走開左,睇左陣電視,不時為左冇野睇而發出如狼叫月般的聲音!!"呀~!!!救命呀~!!冇電視睇呀~!!"跟住睇左隻VCD,屋企每一隻VCD都比我睇多過一次或以上!點解會咁嫁!!我相信唔會有人既生活可以廢得過今日既我!!

我唔可以咁嫁!!我對ED生活都開始出現排斥!!我個頭!!好痛呀!!想痛死我咩!!我就尼死嘞!!

唔得!!我唔可以日日都咁無所事事嫁!E排都係度諗一個personal既問題!究竟.....我既人生目標係咩呢??講真,如果你而家問我,我為左咩而活!!我會答你:下??
我既目標!!係咩呀??

我都幾鐘意留係屋企個喎,但我係鐘意留係無人既屋企,當我自己一個人係屋企既時侯,我會自己係度諗野..不過唔好留我一個係度太耐!!一尼我會諗野諗到走火入魔,二尼,太耐既話我就會覺得好寂寞,我會喊嫁!!哈哈哈!!痴綫!
[PR]
by scoobfaye | 2005-07-24 20:54

好似發緊夢咁..

其實我既每一日都係度浪費!浪費時間,浪費金錢,浪費自己既光陰,浪費氧氣,浪費自已........成日以為第二日情況會有好轉機,永遠都係事與願違,仲要一日比一日差,但當我已經習慣左之後,當好運氣來臨時,我又...........

今日11點幾比家姐打尼個電話搞到我冇得再訓返...我好似係發緊個好夢嫁!!不過....算!只要我仲有命,我都仲有得發夢!!跟住家姐返尼,又走過,E兩日見老豆心情好似好靚靚咁,諗住借D椅問佢拎$$,可以去買我想問既書啦!點知,唉!佢又復發,真係.....係我走出門既時侯,我真係好想喊比佢睇!救命呀!!我仲要留係E度幾耐呀!我受夠嘞!日日就係睇人面色!永遠就係人地比面色我睇!無論我係岩都好,我永遠都係錯!想點喎!
跟住就去左家姐度,即使家姐個度冇電視睇都好!我都一定要走!我唔可以留係度成日嫁!!我會抑鬱嫁!!咁我就去左家姐度睇電視,咩都撈哂!好似一件廢物一樣!跟住就返企,個陣係唔係好想郁!唔想返屋企!我諗如果我唔返屋企一晚,"D人"都唔會理我嫁嘞!不過為左開門比我家姐.....唯有係咁啦..
返到屋企,估唔到,所有野都變返做1!!即係開始個度!!好灰呀!!今晚我唔想訓覺!好想去一個唔係自己屋企既地方!!自己一個又好,同一個朋友也好!我都唔想留係E度呀!!
[PR]
by scoobfaye | 2005-07-24 02:40