人気ブログランキング | 話題のタグを見る

unlogical


by scoobfaye

it is a really hot day!!

好熱呀!!熱到勁屎忽!走落街就好似自焚咁!!熱到痴綫!我就尼死嘞!!我咁怕熱,我真係會唔會熱死嫁??我仲未想死喎!救命呀!!
跟住我又係咁......好頹咁開左部腦,去到12點幾,家姐打比我,叫我上去幫佢改卷喎~咁我見我咁無聊,咁咪上下去咁lo~佢叫我幫佢買野上尼比佢食,咁我又想去睇下joy屎返工返成點,咁就話去美心度買lo,去到,見到佢嘞!!跟住佢好似好開心咁,話幫我買喎~e份工都幾岩佢~佢都幾岩d應酬啦,要講野既工...跟住去到拎野食個度,佢拎住我張單,同佢同事講:唔該全部都要靚個喎!!跟住佢同事就話:好呀!靚女!燒鴨燒肉,要靚既!叉燒鹽雞,要靚既!凍檸水,要靚既!凍檸茶,要靚既!!全部都要靚既!真係頂佢個肺!之後佢問joy屎,我係咪佢d朋友,佢話:係呀!!好遠尼嫁!佢同事就話:係呀?!咁遠都尼呢度食野呀??joy屎就話:係呀!!好遠嫁!!係對面海尼嫁!!佢同事就更係唔信啦!!佢話:係呀?靚女咁遠都尼?唉!咁要咩都比靚d嘞!就尼係北京尼嫁嘞!!救命呀!!佢地係咪傻嫁??痴綫!!都唔知佢地講咩!十分之咁無奈!!...........=.=
而家見到佢返緊個份工幾好~佢d同事都對佢好好!!又好搞笑!!又岩佢返!!努力啦!!

跟住上到去,家姐個工作地方好大咁,但佢個位都唔係好大,可能係係學校啦,好多枱,係長枱,大到好似個課室咁....見佢地係個度好似好free咁,咁又係個喎,佢係學校既最高個橦,最高個層,都唔會有咩人煙會去個度咁,真係死左都冇人知!!我諗只有係個度做野,同埋d老師先會去個度....好自成一角!!跟住我就係個度幫佢改卷,改到4點半就走lu~
我地行返屋企個陣,佢同事話佢係學校好受歡迎喎~我知道佢仲想講落去嫁!!不過比我家姐制止左,.........其實我都知嫁啦!!不過我冇講姐~我唔係知得好清楚,但我都feel到嫁啦!!是但啦.....我都唔係好想知!!
聽日有得去見工呀!!其實我都唔係好知係咩工,因為我send過好多e貓出去,佢打比我個陣又講得好快,我又岩岩訓醒,聽得唔係好清楚,是但啦~見下姐....佢又未必會請我嫁啦~見下都唔會死家嗎!!~跟住約左珍珍珍去街街!!呵呵呵!!我地係咪勁先!!咁熱都出去!!冇咩所謂啦!!我地都係去d有免費冷氣既地方既~不過吳欣欣又唔去......真係......我會一路行街,一路掛住你嫁!!不過我聽晚又冇得同陳裕紅跑步喎!!真係對唔住嘞!!不過咁熱.......我地會跑得好辛苦個喎!!星期四先啦!!哈哈!!

今晚細佬返左尼食飯,佢係房出尼個一刻,我眼尾望到老豆望住細佬個樣.......真係心又灰,意都冷哂!!我都未試過比佢用咁既眼神望過!!睇得出,老豆係好似好開心嫁!!不過一向要擺架子既佢.....又點會表現出尼呢....唉!!我都未試過唔返屋企訓!即使有,都係係佢返左大陸,我去家姐度訓,又或者問過佢既同意去camp,但一同佢講我同D家姐出去,佢就鬧到我飛起!!佢唔返屋訓,就只係問左佢兩句........真係同人唔同命,同姐唔同柄!!今日細佬返尼,我見到佢,感覺好似好耐冇見咁......我都唔記得我由幾時開始見佢唔到......唔知佢見到我個陣,有冇同我一樣既感覺呢???????如果有既......我都有D安慰~........
by scoobfaye | 2005-07-19 20:32