人気ブログランキング | 話題のタグを見る

unlogical


by scoobfaye

電量不足,請叉電

今天天好很熱!本身約左D人去唱K,但係我真係好好好好攰,又唔想郁喎!唔係好想做一D咁情緒高昂既活動!等我進補一補先去啦!同埋之前約好左阿LAAM返學校還書喎,佢唔提我,我真係又唔記得嫁嘞!
琴晚真係好攰呀!但係呢,真係好開心呀!岩岩考完,開心到唔想訓嘞!去到點幾先訓,一心諗住會訓到阿LAAM打比我個陣先起身,點知訓夠8句鐘我就醒左嘞!想訓返都唔得...........一路睇住電視,一路等電話.我衣個電視精梗係點都捕住個電視啦!等到阿LAAM電話嘞!佢叫我唔洗着校服喎~其實我係想返去揾下MISS ORAL一下嫁,但佢咁講....咁我都着左一身我至愛既綠色3出去了~真係好開心呢!
一出到街,就見到條街好多人都綠色呀!綠3綠褲綠袋,又有綠車綠招牌綠色既學校添呀!我諗衣個都係其中一個我咁鐘意學校既原因嘞!我間學校係綠色嫁........哈哈哈哈哈哈哈哈!!!綠色怪綠上腦!
諗住再借D書,點知佢唔比我借喎~我頂你個腩丫?!算!我去public library借!哼!好稀罕你D書咩!
同阿LAAM,許德德食野,我話去錦明,死人頭許德德話唔去個度食........咁就去左明苑了~我好勁呀!本身有一股衝勁想叫牛雜面嫁!不過........明苑既牛雜面已經令我失望了~食野既時候,阿LAAM展示左佢條腿比我睇,嘩!勁瘀!一大躂啡哂!佢"話"係比許德德拎張十大致命武器之首--摺櫈,BAG落尼喎~仲要係無端端囉!哼!死蠢既何菲又要信囉!個一刻我真係完全對許德德改哂觀!本身真係唔錯嫁!真係個喎!我本身係覺得佢都唔錯既~如果冇咁D野既話....但係個一刻佢仲要擺個死人樣出尼呢,我真係覺得佢係一個暴力怪!
但係.......之後阿LAAM再講個真相比我聽--因為佢要484許德德,但係自己又要失足囉!我真係........(如果何菲自己一個行出街,一定會勁比人呃嫁!)食完野我地就...各..散..東...西..嘞.....阿LAAM,我一定會好掛住你嫁!你都要掛住我個喎!如果唔係我就唔會掛住你嫁嘞!
行左去慧安,點知間野又未開.....仲有粒幾鐘先開呀!我頂!我用左我最悠閒既步速係慧安轉左兩個圈,都仲係有半多粒鐘,知道慧安既實用面積有幾大既人都會驚叫我既步速係有幾慢!....我開始揾下D人講下電話嘞!最後JOY屎仲過左尼添呀!(其實係佢都咁岩係附近,又要得閒...)十分之掛住你啦!咁耐冇見......
睇左陣,都未決定用大粒珠好定用小粒珠好......我係想用小粒珠嫁!但係個度個女人同JOY屎又話用大粒珠好D.....但係都係決定左明天佢同我出STP睇.....因為個個都話係個度買會可以平D喎~....咁好啦!何菲比兩個人就說服左了~明天出STP!
同JOY屎四圍行,我有的是時間!個陣先發現,何菲開始電量不足嘞!唔知係我慢定係佢快,我真係跟得有D辛苦!JOY屎行得好快呀!咁趕幹甚麼?!個腦又開始慢落尼嘞!係何菲個豬腦慢呀,反應又開始慢,目光又開始浮沉緊......嘩!勁攰!都唔知做咩!明明都訓左有史以來最長時間既一晚嫁啦!點解會咁很攰嫁?!真係勁眼訓!諗住再係TKO四圍闖蕩一下嫁!但係精力同精神狀況真係唔許可!咁何菲都"鳥倦飛而知還"嘞.真係好攰呀!係MTR上面都忍唔住坐低左(何菲都要向惡勢力屈膝嘞...)要收縮同放鬆毎一條肋間肌都覺得辛苦!(何菲係咪患上左絶症嘞?真係"天妒英才"呀~)
返到家又出返去......唉!何菲犯賤啦!賤人!何菲去左揾佢一生中至愛既家姐呀!咁橫掂都住得咁近......行幾條街就到嫁啦!家姐煲D湯好好味!正爆!好過個個女人煲個D!勁多油!家姐諗住配佢屋企條鎖匙比比嫁...但係個陣已經太遲嘞!同家姐行左陣,佢就趕我返屋企了!
我而家先發現,原來家姐同我都有一個"試"好嫁.....就係鐘意自己一個行街!我又好鐘意自己一個係個商場行個喎!係得個行字咋喎!唔會望下個度D野嫁!我地果然係兩姊妹呀!!!!!家姐~細妹~(場面好感人呀~....<頂!逗打!>)

嘩!今日真係攰得死去了呀!行返屋企個陣,連提起條何菲牌豬腿都覺得要斷氣了呀!行返屋企個段路就好似浮游緊咁囉.........何菲係咪要中暑了呀?定係要病呀?(喜訊喎!)
by scoobfaye | 2006-05-18 22:50