unlogical


by scoobfaye

機會

D人成日話:好講際遇既....

機會唔係成日都有,一有就要好好把握,講到好似好正面咁,
挑! 機會把握左,都好講運仔架!

唔係話把握左就有好日子過。
以為日後既日子可好好咁,原來自信,人地會諗作成為缺點!
大家都係成年人,點解到左今時今日,D思想咁守舊...一D都唔明白事理!
係既,你得天獨厚,我得個D小聰明,都係做返柒頭皮好過啦!

大家都係人姐...

千祈唔好比我有景呀!你一定會死得好慘



真係好無助囉!以為就算比人針對,只要當日撐你個個會幫你,但原來都要配合佢有冇領導才能

千祈唔好比我有景......................
[PR]
# by SCOOBFAYE | 2012-08-09 20:13

不願置評

公司地震呀!
其實都唔係咁誇張啫....
一直都估到結局一定會係咁嫁啦!
一直都覺得自己係可以受得到嫁!
一真都覺得自己已經化到個個地步!

直到今日!先知道原來我都只不過係一個女人仔黎嫁咋!
而家真係驚到時自己會頂唔到呀!

我唔係介意阿JO揀邊個!佢會揀邊個一早都知啦!
我係介意有D 人真係惡起上黎,以為自己係大佬咋!

同我同期既孿生大佬阿富都走埋....咁我都唔知仲有邊個可以傾嘞......
[PR]
# by scoobfaye | 2011-05-19 18:37

無能為力

比人拉都拉左兩次...再黑都已經黑過,
我而家都只可以同係講:仲有冇得再黑D呀?(touch wood)
而家先知道,驚既唔係驚未判既等待,
係驚判左之後既出路
咁行又唔得咁行都唔得,
咁即係點?
可以點丫....咪又係企係度等囉!
等都完全頂唔到先算到,真係好難度個喎....

再加上,人都咁大啦!而家先黎諗前途,仲可以諗D咩?
[PR]
# by scoobfaye | 2011-05-16 23:16

20110516

公司係咪叫地震呢?都唔係既...manpower係最唔值錢嫁!

近排公司D人個個都好似唔係好想再留係度咁...
其實我係咪都都要諗下自己既去向呢?
係我個人不思進取丫?定係我已經老左呢?
唔敢冒險,害怕改變...
阿JO同人講我化左好多,好適合做衣行...係我化定係我懶呀?
轉工?定係進修?








我好驚個一日會再來臨
[PR]
# by scoobfaye | 2011-05-16 23:05

20110501

唔知係咪出黎做做得耐左,對個人既改變真係好大!(衣D咪叫社會大學囉!)
可能真係所謂即滑啞又或者係同化啦...真係無左以前讀書個D無厘頭..天真..
人去人留,一個新同事到,一個同事走...好似已經唔係一回咩新鮮事
究竟係我個人太感用事丫....定係我身邊D人太濫用我對佢地既庝鍚呢?
[PR]
# by scoobfaye | 2011-05-01 19:31

20100211

又越過高山又越過谷,原來我出左黎做野都年半有多嘞!
真係...歲月催人老
有D野..係咪真係唔講出口會好D呢?
女人之間既鬥爭真係好麻煩!定係我個人太蠢呢?想起當日....
仲以為我地都仲係朋友,然後當我比一個攻心計挑起我既思路,而我再加以證實,
原來我係不知不覺間得罪左你都唔知
如果我當日冇去證實,我繼續同你違威喂,你估我地今日係咪都係咁呢?
其實我覺得好可惜嫁!不過被背叛既感覺大D,因為我真係想同你成為好好既同事
咁師父又講得啱既~
我係黎返工,唔洗同你做朋友...打工既野,都係鬥長命嫁啫!你而家咁蕭灑咁唔做,表面上你好似好勁咁,事實上其實你輸左,如果你同我咁繼續落去,我一定頂唔到先走你一步!咁你咪大獲全勝囉!
我唔係笑緊你~不過我覺得公司少左一個一打十既神兵啫...
無疑你既存在,真係令我添左好多壓力,但係都只係仲有短短既6日倒數...thank god!can you make it faster?

