人気ブログランキング | 話題のタグを見る

unlogical


by scoobfaye

2月5日.我唔會喊?

明明仲有一個星期先新年,都唔知點解我老豆要咁早返去嫁!唔通佢新年唔返?!唔好

啦!難得我放假就比D私人時間同埋空間我啦!

今日又返學嘞!唔知係咪前日食滯左,搞到我今日都好呆滯!唔係咁LOAD得起!不過

仲有好多原因既~衣個係其中一個囉….

今日返學,第一堂係SEMINA,真係咩都唔係好諗到.個腦LOAD唔起,個人勁呆滯….

好似想食早餐,但係又食唔落咁,好唔舒服!d人都唔知做咩嫁!坐得咁埋傾野,都講得

咁大聲嫁?!食屎!搞到我EQ都再底d嫁!跟住上多兩堂,阿SIR一味係咁講講講,一次

過塞好多野落個腦度,真係好爆炸!阿jack真係好搞笑,但係我唔想答佢既問題!好難

答既!中間一個鐘BREAK,見到阿嘉呀!佢又話我個死人樣好死呀!我都覺得我今日好

死!我都唔知點解既!食滯左掛….

BREAK完之後又再上多堂.唉!阿SIR都唔係嫁!話人遲到自己仲遲!超!終於都上哂d

堂嘞!鬆一口氣嘞!新sem好似好難過一日咁!不過遲下就可能唔係咁講嫁嘞!因為今

晚仲有個workshop,去左食野.其實真係唔係咁想食野嫁!但係阿沈係魔鬼尼嫁!賤人!

睇左<我們這一家>,係一出幾搞笑既卡通,但係我個人都唔係咁鐘意卡通.睇開都可以

睇既~都幾引我發笑!唔知點解,有一股衝動想打比家姐,就打左比佢嘞!哈哈!真係好

呀!家姐話我地屋企有個madam ho呀!真係好呀!不枉我一直都咁支持佢!但係唔知點

解,我有一種講唔出既感覺.係好奇怪…..是但啦!咩都好!

食完野,就去左sao,比阿沈見到我個夢中情人個盧山真面目,o~真係令人面紅嫁姐!哈

哈!

食野個陣,咁岩同阿沈講起個晚同家姐食飯講既野.係個個時候.又發現又多一個人覺

得我冇眼淚嫁!哈哈!!點解個個都咁認為我嫁呢?其實我都幾鍾意自己一個喊嫁!可能

係我唔喊比你地睇姐~但係阿沈係覺得我係一滴眼淚都唔流咁個喎!佢話我係會唔開

心,但係唔會用眼淚去發洩我既情緒咁啦,講到我好極端咁個喎!

再問下其他人,個個都話好想望下我喊個個樣喎!因為真係想像唔到,唔覺得我係會喊

個D人喎~真係爆炸!其實我係好鍾意喊嫁!!!!只係唔鍾意喊比人睇姐~
by scoobfaye | 2007-02-06 01:31