人気ブログランキング | 話題のタグを見る

unlogical


by scoobfaye

9月4日,隻手手

WOW~WOW~WOW~成個星期冇開電腦嘞!我既讀者們...有冇掛住我先?!都唔係D咩事咁.....可能以前試過成個月冇用過電腦啦....冇咩感覺
一返到屋企,食飽飯,再洗碗.等我組織一下今日做過既野先~訓到10點,攤到11點幾先起身(其實我睇緊一本書,因為情節太驚,我先起身咋!我驚我唔敢去沖涼!!哈哈哈!)梳洗左一番,我就出門去了~去左家姐屋企,睇左半日電視,嘩~我就尼中電視毒嘞!我唔係花咁多車錢就係去睇電視嫁!講真...就算睇都去另一個家姐屋企睇啦!衣度咁小台.....仲唔洗比車錢添~我都用左好一兩個鐘尼清潔一下佢屋企嫁!琴日洗廁所,今日洗廚房....佢個廳?!等佢返左尼,追佢執下佢D鞋先啦!都有D貢獻啦!!!佢D冷氣電費都唔係白比嫁!睇左好幾出戲,正!去到9點先捨得走,其實都唔係好想走,咁又點丫?唔可以唔返屋企.走囉!
今日成日都好靜!電話響都唔響一聲,就連我教定左既鬧鐘都係我神志不清既時候鎴左,即係我都唔知佢響過!成日聽得最多都係英文!即係電視聲呀,佢播親既戲都係西片尼既!所以好似冇人同我講過野咁,自己都好COOL咁冇講過野!成日個人都好安靜!幾好...不過衣個情況唔好多!我會給迫癲嫁!
返到屋企嘞!其實都唔係咁想返去,毎晚去到樓下都越行越慢,不如唔好返去啦!一開門,電視聲!嘩!大佬.....你撞聾咩?開到個電視咁大聲,火警鐘響都唔知啦!衣個世界真係嘈呀!再開房門,一陣爽風吹過~O....秋天要來了嗎?我間房係秋冬之間往往都係顯得份外悲涼同埋孤寂既....也許因為佢一路向北啦...
走左入廚房,打開個窗口,涼爽爽既風呀!廚房個窗口就陪我度過過好多個悲傷既夜晚,永遠企係衣個窗口係最好FEEL既!YEAH!
聴日就係咩迎新日嘞!!!!好似讀緊中一咁...好驚呀!!都唔知會唔會見到D咩人,同埋去錯課室嫁?!不過我記得我中一係冇去到個個迎新日嫁!哈哈哈哈!!!唔知今年會係一個點樣既光景呢?我要快D揾返一份工嘞!有冇邊個小學雞要跌落我既魔掌裡面呀???AHE AHE AHE.......
by scoobfaye | 2006-09-05 01:07