諗起今日同衣個星期,Jo係咁同我傾計,究竟係我表現差左好多好多,定係佢真係好擔心我呢?
好一句:如果佢諗你諗緊乜,佢都做左你啦!

安慰緊我,定係暗諷緊我蠢?
[PR]
# by scoobfaye | 2010-02-11 23:05

20091104

我唔需要你既感情,我只需要你既慾體

我明白嘞!女人係感情既動物,情行先,正確!男人係原始人,肉慾行先,正確!
或者我應該揾一個真正對我好既人啦!但係,一個係咁,兩個係咁,仲洗講第三個咩?
有冇齋搞唔拍拖?我原先以為我可以係D咁既人,但係,原來時間長左,感情就會出左黎,個種欲言又止既感覺真係好難受!

試過去接受,感覺淡化之後,一陣子又再返返尼!我明白點解阿珮會選擇死嘞!

彷彿...我變成第二個阿珮咁嘞!

點解經過一次經驗之後,你都唔明白重點邊既?你根本就冇改變過!你只係做緊一直既你自己,唔係你唔正常,只係未有人接受到,我都以為我可以係個個,也許WINNIE才是那個唯一吧...
[PR]
# by scoobfaye | 2009-11-06 21:45

20091024

好耐冇寫嘞!雖然冇寫,但我都仲未忘記個PASSWORD同埋LOGIN,唔知點解呢??

衣個BLOG都用左好耐嘞...都有4年,雖唔多寫,但真係有千言萬語

衣4年~轉變很多!

衣兩個月...我就尼死嘞!也許,我都真係要快D揾返個男朋友嘞!如果唔係,我驚我就連尼緊兩個月都捱唔住嘞...有D野,我確實從冇同任何一個人講過,本身以為,兩年都可以平安渡過,莫說再多幾多年...但原來,我發現我既忍耐,都只係得個兩年,再多既...我快要捱不住了!這一刻,我只想找一個合適既胳博,好好大哭一場,甚麼也好,只想發洩一下!
[PR]
# by scoobfaye | 2009-10-24 14:02

mr. lonely

近日經常性心情都好煩燥,低落

公司對你好既人小之又小,都係因為好既都走晒!我終於都明白之前點解我會好似咁鐘意返工
因為返工都係為左個一小撮人,而家佢地都走晒...

見到佢地有好出路都唔係話唔高興既...但係我自私d就覺得好寂寞嘞!

係衣個無助既情況低下,再俾我遇上一班咁仆街既人,我又點可以唔燥底呢?雖知道衣個係正常社會現象,正所謂<物競天擇,適者生存>,個遊戲你玩唔起,一係你就走,一係你就辛苦自己

一方面見到現實既殘酷,二方面為現實既演化覺得可惜...我相信個個一出世都唔會俾阿媽咁教嘛?!點解以前我小學中學階段都唔會見到衣d野,咁就即係個個都係咁嫁啦!點解一大左就會變成咁既?

人地之前八年都係咁過,第九年又點會有你呢?再加上你對佢都係一個麻煩既泉源黎咋!

仿彿....我變得沒有了用途的
[PR]
# by scoobfaye | 2009-05-04 21:48
今日返左康文署,見到阿榮,真係估都估唔到仲可以見到佢,如果佢真係做左我同事,咁就真係唔知會變成點呢?我諗衣個都唔會係一件好事

我諗我平時返工做樣實在太惡嘞!搞到一個朋友都冇....但係師父都講得啱,我尼係返工,我地只係同事,點都唔會成為朋友

我最近多左個新朋友呀!佢叫<恐龍>,佢好乖嫁!晚晚都陪我訓覺,日日一訓醒就會見到佢

我唔開心佢都會默默咁望住我喊,直到我陪佢玩,所以我次次見到佢都會好開心!
[PR]
# by scoobfaye | 2009-03-06 23:12