人気ブログランキング | 話題のタグを見る

unlogical


by scoobfaye

好搞笑呀!!

今日好死熱呀!!坐定定都可以出汗!!你話係咪熱到嘔茄?!有小小想出去做一下好耐都冇做過既運動,但係我冇實行到,我真係懶左嘞!!今日好放肆咁HEA左一整日!係一整日呀!!真係好豪呀!!點解我要咁做!!不過我好鐘意衣D咁油閒既時間,但對於我尼講,唔可以比太多衣D時間我!!因為何菲好唔定性嫁!!(救命呀!!點解我會用衣個詞尼話自己嫁????)好快就要變,渴望穩定,但唔鐘意停滯不前............咁即係點?等何菲自己想點咪點囉!!(咁你講哂啦!....係嫁!我講哂嫁嘞!點丫?)所以,有見及此,何菲做左一個決定!佢決定聽日開始,日日都返學校温書呀!!始終屋企係太咩嘞!!有環境,但係好多車聲呀!!都算!但係呢........而家我都可以話係可以禁住自己開電視同埋電腦,但係都係集中唔到精神........温温下書又無端端做左其他野......真係唔係咁好,都係學校好D~
跟住今日無無下聊咁,做左一件以前好鐘意做既野!就係係YAHOO度打"何菲"嘩!好搞笑!係揾到好多野個喎!有D唔知咩又類似故事既野既類似主角之一既野咁咁啦!仲有唔知咩取錄名單啦!仲有D唔記得左係咩嘞!!!睇緊衣D名既時侯,我覺得好似睇緊人地既野咁.....即係好似衣個名唔係我自己,我覺得自己個名冇左......好好玩呀!!仲發覺原來好多人都用"何菲"衣個名!好搞笑呀!!真係好搞笑!咁我叫咩名?
記得岩岩識衣一班或者岩岩識既人咁啦!!個個都有咩野,都以為"何菲"係我既真名,但一到有人叫我既真真真名既侯,佢地都通常都有兩個反應,一係同個個人講返我叫做"何菲",一係就即刻問我真真真名係咩,然後就係問我點解叫"何菲",初初開學個陣,我係聽到好多人都叫我何菲,然後就同我講:點解你叫何菲既??
其實..........答案我真係唔係好想講,(就算係講都係同一d....自己想佢知既人講囉!)我一同人咁講,有"人"係話,你一定係成日比人飛,所以就叫何菲嘞!真係..........我斷氣嘞!!算啦!話知你點諗啦!有名你咪叫囉!但係我好唔鐘意人地叫我全名!!唔知點解,可能佢既由來真係十分不討好!!所以唔鐘意掛......而何菲衣個名係我3家姐比我既,真係好!我一聽就好鐘意,屋企人都叫慣左我何菲衣個名,可能就係咁,一聽到D人叫我全名就唔係好慣,唔係好鐘意!!記得柒廷成日都好大聲咁響我全朵!真係好唔鐘意呀!!D老師有時左我既全名,我都好唔鐘意!!不過都知道大家都唔係熟到知道我叫何菲,都算.....但心裡面都叫佢唔好叫我全名啦!好冇姐??衰鬼~!但我仲有想講呢,同我改衣個名既3家姐,佢到而家都係叫我全名個喎!!哈哈哈哈!!!!!!真係唔知佢想點囉!!我都會好自然咁應佢....但係我幾鐘衣個家姐.....有時......................
by scoobfaye | 2006-04-05 21:02